نصحوني جنكم خواتي ،،بسوي التكميم عند جارالله

[غلاتي الكويت]

خالد العنزي يسويها بالسلام وبالسيف

 

[تعبت من الرجيم]

خل اشوف ان شالله تتسهل اموري معاه

 

[انوثتي غير وياك]

انصحج بخالد العنزي
الكل اهني يمدحه
الجار الله يخوف حيل
اسمع عنه بلاوي ​

 

[dana28]

حبيت اكتب لكم تجربتى الكاملة مع الدكتور الجار الله و يا رب افيدكم و استفيد منكم

 

[dana28]

ما درى من وين ابتدى يا بنات انا مثل اى واحد فيكم جربت الدايت سنتر و جربت ريجيم الكاترة مابى اظلم احد انا ضعفت وياهم كلهم بس ما قدر استمر اكثر من شهر ارد اخربط و الوزن كله يردلى و من ناحية الرياضة انا ما تحرك كلش انا وزنى 125 و طولى 160 تخيلوا شكلى شلون. و كل يوم ادش منتدى كويتيات اقرا اقرا و اشوف تجارب البنات لكن و لاعمرى دشيت بشى وياهم دشيت صدفة ابى اقرا عن المتن و الرجيم لقيت انى جربت كل شى بس العمليات ما فكرت فيها و لقيت ان ماشاء الله مفعولها سريع . قريت مواضيع عن دكاترة وايد وايد و قريت عن الثلاث عمليات تكميم و تحويل مسار و حلقة و عرفت مميزات كل عملية و قلت بقلبى ليش ما فكر اسوى عملية استخير ربى

 

[dana28]

فكرت و استخرت و الحمد لله كانت مشكلتى طوال الوقت منو يساعدنى؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟بروحى قررت وبروحى استخرت بس عرفت ان ربى سبحانه مو مقصر وياى انا توكلت عليه سالت زوجى و خزيت موافقته طبعا قالى توكلى على الله .هاالحين السؤال بديت افكر اسوى اى عملية فيهم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[dana28]

انا وحدة ولا عمرى جربت التخدير و لا غرفة العمليات كنت ميتة من الخوف و الرعب ما ادرى اى عملية اسوى قلت ابى الحلقة خلاص الحلقة لانها اسهل شىء بعديت قمت اقرا و لانتايجها مو زاك الزود؟؟؟؟؟؟؟؟؟؟؟؟ تحويل المسار له سلبيات بالمستقبل ؟؟؟ قلت ماكو الا التكميم و يا رب يسهل و على الله يانى الرعب حتى قبل لا قرر اى دكتور اروحله

 

[dana28]

لحين ما سمعت و قريت فى الجرايد عن الكتور الجار الله و انه استلم جائزة فى اليونان و اهداها الى سمو امير البلاد و الى شعب الكويت الحبيبة احلى ديرة و قررت الزهاب الى الدكتور الجار الله

 

[شلة بنات وبس]

ماعندى اى فكره يا اختى ومااعرف ان كان فيها خطوره او لأ وربي ينولج مرادج يارب

 

[dana28]

و رحت عند الدكتور الجار الله رحب فينى ما قصر و خزو طولى و وزنى و شرح لى كل استفساراتى و قالى ليش تبين التكميم اشمعنا وين قريتى عنه و اخر شىء شافنى صج محتاجة العملية ريلى تتعب ازا مشيت وايد و النفس عندى ماكو لياقة .و حتى لطول عليكى اختى سويت العملية و انا الحمد لله الان وزنى صار 58 و كل فترة اروح عالعيادة اسوى فحوصات و الحمد لله و دى نصيحتى ليكى لوجه الله .استخيرى الله و سويها عند الدكتور الجار الله خبرة كبيرة و وايد وايد ممتاز الله معاكى

 

[تعبت من الرجيم]

والله مادري شقولكم ،،
استعسرت الامور،،
الوالده تقولي ياتسوينها عند جارالله وزير الصحه قبل يامافي عمليه !!

المشكله انها موسامعه بالباجين وحاولت اقنعها انهم زينين والبنات مسوين عندهم وارخص بواجد بس ماكو فايده ،،
برد استخير ولا ماقدرت اقنعها بسويه عند الجارالله يمكن هذي خيره الله لي

 

[تعبت من الرجيم]

اب اب

 

[سـما]

لما سويت عمليتي من 11 يوم في السلام عند الدكتور محمد براك الهيفي
كل يوم كنت اسئل السسترات نفس السؤال وتجيني نفس الاجابة :
كم عملية تكميم \ سليف تسوون باليوم ؟
يقولون فوق العشرين
22 - 24 - واليوم اللي طلعت فيه كانوا مسوين فيه 25 عملية تكميم

طبعا كان سؤالي الثاني , من اكثر الدكاترة اللي يسون عمليات التكميم ؟
قالوا لي :
اكثر دكتور الهيفي , ومعه خالد العنزي والشرف
الثلاثة كل يوم عندهم عمليات تكميم
والباقي عندهم لكن مو كل يوم

وسألتها عن الجار الله .. قالت اقلهم جميعا , وصار له فتره ما سوى


انتي اخذي امج وروحي السلام
وسألوهم بأنفسكم
وبعد روحي السيف اذا حبيتي واسأليهم

المستشفيات وعدد العمليات هي اللي تحدد
وليس الاعلانات المدفوعة الاجر


الهيفي اللي مدحه لي هو البرفسور عمرو عصام
دكتوري اللي ولدني , سوا عنده التكميم ومدحه لي
وشفت بنات بعد مسوين عنده ومدحوه وطلع كلامهم صحيح الله يجزاهم خير
لو تقرين عنه ما شاء الله تبارك الله
ترى هو اول عربي عمل عملية ازالة المرارة بالمنظار كانت قبل 15 سنه او اكثر
كان ثالث دكتور بالعالم يعملها
وهو الوحيد اللي يسوي تغليف للمعدة بعد تدبيسها
اقري عنه بالقوقل
عمل لي التكميم باربع فتحات تجميلية بحجم الاظفر تقريبا
نصيحة لوجه الله استخيري عن عملية الثق الواحد , تراها اصلا مو ثقب واحد
هي ثقبين ,
وخطرة
والموضوع مايحتاج خطورة

اذا تبين رايي
لا تفكريتن بغير الهيفي او العنزي
والاهم استخيري والله يوفقج

 

[**دانات**]

شوفي انا اخوي مسوي عند الجار الله وتهبل عمليته

 

[تعبت من الرجيم]

سما..
اللحين اانتي نصحتيني نصيحتين الاولي عن الدكتور،، والثانيه عن الثقب الواحد،،

الدكتور بسوي الي قلتيه وبروح معاها السيف لان عمليتي فيه ،،


بس لثقب الواحد الدكتور قالي افضل لانها مع الايام ماتبين مع الزواج وغيره ،، فحبيتها،، وقالي اسهل من عمليه الفتق وغيره ،،فمادري،، تهقين اصعب من الي فيها ٥ فتحات؟


دانات،،

صج والله ؟ومن متي؟وشلونه اللحين؟وثقب واحد ولا اثقاب متعدده

 

[ديانا سبنسر]

اب اب

 

[شمس خلف السحاب]

الجارالله يسوي اي مستشفى

 

[تعبت من الرجيم]

شمس
يالسيف يالسلام

 

[شمس خلف السحاب]

^^^

مايسوي بالحكومه

 

[سـما]

سما..
اللحين اانتي نصحتيني نصيحتين الاولي عن الدكتور،، والثانيه عن الثقب الواحد،،

الدكتور بسوي الي قلتيه وبروح معاها السيف لان عمليتي فيه ،،


بس لثقب الواحد الدكتور قالي افضل لانها مع الايام ماتبين مع الزواج وغيره ،، فحبيتها،، وقالي اسهل من عمليه الفتق وغيره ،،فمادري،، تهقين اصعب من الي فيها 5 فتحات؟


دانات،،

صج والله ؟ومن متي؟وشلونه اللحين؟وثقب واحد ولا اثقاب متعدده

الثقب الواحد اللي من السرة , يكون وياها ثقب ثاني بعد
يعني النتيجة ثقبين 2

انتي تخيلي
المعدة شبعدها عن السرة ؟
المسافة هذي راح يشقونها من داخل البطن عشان يوصلون
للمعدة ويقصونها


لكن ان كانت اربع ثقوب صغار بحجم الاظفر ؟
وبخياط تجميلي لصق بدون خيوط؟
ما يدور السنة الا مختفي الاثر
خصوصا ان كان الدكتور شاطر

ويفتحون مكان المعدة بالضبط ويقصونها
وثلاث قتحات صغار عشان المنظار يشوفون المعدة ويشتغلون

يعني بيكون المكان كله على بعض اللي بيشتغلون فيه
مساحته صغيره دار مدار مكان المعدة
ومن ثاني يوم وانتي تقدرين تمشين بالممر بالمستشفى
والحمدلله ما فيج الا العافية ان شاء الله

اما الاولى جروحها الداخلية اطول واكبر بالمساحة
والتعافي فيها ياخذ وقت اطول
وبالمقابل فتحتين ووحده منها كبيره ؟ ليش طيب ؟
خليهم يكونون اربع صغار وخلاص

ومثل ما سمعنا ان اغلب الوفيات كانت من الثقب الواحد
اللي هي عمليا ثقبين اصلا ,



انا ما شفت خياط الدكتور خالد العنزي للامانه
لكن شفت خياط الهيفي ما شاء الله عليه فنان تبارك الله
اربع ثقوب صغيره مافيها خيوط .. يسمونها تجميلية
اذا كان الشكل الخارجي للثقوب يهمج كثير .. ترى جدا ما يبين