نداء لكل بنات الزوجية ساعدوني قبل لاينهدم بيتي

[ديانا سبنسر]

مساء الخير بنات

بنات بيتي صاير نكد مومني بس زوجي من بدات السنة الجديدة وهو متغير علينا يعصب وينفس علييينا تتراضى يومين ويومين متخاصمين انا تعبت من المشاكل والهم طنشت ناقشت تهاوشت مدري شنو اللي صاير شكلي مهتمة فيييه واغير فيه باستمرار نبشت ودورت ماعنده خرابيط بيتي نظيف ومرتب ماقول هالشي مدح بنفسي لكن علشان احطكم بالصورة التفاهم مفقود واللي محيرني ليش بهالفترة وقبل كنا زينين ماقولكم كمانتهاوش بس مونفس الحين ساعدوني وعطوني نصايحكم تكفون محتاجة لكم

 

[G!RLooNa]

يا غثج انتي لوعتي جبدنا انتي و منتداج شنو طراره @@

و حبيبتي ديانا مادري و الله شقولج الله يصلح مابينكم انشالله

انا قريت لج رد مره انج مو قادره تنسين خيانه ريلج يمكن عشان جذي؟؟ معاملتج معاه متغيره يمكن لانج مو قادره تنسين

 

[مناير ...!]

الله يكون بعونج
حبوبه تنازلي حاولي تنازلين عن اغلب قفلاته
مشي الامور غصب خليج هاديه
والله يسخره لج

 

[نونو العصله]

حطي اية البقره دايم في البيت
وشووفي اللي يضايق ريلج بعدي عنه
واذا شفتيه مزاجه اوكي ناااقشيه بلي مزعله
الله يهدي سركم
ويصلح حالكم

 

[Gifts&Occaions]

الله يعينج حبيبتي

 

[Om-3lawii-q8]

الله يهديه لج يارب

 

[ماني من الناس]

امبيه خرعتيني عبالي السالفه جايده

انتي قلتي ان مافيه مشكله بس عايشين بدون حب وسلام يعني الحل اهون

حجزي غرفه بفندق يوم وقعدي هناك سولفي معاه اوقات تغيير المكان يغير النفسيه

 

[فوفو22]

حبيبتي

الحياه الزوجيه فيها مد وجزر

ايام تطيرين من الوناسه والشوق

وايام تبردين ومالج خلق

بيدج تحولين البيت سعاده

وبيدج تحولين البيت الى نكد

1- لا تناقشينه ليش وليش
2- لا تسألين عن سبب تغيره
3-لا ترددين ان من بدايه السنه انت متغير
4- غيري بشكلج بغرفتج شوي عشان تتغير نفسيتج
5-افتحي مواضيع حلوه معه فيها اخذ وعطا وفيها حوارات وعطيه هو مساحه اكبر للحديث

فوفو

 

[دلال و غلا]

الله يهدي سركم
و يسخركم لبعض
ويبعد عنكم الهم والغم و المشاكل
ونصيحه توجهي الى الله سبحانه
هو اعلم بالحال وهو بيده كل شي
توضي وصلي ركعتين لله سبحانه
و افتحي القرآن واقري
وبعدها ادعي الله بكل اللي تبينه
واستغفري وسبحي وكبري
وبعدها اعزميه ع مكان هادي بروحكم
وسولفي معاه عن الاشياء الحلوه اللي بينكم
وابتسمي و حطي عينج ب عينه بكل حب
وبيني له انه ما في شي يستاهل الزعل
وعطيه المجال انه يتكلم وحتى لو ما بادر
لا تتضايقين خليج عاديه
وربي يوفقج

 

[الأميرة جوري]

اولا الله يهديه .....شوفي اختى اكيد في شيء مغيره اما ظروف شغله اوظروف ماليه او سالفه مضايقته ويمكن مايحب احد يساله او يناقشه لانه اساسه مو فاضي يجاوب هالشي شاغله..نصيحه سكتى عنه لاتسالينه ولا تتخانقين معاه اللي يبيه حاضر ليمن يهدا ويسولف من كيفه ويكون شرط مستانس ويضحك بعدها تكون لج فرصه تسالينه لكن بهالفتره لاااااااااااا

 

[نشيج الروح]

الله يهديه ... حاسبي نفسج وشوفي في شي مسويته غلط ... وأحيانا يكون من الذنوب ....
لا تخلين الشيطان يدخل بينكم ....
هو أكيد في شي أو تقصير من اي جانب سواء منج أو منه
كثري استغفار ودعاء وحاولي تغيرين من طريقة حواركم

 

[KSA ROSE]

يمكن في شي مضايقه ومو حاب يقولج شنو بالضبط وينفس عن ضغوطه فيج انتي
انتي خليج هادئة حتى لوافتعل مشكلة او نقاش حاولي تكونين هادئة و لا تفتحين ملفات قديمة بهالوقت خليها تكون مجرد سحابة صيف

 

[kareeb]

الله يهديه لج

 

[tbola]

دامج جربتي كل شي ادعيله الله يهدي ويرجع لج نفس قبل واحسن

 

[ElN00R]

هدي بالج وصلي ع النبي
تجنبي اي حديث استفزازي قد ماتقدرين والعناد والجدل وشوفي ظروفه يمكن مظغوط من الشغل او شي
شغلي قران فبيتج وريحي بالج

 

[دلوعة صلوح]

الله يهدى لج يارب

 

[يآإمنيآتي]

موفقه

 

[om MaRyooM]

حبيبتي ديانا

يمكن عنده مشاكل خارجية مايقولها لكم ؟؟؟

شوفي ابحثي شنو الخلل بالموضوع
اذا مهتمة فيه من كل الجوانب النفسية والجنسية والبيت نظيف واليهال دايم مرتبين والبيت هادي

لابد يكون في سبب


وشغلي سورة البقرة حبيتي ممكن تكون نفس او عين هالشي جايز ترا


ولو المادة تسمح اخذولكم 3 ايام غيرو فيها جو ... عمرة او دبي

والله يصلح حالكم

 

[Hello_kitty]

حبيبتي احسن حل الدعاء وانج ترقين نفسج وزوجج وبيتج

الله يهديكم ويسخركم حق بعض ويجمعكم على حب وخير

 

[شادن33]

ياعمري هدي بالج لاتسوين في نفسج جي
لازم اتيي فتره تكرهين حياتج فيها مشاكل ولويه
اقتربي من ربج وعليج بالدعاء والصدقه وشوفي شنو ايصير