نصيحة للمتوظفات حديثا

[أحلى الجياكر]

ذويقة و أنيقة
مشكورة على الموضوع و النصايح ...
بس ما يبتى طارى البورصة ؟ هم نوع من الأستثمار طويل الأمد ..
و عندج بعد طريقة حلوة بس يبيلها قلب شوية : تشترين ذهب او فضة بالكيلو ..طبعا مو الحين ..صار ضو سعر الذهب ..بس ممكن ينزل سعره مستقبلا ...

مشكورة على الموضوع :tek:
بس احسن لج تفتحين الحسابين بنفس البنك ... لأن البنك ياخذ منج عمولة على التحويل كل شهر اذا كان استقطاعج لبنك ثاني ... اما التحويل الداخلي إلي بالبنك نفسه فما ياخذون عليه اي عموله

انتى متأكدة أختى ؟؟؟
انا احول بالاون لاين ..ولا طرف ياخذ عمولة !!!

 

[مفرفشة ومنعنشة]

انتى متأكدة أختى ؟؟؟
انا احول بالاون لاين ..ولا طرف ياخذ عمولة !!!

اذا بالنت محد ياخذ عموله يصير ببلااااااااااااااش ... لكن لو كنتي مسويه استقطاع بالبنك واهم إلي يحولون لج كل شهر ( استقطاع خارجي لبنك ثاني ) ياخذون عموله ... هذا إلي اعرفه

 

[أحلى الجياكر]

عيل أوفر الوحدة تسوى تحويل محلى دائم من النت ..

 

[ذويقه و انيقه]

حياكم الله يا الغاليات . آنا ليش قلت احسابين في بنكين مختلفين علشان اللي ما تقدر تمسك نفسها ما تحول بين حساباتها بالنت ، و لازم تنسى الكرت و تنسى رقمه . و بالنسبه للبورصه آنا شخصيا جربتها و الحمد لله ما خسرت فيها لكن مو كل من يعرفلها و يبيلها قوة اعصاب وصبر و آنا معاي القولون ما يسوى علي فسحبت فلوسي و جربت كل شي يخطر على بالج حتى الذهب فكرت فيه بس بصراحه احاتي زكاته و اخاف حتى العمله جربتها بس ما لقيت نفسي فيهم الحين ماشية على العقار بره الكويت و الودايع و الاكتتابات و الحمد الله الله يرزقني و يرزقكم ادعولي . هذي النصايح حق اللي عندها شي متوفر و متاح وفي بدايتها و الدنيا جدامها و تفكر في باجر علشان ما يحوشكم اللي حاشني ( 18 سنه اشتغل ما بديت أيمع الا متأخر بس الحمدلله سويت شي )

 

[أحلى الجياكر]

و مين سمعك يختى
انا 12 سنة اشتغل ..و فسفت فليساتى عدل
تونى يوم تزوجت وعيت للدنيا الغدارة ...
ما اقول الا عسى الله يبارك لنا بهالفلوس

 

[^^DADDIES GIRL^^]

مشكوره حبيبتي نصايحج ذهب مثلج

 

[ذويقه و انيقه]

حياكم الله يا الغاليات

 

[شيهانه]

مشكوووووووووورة اختي صج خوش نصايح والي يبدي متأخر احسن من الي ما بدا نهائيا وكل شي على كتبته الله ..

عندي اسئله اذا سمحتي .....

اولا اراضي عمان اشكثر ارتفعت اسعارها من بداية الشرا وهل تبيعين والا بس خاشتها للزمن ؟؟؟

ثانيا التداول بالاسهم شلون طريقته ؟؟ يقولون يصير اون لاين ؟؟ هل جربتي هل الطريقه ؟؟؟ ومنو يعلمك متى تبيعين ومتى تشترين ؟؟؟

 

[ذويقه و انيقه]

هلا شيهانه - انا بصراحه ما اتاجر فيهم و مخليتهم للبيت ان شاء الله و للزمن واذا ما احتجتها اخليها حق عيالي علشان ما يحوشهم اللي حاشنا مع ازمة البيوت- شوفي الخاص يالغاليه

 

[رذاذ المطر]

مشكوووووووووورة اختي صج خوش نصايح والي يبدي متأخر احسن من الي ما بدا نهائيا وكل شي على كتبته الله ..

عندي اسئله اذا سمحتي .....

اولا اراضي عمان اشكثر ارتفعت اسعارها من بداية الشرا وهل تبيعين والا بس خاشتها للزمن ؟؟؟

ثانيا التداول بالاسهم شلون طريقته ؟؟ يقولون يصير اون لاين ؟؟ هل جربتي هل الطريقه ؟؟؟ ومنو يعلمك متى تبيعين ومتى تشترين ؟؟؟

نفس الاسأله وشلون تشترين الاراضي بره الكويت

و شاكرلج

 

[ذويقه و انيقه]

عن طريق مكاتب العقار بس أظمن لج الشركات عندج شركة امتار مكانها يم ليلى جاليري و عندج شركة ثقه و ما اتعامل انا و رفيجاتي الا وياها وهي شركة اجوان الخليج و عندج معارض العقار

 

[رذاذ المطر]

بنات شنو يعني وديعه فهموووني بليييز

 

[رذاذ المطر]

بنات شنو يعني وديعه فهموووني بلييي


وحدة من رفيجاتي تبي تفتح حساب وتحط فيه حساب ويستثمرونه .. في جذي ؟؟؟

موفاهمه صرراحه

 

[رذاذ المطر]

ذويقه وانيقه .. وين هالشركه اجوان الخليج

طيب انتي تروحين بنفسج للمكان وتوقعين علي الاوراق وتختارين اللي تبينه

 

[الرتاج]

مشكورة عالنصيحه

 

[}{داشـه عرض}{]

خوووش نصائج

جزاج الله خير ...

 

[pure feminine]

خووش نصايح حق الي توها متوضفه ومستانسه بالمعاش

مشكووره

 

[طويلة البال]

توني طالبه..بس الصراحه خوش افكار


يعطيج العافيه

 

[حبوبة الجميع]

ممكن تفهموني يعني شنو وديعه سااااعدوني

 

[A7la 7la]

خــوووووش أفكااااار والله ... بس جنه في اجابات راحت للخاااااص....!! اشدعوه خلونا نستفيد...!


تحيااااتي لمجهودج ..