نزل مني دم بالشهر الثاني طمنوني ؛(

[reem1987]

بسم الله الرحمن الرحيم
السلام عليكم
بنات أنا وايد خايفه أنا متزوجه من 4 سنين وماحصل حمل والحين حامل الحمدلله بعلاج حقن مجهري
ومن حللت لي الحين وانا ما اجهدت نفسي كلش امس مافيني ولا شي لا الم ولا شي انحصرت تكرمون بروح الحمام ولا ينزل علي نزيف دم وقطعه كبيره اخترعت وطرت للطبيب شافتني الدكتوره شافت النبض زين بس قالت عندج انفصال بسيط وقفي ابر السيوله مع الأسبرين
بنات احد صارلها مثلي وتم حملها أنا خائفه طمنوني عفيه وادعولي عسي الله يثبته يارب
ولكم مني جزيل الشكر *

 

[reem1987]

اي وعطتني حبوب تثبيب حبتين ٣ مرات باليوم دوفستون

 

[-فلانة-]

والله ما عندي فكرة يا حبيبتي
عسى الله يثبت حملج و توصلين التاسع بخير و عافية و تفرحين بشوفة الضنا سليم و معافى من كل أذى إنشالله..​

 

[Meeesh]

اي وعطتني حبوب تثبيب حبتين 3 مرات باليوم دوفستون

حبيبتي تأكدي حبتين 3 مرات ؟ يعني 6 حبات باليوم؟؟؟؟
انا اخذهم حبتين باليوم وحده الصباح ووحده الليل

ان شاء الله ربي يثبته لج ولنا يارب :yaaaaaarb:

 

[extracrown]

اللة اثبته لج يا رب و يرزقج بشوفته

 

[reem1987]

مشكورين حبايبي الله يسمع منكم يارب
ربي لا تذرني فردا وانت خير الوارثين
اي أنا تأكدت من الدكتوره قتلها أكيد حبتين كل ٣ مرات يعني ٦ حبات باليوم قالت اي ٦ حبات باليوم
الله يثبت حملنا وتقر عينا بشوفتهم سليمين معافين من كل عاهه وبلاء

 

[ABEER FLOWER]

ربي يثبّت حملج حبيبتي

: )

 

[[[ عيون جابر ]]]

ربي يثبته ويتمم عليج

 

[reem1987]

بنات أنا حيل متضايقه ما اطلع ولا اروح ولا مكان وكله منسدحه وهالشي حيل متعب نفسيتي
الله يصبرني يارب ويثبته

 

[أم عزيـز]

الله يثبته حبيبتي
دام في نبض والدكتوره طمنتج ان شاء الله خير

 

[أم علي حبيبي]

الله يثبته لج يارب ويفرحج فيه وتشوفينه بحضنج يارب
ماعندي فكره بس حبيت ادعيلج

 

[ام الحلوااات]

اللـــه يــــثــبــت حــمــلـــج ويــتــمــم عـــلـيــــج ويــــفـــرحـــج بــضـــمــــة ضـــنـــاج لـــحــضـــج

 

[احلى ديما]

حبيبتي انا بحملي الاول من الشهر الثاني لين الخامس وانا انزف وهم مثلج كنت كلا منسدحه بس هم انزف والدم وايد لدرجة اذا وقفت ينزل على ريلي رحت اكثر من دكتورة واخر شي رحت عند معصومة مخصيد كتبتلي ابر مثبتة والحمدلله بنتي الحين عمرها سنتين
توكلي على الله وديري بالج اهم شي والله يتمم لج يارب

 

[Vip qatar]

حبيبتي انتي والله حاسة فيج انا نفس الحاله والدكتور قالي وقفي ابر السيولة والاسبرين وعطاني دفاستون ٦ حبات فيى اليوم وكتبلي على تحاميل مثبتة مرتين في اليوم تكون كل ١٢ ساعه اسمها cyclogest هاي مفعولها اقوي من الحبوب والابر هي اقوى شوي حبيبتي دام فيه نبض ان شاء الله خير لانه اوقات الدم يكون بقايا في الرحم او من خارج الرحم دام نمو البيبي سليم لاتحاتين ونصيحة ابعدي عن التوتر وحاولي لين دخلتي الحمام لاتشوفين الدم غسلي ونشفي واطلعي لانه كل ماشفتي الدم بتوترين وهاي الشي مو زين لج وعليج بسورة البقرة والاستغفار والله يثبت يارب مافي رحمج يارب *

 

[ام فوااز]

الله يثبته يارب عليج بالراحه وكله خليج منسدحه على ظهرج
ان شالله تلتأم المشيمة مع الوقت

 

[do0o0o0de]

الله يتمم لك حملكي على خير وتشوفين جنينك وتتهنين فيه
ومو مشكله حتى لو ماخرجتي كلها شهر ويعدي بسرررعه ماعليك لاتشيلين هم
اما بالنسبه للمشيمه انا نزلت عندي في الشهر الثاني وكنت اخذ حبوب التثبيت حبه 4 مرات في اليوم
والحمدلله الحين استقر وضعي ورجعت المشيمه فوق

 

[ابدا يالغالي مانساك]

ربي يثبته ان شالله دام تطمنتي خلاص بخير ان شالله
والدم هذا يمكن خاارج الرحم

 

[reem1987]

مشكورين علي ردودكم اللي طمنت قلبي

الحمدلله علي كل حال الحين قاعده ينزل مني بني وكله منسدحه

 

[reem1987]

طمنتوني الله طمنكم وعسي الله يثبت حماكم وتقر عيونكم بشوفت ضناكم يارب

 

[" ام حمود "]

يعطونج حبوب تثبيت دوفستون مرتين باليوم ..
بس ع رايي اخذ إبره تثبيت والله تهبل بنفس اليوم من تاخذينها ماينزل عليج
شي ولا قطره دم ..
والله يسهل عليج ويثبته لج يااااارب