نداء لكل بنات الزوجية ساعدوني قبل لاينهدم بيتي

[نونو العصله]

توكلي على ربج
والله والله
اختي وصلت لطلاق
وما يتحاجون شهر كامل
الريال ااستخف عليها
اختي تمت تقرا اية البقره يوميا
وتستغفر
الله الحين سمن على عسل
وشرالها سياره بعد

اتكلي على ربج
اذا اراد شيئا ان يقول له كن فيكون

الله يفرج كربج يا رب
يمكن عين
ترا في ناس وايد حقوده وما تبي الخير لححد
دفعي صدقه دفعة بلا
كثري استغفار
رفعي ايدج لربج وابجي والحي
واتركي كل شي يغضبه

 

[نونو العصله]

الله يشرح صدرج ويسر امرج

 

[popa]

الحل
اول شي تبدون صفحه يديده
ثاني شي تقعدين معاه سوائن مطعم او كافيه
قوليله انج اتحبينه وماتبين تخسرينه
بعدين قوليله ودي نحط حل لكل المشاكل وتصير زعلتك وزعلتي غاليه
يعني مو على اي شي نتهاوش ونتزاعل بالايام اي شي مايعجبك قولي وانا بنفذه براحبه صدر والعكس صحيح
حطو قوانين تمشون عليها
مثلا: نوم بره البيت لا لان مايصير ريال البيت مايكون موجود في بيته
وانا عشانك اخفف طلعاتي وارد مبجر وانت ترجع مبجر ونعطي وقت للاطفال
وامشو عالقوانين وان شالله مافيكم الا العافيه
وحابه اذكرج باشياء مهمه
الصلاه
اذكار الصباح والمساء
والرقيه الشرعيه كل يوم تقرينها
وشغلي سوره البقره كل يوم في البيت حتى لو تقصرينها
سوي جو حلو آمن خالي من الخوف وتسود فيه طمئنينه القلب

 

[ديانا سبنسر]

مشكورين بنات وان شاء الله اطبق نصايحكم

 

[شمــ{جابر}ــوخ]

اذا طلع من البيت شغلي ((سورة البقره)) وخليها تشتغل بالبيت كله >>> علشان بيتج يصير فه بركه


وتحملي يالغاليه .. لا تسألينا وايد شنو فيك شنو فيك .. نطري لما تكلم

وانتي خلج مثل ماانتي .. وخلي البيت وناسه وفرحه ولما يرد ابتسمي وخليج ونيسه

واذا رد .. وخري اليال عنه وصيحتهم وازعاجهم

الصبر الصبر الصبر

 

[ام كوثر2007]

حبيبتي ان شاءالله مافيه الا العافيه


وان شاءالله بيتج دايم عامر والله يبعد عنه الخراب


يمكن ريلج متضايق من شي معين بالدوام او مع اهله او مع ربعه

وعشان جذى انتو المتنفس الوحيد اللى يحط غضبه عليكم

تحمليه يا قلبي ووسعي صدرج انتي عليه


كل ما عصب قولي ان شاءالله وحاضر لا تراددين ولا تعفسين ويهج

وان شاءالله ربج بيعدلها بس الصبر زين وانا اخيتج

وعساكم ما تشوفوون شر ان شاءالله

 

[BiiShOoO]

الله. يهدييه لج و يسخره يا رب

 

[ام الدرر]

البنات ماقصرو
عسى الله يهديكم ويصلح الحال بينكم
ويسخر لج ابو عيالج ويريح بالج​

 

[خفايا الروح]

خلج هاديه اذا عصب ولا تناقشينه .. وكلنا نمر بنفس اللي مريتي فيه .. وبعدين يرجع كل شي مثل اول واحسن ..

من ضغوط الحياة وانا اختج ..

والله يهديه لج ..

 

[Patcholli]

حبيبتي ديانا لو توضيح اكثر يمكن نقدر نفيدج شنو نوع المشاكل على شنو نجرتكم ..؟؟ عالاقل مثال او مثالين عشان نفهم الوضع ..

بس بشكل عام بعطيج نصايح قمت اطبقها بحياتي وفعلا زوجي لاحظ التغيير وقالي حيل تغيرتي ..

- اذا شفتي زوجج معصب هديه بجم كلمه حلوه واذا كنتي مو قادره سكتي لاتناقشين ولاتجادلين وقولي ان شاء الله وبس ..

- لا تدققين عليه فبعض الامور خليه يحس انج متغيره .. وينك ليش تاخرت ليش مارديت ليش وليش وليش كلها اشياء شيليها من قاموسج .. اذا تواجد معاج اهلا وسهلا اذا لهى عنج خليه يغط لين بروحه يرد لاتحسسينه انج مهتمه او متظايقه من غيابه ..

- اذا عصب وقالج ليش مسويه الشغله الفلانيه ردي بكل بساطه اسفه حبيبي ماكان قصدي ..

- اي حركه يسويها مدحيها وحسسيه ان اللي قاعد يسويه شي يستحق الشكر

- اذا يالج بيراضيج ارضي بسرعه لاتعاتبين ولاتقولينله عيوبه ولا تقولينله انت سويت وانت قلت وانت جرحتني لا سكتي وقولي ميخالف حبيبي كلشي منك مسموح ومقبول

- كثري ادعيه وقرآن يمكن بيتكم فيه عين عليج وعلى ريلج وادعي ربج الله يهدي سركم ويصلح بينكم ..

- وقت النوم حظنيه حسسيه انج محتاجه قربه وحظنه حتى لو زعلانين حظنيه بالفراش وقطي راسج على صدره ونامي ..

- دايما خلي الابتسامه على ويهج حتى لو من داخل تفورين لاتظهرين هالشي ادري صعب حيل بس حاولي تمسكين اعصابج عشان بيتج ..

هالامور بتحسينها صعبه بالبدايه بس صدقيني لما تشوفين نتايجها الحلوه بتتعودين عليها

ادري الحين عليج ظغط كبير بس حاولي هاليومين تتجنبينه بعدين بلشي بالخطوات والبدايه اليديده

 

[! بــدويه وآآيــد !]

،


حبيبتي هذي الحياه الزوجيه يوم طايره من الوناسه وايام تمر عليج هم ونكد ومالج نفس له وماله نفس لج

خليه هالفتره على راحته وخلي كل اكله وهدومه وشغله جاهز لما تتعدل نفسيته

الله يسخره لج يارب

 

[swanyway]

رايي من راي البنات لا تحاجينه هالفترة ولا شئ بس ممكن تقولين له انا سرك وغطاك و متى ماحبيت تفضفض لي بتلاقيني دائم جنبك اسمعك واذا قدرت وحبيت اعين واعاون وقومي و لاعاد تحاجينه

حاولي تغيرين من ديكورات البيت و تضيفين الوان فرايحية و تغيرات بسيطة , دائم شغلي روايح عطرة هادية لافندر ولا فانيليا تروق وتهدي , الاضاءة خفيفه وهادية ومريحة للعين و الاصوات واطية وهادية على قد ماتقدرين وشغلي قران بالبيت لان القران يبعث طمأنينه بالنفوس و يطرد الشياطين وكله خير

انت اطلعي وسعي صدرج واستانسي عشان نفسيتج تتحسن و خذيلج مساج وروقي

بينج وبين ربج ادعيله و تصدقي و استغفري بنيه ان ربي يصلح الاحوال ويهدية

 

[نقاء المطر]

حبيبتي ديانا انا نفسج بالضبط احترت شسوي معاه
مل شي موعاجبه بس زي ماقالوا البنات صلي ركعتين
واذكري الله
والله يفرجها عليك

 

[الأماكن]

,,,

الله يهديه و يشرح بالكم

،،،​

 

[زوجة عزيز]

حبيبتي والله الله يسخره لج ان شاء الله ويصلحه الريايل جذي مزاجيين وماتدرين حبيبتي يمكن لاسمح الله عنده مشكله بالدوام او معا ربعه لان الريايل اكثرهم جذي غامضيين ومايعلمون بمشاكلهم ترا حتى زوجي نفس الشي لا اتحاتين وحاولي ان تمسكين اعصابج لو عصب بدون سبب والله يخليكم حق بعض

 

[اميره1980]

حياتج الزوجية يبيلها تغيير و تجديد للروتين اليومي المتكرر

شوفي افكار البنات بالمنتدى من ناحية التغيير مثل تغيير الاثاث او على الاقل شغلات بسيطة في البيت تعطي لبيتج حيوية و شكل يديد و تحسن النفسية
او سافري مع ريلج حتى لو سفرة سريعة بو جم يوم تستانسون و اذا لاديتو من السفر تسولفون عن السفرة و تطلع مواضيع جديدة


مووووووووووووفقة

 

[Roty]

حياتي الله يهديه

حطي سورة البقرة
ولاتناقشينه خليه هالجم يوم يمكن يفكر بشي او لاهي بشي او عنده مشكله ترا الرياييل مومثلنا مايحبون يشكون دايماً

وانا مع ماني من الناس حجزي فندق غيري المكان

واذا عندج عيال هذي فرصه يوخرين عن الصياح واللويه

والله يسخركم لبعض

 

[ديانا سبنسر]

مشكورين بنات

 

[نونو العصله]

حبيبتي ديانا لو توضيح اكثر يمكن نقدر نفيدج شنو نوع المشاكل على شنو نجرتكم ..؟؟ عالاقل مثال او مثالين عشان نفهم الوضع ..

بس بشكل عام بعطيج نصايح قمت اطبقها بحياتي وفعلا زوجي لاحظ التغيير وقالي حيل تغيرتي ..

- اذا شفتي زوجج معصب هديه بجم كلمه حلوه واذا كنتي مو قادره سكتي لاتناقشين ولاتجادلين وقولي ان شاء الله وبس ..

- لا تدققين عليه فبعض الامور خليه يحس انج متغيره .. وينك ليش تاخرت ليش مارديت ليش وليش وليش كلها اشياء شيليها من قاموسج .. اذا تواجد معاج اهلا وسهلا اذا لهى عنج خليه يغط لين بروحه يرد لاتحسسينه انج مهتمه او متظايقه من غيابه ..

- اذا عصب وقالج ليش مسويه الشغله الفلانيه ردي بكل بساطه اسفه حبيبي ماكان قصدي ..

- اي حركه يسويها مدحيها وحسسيه ان اللي قاعد يسويه شي يستحق الشكر

- اذا يالج بيراضيج ارضي بسرعه لاتعاتبين ولاتقولينله عيوبه ولا تقولينله انت سويت وانت قلت وانت جرحتني لا سكتي وقولي ميخالف حبيبي كلشي منك مسموح ومقبول

- كثري ادعيه وقرآن يمكن بيتكم فيه عين عليج وعلى ريلج وادعي ربج الله يهدي سركم ويصلح بينكم ..

- وقت النوم حظنيه حسسيه انج محتاجه قربه وحظنه حتى لو زعلانين حظنيه بالفراش وقطي راسج على صدره ونامي ..

- دايما خلي الابتسامه على ويهج حتى لو من داخل تفورين لاتظهرين هالشي ادري صعب حيل بس حاولي تمسكين اعصابج عشان بيتج ..

هالامور بتحسينها صعبه بالبدايه بس صدقيني لما تشوفين نتايجها الحلوه بتتعودين عليها

ادري الحين عليج ظغط كبير بس حاولي هاليومين تتجنبينه بعدين بلشي بالخطوات والبدايه اليديده

كلامج عين العقل
وانا اطبق البعض
وبتبع نصايحج
:rerrerek:

 

[مرايــــــــم]

الله يسخره لج يارب