نصوص الأغاني ... إعداد مناي

[Asrarie]

رد: موسوعه كلمات الاغاني >> دشي وطلبي الاغنيه الل تبينها..

اصحى تزعل >> عبدالمجيد عبدالله

اصحى تزعل لو تفارقنا
وبعدنا وجيت مره عنك اسأل
اصحى تزعل مني تزعل ..
ماتهون ايام حبك
حلوه كانت ولا مره
تبقى انت في حياتي
أحلى حب واحلى عشره ..
وانت برضو صدق الاول
واصحى تزعل مني تزعل ..
يازماني اللي تغير من بقابك ماتأثر ..
شلت جرحك كل طيبه
ليت تفهم او تقدر
اني بسأل واللـــــــــه بسأل
واصحى تزعل مني تزعل..

 

[Asrarie]

رد: موسوعه كلمات الاغاني >> دشي وطلبي الاغنيه الل تبينها..

ماكان الفراق >>> عبدالمجيد عبدالله

والله ما كان الفراق اختياري

ولا عمري اخترت الوصال ولقيته

وأنا أعشقك عشق المَطر للصّحاري

مهما قِسى وقتك علي ما جِفيته

ماكان بعدي عنك بالبال طاري

اخترت بعدي عنك منك ورضيته

لو كنت داري بس لو كنت داري

ما أعطيت لك قلبي وحبّك مشيته

لو مل من صبري حنين انتظاري

ما قلت أبيك ولا رجوعك رجيته

اذبلت من طبعك ورود إعتذاري

عطشان ذوق ولطفكم مارتويته

ليت الزمن يقدر يرد اعتباري

ويبري لهايب قلبي الي كويته

روح مراح الليل والليل ساري

لو كان مهما كان حبك نسيته

 

[Asrarie]

رد: موسوعه كلمات الاغاني >> دشي وطلبي الاغنيه الل تبينها..

أغنيه من كلمات خالد الفيصل لمحمد عبده


من بادي الوقت هذا طبع الايَّامِ
عذبات الايَّام ماتمـدي لياليهـا
حلو الَّليالي تواري مثل الأحـلامِ
مخطور عنَّي عجاج الوقت يخفيها
أسري مع الهاجس الَّلي مابعد نامِ
وأصوِّر الماضي لنفسي وأسلَّيهـا
أخالف العمر أراجع سالف أعوامِ
وأنوَّخ ركاب فكري عند داعيها
تدفى على جال ضوَّه بارد عظامي
والماء يسوق بمعاليقي ويرويهـا
إلى صفالك زمانك علِّ ياظامـي
إشرب قبل لايحوس الطَّين صافيها
الوقت لو زان لك ياصاح مادامِ
ياسرع ماتعترض دربك بلاويهـا
حتَّى وليفك ولو هيَّم بك هيـامِ
سيَّور الايَّام تجنح بـه عواديهـا

 

[شريطه ورديه]

رد: موسوعه كلمات الاغاني >> دشي وطلبي الاغنيه الل تبينها..

قالوا نسيته؟ قلت انا ماقدر انساه
قالو تحبه
قلت انا هذي الحقيقه
قالوا تزوره قالو انا وين ابى القاه
قالوا تحاول قلت كيف الطريقه؟
قالو تشوفه؟
قلت انا وا حلالاه
قالو ا تحاول قلت كيف الطريقه
قالولي اصبر
قلت انا الصبر ما اقواه
الصبر عن مظنون عيني ما اطيقه
ياناس خلو كل قلب وشقواه
ليه التشمت؟
والحقايق عميقه

 

[كررررز]

رد: موسوعه كلمات الاغاني >> دشي وطلبي الاغنيه الل تبينها..

اهنيج على هالموضوووووووووووع الحلو اناودي اشارك بس مااحفظ الاغاني بس موضووووعج عجبني حيل
ولااااا توقفون بليييييييييز

 

[Asrarie]

رد: موسوعه كلمات الاغاني >> دشي وطلبي الاغنيه الل تبينها..

شريطه ورديه : مشكووره قلبي عالاضافه بس ياليت لوتكتبين منو المغني

كرز بعد قلبي انتي اسعدني مرورج وانشالله بتشوفين اللي يسعدج

 

[Asrarie]

رد: موسوعه كلمات الاغاني >> دشي وطلبي الاغنيه الل تبينها..

الحلم مايصدق >>> عبدالله الرويشد

ماني خيال لابغيته طرى لك
يجيبني عندك ليامن بغيته
لايبعدك ذاك الشعور بخيالك
لاياخذك وتقول حلمي لقيته
لاتقول قلبي من جروحه شكى لك
لاتلتفت للجرح لا من شكيته

لاترتجي قلب بحبّه وفى لك
بعض الأمل لو كان بيدك عميته
لقيت من يفهم شعوري بدالك
هذاك لو يطلب حياتي عطيته
رضيت بعدك يوم جرحي رضى لك
الله يسهّل دربك اللي مشيته

خلّك مع أوهامك بعيدٍ لحالك
الحلم مايصدق ترى لو رجيته
والله ماذكر لك قديم مضى لك
وان كان لك ماضي تراني نسيته
كانك تقول إسمك بـ قلبي بقى لك
أسمك كتبته بالرصاص ومحيته

 

[Asrarie]

رد: موسوعه كلمات الاغاني >> دشي وطلبي الاغنيه الل تبينها..

على كيفه – نوال


يبيني على كيفه ولا يفكر بحالي..
صوابي وخطايا بواقعي او خيالي..
ليته يفهم ظروفي او يهدي لي خوفي..
ليه الهوا يبدا بنظرة وابتسام..
عالم نشوفه في بداياته غريب..
وليه المشاعر تنتشي باحلى كلام..
لما تلاقي بالهوا اغلى حبيب..
ليه.. مهما كبر عمر الفرح وقته قصير..
تبقى مساحات الحزن اكبر كثير..
ليه التساؤل يستمر واحنا نغيب..
وتبقى مشاوير الالم ذكرى حبيب..

 

[Asrarie]

رد: موسوعه كلمات الاغاني >> دشي وطلبي الاغنيه الل تبينها..

لين شافوني >>> عبدالمجيد عبدالله

لين شافوني اسكتوا

ما يتمّون الكلام

اللّي قبل ما أوصل بدوا

الأكيد إنّه علينا

وعن نهايتنا الحزينه

يحسبون إنّ انتهينا مادروا

يوم نتوادع تبادلنا القلوب

قبل تفريق المواني والدروب

كلّ منا لانبض قلبه يذوب

أبعدونا قربونا ماقصدوا

يحسبون إن انتهينا مادروا

كنت قدامي وبعيوني أراك

صرت أغمضها وألقاني معاك

إنت يادايم هنا و أنت هناك

أبعدونا قربونا ماقصدوا

يحسبون إن انتهينا مادروا

ماتغير شي غير الحب زاد

لهفه العشاق قايدها البعاد

توصلك لو ب أبعدونا قربونا ماقصدوا

يحسبون إنّ انتهينا مادروا

يني وبينك بلاد

 

[Asrarie]

رد: موسوعه كلمات الاغاني >> دشي وطلبي الاغنيه الل تبينها..

ماكان له داعي – عبده


جرحت قلب الغرام وزدت في عنادك
تبغي الصراحه ترا ماكان له داعي
من أربع شهور كثر الصد وش فادك
ماغير حرضت طول الليل لخضاعي


طيرت الأشواق من مرفاك وبلادك
وذبلت رسايلك ما جاني بها ساعي
يا زين تتوقع أن اللي حصل زادك
بالعكس مازادك إلا زاد في أوجاعي


اللي محيرني أنك في الزعل عادك
للشك وهرجة الواشين تنصاعي
ليكون شي في بالك صاير مرادك
أخاف قاعد تفكر تلوي اذراعي


هذا ولا الحلم سولفها على رقادك
وشلون تبغي تسويها وأنا واعي
لو دمعتك سولفت لكبود حسادك
كان الرعيه تقيم قيمة الراعي


لو دمعتك سولفت لكبود حسادك
كان الرعيه تقيم قيمة الراعي
من أربع شهور و انته مطول عنادك
اسمع ترا صدق مال اللي حصل داعي

 

[ام الغالين]

رد: موسوعه كلمات الاغاني >> دشي وطلبي الاغنيه الل تبينها..

مشكورين على الموضوع الحلو

 

[Asrarie]

رد: موسوعه كلمات الاغاني >> دشي وطلبي الاغنيه الل تبينها..

حبيبتي انتي حيااج الله وتابعينا انشالله المزيد بالطريج

 

[عين الروح87]

رد: موسوعه كلمات الاغاني >> دشي وطلبي الاغنيه الل تبينها..

مشششكووورة ياقلبي على الموضوع الحلو ..
عندي اغاااااني وااايد خصوصا لراشد الماجد ..
اغنية تفنن
كلماااات : المبدع أسير الشوووق
غناااء : رااشد الماجد
تفنن في طروق الحب شرقني وغربني
معك يازين دوخات الهوى و ياحلو مشواره
وغرد في سما حبي ابي تحكي و تطربني
سواليفك مطر عمري وربيعك ضحة ازهاره
حبيبي يابعد كلي وكلك صدق تعجبني
بغيباتك وصداتك وتلويعك وتكراره
تجنن كل ما اشوفك احس انك تعذبني
تضيعني من الدنيا تشب بخاطري ناره
جمالك ناهب(ن) قلبي و تفكيري وناهبني
ودلالك يارقيق العود عود(ن) تعزف اوتاره
كتبتك نبض في شعري دخيل الله تكتبني
حبيب(ن) في مواعيد الغرام رضاه بزيارة
تولعت بتصانيفك وتلويعك يعذبني
و على اي حال راضي بك شمس العمر و انواره

 

[Chocolate addict]

رد: موسوعه كلمات الاغاني >> دشي وطلبي الاغنيه الل تبينها..

في البدايه موضوع ممتاز توشكرين عليه بصاحه و على جهدش فيه

و انا بالبدايه ودي ألبي طلب اختي سيد الغنادير في اول الموضوع

و هي شله تركي 2000 بعنوان الخلطه السريه و بعدها بشارككم بالاغاني اللي احبها


ياعذابي منك ياموتي وياحرماني
زابن بالله تخفف عني الي فيه
من عذابك وشهوالي باقي مجاني
في عيوني من عذابك صايرن ماليه
وانت تدري كل ماتحتاج لي تلقاني
يشهد الله عنك ماتقدر تشح ايديه
بس تكفي لا تعذبني ولاتنساني
ضمني يانور عيني في حشاك اشويه
كل ماشفتك ادخلني في عالم ثاني
عين تنظرلك بشر وثانيه حوريه
فيك شيطان الهواء يامنيتي وصاني
بالغلا والولفي والتقدير والحنيه
والقصيد لابغيته فيك مايعصاني
يتباشر في وصوف اعيونك السحريه
ووجودي لو اشوفك يا بعد خلاني
والله اني لحذف الغتره على الطاقيه
كيف انا المجني عليه وكيف صرت الجاني
لعنبو حظك ضبت الخلطه السريه
لين من طيشك ومن حبك نسيت اخواني
صرت اجي وروح لا هاذي ولاهذيه
والهواء هو حكي مشعور وهو سلطاني
اشهد انه راح فيها تركي الميزاني
والله اعلم وش تكون الخلطه السريه

 

[Chocolate addict]

رد: موسوعه كلمات الاغاني >> دشي وطلبي الاغنيه الل تبينها..

اغنيه يا مرحبا يا معنى

هذي الله يسلمك اغنيه لمحمد عبده

كلمات محمد بن راشد آل مكتوم

و اهي رد على خالد الفيصل في قصيده من بادي الوقت اللي ذكرتيها من قبل يا مريوووم

يامرحبـا يامعنَّـى خـط الأقـلامِ
مثايـلٍ شوَّقتنـي فــي معانيـهـا
حي المثايل ياسلالـة نسـل الكـرام
يامن بيوتـه عـن الـزلاَّت يحميهـا
من داثر الوقت وهذا طبـع الايَّامـي
مرَّات تصفى ومرَّات الكـدر فيهـا
كم واردٍ ضاميٍ صد درب الاحيامي
وكم واردٍ شرب من صافي مغانيهـا
لاتنظر الَّلي مضـى وتعـد الايَّامـي
أرعى ربيـع الزَّمـان أول لياليهـا
حلو الَّليالـي تعـوَّض مـر الايَّامـي
مايحسب الوقت ويفكَّر في ماضيهـا
لو كان مابي كتبته جفَّـت أقلامـي
من حرَّتـي أبـدع أمثالـي وأغنَّيهـا
ردار فكري يصوَّر لي مضـن زامـي
في هندس الَّليل يوم أرتـاح غافيهـا
يوم الخلايـا تِنـام وفكرهـا نـامِ
حرام عينـي لذيـذ النَّـوم يغفيهـا
حالي كما عشب صيفٍ صابه الضَّامي
وإلا كمـا وردةٍ جفَّـت نواديـهـا
نار الغضى والتوقَّد في بحـر طامـي
خالـد وعيَّـا مولَّعهـا يطفَّيـهـا
ريمٍ رعى في الفياض وزهر الأوسـامِ
قايد خشوف الجوازي فـي مِفاليهـا
بأرض المحيله ولـو تاطاهـا الأقـدامِ
تِزهى وتِضحك لها الدَّنيـا ومافيهـا
سود الَّليالي مـع سالفـات الايَّـامِ
نأخـذ مجازمهـا ونتـرك لياليـهـا
نمشي على درب ماتاطـاه الاقـدامِ
وإن وعرت الأرض يعجبني المشي فيها
ياخوي أنا ريت رويان وهو ضامـي
ياكيف عطشان في جاري سواقيهـا
ريَّح ضميرك ولو هيَّم بـك هيامـي
حقاً على الَّلي جرح نفسك يداويهـا
يامفطر الوقت هذا شهـر الصَّيامـي
وليلـة القـدر فـي آخـر لياليهـا
يازين هدَّ الوحـش بعـض الايَّامـي
في ديـرةٍ قفـرةٍ عسـره مضاويهـا
أشقر طويل المعنَّق يبـري العظامـي
صوايده مِن فنادي الصَّيـد يدميهـا
ياشيـخ هـذا زمـانٍ كلِّـه انعـامِ
الذيب جايـع وشبعانـه حصانيهـا
لو كان يبغـى يغـزَّر نابـه الدَّامـي
ياكيف تكسر جوارحهـا ظواريهـا
وكل مخلوق في الدَّنيـا فـلا دامـي
لابـد تنهـي مغازلهـا مطاويـهـا
وآخر كلامي بحرف السيـن والـلامِ
والميـم والعيـن تِتلاهـا قوافيـهـا

 

[wash_wash]

رد: موسوعه كلمات الاغاني >> دشي وطلبي الاغنيه الل تبينها..

استكثرك (عبدالمجيد عبدالله)

استكثرك وقتي علي و غدى بك
عادة زماني كل ما طاب هون
ليت اللذي وداك يا زين جابك
تشوف عقبك كيف الايام سون
شرقن مشيت و غرب وقتي مشى بك
و القلب ماله لايمن فيك لون
طويتني طي الورق في كتابك
حتى معاليق الحشى لك تطون
اشتقت لايام الهوى في جنابك
يوم الشوع ابليل الاحباب ضون
و اشتقت اقول الهاتفك مرحبا بك

​

 

[Chocolate addict]

رد: موسوعه كلمات الاغاني >> دشي وطلبي الاغنيه الل تبينها..

wash_wash

اختيار راقي يعكس ذوقش الراقي بصراحه


احبه هالاغنيه


لاهنتي على النقل

 

[عين الروح87]

رد: موسوعه كلمات الاغاني >> دشي وطلبي الاغنيه الل تبينها..

و هذي اغنية رااااشد المااااجد
وحشتني سواليفك
وحشتني سواليفك وحشة شوفتك اكثر
كل ليلة مع طيفك حبيب الروح انا اتحسر
طاير من عيوني النوم على ذا الحال انا كل يوم
سمعني حبيبي الصوت وسيرني على كيفك
كلامك فيه نشوة روح يحرك فيني الوجدان
يعطيني امل مفتوح في لقياك مهما كان
ساعة يختفي صوتك اعيش بعالم النسيان
لا تقطع علي الصوت انا مقدر على الحرمان

 

[عين الروح87]

رد: موسوعه كلمات الاغاني >> دشي وطلبي الاغنيه الل تبينها..

وهذي بعد اغنية لراااشد بما اني وحدة من معجبينه
الا يامطوله صبري
الا يا مطوله صبري اذوق المر من كاسه
انا يا كم قسى دهري علي وكم قسو ناسه
تهنى من سلى قلبه مشى كلن على دربه
وطيت الشوك انا وحدي ولا قبلي حدن داسه
احد مثلي بكى لما بكى دمعه ولا فاده
احد مثلي قسم همه معه في شربه وزاده
الا من قد صبر مثلي وانا في حالتي مبلي
وقل الحظ من صغري معي للحين هو عادة
على الله يا بقى دمعي محد غيرك وفا ليا
جفوني كل هلي وربعي وانا مقفي على النيه
يا دنيا لو على قلبي احبك بس وش ذنبي
رضيت انا بردى حظي وحظي ما رضى بيا

 

[عنــزيه والقلب*سهــلي*]

رد: موسوعه كلمات الاغاني >> دشي وطلبي الاغنيه الل تبينها..

تسلمـــــــــين حبيبتي موضوع روعه واسمحي لي بضيف بعض الاغاني لفنان العرب محمد عبدو