نزل مني دم بالشهر الثاني طمنوني ؛(

[بحور العنا]

الله يثبته لك يارب ويفرحك بشوفته ان شاءالله
اهم شي انتي ريحي حالك شوي ولاتفكرين واجد ترا التفكير والنفسيه تلعب دور كبير
اهم شي ارتاحي ووكلي امرك لربك

 

[reem1987]

لا ام حمود عطتني دفستون ٦ مرات باليوم بس ماعطتني ابره تثبيت وهم استخدم تحاميل مثبته ٣ مرات باليوم أنا متوكله علي ربي
الحمدلله
بس حيل خائفه لان النزيف اللي شفته مو شويه والله وفجأه من غير إنذار مع قطعه كبيره الله كريم يارب
بنات الحين ينزل مني بني عادي ؟

 

[عشق المطر]

انا مثلك نزل مني دم مفاجىء لدرجة توقعت ان البيبي نزل ورحت المستشفى وتنومت ٥ أيام وبليوم الثاني الدم وقف وصار ينزل بني بس شي بسيط والدكتور عطاني حبتين دفستون وتحمليتين بليوم ووقف كل شي لمدة اسبوعين مانزل مني شي بس حضرتي قبل امس فكرت نفسي طبت ورحت السوق والفجر نزل بني ظل يوم كامل بس اليوم الحمدالله وقف يعني الحركه للي في وضعنا ماتصلح لنا فاانتي الزمي الراحة وبنسبة للبني مايخوف كثرمايخوف الدم الأحمر انا الدكتور ماطلعني من المستشفى الا لما تأكد ان الي ينزل مني بني موأحمر يارب يثبت حملك وحمل الجميع ويطمني على الي في بطني ويكون العوض فيه دعواتك

 

[reem1987]

عشق المطر الله يثبت حملج يارب وتقر عينج بشوفت ضناج يارب
أنا خائفه يرد ينزل مره ثانيه لا تشوفيني اذا بروح الحمام حاطه ايدي علي قلبي من الخوف بس ماقلتيلي من شنو نزل منج الدم
أنا من ولا شي لا تعبت نفسي ولا مشيت وايد ولا تحركت كنت مرتاحه سبحان الله فجاه نزل الدم الدكتوره تقول انفصال بسيط

 

[زمردة مشعة]

الله يثبت حملج يا رب ويرزقج بالذرية الصالحة .

 

[عشق المطر]

انا بعد زيك نزل فجأه من غيرسابق انذار بس انا وحدة مااهتم بنفسي اللبس كعب واطلع السوق واتحرك كثير ماكأني وحده حامل بس منظرالدم قرصني وخلاني انتبه حق هالشغلات وابصراحه توهقت مررره صرت مااتحرك كثير وانا الي ماكنت اجلس بس الله يعين ويتم حملنا على خير

 

[reem1987]

يارب الله يتمم حملنا علي خير
أنا كلش من حللت ما أتحرك ولا اروح ولا اطلع ولا اركب درج ومقلله السباحه اذا بتسبح ١٠ دقائق أسبح واطلع بسرعه
الله كريم والحمدلله علي كل حال
ديري بالج علي نفسج والله يكتب اللي فيه الخير يارب الله معاج

 

[reem1987]

يارب الله يتمم حملنا علي خير
أنا كلش من حللت ما أتحرك ولا اروح ولا اطلع ولا اركب درج ومقلله السباحه اذا بتسبح 10 دقائق أسبح واطلع بسرعه
الله كريم والحمدلله علي كل حال
ديري بالج علي نفسج والله يكتب اللي فيه الخير يارب الله معاج

 

[هــنــوف]

لا حبيبتي هالشي يصير مع اكثر الحوامل وانا مثلج بس زياده تحاميل وكلها لمدة 20 يوم لاتحاتين ولاتتعبين روحج بالشغل والله يثبته لج يارب

 

[حنيت إلك]

بحملي الثاني صار لي جذي بنهاية الشهر الثاني
نزل معاي دم كثير وفيه قطعه كبيرة وقطع صغيرة
المهم رحت الطوارئ وسوت سونار قالت مافي نبض ممكن ميت
وقالت تنويم نشوفك بالجهاز اللي فوق لانه افضل...
انا رفضت لانه بالليل زواج حماي قلت اذا ميت خلاص مافي فايده ليش اقعد واتنوم
المهم رجعت وارتحت ورحت العرس بس كله جالسه
وظليت يومين الدم طبعا قل ووقف
والحمد لله بعدها رحت خاص وسوت سونار قالت اللحين الوضع زين
...
سوري هذرت كثير
بس اذا الله كاتبه لك بتشوفينه وبتفرحين فيه
اهم شيء طبقي نصايح الدكتورة

 

[*امووونه*]

أن شاء الله مافيج الا العافية

الله يثبت حمالج ويتمم عليج يارب

 

[لهفة المشتاقه]

لا تحاتين عادي من الحركه انا بنتي جذي وخذيت

حبوب مثبته عسي ربي يثبت حملح ويفرحج بشوفة

البيبي الله يتمم عليج ادعي واذكري الله ولاتتحركين

وايد موزين قد ماتقدرين قعدي

 

[reem1987]

امين يارب ومشكورين علي الدعوات اللي تريح القلب ولكم بالمثل يارب