نتناقش ونجتمع ونستفسر حول الصرع و التشنج(تم دمج جميع المواضيع الخاصة بالصرع والتشنج)

[بنت ابوها70]

رد: عندج طفل يعاني من الصرع والتشنجات حيااااااج الله

انا ولدي عبود توحدي .... يعني تقريبا من س3 سنين صابته تشنجات ( الذراعين ترتفع الي الاعلي وترتجف كم رجفه وكذلك نظر العينان)
بلغت د.عبير بذلك ...وانصحتي اقابل دكتور بريطاني زائر ..... وعنده طلب مني عمل تخطيط للمخ واهو نايم ( في المركز التطوري)
بعد عباله يالله سوينا التخطيط ( عبودي ياالله نام ) طلعت النتيجه
..... في فجوه في المخ ما تسري فيها كهرباء الاعصاب ( هذا اللي فهمته ) ........واشعطوني ........ ادويه تذاب في الماء وكل شهر يزيدون الجرعة ...سألتهم ..طيب لي متى تزيدون الجرعه ؟!! قالوا لي توقف التشنجات
صراحه
وقفت العلاج ...........وقمت ادعي وادعي ..في سجودي .............لين اختفت التشنجات
حتى د.عبير استغربت ............ لكن سبحان الله المنان
ملاحظك : كنت اسكن في بيت ارضيته سيراميك ....وبعدين سكنت في بيت مفروشه ارضيته ( هذا الشيء الوحيد اللي تغير على عبود)
الله يشافي مرضانا

 

[نشـــامي]

رد: عندج طفل يعاني من الصرع والتشنجات حيااااااج الله

بنت ابوها الله يشافيلج عبود
ديري بالج حتى الالعاب والكمبيوتر ياثر وليتات النيون

انا بعد تجربتي
اشوف ان الصرع عين او مس

انا بنتي كانت تاخذ علاج وماوقفت التشنجات من بديت ارقيها الحمدلله خفت حيل

وديتها للحداد

 

[الصابرة المحتسبة]

رد: عندج طفل يعاني من الصرع والتشنجات حيااااااج الله

انا لي لحين أعطي وليدي أدوية تشنج وثلاث أنواع بعد الله يشفيه ويشفي جميع المسلمين

 

[mun mun]

رد: عندج طفل يعاني من الصرع والتشنجات حيااااااج الله

الله يعينا وشافي كل مريض وللاسف الصرع ماله علاج له ادويه بس سالوني انا بنتي صار لها 12 سنه وهي على السابريل اللهم اجرنا في مصيتنا واخلف لنا خيرا منها

 

[بنت الكويت1]

رد: عندج طفل يعاني من الصرع والتشنجات حيااااااج الله

شوفوا حبيباتي انا بنتي كانت التشنجات معاها مرة واضحة ومرة مخفية طبعا المخفية انا ما كنت ادري عنها لكن دكتورتها تقول بنتج الحين فيها تشنج اقعد اضحك واقول لها لا هذي حركات عادية بنتي دايم تسويها الين ما بحثت وتعبت لقيت علاج بنظام غذائي غير اللي قالته الاخت الكيتوني لانه بصراحة متعب حيل وممكن الطفل ما يستجيب وترى اهو موجود عندنا بالكويت بمستشفى الصباح قسم التغذية المهم نظام بنتي هو كالاتي :
عصير يوميا اربع اكواب كاملة عبارة عن قرع +عنب ابيض
تمر + جوز"عين الجمل " +بسكويت عادي + حليب طبيعي نخلط كل ماسبق فيصبح مثل السيريلاك واقدمه حق بنتي وبفضل ربي بنتي الحين ما شافت التشنجات بالمرة بعد ما كانوا مقررين لها عملية يحطون بطارية بريموت كنترول عشان التشنجات من كثرتها يعني باليوم اكثر من 20 مرة ولما رحت حق دكتورتها ما صدقت طبعا بنتي كانت تاخذ 5 أدوية لكنها الحين تاخذ نوع واحد اللي هو كيبرا فقط والحمد لله

 

[نشـــامي]

رد: عندج طفل يعاني من الصرع والتشنجات حيااااااج الله

بنت الكويت1

الله يشافي بنتج بس منو الدكتور اللي كتبلج هالنظام؟

وشنو نوع الصرع اللي عندها

 

[ريناااد]

رد: عندج طفل يعاني من الصرع والتشنجات حيااااااج الله

يااااااااارب ان شاء الله يشفي عيالكم وتشوفونهم باكمل صحتهم ..
ويااارب لاتحرمني اشوف اخوي بتمام الصحه والعافيه ...

قولوووا اااااااميييين

 

[نشـــامي]

رد: عندج طفل يعاني من الصرع والتشنجات حيااااااج الله

mun munو الصابره المحتسبه

والله عن تجربه جربوا الرقيه الشرعيه والبقره او اذا مالج خلقنت ودي لمطوع

بنتي ماشالله حيل تحسنت على المطوع والبقره بالبيت

 

[فرح وسعاده]

رد: عندج طفل يعاني من الصرع والتشنجات حيااااااج الله

يعطيكم الف عافيه والله خبراتكم تفيد الناس

 

[مجنونه عبادى]

رد: عندج طفل يعاني من الصرع والتشنجات حيااااااج الله

اختى انا لدى طفل انجته فى الاسبوع 25 يعنى ستته اشهر وضل بالحضانه لمدة 4 اشهر وخرج وبعدها بدات معاناتى طبعا ماء براس ومركب جهاز عمره الحين من يوم الولاده سنه وشهر لايجلس لايحبي لايضحك مايعرف احد مايبكى غير نادرا يحرك ابده ورجله بس جدا جدا رخو وشادمن عند الاقدم بدت معاه التشنجات من اسبوعين تقريبا بشكل غريب يشد ايده على فوق ويصدر صوت مثل الانين
كتبله الدكتور على علاج اسمه الدبكين ولم ارى تحسن
طبعا الحاله هذى تجيه طول اليوم حتى نوم مايعرفه


دلونى ياكوتيات شسوى معاه
اختكم من السعوديه

 

[مشتاق اشوفك]

رد: عندج طفل يعاني من الصرع والتشنجات حيااااااج الله

:68_asmilies-com:
مرحبا شلوووووووونكم ......
الله يجزاكم خير ويشفي عيالكم ان شالله :tek:
حبيت افيدكم بشي وهذا طبعا كلام من دكتور أجنبي....... طفل اللي تجيه تشنجات طبعا اللي اقصد تكون رعشه او انه يرفع ايدينه لفوق ويشد رجله وايديه احسن شي تسوينه اثناء مايسوي هالحركه انج تقعدينه بحضنج وتنزلين راسه للارض وعلى طوووووووووووول يوقف التشنج سبحان الله صج لاقالوا انه السجود يقلل الشحنات والتشجنات جربوها وقولوا لي شنو يصير معاكم
وادعوووووووووووووووووووووووا انه الله يشفي كل مريض ويرحم امواتنا يارب يارحيم :tek:

 

[مـزيـااان]

رد: عندج طفل يعاني من الصرع والتشنجات حيااااااج الله

انا بنتى تاخذ دوا ديباكين وكل مرة يزيدون الجرعة

والله يشافيهم

 

[@شمس الضحى@]

رد: عندج طفل يعاني من الصرع والتشنجات حيااااااج الله

الله يشفي عيالناا ويشفي كل مريض

 

[سمسومه الحبوبه]

الحميه الكيتونيه ومرضى الصرع

الحمية الكيتونية ومرضى الصرع

يأتى مسمى حمية الكيتوجينك من المادة التي تتحول لها الدهون وتسمى مركبات الكيتون . فهذه الحمية عالية الدهون منخفضة الكربوهيدات .
في الغذاء العادي يحصل الجسم على أغل الطاقة من سكر الجلوكوز من خلال تحلل الكربوهيدات لكن في هذه الحمية تمنع مصادر الجلوكوز ولو كانت يسيرة ليضطر الجسم لتحويل الدهون الى تلك المواد الكيتونية كمصدر للطاقة.
عندما تتراكم المادة الكيتونية في الدم تحدث حالة تسمى الكيتوسس وتحدث أيضاً عند زيادة الدهون في الوجبة الغذائية مع نقص الكربوهيدرات الا ان هذه الحالة تكون مفيدة في حالة نوبات الصرع المستعصية التي تصيب بعض الأطفال. هذه الحمية تشكل إحدى نقاط خلاف بين العلماء بين مؤيد ومعارض ، لكن في حالات مرضية معينة يتعين تطبيقها ولو كان فيها بعض الأضرار لكن الضرر الناشيء من عدم تطبيقها لإولئك المرضى سيكون اكبر .

الدراسات السريرية أظهرت أن من 41% - 95% من الأطفال الذين عولجوا بهذا الغذاء تحسنت نسبة الصرع لديهم بنسبة أكثر من 50% هذا في العقد الثالث من القرن التاسع عشر الميلادي وذلك بعد ظهور دواء الفينوتوين وغيره قل استعمال هذه الحمية واعتمد الأطباء على أدوية الصرع. ثم عاد الاهتمام بالعلاج بالغذاء الكيتونى في عام 1998م حيث أجريت دراسة على مراكز متعددة لمئة وخمسين طفلاً يعانون من الصرع المستعصي وعولجوا بالغذاء الكيتونى وقلت لديهم التشنجات . أثبت أن الغذاء الكيتونى عندما يستعمل بطريقة صحيحة فإن له تأثير جيدا على نسبة تحسن التشنجات ، كما ذكرت بعض الأبحاث ان اضافة الأحماض الدنية متوسطة السلسلة يؤدي دوراً ايجابياً ويمكن من خلاله الاستغناء على الحمية الكيتونية لتلافي تأثيراتها السلبية.

بالتأكيد هناك أضرار من استخدام هذه الحمية ولكن الايجابيات أكثر من السلبيات ومن ضمن الأثار السلبية لهذه الحمية الغذائية :
1. نقص الأملاح والفيتامينات والمعادن
2. حصى الكلى10% من الأطفال
3. السمنة عند الأطفال وزيادة الكوليسترول.
4. حموضة الدم
يمكن تلافى هذه الأثار إذا إستعملت الحمية تحت إشراف طبيب مختص وفى حالات معينة وهى حالات الصرع المستعصى الذى لا يستجيب للعلاج الدوائى وأيضا هذه الأعراض السلبية لا تحدث عند كل الأطفال.

على الرغم من أن أغلبية الأطفال ( حوالي74%) تقل الجرعة الدوائية للعلاج حسب الدراسات العليمة وهذا امر مرغوب الا انه لا ينصح باستخدام هذه الحمية لأكثر من ثلاثة أشهر ، اما بالنسبة للأطفال الأصغر سناً (2-3 سنوات) فيمكن الاستمرا عليها الى ذلك العمر ثم يفطم وذلك من تلك الآثار السلبية التي ذكرت.
هذه الحمية لا تناسب المراهقين والبالغين لعدم قدرتهم على الاستفادة من المواد الكيتونية بشكل جيد ، كما انها لا تناسب أمراض أخرى لدى الأطفال انفسهم .
أنا بنتي تتعالج حاليا بالحميه وأي سؤال حبيباتي أنا حاظره

 

[الصابرة المحتسبة]

رد: الحميه الكيتونيه ومرضى الصرع

 

[HearT ChocolaTe]

رد: الحميه الكيتونيه ومرضى الصرع

عسى الله يبلغج بشفاها .. ويقر عويناتج بجود يا الحبيبه
مشكورة على طرح هالموضوع

 

[سمسومه الحبوبه]

رد: الحميه الكيتونيه ومرضى الصرع

العفو حبيباتي
أتمنى كل الأطفال اللي عندهم صرع يتعالجون بهذي الحميه ويتخلصون من الأدويه
والله لوماني مجربتها والحمد لله بدأت بنتي تستفيد ماكان طرحت الموضوع
أتمنى كل الأمهات يصير عندهم جرأه لمثل هذي التجارب ويثقون فيها
ويبتعدون عن أدوية الصرع اللي بأجماع الكل ليس بها فائده بس تخدرهم ياعمري

 

[@شمس الضحى@]

رد: الحميه الكيتونيه ومرضى الصرع

الله يشفي الجود ويفرحج فيهاا
وناطرين آخرر التطورات..

 

[الصابرة المحتسبة]

رد: عندج طفل يعاني من الصرع والتشنجات حيااااااج الله

اختى انا لدى طفل انجته فى الاسبوع 25 يعنى ستته اشهر وضل بالحضانه لمدة 4 اشهر وخرج وبعدها بدات معاناتى طبعا ماء براس ومركب جهاز عمره الحين من يوم الولاده سنه وشهر لايجلس لايحبي لايضحك مايعرف احد مايبكى غير نادرا يحرك ابده ورجله بس جدا جدا رخو وشادمن عند الاقدم بدت معاه التشنجات من اسبوعين تقريبا بشكل غريب يشد ايده على فوق ويصدر صوت مثل الانين
كتبله الدكتور على علاج اسمه الدبكين ولم ارى تحسن
طبعا الحاله هذى تجيه طول اليوم حتى نوم مايعرفه


دلونى ياكوتيات شسوى معاه
اختكم من السعوديه

هلا يالغالية يعل ربي يشفي كل مريض

شنو اعاقته بالضبط؟

 

[ام باسلل]

رد: عندج طفل يعاني من الصرع والتشنجات حيااااااج الله

انا ولدي بعد ياخذ ديباكين وكل مره يزيدون الجرعه والحين نسبة الدوا في دمه عاليه بس ما كو فايده للحين يتشنج 6 او 5 مرات في اليوم والله كريم بس اراجع في مستشفى البنك الوطني إلي في الصباح والدكتوره قالت اسوي له نظام تغذيه بس يبيلها صبر واستمرار بس مشكله ولدي ما ياكل اي شي ما ادري شسوي؟