نصيحة لكل بنت تبيع اهلها عشان رجل !

[محتارة وايد]

ادعوا للبنت الله يهديها و لا تتزوج هالريال

 

[كتكوته غنوجه]

شوفوا اصلا لازم الاهل ما يغصبون البنت يقولون لها انت عارفه مصلحتج وبنفس الوقت ما يقولون شوفي احنا مالنا دخل ان صار شي لا حراااااام اصلا يمكن يتهاوشون المتزوجين تيي حق اهلها يقولون لها انت اللي اخترتيه حرام والله وبعدين في اهل مو كفو بنتهم يعني في اهل يعذبون بناتهم ولما تغلط البنت يقولون شقصرنا عنج ولا تلومون البنات ان حبوا وتزوجوا وهدوكم يا الاهل لانكم اساس الغلط وثينكس تقبلي مروري

كلامج 100%:eh_s(15):
صراحه في اباء موقد الامانه وانا سامعه اكثر من شيخ يقول اذا الاب رافض بدون سبب قوي
فالبنت من حقها ترفع قضية
وبعدين هالاب يعتبر بالاسلام (خاين امانه)
حرامنحط الغلط كله عالبنت
وباجر لي سوت شي غلط هم حطوا اللوم عليها
يعني لايرحمون ولايخلون رحمه الله تنزل
انا صراحه اشوفهم وحوش هم وكل واحد يشد على ايدهم:eh_s(2):

 

[الصداقه]

صح كلامج اهم شي الوالدين حتى لوحبيت شخص اهم مايحبونه بظل اسمع كلامهم والله يهدي الجميع

 

[شفايف كرزيه]

الله يجزاج خير
ومعاج حق الرجل شلون ينظرلج وانتي بايعه اهلج عشانه اكيد تبعينه بعد

 

[مسك حياتي]

جزاج الله خير ...

 

[dj.RomanCe]

أول شي اللي مافيه خيــر لأهله مافيه خيــر للناس ..

وثاني شي .. آنا اشوف بنات زعاطيط بالمدرسه آحب فلان وفلآن غيــر بنحاش معاه وبتزوجه وبالطقاق اهلي

والله وحده قاعده تدعي على ابوها بالموت حسبي الله عليها

وبعدين شدعوه لي تزوجتي اللي بعتي اهلج عزوتج عشانه راح يعوضج عنهم ؟

بالعكس انتي بنظره من غيــر شرف ولآ راح يأمنج على حياته وعياله وبيته

يعني والله بنات هالأيام مادري شقول عنهم غير الله يهديهم






شكرآآً عَ الطَرْحْ

 

[فلبينية عبدة]

مشكوورة ع النصيحة

 

[طموحه بزياده]

يالله حسن الخاتمه



يعطيج العافيه

 

[الورده الناعمه]

كل شي يتعوض المره تتعوض الريال يتعوض العيال يتعوضون
بس الاهل ليه راحو شعوضهم ؟
الله يخلي لنا اهلنا يارب واهما ادرى بمصلحتنا

 

[درر2008]

شوفي دايما الوحده تشتري اهلها حتي لما تزوج زواج عادي الاهل موافقين عليه لااااااااااااااااازم ترز اهلها قدام زوجها واسرار اهلها ماتقولها للزوج وترفع فيهم

 

[زهراء 24]

اهم شي موافقه الاهل
مستحيل ابيع اهلي واستغني عنهم عشان ريال
اخر شي ممكن هالريال يبيعني ويهدني
الريال يتعوض في بداله مليون وااحد
امه الاهل ما يتعوضون
واغلب اللي تزوج بدون رضى اهلهم بعد مده من الزواج
يندمون علي سوو​

 

[نكهةالبرتقال]

معاج بكل كلمة

 

[نكهةالبرتقال]

اعرف وحدة تزوجت و ابوها موراضي بس تنحت الا تبي الريال - و ابوها زوجها عل مضض

و تخيلي تطلقت من الريال بعدين تزوجت عقبه و هم تطلقت و مو متوفقة ابد

شوفي

ربي ينزع البركة من الرزق ان كان في غضب الوالدين

 

[F A R A W L A]

الله يهدي هالنوووعية
وربي يحفظنا ويستر علينا
ويبعد الفتن عنا

 

[al3sooola]

صاجه

 

[محتارة وايد]

اشكر مروركم جميعا

و الله لا يوفق كل واحد يشيش البنت على اهلها

 

[سفييره الكويت]

شوفي

اذا كان ابوج عايلتج فزوجج اسرتج..!

اذا ابوج يقولج ماتاخذين هالرجل بدون سبب او لاسباب تافهه ويجبرج على مثلا ولد عمج او غيره هل سترضين حياتك تسير على ابو

انه هذا رضى الوالدين ومن قال ان هذا رضى الوالدين هذا تدمير للذات ..!

اذا لم تكوني صاحبه القرار في حياتك فلا داعي لأن تعيشي كأنسان مكرم ..!

بس بنفس الوقت انا اقول ماتوصل للقضايا هناك الكثير من المحاولات التي تعملها الفتاه للحصول على الرجل الذي تريده ..

نعرف ناس تزوج وحده وابوه وامه رافضين واهلها بعد رافضين تزوجوا بعض ورفعت قضيه حاربوهم اهلهم 10 سنين بعدها سامحوهم

بالاخير بيرضون بالواقع ولكن اذا انكسر القلب صعب يتصلح هذا رأيي ..

 

[خلطات المذهله]

الله يهديهم الريال موعزوة ودايما غدار لازم ماتبيعين اهلج منه

 

[محتارة وايد]

شوفي

اذا كان ابوج عايلتج فزوجج اسرتج..!

اذا ابوج يقولج ماتاخذين هالرجل بدون سبب او لاسباب تافهه ويجبرج على مثلا ولد عمج او غيره هل سترضين حياتك تسير على ابو

انه هذا رضى الوالدين ومن قال ان هذا رضى الوالدين هذا تدمير للذات ..!

اذا لم تكوني صاحبه القرار في حياتك فلا داعي لأن تعيشي كأنسان مكرم ..!

بس بنفس الوقت انا اقول ماتوصل للقضايا هناك الكثير من المحاولات التي تعملها الفتاه للحصول على الرجل الذي تريده ..

نعرف ناس تزوج وحده وابوه وامه رافضين واهلها بعد رافضين تزوجوا بعض ورفعت قضيه حاربوهم اهلهم 10 سنين بعدها سامحوهم

بالاخير بيرضون بالواقع ولكن اذا انكسر القلب صعب يتصلح هذا رأيي ..

اشكر مشاركتج

ما قصدت في هذا الموضوع الاباء الغير صالحين او الي يجبرون بناتهم على الزواج من ولد عمها او هالعادات المتخلفة

لكن اقصد الي تروح ترفع قضية على اهلها عشام تاخذ واحد ما يستاهل ... جذاب و غشاش و مكار و يحرضها على انها ترفع قضية و بالتالي يروح يخووها من وراها !!

اكيد لازم يكون لج قرار ... لمن مو اي قرار !! مو قرار يخليج تنزلين راس اهلج الارض و تفلشلينهم ... الاهل الي تعبوا عليج و ربوج عشام تجازينهم بسواد الويه

انا كتبت موضوع بهالخصوص عن وحدة رفعت قضية على اهلها بالمحكمة الجعفرية لانها كانت تحب واحد مو من مذهبها و خذته غصبن عن اهلها و ابوها الحين منهار .... و بالاخير طلع الرجل خاين و يكلم غيرها بعد و حاول مع غيرها ترفع قضية و شاف ماكو فايدة

انا ابي البنات يحذرون و ما يبيعين اهلهم عشان هالرياييل

اصحوا

ادعوا معاي عسى الله يهدي هالبنت و يبعدها عن طريج هالريال و ينور بصيرتها و ياخذ جزاه عاجلا غير اجلا بالدنيا قبل الاخرة

 

[حبيته من قلبي]

انا معاج بكل كلمه وكل حرف