نصحونى بازوج ولدى

[noo7a]

فتحي الموضوع مع خواتج
اكيد عندهم معارف زميلات يدورون اهم معاج بعد

 

[مس ام نجود]

حبيبتي البنات ماقصروا معاك قالوا كل الحلول يعني وش تبين اكثر من كذا وضحي قصدك

 

[maha_89]

رد : نصحونى بازوج ولدى

الله يوفقه ويرزقه ببنت الحلال اللي تسعده

 

[ام شووووق]

رد : نصحونى بازوج ولدى

اهو ماقالج ابي اخطب الا حاط وحده بباله

 

[صمــت_ALsHfaaH]

الله يرزقه فبنت الحلال الي تسعده

 

[^نوف^]

رد : رد: نصحونى بازوج ولدى

اول نصيحة
لا تشرطين وايد
هذا انا قلته لامي مو بس لج
كل اللي تشرطو عيالهم يابولهم بنات الله وكيلج:cxxxp:
لا جمال ولا عوايل
دوريلج وحده مستوره بشوشة ومقبوله

:rerrerek::rerrerek:

والله يرزقه بنت الحلال يااارب

 

[the white heart]

رد : نصحونى بازوج ولدى

ياااااا كثر البنات ... بس قوليلي المواصفات وأجيبلج عشر مو وحدة هههههههههههههههه

 

[شمس 20]

عسى الله يرزقه ببنت الحلال اللي تسعده :hjy5jewf:​

 

[دآهية مطييير]

رد : نصحونى بازوج ولدى

حبيبتي نصيحه مني لج لا تسألينه ولا شي ..

دوري البنت اللي امها محترمه اهم شي لانها لو تخطي ولا تسوي شي تردها امها وتسنعها اهم شي

وكثري روحاتج وترا كل الناس يخطبون من العروس احضري عروس وشوفي اللي تعجبج وروحي اسأليها

واذا جازت لج روحي واخطي

واحمدي ربج ان ولدج جا وقالج يمه اخطبي لي بعضهم يصيعون ويدرون اللي يبون برا بالخش والدس

الزواج ستر للولد ويعقله ومن الحين دوري له

وعسى الله يوفقج يالغاليه .. ويوفق ولدج




.

 

[الزيــALZAINــن]

رد : نصحونى بازوج ولدى

الحمدالله ان رغبة ولدج الجاده لاقت رضاج و قبولج و عسى الله يسهل و يوفقج و تلقين بنت الحلال ..

و البنات يتكيفون على طريقة الزوج و انتي طلبج "وحدة حبوبة جميلة اخلاقها عالية تراعية وتسعدة" كوني زوجه و زوجي مو من قرايبي و الحمدالله فاقولج اخلاقي عاليه جدا جدا جدا و لله الحمد انا ديني علمني علاقتي بزوجي و علاقته فيني و اكيد ماراح اضايقه لاني اخاف عليه و هدفي اسعده و اريحه و اونسه و ما صرنا شخصين بل شخص واحد و الله يحفظه لي و يحفظني له... و الله بيرزقج على نيتج يالعزيزة و البنات موجودين بس حددي طلب ولدج و لا يطلب وايد

 

[سارووونه22]

يحلاتهم بنات المنتدى شوفي من حزب طماشه يهبلون سالي ام ضاري تعرفهم عدل وانشالله تلقين له خوووش مرة

 

[@أحلاهم وأتحداهم@]

الله يعينج والله امي يصير فيها حاله نفسيه من واحد من اخواني يقولها ابي اتزوج الصراحه الله يعينج احسها صعبه ادخل ابيوت ناس ماعرفها وفي ناس يمدحولج بالبنت وكل شي ولمن اتصير من نصيب الولد اتشوفين الفرق بين الوصف الواقع اننا من رايي شوفيلج من معارفكم يعني من حمولت خواتج او حمواتج يعني ناس تعرفينهم
الله يوفقج في اختيار الزوجه الصالحه ان شاء الله

 

[صاعقة بيوتي]

رد : نصحونى بازوج ولدى

انصحج تاخذين لة وحدة من بنات خواتج والله اللي تعرفينه احسن من اللي ماتعرفينه والبنية متبين على حقيقتها الا بالعشرة والاقربون اولى
بالمعروف

 

[فاهييه]

والله يا ام فيصل انا اكبر من ولدج و الا جان خطبته لنفسي :friends: هههههههههههههههههههه

الله يرزقه و يرزق شباب المسلميين ببنات الحلال .

و لاتقوليينله توك صغير . يتزوج احسن ماينحرف .

و تذكري ( اظفر بذات الدين تربت يداك ) و ( لي بغيت تضمها انشد عن امها )

تجيج حلوه بس ماتحشم الناس او ( ساقطه اخلاقيا ) <<< تزني من ورا ولدج :cxxxp:

و الا مهمله و رفله و وصخه ببيتها و عيالها ...................................... شيفيد جمالها ؟

اهم شي دينها وسمعة اهلها

و بعدين الجمال < و يكفي انها تكون مملوحه و تعرف تلبس وتكشخ و ذووويقه و بس .

 

[أشبـاهـ المطـر]

دوري لـه من الاهـل
أفضـل وأذا مو عاجبينهم
قوليله البنات تغيروا وخل يشوف صورهم


الأقـربون أولى بالمـعروف :fun:

وقوليله انت مخير مو مسير كاهم شكثرهم بنات خوالك
الي تبيها بخطبها لك :wqedqw:
حسيسه انهم وايد وقوليله انا هم ابي ازوجك وحده نعرفها ونعرف اهلها
وبنات متربيات وعلى خلقه ومن هالحجي ....

انزين بنات عم ابوه من اهل ريلج معقووله ماكو احد قده ؟!
وهم انتي اهلج ترا البنات شكثرهم بس وقت الخطبه مادري ليش
مايطرون على بال وجنا ماكو بنات بالديره لووووووووووول

والله صراحه الخطبه هم بروحه
انا اخوي مافكر اخطب له الا من اهلنا
ويطب ويتخير فيهم :wqedqw:
فديته اصلاً الكل بواقف على اخووي <<< ماشاء الله *.^

 

[ام ريماس خوخه]

رد : نصحونى بازوج ولدى

الله يرزقه بنت الحلال اميييييييييييييييييييييييييين وبشرينا لا خطبتيله

 

[أم حمد =)]

رد : نصحونى بازوج ولدى

الله يرزقه بنت الحلال الي تسعده

 

[انسام الكويت]

أخذيله وحده من معارفكم عالأقل عارفتهم

وخابزتهم اللي تكون من بعيد ومو منكم والله ينخاف

منها عاد أنتي وحظج يا تطلع عووبه وتغث ولدج أو تكون زينه

بس إذا نويتي تإخدين من برا الأهل سالي مليون مره عشان

تكون زينه يأما انغرينا بالشكل والأسلوب قبل الخطبه من تصير

زوجته نطري جم شهر ويطلع الخافي إذا عندكم بنات من الأهل

زينه وعارفتها عدل أقنعي ولدج فيها وأكيد بيسمع كلامج وموفقه حبوبه

 

[أإلع ـشق دلع ـهـأإ]

.











دوري رآح تلقين ..

نصيحه لآآ تآخذين وحده بعييييييييييده مآتعرفونهآ ..

أخذوآ من حوآليكم .. من جمآعتكم .. تعرفين أهلهآ ..

وحآولي تقنعين ولدج بنآت أختج .. قوليله تغيروآ صآروآ حلوآت ..

المره تعرف تقنع ولدهآ ..

والله يوفقه ..






















.

 

[am faisal]

بنات انتو مو فاهمين انا ابى اعرف البنت ما ايد خطبة العروس والقريبين اللى اعرفهم بنات عمة طقة 7و8 سنين وخواتى اكبر منى بناتهم اللى متزوجة ولا متكامين عليهم عيال عمهم ورافضة خطبة العروس اللى تشوفين وحدة بالعرس وتخطبينها انا مشكلتى الوحيدة اخلاقها وطباعها وتكون مقبولة بنات هالايام ما شاء اللة عليهم سنعات باللبس والكشخة يعنى بالعربى ابى سنافية