مساء الخير حبيباتي ..
موضوعي اليوم بتكلم فيه عن شغلات ونصايح مهمه ..
المنتدى ماشالله فيه مليووون خلطه وغير خلطات التاجرات الصابون وخلطات التبييض وغير وطبعا الحواي تدخلينه تحتارين ما تدرين شتاخذين هذا يمدحونه وهذا حق جذي وهذا حق جذي واخر شي تتكود عندج شغلات وااايد >>> وهاذي حالتي
كل كريم اسمع عنه اشتريه لما اروح الحواي اخذ الاكو والماكوو وشكثر زيوووت عندي الحين لدرجه مرات اتحسف عليهم واحتار ما ادري شنو استخدم اقوم احط من كل زيت شوي واخلطهم :bbbiu:
زبده كلامي ونصيحتي اللي بوصلها .. الاهتمام والعنايه اليوميه بشغلات بسيطه اهم من خلطات التبييض اللي تستخدمينها فتره معينه ..
واخذوها مني نصيحه وعن تجربه اي خلطه تستخدمينها طبيعي تلقين نتيجتها وانتي تستخدمينها واذا تركتيها بتردين نفس قبل ,, يعني منطقيا الجسم اذا غذيتيه بتلقين نتيجه واذا اهملتي بتلقين نتيجه اهمالج ..
اغلبنا مع البرد يتعيز يحط خلطات وينقع فيها جم ساعه وانا صارلي فتره ما اقعد واايد بالبيت بحكم دراستي وشغلي ولوويه البيت ..
بكتب لكم شغلات اسويها سريعه وبسيطه ,, لو تخلينها عنايتج اليوميه ماراح تحتاجين خلطات تبييض وغيرها ..
* الجسم: -
الحمام المغربي
يوم بالاسبوع لازم تسوين لج حمام مغربي وهذا احسن نوع استخدمته
تخلطين معاه ليمونه لين تشوفينه صار ماي , تغسلين جسمج وتوزعينه على كل جسمج وتركزين على الاماكن الغامجه , تقعدين بخيمه البخار 15 - 20 دقيقه وعقب تغسلين جسمج عدل عن الصابون وتتفركين ولازم يكون جسمج مافيه صابون عشان يطلع الجلد الميت ..
* خلطه بعد المغربي تبييض وتنعم مع الوقت وانا احبها مو بس بالمغربي حتى بالسبوح العادي :
عباره عن كريم كاب + حليب بودره + هرده تخلطينهم عدل وتحطينهم بعد الصابون بحركات دائريه على الجسم مثل مساج لمده 3 -5 دقايق ..
بعدها غسلي شعرج ويفضل تكونين حاطه زيت بشعرج وتطلعين تنشفين شعرج بالفوطه الخاصه فيه , وجسمج ترطبينه ب ( زيت لوز مر - جلسرين - زيت ليمون) تحطين ببخاخ وترشين جسمج ونصيحتي يكون زيت الليمون اكثر لان ريحته حلوه
=================
السباحه اليوميه :
طبعا الجسم كل يووم انا اغسله اما شعري يوم وترك ..
طريقتي واايد سهله وحلوه وماتاخذ وقت يعني ربع ساعه انتي خالصه ..
الصابون اللي استخدمه : كل مره شي مره خلطه مزيونه وشقرا ,, مره صابونه قهوه , مره اكتفي بالبابايا , مره صابونه رقي >>> يعني تغيير عشان الجسم مايمل ,,
عقب لااازم استخدم حبايبي اللي مااستغنى عنهم .. مرات حتى مالي خلق صابون اكتفي فيهم .. انا اخلطهم مع كريم كاب
وبس تغسلين شعرج ونعيما :rerrerek:
انا مع البرد صايره مالي خلق احط لوشن حق جسمي كله بعد السباحه فقمت اخذ بيبي اوويل اخلط معاه مسك روز واحطه على جسمي واهو مبلل وبعدين اتنشف يصير الجسم نااااااعم وريحته حلوه ورطب وبنفس الوقت مو دهني ,, هذا احطه اذا كنت بطلع من البيت او عندي مناسبه ,, اذا قاعده بالبيت احط خلطه الزيوت ( لوز - جلسرين - ليمون) :rerrerek:
الشعر :
في حركه جربتها ولاحظت نتايج حلوه .. مثلا حطيتي بشعرج اليوم زيت خروع اذا تسبحتي غسليه بشامبو شويه لا تفركينه حييل بحيث يبقى شوي اثر الدهن بشعرج , من باجر او عقبه حطي حنه :rerrerek: واذا ما تحبين الحنه حطي زيت بس نوع ثاني وشوفي مع الوقت النتايج
انا اذا حطيت زيت بشعري الفه بنايلوون احسن
الحنه مره بالاسبوع ولما اغسلها بدوون شامبو وبعدها احط حمام زيت والفه بنايلون واخليه ساعه بشعري وهذول اللي استعملهم
بالنسبه للويه :
انا حمدالله بشرتي حلووه .. كل يوم بالليل قبل النوم استخدم سنفره للويه
بعدين اغسل بصابونه البابايا واخليها شوي تنشف هالويه
بعدين احط الكريم اللي ناسب بشرتي ومهم يكون الاصلي وانا اخذه من خيطان لان اللي مو اصلي يدمر البشره
واحط خلطه الرموش مع كحل اثمد, وتقدرون تكتفون بزيت لوز او خروع همن حلوو حق الرموش:rerrerek:
هاذي عنايتي بجسمي وشعري .. بسيطه ونتايجها حلوه .. انا لاحظت واتوقع اغلبكم مثلي ان اذا صار شغلات وخلطات واايد تملين وماتستمرين عليها على طوول .. المهم مو بالخلطات وكثرتها كثر الاستمرار ..
اتمنى تستفيدون من موضوعي والشغلات اللي تكلمت عنها ,, ترى الشي مو بسعره كثر بفايدته ,, ياما خذيت كريمات من صيدليه باغلى اثمانها وماشفت شي ,, هالشغلات ما تكلفكم واايد ونتايجها حلوه ..
ملاحظه : الصور منقووله
واي استفسار انا حاضره :eh_s(7):
موضوعي اليوم بتكلم فيه عن شغلات ونصايح مهمه ..
المنتدى ماشالله فيه مليووون خلطه وغير خلطات التاجرات الصابون وخلطات التبييض وغير وطبعا الحواي تدخلينه تحتارين ما تدرين شتاخذين هذا يمدحونه وهذا حق جذي وهذا حق جذي واخر شي تتكود عندج شغلات وااايد >>> وهاذي حالتي
كل كريم اسمع عنه اشتريه لما اروح الحواي اخذ الاكو والماكوو وشكثر زيوووت عندي الحين لدرجه مرات اتحسف عليهم واحتار ما ادري شنو استخدم اقوم احط من كل زيت شوي واخلطهم :bbbiu:
زبده كلامي ونصيحتي اللي بوصلها .. الاهتمام والعنايه اليوميه بشغلات بسيطه اهم من خلطات التبييض اللي تستخدمينها فتره معينه ..
واخذوها مني نصيحه وعن تجربه اي خلطه تستخدمينها طبيعي تلقين نتيجتها وانتي تستخدمينها واذا تركتيها بتردين نفس قبل ,, يعني منطقيا الجسم اذا غذيتيه بتلقين نتيجه واذا اهملتي بتلقين نتيجه اهمالج ..
اغلبنا مع البرد يتعيز يحط خلطات وينقع فيها جم ساعه وانا صارلي فتره ما اقعد واايد بالبيت بحكم دراستي وشغلي ولوويه البيت ..
بكتب لكم شغلات اسويها سريعه وبسيطه ,, لو تخلينها عنايتج اليوميه ماراح تحتاجين خلطات تبييض وغيرها ..
* الجسم: -
الحمام المغربي
يوم بالاسبوع لازم تسوين لج حمام مغربي وهذا احسن نوع استخدمته
تخلطين معاه ليمونه لين تشوفينه صار ماي , تغسلين جسمج وتوزعينه على كل جسمج وتركزين على الاماكن الغامجه , تقعدين بخيمه البخار 15 - 20 دقيقه وعقب تغسلين جسمج عدل عن الصابون وتتفركين ولازم يكون جسمج مافيه صابون عشان يطلع الجلد الميت ..
* خلطه بعد المغربي تبييض وتنعم مع الوقت وانا احبها مو بس بالمغربي حتى بالسبوح العادي :
عباره عن كريم كاب + حليب بودره + هرده تخلطينهم عدل وتحطينهم بعد الصابون بحركات دائريه على الجسم مثل مساج لمده 3 -5 دقايق ..
بعدها غسلي شعرج ويفضل تكونين حاطه زيت بشعرج وتطلعين تنشفين شعرج بالفوطه الخاصه فيه , وجسمج ترطبينه ب ( زيت لوز مر - جلسرين - زيت ليمون) تحطين ببخاخ وترشين جسمج ونصيحتي يكون زيت الليمون اكثر لان ريحته حلوه
=================
السباحه اليوميه :
طبعا الجسم كل يووم انا اغسله اما شعري يوم وترك ..
طريقتي واايد سهله وحلوه وماتاخذ وقت يعني ربع ساعه انتي خالصه ..
الصابون اللي استخدمه : كل مره شي مره خلطه مزيونه وشقرا ,, مره صابونه قهوه , مره اكتفي بالبابايا , مره صابونه رقي >>> يعني تغيير عشان الجسم مايمل ,,
عقب لااازم استخدم حبايبي اللي مااستغنى عنهم .. مرات حتى مالي خلق صابون اكتفي فيهم .. انا اخلطهم مع كريم كاب
وبس تغسلين شعرج ونعيما :rerrerek:
انا مع البرد صايره مالي خلق احط لوشن حق جسمي كله بعد السباحه فقمت اخذ بيبي اوويل اخلط معاه مسك روز واحطه على جسمي واهو مبلل وبعدين اتنشف يصير الجسم نااااااعم وريحته حلوه ورطب وبنفس الوقت مو دهني ,, هذا احطه اذا كنت بطلع من البيت او عندي مناسبه ,, اذا قاعده بالبيت احط خلطه الزيوت ( لوز - جلسرين - ليمون) :rerrerek:
الشعر :
في حركه جربتها ولاحظت نتايج حلوه .. مثلا حطيتي بشعرج اليوم زيت خروع اذا تسبحتي غسليه بشامبو شويه لا تفركينه حييل بحيث يبقى شوي اثر الدهن بشعرج , من باجر او عقبه حطي حنه :rerrerek: واذا ما تحبين الحنه حطي زيت بس نوع ثاني وشوفي مع الوقت النتايج
انا اذا حطيت زيت بشعري الفه بنايلوون احسن
الحنه مره بالاسبوع ولما اغسلها بدوون شامبو وبعدها احط حمام زيت والفه بنايلون واخليه ساعه بشعري وهذول اللي استعملهم
بالنسبه للويه :
انا حمدالله بشرتي حلووه .. كل يوم بالليل قبل النوم استخدم سنفره للويه
بعدين اغسل بصابونه البابايا واخليها شوي تنشف هالويه
بعدين احط الكريم اللي ناسب بشرتي ومهم يكون الاصلي وانا اخذه من خيطان لان اللي مو اصلي يدمر البشره
واحط خلطه الرموش مع كحل اثمد, وتقدرون تكتفون بزيت لوز او خروع همن حلوو حق الرموش:rerrerek:
هاذي عنايتي بجسمي وشعري .. بسيطه ونتايجها حلوه .. انا لاحظت واتوقع اغلبكم مثلي ان اذا صار شغلات وخلطات واايد تملين وماتستمرين عليها على طوول .. المهم مو بالخلطات وكثرتها كثر الاستمرار ..
اتمنى تستفيدون من موضوعي والشغلات اللي تكلمت عنها ,, ترى الشي مو بسعره كثر بفايدته ,, ياما خذيت كريمات من صيدليه باغلى اثمانها وماشفت شي ,, هالشغلات ما تكلفكم واايد ونتايجها حلوه ..
ملاحظه : الصور منقووله
واي استفسار انا حاضره :eh_s(7):
