نصوص الأغاني ... إعداد مناي

[OoH La La]

رد: بنات تعالو نكتب اغاني الثمانينات والتسعينلت

احب اسمع اغنية راشد الماجد شرطان الذهب


لف شرطان الذهب فوق المتـون
لفها يـوم التـوت فـوق البيـاض
خـاف غضّـات الصبايـا يزعلـون
سيّدات البيض ما فيهـا اعتـراض
إن حكى غصبٍ عليهـم يسكتـون
وإن سكت تسكت معه كل الرياض
يـا جماعـه يـوم سلهـم بالعيـون
قال .. يا رمشي من (السامر) تقاض
لوه ما وصـى المدامـع يرحمـون
كان متنا يوم بـرق العيـن نـاض
يـا صـل الله يـا عيـونٍ تقطعـون
وتهلكون الحـي بصحـاحٍ مـراض

عبدالكريم عبدالقادر

آخر كلام انته وانا ما نتفق = آخر كلام والأفضل اننا نفترق
لا عيني تراك ولا أذني تسمعك = في أمان الله روح الله معك
حاولت في كل هدوء = أسمع كلامك للأخير
حاولت اضحي بكل شيء = الفراق ما ودي يصير
وانت الذي اخترت الطريج = وأشعلت في يوفي حريج
أتركني في حالي = وارحل على خير
لا عيني تراك ولا أذني تسمعك = في أمان الله روح الله معك
يا ليالي عشتها = يا جروح شلتها
انتهى كل شي بيني وبينك = ما بقى لحبك بقايا
لا عيني تراك ولا أذني تسمعك = في أمان الله روح الله معك
عفوا عفوا حبيبي الزمان نساني حبك
واكذب عليك واكذب عليك لو اقول اني احبك
ياليالي عشتها ياجروح شلتها
انتهى كل شي بيني وبينك .. ما بقى لحبك بقايا
لا عيني تراك ولا اذني تسمعك
في امان الله روح الله معاك
اخر كلام






مشكوره يابنت امها وابوها على الموضوع رجعتينا لايام زمان

 

[وائليه]

رد: بنات تعالو نكتب اغاني الثمانينات والتسعينلت

انا اذكر اغنية عبادي وحيل احبها نزلت قبل الغزو بأيام ومااشتهرت

ياللي تحبيني شهر
وثم تجافيني شهر
ثم تحنيلي شهر
وتفكري كيف الرجوع كذا شهر
وبترجعيلي في شهر
ماقد خطر في خاطرك
ان السنه ثناعشر شهر

وهم أحب اغنية محمد عبده

أبسقي عطش قلبي اليابس على شفاهي بقول أحبك
ارفض اني اموت اموووووت في قلبك
ولادرى بمووتي أحد .... حتى أنا
وارفض المسافة والسور والباب والحارس!!

وعندج بعد أغنية عبدالمجيد عبدالله 92
عليهم صابرٍ والصبر طول
عسا أنال في صبري شفاعه

وعندج بعد أغنية سيد مكاوي

الليل بدموعه قاسي وياويلي من سعاتهُ
والصبر لسا ساكت وياويلي من سكاتهُ
اوعدني وتفتكر وتجي لي وتعتذر
ايه القلب اللي يقدر يستحمل كل ده!!


يا سلام على أيام زماااااااااااااااااااان كانت طرب

 

[هيونه المزيونه]

يسلمووو حبووووبه ..


اغنيه نوال <<خذاني الشووووق وانشا الله ماتكوووووون مكرره ..
خذاني الشووووق لعيونك وجيتك __طرالي شي ماعمره طرالي
على بالي ولا لحظه نسيتــــــــك___اسولف فيك من حالي لحالي
تغيب الناس لاجيت ولقيتـــــــــك __اشوووف بضحكتك وقتا مضالي
خذيت من العمر عمر وعطيتك __دفا الايام وسعووود الليالــــي ..
اوووووووووف اووووووف تعبـــــــــــــــــــــــــــت .._<<<بس عادي فدوووووه لعيوووووووونـــــــــــــــــــــــكم
مناااااااااي <<:eh_s(6):يسلمووو عل الفكرررره الحلوووه

 

[chakletaA]

بس احبك غناء مشعل الشايع

ربيع صيف أنا بكل المواسم

أحبك بس أحبك

ما هو بكيفي ترى مكتوب لازم

أحبك بس أحبك

باكل الشوق أنا كل ما نبض شوقي

أحس اني بعدني حي

أنا مخلوق عشان الحب وعيونك

وما بي من زماني شيء​

 

[*كوووكا*]

رد: بس احبك غناء مشعل الشايع

يسلموووووووووو

 

[بدويـــة مودرن]

رد: بس احبك غناء مشعل الشايع

....يسلموو... يالغلا...

 

[غلا Q8]

رد: بس احبك غناء مشعل الشايع

عجييبه

مشكوووره خيتوو

عساج ع القوه

 

[^فـّـزولـهـآآ^]

رد: بس احبك غناء مشعل الشايع

يسلموووووو يالغلا فديتش

 

[عين الروح87]

حبيت اشااارك في الموووضوووع من خلال اغاني الاسطووووورة رااااااشد المااااااااجد

تحدوه البشر

تحدوه البشر كلهم وصارو ضده بالهوا والله صارو ولا همو حبيبي
حبيبي ومهما صارو الناس ضده تحداهم وحط ايدي بيده ولا همو حبيبي
ابيك وما ابيهم ولا غيرك سكن قلبي وعيني حبيبي يعود ليا
وجودك عندي بالدنيا يا غالي ورسمك ساكن بقلبي وخيالي ولا غيرك حبيبي
ترى مهما بعادك عني طول ابصبرك لاجل انت واتحمل وترجع لي حبيبي
ابيك وما ابيهم ولا غيرك سكن قلبي وعيني حبيبي يعود ليا


تعودناتعودنا انا وانت تعودنا على النسيان
خذتنا عزة الدنيا وتهنا في ليالينا
تكابرنا على العشرة ولا به غيرنا خسران
صحينا والثمن غالي وضعنا في خطاوينا
نحاول نكتم الحسرة نحاول نخفي الاحزان
نحاول والزمن اقوى وناره حيل تكوينا
قسينا في مشاعرنا غلطت انت وانا غلطان
ولا شفنا سوى الحيرة حبيبي وين ماضينا
نبي نصبر ولا نقدر ولا نعرف لنا عنوان
تغربنا في هالدنيا وماضي الشوق يبكينا
ندمت انت وانا اكثر اعيش بدنيتي ندمان
توقعنا نبي ننسى وذكرانا تصحينا


خلهم ينفعونك

خلهم ينفعونك دامهم يعجبونك
اليوم تضحك شفاتك بكره تبكي عيونك
صرت منهم وفيهم صرت خاتم بإيديهم
بعت قلبك عليهم ليتهم يشترونك
كنت غاية مناتي وكل فكري وذاتي
كنت ماخذ حياتي قبل ماياخذونك
يا حبيبي يا عمري ما ينفعك غير حبي
ما يفهمك غير قلبي والناس مايفهمونك
روح لهم وش تبي بي قريب جرحي يطيبي
رحمة الله حبيبي ولا رحمة عيونك
عطيتك اصدق شجوني وارخصتني يا عيوني
ما دمت عايش بدوني بعيش عمري بدونك


رجاوي

ما ابي اسمع رجاوي ما ابي اسمع حلوف
كل عاشق يخطي مره وانت تخطي بالألوف
ببتعد وهذا قراري وما على مثلك حسوف
كل مره تقولي اسف وانت تتعمد خطاك
هي وين هذي العواطف يالي شاغلني معاك
لما صبري زاد عن حده ومل
قلت ابعد يمكن القى البعد حل
وذا قراري باختياري ما ابي اسمع رجاوي
خذ بقايا ذكرياتك والأماني والوعود
وامحي اسمي من حياتك وانسى اني بالوجود
لا ترجى ما ابي اسمع رجاك
مل صبري وضاعت ايامي معاك



طحت من عيني
طحت من عيني بعد ماكنت عالي
حبك ارخصته بعد ما كان غالي
كل شي برضاه منك الا الخيانه
بعدها يحرم على حبك وصالي
كم سهرت ايام في حبك مولع
ما دريت انك بتمثيلك خيالي
اشتكي منك واشكيك لعدالة
كل منهم قال قلبك ماصفا لي
كنت مالي كل قلبي وكل عيني
وكنت احسب اني وسط قلبك لحالي
واثري قلبك كل يوم له حبايب
واثري قلبك من احساس الحب خالي
يا خسارة وقت في حبك قضيته
ضاعت احداثه هدر طول الليالي
روح انا ماني متحسف بعادك
بس اعزي من بيرضى بك بدالي

علمووونا
علموناا ليه رحتوا علمونا
ننتظر مرسال منكم طمنونا
الزعل طول امانه ليه متى فهمونا
فهمونا وش تبون وريحونا
اسالوانا عن غلانا والهوا
جربوا ياناس واسالونا
جاملونا لو بكلمه في السنه
وان ماتبون تكلمونا اسمعونا
يانحب بصدق ولا لانحب
الحب عادل والحبايب يظلمونا
ماشكينا غير فرقا احبابنا
يالله حسوا عاد فينا وكلمونا
علمونا ليه رحتوا علمونا

 

[طيووف]

تسلمين يآلغلآآ ..
يعطيج ربي آلعآفيـه ..

لى عووده بأذن الله ..

 

[جريحة الصمت]

حبيت اشارك في الموضوع..بأغنية العنكبوت..للوسمي
:::::::::::::::::::::::::::::::::::::

تضحك وانا لجلك اموت .×. والعمر ياعمري يفوت ..

شوف الزمن في حالتي.×. وقف عقارب ساعته ..

شوف الشقى في دنيتي .×. حصل مناه وغايته ..

ينسج على حلمي بيوت .×. تشبه بيوت العنكبوت ..

خذلك من الواقع عبر .×. واتحسس القلب الكبير ..

ياما عطى وياما صبر .×. وانته ولا عندك ضمير ..

احذر ترا بيجيك يوم .×. بتصير لي مالك لزوم ..

بين الهواجس والهموم .×.ما ينفعك في الحب صوم ..

ياهم خذ همك وروح .×.ياصبر صبرني عليك ..

يكفي متاهات وجروح .×. لا جيت انهيها ابتديت ..

المشكله قلبي معاه .×. كل يوم يتجدد غلاه ..

كل ما نصحته قال اه .×. وش حيلته غير السكوت ..

 

[للحين ناطره]

للامير خالد الفيصل
وغناها محمد عبده
وتهيض كل مافيني
أون ورياح الليـالي تون ... والبرد في جوفي كما الغار خـــاوي

ماكن لي قـــلب ولاعقل كني ... جذع وقف في وجـه الايام ذاوي

وبي عبرة محبوسـة تمتحني ... في عيني وحلقي وصدري شـكاوي

وبي من قديم الوقت جرح مكني ... وبي من جديد وقتي مــكاوي

ان قلت زانت خالف الوقت ظني ... وان قلت هانت عاجلتني بـلاوي

اجامل ايامي ولا جــاملني ... هامت بي الدنيا هيام الخـلاوي

الوقت جاير والليال اسـهرني ... والحزن مابين الضلوع متلاوي

أون وكل يحـسب اني أغني ... عليل وكل يحسـب اني مداوي

 

[الجوريه الحمراء]

بدل ما تذكرون القصايد اللي قالها حسان بن ثابت عن الرسول تكتبون قصايد حب وغزل

الله يهديكم

 

[fdeetni]

تصووووووووووووووووووووووووووووووووووووووووور


اه يا عبدالله الرويشد اييبها عالوتر الحسااااااااااااااااااااااااااااااااااااااااس!!!





>>>~~~~تسلمين على هالموجود الطيب ~~~~<<<


~~^_^~~
تقبلي مروري!!

 

[fdeetni]

~~ رسااااااااالــــــــــــه~~



بعد عشرة عمر راحت
وليالي طوال من فرقاك
سألت وجيت تشكيلي
وتطويني مع همك
هداك الحظ ولا الشوق
ولا خانتك دنياك
غريبه انت؟هذا انت؟
او واحد مثل رسمك
رغم همي وحرماني وانا عايش على ذكراك
رغم كل الجروح اللي تعبتني
راضي بحكمك
حبيبي جيت في وقتك
قضى عمري وانا اتمناك
تعال وان ما سعاك الكون
بعيوني انا اضمك
احبك كل اخباري
عسى عمري يروح فداك
عسى بعض الشعور اللي جرالي
يجري بدمك
احبك كثر ماتطري على بالي ولا القاك
كثر خوفي عليك ومنك
وكثر ما اشهق بأسمك

 

[fdeetni]

( بعد اللي صار )


بعد اللي صار
مالي اختيار
لاتنتظر مني وعد
بعد اللي صار
انا القرار انا الاختيار
خلاص لابد ارحل وابتعد
واخذ على نفسي عهد
وانسى حبك للأبد
و اوجد لذاتي مسار
بعد اللي صار
لا ولا لا ولالا ولا
لا ياكذبه بدنيتي
ظلمها ماله نظير لو في بعدك وحدتي ارحم كثير
لاكلامك لارجاك
يوم صافي لي معاك
لك حياتك ولي حياتي
ولي هواي ولك هواك
انت وانا مشكله
حلها نبقى بعيد
وجرحي عندك اسأله يحجي ويعيد
الندامه عاللي فات
مستحيل تحيي اللي مات
بعدك انا برجع انا
والحياة ترجع حياة

 

[fdeetni]

( شفتك ):ggdw::gathering:
شفتك ولاحطيت عيني بعينك
خايف عيونك لاتنادي عيوني
واخضع ولا عندي خضوعي بدينك
اكبر مصيبه في معالم جنوني
يانور عيني لاتبين حنينك
كلن يهون الا انت لاماتهون
ودي بقربك بس ويني ووينك
جور الليالي صار دونك ودوني
ابعد فمان الله والله يعينك
قلبي على عهدك حشى لامايخون
ونين قلبي مايعادل ونينك
همي كبير وغير الوقت لوني
اهين كل اللي يفكر يهينك
حبك يداعب خافيات الشجون
هاذي يميني حطها في يمينك
هاذي ديونك وانت عطني ديوني


:gathering:

 

[fdeetni]

( قلبي معـــــــــــــك)



قلبي معك يامشغل البال ملتاع
ياللي تدور مايزيد التياعي
المشكله انك فاهم كل الاوضاع
ومال الهجر بالحب يا زين داعي
خليت قلبي يرتجف بين الاضلاع
يصبح علي الصبح مانمت واعي
فيك الرجا يامشقي الروح ماضاع
وعيت عيوني قبل غيرك تراعي
ياللي عيونك حلوة سود ووساع
معذور لو جيت الهوا باندفاع
ياما نهيت القلب لاشك ماطاع
راضي بغرام اللي سعى في ضياعي

 

[fdeetni]

طبعا كل هذيلا اغاني عبدالله الرويشد



واتمنى ماطولت عليكم :*:dddds::eh_s(6):

 

[بدوره 22]

حبايبي منو تقدر تحط لي كلمات اغنية ربوع الشمال حق سلمان زيمان ... كح كح كح كح

ادري والله ان طلبي قديم بس تكفون ابي الكلمات