نداء للمبدعات في نشاط خبرة الماء والهواء

[بريق الماسه]

حبيباتي الابلات ابي همتكم ومساعدتكم في نشاط خبرة الماء والهواء يعني ابداع في عرض اسم اليوم مثلا ويوم المسابقات الفرديه ابي شغله تلفت انتباه الاطفال لنشاطهم اليوم وكذالك النشاط الرياضي ابي ابداع في عرض اسم اليوم الرياضي والشعبي ابي شغلات جديده . ردوا حبيباتي لا تكشتون فيني على قول عادل امام اخوكم مزنووووووووووووووق

 

[kokah]

هلا اختي انا بعد علي نفس الخبرة عموما راح اعطيك كم فكرة بس بعد ابي من الكل تبادل بالنسبة لايام الاسبوع مرة حطيهم على شمسيات و علقي عليهم اسم اليوم و بعد عندك البالونات الهيليوم الغاز حطي عليهم اسم اليوم و افكر لك .........

 

[عهود الحب]

حطي اسم اليوم على خياش وخلي البنات يدشون يعني كأنه يحتمون فيها من المطر

وتصلح لليوم الشعبي


حطي الاسم على سلة من سعف الي تصير مثل الصحن الوسط وتصلح للشعبي


حطيه على قطرات ماء كبيرة ولبسيه بنات لابسين فنايل بيض وليجنج ابيض يطلع شكلهم قطرة ماء وخلي اغنية قطورة


حطيه على شماسي الصينيين


وتطلع روعه كشكل




حطيه على الفرارات الكبار تحصلينهم عند بياع الورد


دخلي كندري ومعاه اسم اليوم




دخلي السندباد هانحن عدنا ننشد الهولو عدنا للسفينة شي جذي اغنية شادي الخليج مع صوت الريح والبحر يطلع روعه مع الاضاءة وخلي معاه النواخذ لبس شعبي يعني كأنهم البحارة





شنو تبين بعد ؟؟؟

 

[عهود الحب]

انا رديت هني لأنج كاتبه نداء للمبدعات هههههههههههههه شوفوا الثقة بالنفس ههههههههههههههههه

 

[*أم*خالد*]

عهود الحب انتي آخر وحده تقول عن نفسها مبدعه

اممم انا ودي اسوي اوبريت قطورة مالت زين .. بييب أطفال يمثلون

هذا اللي عندي

 

[عهود الحب]

ليش بالله ياعيوني
طايحة من عينج ؟
احمدي ربج انه نت
عصبت حدي خخخخخخخخخخخ

 

[*أم*خالد*]

لوووووووووووووووووول

يمه خفت السموحه خلاص توبه

على هالنجرة تصدقي علينا بفكره حلوة ياحظي

 

[عهود الحب]

ام مناف

لو عندي درزن افكار
مااعطيج


بشغل النحاسة عليج


وبعدين دام تنتقدين خلق الله تفضلي قولي افكارج يامبدعتنا

 

[انفاسي]

هوشه هىىىىىىى هوشه

 

[احساس بنت]

لوووووول يا حلوج يا انفاسي

لا عاد كلش ولا عهود انسانه خدومه وتعطي وتقول افكارها وما تبخل فيها لأحد

البنت ما اعرفها الا من هالمنتدى بس تعجبني ردودها

بالنسبه للخبره مو علي بس بحاول اساعدكم

ليش ما تسوون ندوه عن الترشيد

وبس هذا اللي قدرت عليه لووووووووووول

 

[hotchocolatee]

:wqedqw::e3:أنا نفسج عنديالنشاط ,واحتاج افكار يديده ...اسم اليوم :مفكره مره احط بالونات ومره شماسي ومره مهفات صينيه الكبيره ومره بطل ماء كبير من الفلين .واعجبتني فكره سلال السعف حق اليوم الشعبي ,اما الرياضي كور ومضرب تنس .هذا اللي في لالي الحين ..بس متوهقه شقدم بالنشاط نفسه ابي شي يديد....ياليت اللي عندها عرض قصه بالبوبوينت للماء و الهواء تفيدني وما راح انساها بالدعاءء

 

[عهود الحب]

حطي توب توب يابحر للشعبي لأنه ترى البحر من ضمن خبرة الماء والهواء
حطي بير ودخلي صبيان وبنات بلبس قديم وخل يسحبون اسم اليوم منه
حطي بالونة كبيرة تحصلينها عند البقالات وانا لقيت مثلها بدايسو
تهبل

وخل اثنين يدزونها وطابور اسماء اليوم وراهم


حطي البنات بلبس ابيض ولزقي عليه غيوم بيضا من اللوح الابيض الي متوفر بكل روضة

 

[عهود الحب]

حطي بنت كأنها نانسي عجرم خخخخخخخخخخخخ
وجدامها طشت وتغسل الملابس وتنشر الغسيل ويكون فيه اسامي اليوم


حطي اراجوزات يدشون يتنططون يمين يسار ومعاهم بلونات وخليهم يبطون بالونة بالونة
عقب اخر بالونة
تكونين انتي عارفتها اي لون


فيها اسم اليوم ويطيح من البالونة


حطي شخصيات كارتونية ودخليهم على موسيقى سريعه وخلي الاطفال يخمنون اي شخصية معاها اسم اليوم


وسلطي الضوء عليها تطلع نايس وحركة

 

[كبرت وراحت على]

ككككككككككككككككككككككككككككككككككككككككرررررررررررررررررررررررررررررررككككككككككككككككككككككككككر الله يقطع ابليسج يا عهود عليج فصلات

 

[عهود الحب]

توني عروس لاتضحكين تنبلين

طعشر سنة خدمة رياض وماتبيني افصل خخخخخخخخ

 

[بريق الماسه]

اشكر خواتي المبدعات ومازلت بانتظار المزيد من ابداعاتكم وبالنسبه لعهود افكارج روعه يا قلبو ما ادري ليش يقولون فصلتي اشكر لكم مروركم

 

[remoo_007]

جان زين تحطون لنا قصه بور بوينت عن الماء او الهواء

 

[sunshinq8]

ماشاء الله تبارك الرحمن عهود طول عمرج مبدعة ولا يهينون الباجي ماشاء الله خوش افكار عاد ان شاء الله احد يساعدنا اذا طلبنا شي هههههه كلككم فيك الخبر و البركه حبايبي

 

[الامينة]

استخدمي الفلاشات والسبورة الذكية

حدها فكرة مبدعة

من هذا الموقع

http://www.wiki-light.com/courses/default.html

موفجة حبيبتي

 

[سقيا رحمة]

في قصه على اغنيه حوار اغنية قطرة الماء حلوه