نتائج كريم ماجيك.......دخلوا اشوف قدامي

[احلى عيون]

مشاركة: طلب يابنات ودي اشوف صورة كريم ماجيك

ما ادري اذا اهو نفس الكريم اللي تكلمون عنه والا لا ؟؟

 

[احلى عيون]

مشاركة: طلب يابنات ودي اشوف صورة كريم ماجيك

اللي شرت الكريم وجربته تقولنا عن النتايج
وبعد حابه اعرف من وين تشترونه ؟؟ وبجم ؟؟

 

[jojo2005]

مشاركة: طلب يابنات ودي اشوف صورة كريم ماجيك

اول مشاركه لي حبيباتي الكريم دعايه والله العظيم انا شريته من شهر واستعملته مع الصابونه بس لا توجد اي نتيجه مع اني كثرت منه قلت يمكن يفيد بس والله خرطي وانا سامعه عنه من قبل من منتيات بالسعوديه وتعبت علي ما حصلته من سوق السلام جنب الصالحيه في محل بالميزانين للفلبن وبخمس دنانير حرام كان دعايه واي كلام فلا تعبون نفسكم والله من الحره شاركت ههههه .

 

[chica_q8iya]

مشاركة: طلب يابنات ودي اشوف صورة كريم ماجيك

ودي أسأل واعرف شسالفة هالكريم اللي شويييييييييية منه ينباع بهالأسعار الخيالية مع انه مو ماركة؟ شسالفته؟ شدعوة فيه سحر؟

 

[belle]

مشاركة: طلب يابنات ودي اشوف صورة كريم ماجيك

chica_q8iya

صاجه والله . وايد صغير ما يكفي مرا وحدا و يا الله يكفي
انا يوم الي يشتغل بطل حلجي و قالي ستااا مع الصابونه السحريه علي قولته
بغيت اعطي علي عينه انا علبالي بدينار و الصابونه بربع و وايد علي

انا قررت و انا صاحبه قرار اني ما اقرب كريمات الفلبن ما منها فايدا و اضر بعد

 

[أميرة الورد]

مشاركة: طلب يابنات ودي اشوف صورة كريم ماجيك

يبا كله نصب قالوا الكويتيات يشترون خل نقص عليهم ديروا بالكم

 

[SiM_SiMa]

مشاركة: طلب يابنات ودي اشوف صورة كريم ماجيك

للامانة انا اشتريت الكريم من واحد في سوق الفلبينيين الدور الاول على الشمال المحل صغير وضيق بالطول وفي واحد مغربي اسمه احمد تقريبا والله ان الكريم ممتاااز وهوة الوحيد اللي عنده الاصلي وكمان مشتري كل التقليد اللي في السوق وحاطهم قدامه عشان الزباين تشوف اشتريته مع صابونته بـــ 2.750 وعادة بيبيعه بـــ 3 دنانير بس انا عشان زبونته والله ان الكريم والصابون من اول يومين عملت معايا نتيجة والسواد اللي حولين الشفايف راح بس لازن المداومة يعني انا بالليل اغسل بالصابونة وبعدين لازم تخليها 3 دقايق على البشرة وبعدين تغسلي وشك وبعدين حطي الكريم بس مش كتير يعني وزعيه بالتساوي وكمية قليلة وبالنسبة لحجمه هوة فعلا صغير لكن يكفي اكثر من شهرين لو استخدام يومي وعن تجربة

 

[NaBiLa]

مشاركة: طلب يابنات ودي اشوف صورة كريم ماجيك

العسل وصل مشكورة

 

[موضه 2006]

مشاركة: طلب يابنات ودي اشوف صورة كريم ماجيك

ابي اعرف شكله بالضبط

 

[ظلال القرآن]

مشاركة: طلب يابنات ودي اشوف صورة كريم ماجيك

بنات نصيحه لا تستعملونه يومي الا اول اسبوع تغسلون عدل بالصابونه وتستخدمونه

وبعدين حطي مره وحده بالاسبوع لان كثره استخدامه تفقده فايدته

انا اول ما استخدمته كان عجيب بس الحين لاني استخدمته على طول ويوميا ماله ذيك النتائج

 

[كويتية _ بكل فخر]

مشاركة: طلب يابنات ودي اشوف صورة كريم ماجيك

تكفين يا ظلال القران تكفين

انا شريته امس الكريم 2,500 دينار

والصابونه مكتوب عليها ماجيك نفس شكل الكريم مع اختلاف بسيط بس الاسم واحد نفس الخط بالضبط

بس الصابونه غاليييييييييه

توقعي بجم توقعي

5 دنانير واخذتها بــ 4 انا انصدمت من سعرها البنات يقولون بربع اهئ اهئ

 

[وهـ الكويت ـج]

كريم ماجيك

السلام عليكم

صبحكم الله بالخير خواتي

هذي اول مشاركه لي معاكم واتمنى الاستفاده من خبراتكم

انا ودي اسأل عن كريم ماجيك ( اللي حجمه صغير)

بصراحه شريته من وحده عن طريق منتدى ثاني وكان بـ 8 دنانير

وبعد فتره وحده نزلت موضوع تقول انها شرته بـ 2،500 بس

احد يقدر يدلني من وين ممكن اخذه رخيص لان الكميه ما تكفي بصراحه

طبعا مع الصابونه وبصراحه النتيجه كانت حلوه

اتمنى تردون علي

سلام

 

[جكورة]

مشاركة: كريم ماجيك

صبحج الله بالنور ياهلا ومرحبا فيج وحياج الله ....

شوفي هالرابـــط....

http://www.q8yat.net/showthread.php?t=22864&highlight=%C8%ED%C8%ED

 

[وهـ الكويت ـج]

مشاركة: كريم ماجيك

تسلمين جكوره على الرد

 

[جكورة]

مشاركة: كريم ماجيك

العفو ولو......

 

[الذربة]

مشاركة: نتائج كريم ماجيك.......دخلوا اشوف قدامي

ها بنات من بعد استخدمته؟؟؟؟؟؟؟؟؟؟؟؟؟؟؟؟؟؟؟؟

 

[ريدا]

مشاركة: نتائج كريم ماجيك.......دخلوا اشوف قدامي

يابنات دلونا عليه بالفحيحيل او اي مكان غير الصالحيه وحطولنا صورته شفيكم؟؟؟؟ يلا تحركوا بصير بيضا غصب

 

[* مـذهـلـه *]

مشاركة: نتائج كريم ماجيك.......دخلوا اشوف قدامي


الصراحه هالكريم رووووووووووووووووعه انا شايفه النتايج بعيني ..

خدامتنا كانت بشرتها تلوع الجبد و سمره و فيها حبوب و بقع سوده استخدمت هالكريم و الله يا بنات انه انا احولت عيني من كثر ما اطالع بشرتها انصدمت اهوه بياض اهوه صفاة و لا حبه تقولون جذابه صج صج عجيب هالكريم ما شالله .. و انا استخدمته بس استخدمت اللي مو اصلي يلوع الجبد و لا سوالي اي شي دير بالكم اخذووو الاصلي

يتكون هالكريم من :

خلاصة نبات الكامولاين وهي عشبه وبروتين الحليب والجلسرين و توكوبيرول و مزود بفيتامينات الف وسي واي وبي 3 وحامض الستريك وكولاجين وعطر ممكن الخروج به في الشمس لا يحتوي على كورتيزون او هيدريكونن لا يحتوي على مواد ضاره النتيجة مضمونة يستخدم مرتين يومياً

و هذي صورته ( الأصلي )

 

[لوميه]

مشاركة: نتائج كريم ماجيك.......دخلوا اشوف قدامي

ماشاء الله لا اله الا الله
الله اكبر ..

يهبل بصراحه طاح على بشرتي وانا اساسا بيضه بس انه خله البشرة ناعمه وصافيه مثل المرمر ....

الاصلي معروف محد يبيعه غير واحد اسمه احمد المغربي بالمتحده ... ومحتوياته مكتوبه عليه لا كرتزون ولا شي خطر فيه ...... واول شهر تحطينه يوميا مرتين او مره قبل النوم ..... مع استخدام الصابون الازرق اللي علبة خضرة وينباع الصابون بكل حواج بس الكريم لأ......... المهم بتلاحظين اول شي تقشير بسيط بس مو وايد .....
انا اكثر شي حول الفم ..... هذي تجربي .....

ويوم شريته منه خذيت اثنين والفلبينية الي تبيعه سالي تقول انها تستخدمه .. ودشو بالمحل 4 فلبينيات شرو منه ... والمحل داعوس وبعدها دخل هندي يبي منه 10 حق المدام ...............


بس ترا انا اخلي ذمتي من اي وحده تستخدمه وما يلوق على بشرتها لان البشرة تختلف من وحده لي الثانية

 

[اعذريني يالهدايا]

مشاركة: نتائج كريم ماجيك.......دخلوا اشوف قدامي

اول مره اسمع عنه