نسيت اسوي التاكس بمطارلندن المبلغ كبير مافي حل اخذ الظريبه وانا في الكويت

[الحب اسرار22]

نسيت اسوي التاكس بمطار لندن المبلغ كبير مافي حل اخذ الظريبه وانا في الكويت




مشاء الله علي


نسيت اوراق التاكس (( الضريبه ))

في الجنطه ولراحت مع السير وبعدها تذكرت

والله مت من القهر

البلغ يطلع 120 كويتي

موشوي صراحه وهاذ حق


في حل وانا في الكويت اخذ التاكس

اهم كاتبين انه في شركه اقدر اراسلهم وبس مو حاطين العنوان

واتمنى من الي عنده خبره ودرايه يفيدني


وشكرا لكم

 

[ربوع الحلوة]

أولا الخساره بالعمر الأهم سلامتج

وبعدين التاكس فري لازم تكون الجناط معاج بعضهم يسأل وين الجناط مايصير تسوين البوردنق كارت وبعدين الضريبه العكس

بعدين عند تعبأة الفورمات حق التاكس فري لازم تحطين رقم الجواز وبالمطار يشوفون جوازج علشان توقعين وتاخذين الفلوس كاش أو كينيت

وحسب الشركه نوصلج الفلوس إما ب 5 أيام أو ب 5 أسابيع طبعا ( قلوبال ) أحسن شركه وهذي حسب مكان مشترياتج وهذي سالفه ثانيه

في حل ثاني إذا في أحد من الأهل تمونين علي بروح يسويهم لج بس لازم يعبي الفورمات بإسمه ورقم جوازه

الله يعينج وإخذيها قاعده حبيبتي التاكس فري أول ماتدخلين المطار روحي سيده إنت والجناط بالعربانه وفواتيرج كلها بظرف واحد بإيدج

وعزلي الفواتير ( قلوبال ) إخذيهم بالكينيت توصلج ب 5أيام والشركه الثانيه نسيت إسمها إخذي الفلوس كاش يخصمون شوي منها لأنها

مومضمون توصلج لأن قلوبال أضمن شيء

أتمني إني أفدتج لأن في ناس علي أساس مايبون ينخصم منهم يحطون كل الفواتير كيبت ومايوصلهم شيء

 

[فيفالدي]

ماشالله كلامها اواافي وواضح

 

[LA TROO7]

دام سجلتي فيها رقم جوازج وتاريخ الرجعه راحت عليج

عادي انا مرة سوويت اوراقي بس رحلتنا كانت عالقطريه والقطريه حيل مبكر تطير فحذفتهم ورحت اركض للطيارة

المرة اللي وراهااا عووضتهااا بمبل اكبر وكان جنبي بنات فواتيرهم شكثر رفضت الموظفه تسوي لهم لان جناطهم مو وياهم <<<هم عالمزاج عاد انا ماشافوا جناطي

معووضه خير قلبي

 

[عروس الدنيا]

شوفي اهو من تاريخ الفواتير لازم يكون اكثر شي 6 اشهر .. اذا مفكره تسافرين بالصيف ... او عندج احد من اهلج بيرد خل يسجلهم لج
و يعطيج
احنا اذكر بنت عمي طالبه و مالها تاكس ..بس عطتني فواتيرها و سويت لها عادي معاي و عطيتها فلوسها تالي ..
اكيد عندج احد من اهلج هناك

 

[عروس الدنيا]

شوفي اهو من تاريخ الفواتير لازم يكون اكثر شي 6 اشهر .. اذا مفكره تسافرين بالصيف ... او عندج احد من اهلج بيرد خل يسجلهم لج
و يعطيج
احنا اذكر بنت عمي طالبه و مالها تاكس ..بس عطتني فواتيرها و سويت لها عادي معاي و عطيتها فلوسها تالي ..
اكيد عندج احد من اهلج هناك

 

[Om Ghalia]

اكو شركة أنا أتعامل وياها من سنوات اهي بدبي، أبعثلهم الفواتير واهم ييبولي كل شي بس ياخذون عمولة بسيطة....
هذا موقعهم

http://www.fexco.com/global-refund.php

وهذا رقمهم 2686310 4 00971

 

[soso_ksa]

مره قريت لها فتره 6 شهور
وعلى الجناط يشوفونها على المزاج
نفس السفره الي طافت دخلنا الجناط ورجنا نبي تاكس فريي قالت ما اقدر وحاولنا
قلت لها معاي الكاميرا وهاذي فاتورتهاا وقالت طيب في شي ثاني غير الكاميرا وقلت اي جاكيت لابسته وقلت هاذي بعد شاريتهم
وسألت انه اول مره نسوي تاكس فري قلناها اي
وعدت ع خير وقالت مره ثانيه انتبهو

واذا احد بيروح خل يغير الفواتير على اسمه

 

[الحب اسرار22]

شكرا لكم

خواتي

لا مو معبيه ابد الظروف

مشاء الله عليكم

 

[الحب اسرار22]

اكو شركة أنا أتعامل وياها من سنوات اهي بدبي، أبعثلهم الفواتير واهم ييبولي كل شي بس ياخذون عمولة بسيطة....
هذا موقعهم

http://www.fexco.com/global-refund.php

وهذا رقمهم 2686310 4 00971

حياتي والله ماقصرتي

بس شلون اطرش لهم عن طريق البريد

وابي الظروف ولا اهم يتصرفون

وتقريبا كم المده

وماتدرين كم بميه نسبتهم

 

[<<المها>>]

الله يعوضج خير ان شاء الله ..

وعلى قولتهم الحياة دروس.. لايضيق خلقج الخساره بالعمر..

 

[كستنائيـة ع ـسل]

شوفي انا المرة الصيف اللى طاف مارضوا البريطانية يعطوني لان كانت الاغراض بالطيارة فلما سافرت قبل اسبوعين رحت وخذيت الاوراق معاي قالوا يعطوني بس الفواتير طلعوا قبل ست شهور فراحوا علي اللهم كم غرض عطوني عليهم 20 دينار ما ادري من اي محل

 

[بيبي-الحلوه]

اي مطار هيثرو؟

 

[ربوع الحلوة]

ماأعتقد الشركه اللي تييب لج التاكس فري تاخذ عموله بسيطه وإلاجان الناس ماوقفوا طوابير بالمطار

أنا قريت مره في منتدي قسم السف رفي وحده كل إسبوع تسافر بريطانيا تجاره وتشتري فواتير التاكس تعطيج فلوسها بس طبعا مونفس السعر أكيد أقل

( العوض ولاالقطيعه ) إذا دار عليهم 3 شهور تري مو 6 مثل ماقالت وحده مافي فايده منهم ولادينار

 

[الحب اسرار22]

حياكم

الله

اي

مطار هثروووووووو