- إنضم
- 28 أغسطس 2009
- المشاركات
- 4,155
- مستوى التفاعل
- 0
- النقاط
- 0
يايتكم اليوم بموضوع مهم وايد وبيفيد الجميع بذن الله ..
بعطيكم نصايح ان مشيتوا عليها ، ابصم لكم بالمليون
ان بشراتكم بتلق وبتختفي كل مشاكلها ان شاءالله و
بتشوفون ردود افعال الناس بأقرب وقت ( وهذا وعد )
بسم الله
1- البرنامج اليومي بشكل عام
* غسلي ويهج بالغسول او الصابون اللي ويهج مرتاح عليه لكن اقل شي مرتين
باليوم .
( انا احب المر والكركم _ وكل يومين جهاز نيتروجينا الهزاز للتنظيف العميق) اخذه من جمعية مشرف
* ثلجة ماي الورد بدم الغزال (او بس ماي ورد) اول ماتقومين من النوم بس ( تأثيرها خياااااااااالي) . وفي باقي اليوم رشي ماي الورد البارد على ويهج بعد كل غسلة وخليه ينشف بروحه.
(انا اضيف للبخاخ ربع غطا زيت بابونج) يعطي نضارة وترطيب خفيييف ماتلاحظينه كلش.
* اعتمدي اعتمدي اعتمدي على منقوع البابونج واللافندر كتونك كل يوووم مرتين الى 3 مرات بعد ماينشف ماي الورد .. او حتى قبل لا ترشين ماي الورد . (نصيييحه لوجه الله هالتونك سحررر) .
* بالاسبوع مرة سنفرة للويه ضرووري.
(سنفرتي .. جيس ملح يوكو + ربع قرشة زيت نعناع + ربع قرشة زيت بابونج + 4 ملاعق عيش
مطحون ناااعم + مقدار ملعقتين نعناع ناشف مطحون بالاصابع ) اركز عالخدود والحنج واليبهه واوخر عن الفم واطراف الخشم . تحرق شوي بس عجيييييبه وترطيبها اينن وتمنع الحبوب .
* دااايما خلي عندج ماسك طيني (اي نوع تحبين) اي وقت تطلع لاسمح الله حبة ظلي كل شوي غطيها
بكميه من الماسك .. ومسحيها بالمسحات الطبية وردي حطي ماسك بين فترة وفترة لييين تروح كلش .
(انصح بماسك في مادة الكبريت ، طلبوا من الصيدلي .. انا ماسكي برو اكتيف اينن ) .
* قناع الروب البارد والشوفان بعد اي تعرض للحرارة او الشمس او المغربي او السنفرات (يهدي ويبرد)
* واخيرا .. اذا هيجتي بشرتج بسنفرة مثلا لاتنسيين مرهم الفيسودين بوخط برتقالي عشان تظمنين انها
ماتتحسس او تحبب . (دايما احطه بعد السنفرة مالتي .. ورا ماسك الروب) .
...............................
2- نصايح مفعولها عجيييييييييييب ( لاتتساهلون فيها )
اول شي لازم تعرفون اي اي فعل نسويه ويكون يديد علينا لازم لازم يكون صعب او منسي في
البدايات .. لكن صدقوني راح تتعودون ويصير عندكم هاجس و وسواس علشان تحافظون على بشرتكم
مثل ماهو صاير معاي الحين خخخخ .
* قبل اي شي دام بشرتج فيها مشاكل وحتى لو بسيييطه ، لاتلزقين بالمنظره لما بتحطين مرطب او تونك
او او .. خلج على بعد شوي ( على شان النفسية سبب رئيسي بخراب او سنع البشره وسألوا مجرب).
يعني لو بتحطين شنو ماتحطين ، دامج لازقه وتدققين بكل عيب ، نفسيتج بتتأكسد وبتطلع لج بلاوي يديده
* ابتعدي كل البعد عن الفوطه (المنشفه) لما بتمسحين ويهج .. تخيلوا حتى بعد الشور ما احطها على ويهي
.. انشف جسمي كله فيها الا ويهي (بكلينكس) وبطبطبه مو تشميخ ! .
(الفوطه مهما كانت نظيفه ومكانها ورا بابج او وين ماتكون ترى قماشها يشيل غبار ماتشوفه عينج) .
* ايدج دوووم دووم نظيفه وبزياده، يعني خلي عندج وسواس نظافه ولاتفارقين الديتول كل ما حسيتي انج رتبتي الغرفه او مسكتي شي حركتيه او او .. دايما ديتول الايد معاج عند راسج
(ترى الاصابع والاظافر اهي العدو اللدود لبشرة الويه .. ماتعرفون شنو تسبب من ميكروبات) .
* حاولي ماتنسين ان قمة الراس تفرز دهون وحتى لو كان شعرج توه مغسول .. حرصي كل الحرص
على انج لي حكيتي راسج مثلا ، لاتجيسين ويهج او نظفي اصابعج بديتول (ادري بتقولون شهالوسواسية المريضه) حتى اهلي يقولون ! .. بس ااكد لكم ان بشراتهم مو صافيه نفس بشرتي :271: (ماشاءالله) .
* لااااااتلعبين بويهج !! ولي وزج الشيطان ولعبتي بحبة او نقطه دهن سوده بويهج .. قومي ركضي مسحي المكان بمسحه طبية وغطيه بماسك طيني (صلصالي) . عشان لاتطلع حبة او تكبر الموجوده .
* الحين ..حرصنا ونظفنا واهتمينا وسوينا كل اللازم ، وانيي نبي انام
عندي معلومه اضافية من خبرتي بفيدكم فيها .. بنات جربوا وادعولي ، غيروا ويه المخدة اقل شي مرة كل اسبوع . وخلي عندج غيارات وايد لنفس الديباج ( يعني مو شرط تغيرين الطقم كله بس غطا المخده كافي )
من بديت اسوي هالسالفه وانا مسيطرة على صحة بشرتي ومحافظه عليها من الحبوب والبكتيريا .. لأن حتى لو كان كفر المخده (الوسادة) نظيف بالريحه وبالشكل ومامداه يكون عث الغبار (حشرات القماش)، لكن مايمنع ان بيجمع لج بكتيريا ومكروبات من اللعاب مال النوم (وييع) خخخخ ، فانتبهوا لهالشي .
واخييرا اتمنى تكونون استفدتوا من نصايحي ..
وحتى لو ماطبقتوا برنامجي بالضبط ، لكن على الاقل حطوا النصايح في بالكم
وراح تشوفون ان شوي شوي بينطبع هالشي على تصرفاتكم
دعواتكم
