نتقبل جميع الآراء !!!! متجدد .

[مـ ع ـزوفة حز*ن]

السلام عليكم و رحمة الله و بركاته






بصراحة أبي أطرح بعض المواضيع الهامة على أمل أن تلقى نقاشا جادا و نتقبل جميع الأراء

و أبي أولا أشوف آراكم و سأعطي رؤيتي للأمر فيما يفيد الموضوع بعد ذلك ..

المواضيع المطروحة 3 ..إختاري اللي يناسبج منها وعطينا رايج فيه و اشرحي وجهة نظرج بصراحه ..



و اذا صار فيه تفاعل بالموضوع >> راح أخليه متجدد يعني كل 3 أيام أطرح ثلاث مواضيع للنقاش

و بتكون بشتى المجالات >> عشان نعرف آراء بعض و نتناقش فيها و نتعرف على شخصيات

بعض أكثر ..










*السؤال 1 :ما هي في نظرك الأسس السليمة لزواج ناجح ؟؟؟

*السؤال 2 :كيف ينظر الشاب للفتاة اليوم و كيف تنظر هي إليه ؟؟؟

*السؤال 3 :متى تضطر المرأة للقيام بدور الرجل في الأسرة ؟؟؟








مـ ع ـزوفة حز*ن

 

[Tom ♥ Jerry]

.


بجآوب على السؤال الأول /

أول شي يكون كل من الزوج و الزوجه خلوقين و ناس يخآفون ربهم قبل كل شي (= !
و ثاني شي يكونون متفآهمين و متفقين مو بكل شي طبعا > لانه هالشي مستحيل تشوفين 2 متطآبقين بكل شي
بس على الاقل بأكثر الأمور عشان مآ تصير مشآكل ..
تقوم الزوجه بوآجبها نحو الزوج " من حقه الشرعي / و ترتيب بيته / و تربيه عياله آحسن تربيه "
و يقوم الزوج بكل وآجبآته آتجآه زوجته و عياله و بيته " الصرف عليهم و على بيته
يوفر لهم السكن و الأمآن و الآطمئنان !
و ثآلث شي مآ يطلعون سوآلفهم خآرج آطآر البيت > و هاذي مشكله هالآيآم (= !
و آنه تكون البنت و الولد قآدرين على تحمل مسؤوليه الزوآج :*




.

 

[فاقده ابوهاااا]

رد : نتقبل جميع الآراء !!!! متجدد .

ابله ابله ممكن اجاوب على السؤال الاخير حسستيني انج ابله ما ادري ليش
المهم اجابتي على السؤال الاخير ان المرأه تاخذ دور الرجل بالبيت لما الريال يكون مو ريال يعني انا استغرب من الرياييل الي يخلي زوجته تروح تبدل دهن او تروح الكراجات واهو الاخ حاط راسه ونايم او رايح الديوانيه واستغرب من الريال الي يخلي زوجته تروح مغسله السيارات وتوقف يم الشباب ناطره سيارتها تخلص واستغرب من الريال الي يترك زوجته تتسوق بروحها بعذر ان ما يحب التسوق واستغرب من الريال الي يخلي زوجته تخلص معاملات نقل اليهال وتدش وزارات وهيئات والاخ يا نايم او طالع مع ربعه .. علشان جذي الزوجه تضطر تاخذ دور الرجل وتسوي كل هالشغلات .. بس ارد واقول الغلط من الزوجه المفروض تعطيه جم كلمه تقعد رجولته

 

[مـ ع ـزوفة حز*ن]

فديييييييييييييتج لا مو أبله للحين بيبي بالكليه




مشكوووره علىى إجابتج


وبإنتظاااااااااااار البااجي

 

[amani]

عجبتيني وايد كنديه بردج القوي صح لسانج
بس في ريال ما تصحيه الكلمه القويه يبيله جم طراق علشان ايتعدل ويصير آدمي

 

[مـ ع ـزوفة حز*ن]

أمووونه وين اجاابااتج *_*

 

[amani]

عجبتيني وايد كندريه بردج القوي صح لسانج :hjy5jewf::sfg:
بس في ريال ما تصحيه الكلمه القويه يبيله جم طراق علشان ايتعدل ويصير آدمي:23_asmilies-com::23_asmilies-com:

وأكيد الحياة تعاون بين الزوج والزوجه بس ما يعجبني الريال إلي قاط الحمل بس على زوجته وفلوسه لوناسته هذا يبيبله طق :j013: علشان يتذكر إنه ريال البيت

 

[فاقده ابوهاااا]

رد : رد: نتقبل جميع الآراء !!!! متجدد .

عجبتيني وايد كندريه بردج القوي صح لسانج :hjy5jewf::sfg:
بس في ريال ما تصحيه الكلمه القويه يبيله جم طراق علشان ايتعدل ويصير آدمي:23_asmilies-com::23_asmilies-com:

وأكيد الحياة تعاون بين الزوج والزوجه بس ما يعجبني الريال إلي قاط الحمل بس على زوجته وفلوسه لوناسته هذا يبيبله طق :j013: علشان يتذكر إنه ريال البيت

عاد تصدقين ودي اجابل ريال بهالمواصفات بس يكون امربط:s141: وانا وياج طق فيه لي ما يصير ريال:23_asmilies-com:

 

[amani]

كندريه إنتي طقيه طراقات وأنا أمجع شعره جان عنده شعر وإذا ما عنده أطيح فيه تقرص لين يورم

 

[فاقده ابوهاااا]

رد : رد: نتقبل جميع الآراء !!!! متجدد .

كندريه إنتي طقيه طراقات وأنا أمجع شعره جان عنده شعر وإذا ما عنده أطيح فيه تقرص لين يورم

ههههههههههههى:dddds: يما منج تاخذين المهمه السهله وتخليلي شي الصعب :cxxxp: اذا ما عنده شعر قزريها بحواجبه نتفيهم _03BA:

 

[أشبـاهـ المطـر]

*السؤال 1 :ما هي في نظرك الأسس السليمة لزواج ناجح ؟؟؟
القبـول والتكافوء أهـم أساسين لزواج النـاجح ...

*السؤال 2 :كيف ينظر الشاب للفتاة اليوم و كيف تنظر هي إليه ؟؟؟
عضو خشـن بالمجتمع


*السؤال 3 :متى تضطر المرأة للقيام بدور الرجل في الأسرة ؟؟؟
حينما تصبح القوامه للمـرأة لا لرجـل

 

[amani]

ئي والله خوش فكره دام إنه مربط ليش نخاف منه

 

[iron women]

اول شي احب اشكرج وايد على موضوعج اللي اكثر من ممتاز

الاسئلة احلى من بعض فماخليتيلي خيار بجاوب عليهم كلهم بس كل واحد بروح

*السؤال 1 :ما هي في نظرك الأسس السليمة لزواج ناجح ؟؟؟

بنظري ان الاخلاق الحسنه والسمعه الطيبة
من اساسيات متطلبات الزواج الناجح كبدايةاما بالنسبة للدين من البديهي ان كلا الطرفين بيكون مسلم
لاكن بنظري ان التدين او التزام او التشدد مو شرط انه ايكون من اساسيات الزواج الناجح لان وايد في ملتزمين ومتشديين ورو حريمهم الظيم اقل مافيها ايحط على راسها شريجه وثنتين وثلاثة على اساس ان الشرع حلله عشان جذي بنظري الدين مسالة شخصية بين العبد وربه فماراح اقحمه برايي.
لاكني اشوف ان من اهم اسباب نجاح اى زواج
هو ان الزوجين يتقبلون بعض بكل عيوبهم وميزاتهم فبدال مايقضون عمرهم ان كل واحد يبي ايغير طبع الثاني يفترض ان ايتعلمون شلون كل واحد ايتقبل طبع الثاني ويتصرف معاه على هالاساس واااايد بتكون الحياة اسهل
لاكن مع الاسف بعالمنا العربي المرأة اهى اللي لازم تكون المتقبله للرجل وبنفس الوقت اهيا اللي يطلب منها الزوج انها تتغير
وهاذا خطا فادح بنظري
لاكن مافي مانع من المحاولة اذا كان راح يأدي
الى راحت بالها واستمرار الحياة الزوجية
عشان جذيه برايي ان بدال مانتذمر من اطباع
ازواجنا ونحاول نغيرها ونفشل وتصير مشاكل
نتقبلهم بعيوبهم وميزاتهم وبنفس الوقت انعرف شلون انتصرف مع تلك الطباع اللي موعاجبتنا بذكاء وحكمة وبجذي انكون بسطنا وايد امور بحياتنا اليومية وبنفس الوقت سااهمنا بنجاح واستمرار الزواج

سامحيني عالاطالة لاكن موضوعج شيق ويفتح النفس عالنقاش
تحياتي لج :eh_s(17):

 

[مـ ع ـزوفة حز*ن]

مشكوووووووووووووووووورين عالمرور


يلا بإنتظاااااااااااار بااجي البنووتااات


:eh_s(9):

 

[ســتارز]

حاضرين للي يستاهلون

*السؤال 1 :ما هي في نظرك الأسس السليمة لزواج ناجح ؟؟؟

من وجهة نظري اهم شي باساسيات الزواج الناجح مباركة الاهل من كل الطرفين

ثانيا قانون النسبة والتناسب انهم يكونون بمستوى بعض نسبيا

ثالثا يقدرون الحياة الزوجية

*السؤال 2 :كيف ينظر الشاب للفتاة اليوم و كيف تنظر هي إليه ؟؟؟

اذا هي محترمة بتفرض احترامها عالكل ونفس الشي للاخر

*السؤال 3 :متى تضطر المرأة للقيام بدور الرجل في الأسرة ؟؟؟

اذا هي عودته من البداية وهذا اكبر غلط

 

[~وريثة الملوكـ~]

*السؤال 1 :ما هي في نظرك الأسس السليمة لزواج ناجح ؟؟؟

يكون بين الاثنين تفاهم
وكل واحد فيهم مستعد انه يضحي للثاني

​

 

[black rose BH]

موضوع وايد حلوو الصراحه

بس لي عودة لبعد شوي راح ايي وارد واقول رآيي

تسسسلم ايدينج ياقلبي ع الموضوع الحلو مثلج

عسسسآج ع القوة

 

[Dr.Nouf]

يعطيج العافية عالموضوع الحلو

*السؤال 1 :ما هي في نظرك الأسس السليمة لزواج ناجح ؟؟؟





من وجهه نظري اشوف انه ( الحب ) عامل مهم صحيح ،



بس ( الأحترام ) عامل اهم منه




يعني شالفايدة الواحد يحب مرته ، وبالتالي يخونها ؟!! ........ او يصرخ عليها ؟! ........... او يطقها ؟!! نفس الشي للمرة طبعا



اما بالاحترام - التفاهم المتبادل - التقدير - تقديس الحياة الزوجية - اكيد من اهم اسس الزواج الناجح





للعلم انا مو متزوجة !!







,

 

[عسوله زوغه]

*السؤال 1 :ما هي في نظرك الأسس السليمة لزواج ناجح ؟؟؟
الصراحه عشان يكون الزواج ناجح لزم يكونون الطرفين يحبون بعض وان يكون مافي خيانه زوجيه عشان يستقر هالزواج وما ينهدم ويكون بينهم محبه واخلاص واممم وما ادري ...:eh_s(22):

*السؤال 2 :كيف ينظر الشاب للفتاة اليوم و كيف تنظر هي إليه ؟؟؟
والله شباب هالايام شاايفين نفسهم ما ادري علي شنو واللي يحبون بس يبون يلعبون ما ادري ليش الخيانه تسير بدمهم علي بالهم شئ حلووو اذا حبيت بنت ولعبت عليها وبعدين حرام البنت اذا حبت اتحب من كل قلب اما الشباب والله حرام عليهم اول الايام يمثلون الحب عليهم وبعدين يملون ويغيرون علي بالهم البنت لعبه ((( انا عندي كلمه عن الشباب اللي يكلمون البنات ويلعبون راح يجي يوم وراح يشوف اخته اتكلم )) هذي وجهت نظري :eh_s(22):

*السؤال 3 :متى تضطر المرأة للقيام بدور الرجل في الأسرة ؟؟؟
عند غياب زوجهاااا :sfg: وبس


:eh_s(22)::eh_s(17):

يسلموووووووووووووووو حياتي علي الموضوع الحلوووو

 

[غمـــ ^^ ـــازه]

*السؤال 1 :ما هي في نظرك الأسس السليمة لزواج ناجح ؟؟؟


التفااااهم ثم التفاااااهم ثم التفاااااهم

واذا الزوج عصب وشد لازم الزوجه تهدى وماترادده وترخي الموضوع والعكس صحيح

ومن رايي العشره اهيا تخلق التفاهم ثم الحب ودام صار في تفاهم وحب راح ينتج عنهم الاحترام



*السؤال 3 :متى تضطر المرأة للقيام بدور الرجل في الأسرة ؟؟؟

صراحه في حريم يقثون ماتبي اتعب لسانها وتقول لزوجها بدل الليتات او صلح سيارتي او ييبلي من الجمعيه الغرض الفلاني

فتقوم اهي وتسوي كل ادواره وتخليه فاضي بس يكشخ ويطلع دواوين و قهاوي فانا اشوف اتحن عليه انه يسوي شغله ولا انها

تسوي كل شغله الا في حاله ( سفره او موته اسمالله عليه ) غير جذى ماتسوي عنه اى شي


وبس تسلم ايدج صاحبه الموضوع عالفكره