نبي نصائح بخصوص الاختبارات بليييز ..[الله يجزاكم خير]

[سارونه الامورة]

السسلام عليكم

بنات اختبارات الفصصل الاول قربت وأبي كل وحدة تدخل وتقراء الموضوع تعطينا نصيحة نستفيد

منها للدراسسه قبل الاختبارات وفي الاختبارات وشلون يصير لنا نفس ان أحنا نذآآآكر

ومشكورين

 

[روز بآريس]

درسي ونآمي وتوكلي على الله >>لا والله حللللففففييي َ

والله يَ خيتي مدري وش احكي>قلبت

برب

 

[kanoosha]

درسي عدل واكل عدل ونظمي وقتج بين الدراسه والنوم واخذيلج فتره راحه اشوي واهي فتره وتعدي وانشالله يارب يوفق الكل وينجح الكل يارب ..ادعيلي معاج ايب نسبه انا عايده رابعه ثانوي هالسنه تحسين نسبه

 

[myaar]

شوفي


تحدي نفسج



تدرين انا شكنت أسوي

كنت أعلق لوحه جدامي أكتب عليها 4 >> المعدل التراكمي
وأكتب دعاء ( اللهم اني أعوذ بك من العجز والكسل )
وسمايل فيس وأشجع نفسي ع التفوق


وقت الدرس أقري بصوت عالي نفس شرح الدكتور أو الأبله

اشرحي لنفسج لااااااااااااااااا تسرحين

اشرحي لنفسج كأبله وطالبه 2 في 1 لول

يعني وانتي تشرحين تحسين نفسج ماسكه المعلومه أو لا مو تعيشين تمثيليه

الدراسه :
1) بصوت عالي
2) بكتابة النقاط الحفظ ( يعني التسميع - التعاريف - النقاط )
عقب ماتحفظينه بطلي صفحه فاضيه , كتبي السؤال وجاوبي. ( كل سؤال بوقته )

أول ماتمسكين الكمية قسمي الصفحات ع أجزاء
وخصصي لكل جزء ساعه
عشاان تتداركين الوقت

لا تكثرين بريكات بغير الوقت الي محددته له بعد كل ساعه 5 دقايق
وبعد 3 ساعات بريك أطول شوي مثلا

اللي يناسبج

أهم شي تحدي نفسسج , تحدي قدراتج
ولا تحطين حسابات ومقارنات وانا طموحي أجيب هالنسبة وبس مثلا ( فوق ال80)

لا فكري بـالتوب قولي ما اطلع من هالامتحان الا بـ فل مارك


الله يوفقج وان شاء الله تكون معلوماتي مفيدة لكم


ايي صج أنا ماحب المواد الأدبية

بس لما يكون علي مقرر أدبي

كنت أفتر بالدار رايحه راده أحفظ بصوت عالي
أردد كل جواب أكثر من مره ولما يثبت براسي أروح أسجله بدفتر مخصصته للكتابه


لما تفقدين تركيزج كتبي علامة الانفنتي ( الثمانية الانجليزية بشكل أفقي )


وصدقيني ماكو أحلى من شعور الطلعه من امتحان عقب تعب الدراسة

بالتوفيق​

 

[جلكسيه اس 3]

ما شاء الله الي فوقي ما قصرت قالت كل شي مفيد ،،،
انا طالبة مسائي طريقة دراستي حاليا اني اقرا الشي عشر مرات و اليوم الي بعده ازيد بس اذا ما نفعت الطريقه احتمال ازيد العدد الى عشرين او ثلاثين ،،