ندااااااء لخبيرااات مااااليزيا

[مزون203]

حبيباتي بالمختصر المفيد انا اول مره بحياتي بسافر ووين ماااليزيا يعني اول ما شطح نطح المفروض ابدا بالخليج واتطور تدريجيا بس طاقه براسي اروح ماليزيا
وبصراحه مااا اعرفر شي فيها دخلت المنتدى وتابعت المواضيع اللي فيها بس للاسف احس اني احتست وضعت فيها وانا بمكااني
فمااا ابي اصير عمره ماا تبخر تبخر واحترق
واللي ابيه منكم حبيباتي تنظمون لي جدول لرحله مدتهاى 10 ايام لي وزوجي وبنتي 6 سنوات وماخذه ولد اخوي معاي الكبير ماخذته تعزيز قواات اخاف اضيع وكلنا اول مره نروح لا وانا اللي اعرف انجليزي فيهم لا والله توهقوا المساكين -
المفروض نسكن شقه وانتوا عاد وشطارتكم شدوا حيلكم اذا مو عشاااني عشان بنتي المسكينه شذنبها اشتغلت شواالف الطراره بكسر خاااطركم يعني
ملااحظه كل وحده عندها خبره تحط جدول ابي رحله رومانسيه والعاب لبنتي وولد اخوي مو مشكله ننحااش منه هناك كيفه خخخخ كلش مو مطيريه خخخ
نسيت اقول لكم الميزانيه 1800
ومن وين احجز التذاكر وشنو احسن طيران ورخيص وسمعت الحجز بالنت للفنادق احسن شلون بعد
الرحله شهر 7 يمكن 15-7
ملاااااااااحظه خطيرررررره الا وهي ------
موووووووكاني مصختهاااا
مو كاني طرررااااررره وتشررط موبس تشرط وتدلع بعد بس والله من عشمي فيكم وبطيبتكم
ملاحظه اخيره ابي جدول واضح بالتفصيل الممل منالحجز لي ردتنا البيت حياااكم اقلطواا بس مو اليوم توني جااايه من السفر تعباانه بكره بسوي استقبااال حيااااكم
ملااااحظه بع الاخيره -----
لا اتغشمر بنحااااش لا انفلع
باااااااااااااااااي

 

[اميرة الورد=-]

اختي ادخلي على منتدى العرب المسافرون كل شي تبينة موجودفية ولا بعد من كثر ماني قاعدة علية احس اني شبعت ماليزيا وانشاللة انا بروح اخر خمسة واما اجي اقولك كل شي بس مثل ماقلتلك ادخلي هذاك المنتدى وادعييييييييييييييييييييييييلي؟؟؟؟؟؟؟؟

 

[مزون203]

يعطيج العااافيه حبيبتي وتروحين وتردين بالسلامه وابشري بالدعوه الحلوه
لا تنسين تعلمين باخبار السفره نااااطرتج

 

[mona77]

هلا والله انا بسويلج خدول انا رايحتها 3مرات والعام اخر مره ,3 ايام سلانجور في فندق صن واي لاجون وهو عباره عن فندقين ومجمعين ومدينة العاب ومدينه مائيه وحديقة حيوانات بس صغيره جدا ,بعدين تركبون طيران داخلي واهو اسيا اير تروحون بننج 3ايام ومن بننج تركبون يخت وتروحون لنجاوي من الصبح وترجعون المغرب بننج مره ثانيه يعني من غير فندق في لنجاوي بس رحلات,وبعدين بطياره ترجعون كوالالمبور تتقدون فيها باجي المده ويوم من الصبح تروحون مرتفعات جنتنج وترجعون نفس اليوم او اذا تبون تباتون ليله على راحتكم ,وبخصوص الطيران الداخلي حجزي من هناك اول ماتوصلين المطار صعدي الدور الثاني اوالثالث وسسألي من كاونتر اسيا اير وحجزي وانتي واقفه يطلع عليكم ارخص,وأي استفسار انا حاضره وبالنسبه حق الانجليزي لاتحاتين بتطلعيين عليهم فلته.

 

[mona77]

نسيت اقولج اهم شي المايوه الاسلامي لاتنسينه اول شي حطي بالجنطه عشان تسبحيين في صن واي لاجون وبعد بننج سباحه ,وحق مرتفعات جنتنج اخذي وياج شالوالياهال جاكيتات لان الجو يكون بارد.

 

[fat]

شلونج يا الغالية ان شاء الله تسافرين وتستانسين شوفي حبوبة انا سافرت لها وانصحج فيها وايد حلوة ونيسة وامان شوفي انا رحت على الطيران القطري يعني رحت من لكويت لي قطر ساعتين وبعدين قعدنا بمطارهم 4 ساعات مرت بسرعة تمشينا وستانسنا وبعدين سافرت الطيارة لي ماليزيا العجيبة

حجزت شقة فندقية اسمها ميكاسا هوتيل وايد حلوة غرفتين وصالة ومطبخ تحضيري وجهز وكامل ونظيف وحلو ومع الريوق وريوقهم يم يمي عجيب ولذيذ

وفي باص صغير من الفندق تطلبينة يوصلج حق البرجين بلاش يا زين بوبلاش كتر منه

يعني اول يوم تريحون وبعدين من باجر تبدي الرحلات وانصحج انا افضل الماي البارد وطبعا ما تحصلينة عشان جذيه كنت كل ليلة اترس بطل ماي واثلجة

وكنت يايبة من الكويت الغالية بطاط وبسكوت واشياء خفيفة لليهال لان بصراحة بطاطهم مو حلو نصيحة

اليوم الاول

تروحين حديقة الفراشات وهي حديقة تينن فيها فراش كبر جف ايدج والله ما بالغ وملمسها جنها مخمل والالوان العجيبة وايد حلوة

ويمها حديقة الطيور وحديقة فيها كل انواع لطيور وسوون عرض الكاسكو وايد حلو بدون تذاكر المكان مفتوح

ويم الحديقة لما تطلعون في حديقة الورد العجيب

بس روحو مبجر عشان يمديج تروحين لهم كلهم

اليوم الثاني

روحي مدينة الملاهي سن ويلاجون مدينة ملاهي كبيرة فيها العاب عادية والعاب مائية تبي مايوهات وفوط

بصراحة رحنالها على يومين يوم لعبنا بالالعاب العادية واليوم الثاني بالالعاب المائية وتسكر الساعة 6 وفيها مجمع والله ناسية اسمة بس حلو تعشو وريحو وتمشو فيه نسيت اقولج ان اول ما تدشون في استعراض حلو يستقبلونكم عند الباب

والمصلى بكا مكان وخذينة توقيت الصلاة من واحد في الفندق ما قصر كان ماليزي بس دارس بالسعودية ويتكلم لغة عربية


والحين اليوم الثالث

تروحين مجمع امة وندر لاند وايد حلو فية بحيرة في المجمع تتمشون فية وبعدين تركبون الطراد وناسة عاى فكرة يفتح الساعة 12 الظهر واحنا كنا رايحين مبجر بس كان في العاب حق اليهال قوق كلش ولعبناهم على ما فتح


اليوم الرابع



رحنا منطقة ملاكا بصراحة قمة في الروعة تبعد عن كوالالمبور ساعتين ونص بس تستاهل العنوة فيها حديقة الفراشات عجيبة لا تطوفكم


وبعدين السايق معاكم لا يروح يعني ينطركم برة وبعدين رحنا مجمعاتهم ريحنا رتغدينا



اليوم الخامس تمشو في البرجين تخيلي انا قعدت في ماليزيا اسبوعين ما فتريت المجمع كله لان ما مداني وكله انخلية بعد الرحلات الاماكن السياحية تسكر 6 المغرب ونروحلة تعابة ومنهد حيلنا

ونسيت اقولج قي مطعم بيتزا هوت يم الفندق ووصل وبيتزتهم لذيذة موقع الفندق وايد حلو يمة ماكدونالد وصيدلية وعيادة والصيدلية تبيع كل شي جنها فرع جمعية
ويمه مجمع

اليوم السادس


لا تنسين تروحين جنتنج

مطقة جنتنج فوق الجبل وايد حلوة وباردة وفيها مدينة ملاهي ونيسة للكبير والصغير

وما تاخذين جناطكم خذينا هاند باج لان الباص ما يتحمل الثقل
قعدنا فيها 3 ايام فيها تلي فريك ومحلات حلوة

اليوم العاشر روحو افاموزا انا بصراحة ما رحت لها بس اعرف ناس راحو يمدحونها

ولا يقصون عليكم التكاسي في تكاسي رخيصة


هذا الي ذاكرتة حبوبة اذا ذكرت اماكن ثانية اقولج وفي جزيرة بننج ما انصحج فيها روحي جزر ثانية

 

[aLreeeM]

حبيبتي fat بسئلج انا ودي اروح ماليزيا اب عيد الفطر يمدي 8 ايام .. و رحتو عروض ولا عادي ؟؟ و مع اي سفريات ؟؟

 

[fat]

انا رحت بروحنا يعني مو قروب وسفريات السيد وحاجزين مبجر وماليزيا انا قعدت فيها 14 يوم وما مداني لا وكنت كل يوم رحلة بصراحة ونيسة وفيها وايد اماكن سياحية وهذا غير الجزر انا ما رحت وانت اذا بتقعدين 8 ايام طبعا ما يمديج بس روحي انصحج فيها ويعني اشكثر بتقعدين لو سنة ما تخلصين الاماكن روحي وتوكلي على الله

 

[aLreeeM]

انشاء الله ناويييين انزين جنتنج هاذي لازم انبات فيها ولا عادي انروح و نرجع ؟؟