نصيحه أخت لكل عروس(العنايه الشخصيه)

[#الخشف#]

//السلام عليكم ورحمة الله وبركاته\\​

شلونكم عرايسنا...شلون النفسيه..ان شاء تكونون مرتاحين..​

موضوعي يابنات خلاصة تجربة مريت فيها ولا زلت اتعلم منها وللاسف كم مره انقرصت لكن صج لي قالوا كل طقه بتعليمه..ومثل قال الرسول عليه أفضل الصلاة والسلام((أحب الناس الى الله أنفعهم للناس))​

ومن باب النصيحه حبيت أوفر الجهد على خواتي العرايس فالمنتدى الطيب ((كويتيات)) خاصتا أن البدايه تكون صعبه وماتدرين من وين تبدين​

نجي للموضع (((( ادري بتقولون الله ياطووول المقدمه ))))​

من يتحدد موعد العرس تبدأ العروس تفكررر وتفكررر شلون تكون أحلى عروس خاصتا واذا كانت تعاني من مشاكل بالجسم والوجه والبشره..
(سواد مفاصل والاطراف...تساقط شعر...حبوب بالجسم والوجه)​

وفجأه وانتي تفرفرين عالانستقرام والا رايحه الصالون الا تقرين ذاك الاعلان الحل النهائي لتساقط الشعر...الحل السريع للقضاء على سواد الاطراف والمفاصل...الخ الخ الخ..​

طبعا لانج تعانين والوقت ضيق فمثل هالكلام راح يدغدغ مشاعركم و طيرااااان سجلي اشتراكات بشره وشعر وغيره..واشتري كريمات بمبلغ وقدره..​

نفس ماصار فيني تصدقون سويت اشتراكات ب1600 دينار !!! الف وست ميه دينار طاروا بالهوى ولا حلولي مشاكلي تدرون ليش لاني ماعرفت أنا شنو محتاجه اصلا
عندي صج تساقط بس حلي بمعالجة فقر الدم وانا مسويه اشتراك للشعر مافادني الا انه يرطب شعري كم ساعه ومن اصحى ثاني يوم الا رد شعري نفس ماهو جاف باهت ويتساقط!!​

كنت اعاني من اسمرار بالاطراف وسويت اشتراك خاص بتفتيح المناطق الداكنه اخرتها انسدح عالسرير وتحطلي جم كريم وعقبها تقومني استمريت اكثرر من شهرين ولا فتحت لو درجه وحده​

وحلي طلع اسهل من جذي رحت عياده سويت تقشير وفرق معاي اللون من أول جلسه!!​

مابي اطول عليكم لكن بعطيكم الخلاصه ياعرايس ياحلوات (((برنامج العروس)))..
عالجي مشاكلج الداخليه من نقص فيتامينات + زيتي شعرج بأي زيت تحبينه مرتين بالاسبوع+الاستحمام اليومي بالخلطه الصابونيه+حمام مغربي كل اسبوع او اسبوعين حسب حاجتج+سوي تقشير اذا فيج حبوب أو اثار حبوب​

** في الختام اتمنى القى منكم دعوات طيبه بأن الله يتمم زواجي على خير **​

أختكم #الخشف#

:eh_s(7)::eh_s(7):​

 

[جوري الصالح]

:e3::e3::e3:

 

[do0ora]

صح كلامج حبيبتي الفيتامينات والحديد والهرمونات اهم الاساس
انا جذي سويت تحليل شامل بالمستوصف وعقب ماطلعت النتيجه عطوني فيتامينات وكالسيوم والحمدلله

 

[ربيع_الروح]

كلامج عدللللل

 

[مـهـــابــــه]

اي والله تصدقين انا استغرب من البنات اللي تدهن بالخلطات ليل نهار و تقولج النتيجة ثالث شهر اووووولااا شيصبرني ؟ ومن له خلق يتدهك كل يوم و ليش العباله كل شي له حل بالطب .. سواد تساقط مشاكل بشرة كله عند الدكاترة بس الواحد يختار عدل و احيان من جلسة وحدة ينحل الموضوع
انزين ياحلوة قولي لنا وين سويتي التقشير ؟ انا مفكرة اسوي لان بين فخوذي المنطقة شوي غامجه يبيلها التفت لها بهالشهر


بخصوص شعرج جيكي ع فيتامين د و الحديد لان غالبيتنا تساقطنا منها
ثانيا جيبي حزمة جرجير مع روب و صبار قطعه وحدة و طقيهم بالخلاط ضيفي عليهم نقطتين كحول و خليه بالثلاجه و بالاسبوع مرتين حطي منه شوفي شعرج بظرف شهر باذن الله يرجع و احلئ من اول

 

[lulu_q88]

١٠٠ بـ %

هذا الكلام الصصصح

الله يووفقج ويتمم لج ع خييير

 

[M!SS.LOBY]

يعطيج العافية

 

[#الخشف#]

مهابه..

التقشير سويته في مستشفى طيبه حلووو صراحه والحمدلله باديه احس بفرررق باللون..

يعطيج العافيه عالنصيحه وانا الحمدلله جربت الجرجير وبالفعل ينفع بس باذن الله بطبق طريقتج وأشوف النتيجه..

 

[#الخشف#]

جوري الصالح do0ora ربيع_الروح lulu_q88 M!SS.LOBY


يعطيكم العافيه عالمروووور اسعدتوووني

 

[حساس القلب]

يعطيك العافيه

 

[مدّهره !]

يامال العاافيه ..~


تسسسلمين خيتي .’

 

[#الخشف#]

الله يعافيكم حبايبي

 

[أميرة-]

التقشير اللي سويتيه بس للأماكن الغامجه يعني ولا للجسم كامل وشلون جلسات ولا كريمات انتي تستخدمينهم

مشكلتي اخاف من التقشير بس شكله الحل النهااائي

تعبت من التفرك انا مو سمره حنطاويه وفيه اماكن فاتحه عندي ظهري وزنودي بس فيه اماكن غااامجه مو حيل بس اغمج بكذا درجة من جسمي ودي اكون لووون واحد .. المغربي مداومه عليه واتفرك بخلطات وكل شي اسوي ماكو فايدة

 

[مشتاقه لعيونه ~]

لا تسوون تحليل دم

سوو تحليل معادن ، لان الخلية اللي بالجسم مثل التمره !

( تتكون من معادن وسكر )

ولازم تحاولين توازنين المعادن ،،
ركزو ع معدن النحاس مثل الدارك جوكليت ، والمكسرات
معدن النحاس هو معدن الأنوثة والمناعة ، والزنك هو معدن الرجولة ..
ومعدن الحديد مهم جدا .. يكمل النحاس والزنك ..

وقللو من الكالسيوم بنات مو زين اقطعو الأجبان بس اشربوا لبن وحليب وروب بس الاجبان لا لانها بس كالسيوم ! ..
كثروا من أكل التين والزيتون .. مذكورين بالقرآن ..
احنا كبيئة خليجية اجسامنا مليانه كالسيوم ... حتى الماي فيه كالسيوم ..

اكلو 3 مرات بالاسبوع سي فود .. اسماك ، وابتعدووو عن التونة ..


وأهم أهم شي شربو ماي واااااااااايد .. لترين باليوم



يعطيج العافيه الخشف والله يتمم لج وللبنات على خير

 

[شربـــات لـــوز]

شكرا حبوبه
انا مثلج ونفسيتي صغررررررر

 

[عزوتي خمس صقور]

مشكوره ي عسل

 

[#الخشف#]

اميره...

التقشير سويته للاماكن الغامجه بجسمي باديه احس بفرق باللون وطبعا سويته بعياده تحت اشراف دكتوره تحطلي ماده عالمكان وتخليه تقريبا عشر دقايق وعقبها تشيلها واصرفتلي كريمات احطهم بالبيت عشان يتوحد اللون

 

[#الخشف#]

مشتاقه لعيونه صح كلامج شفت عالانستقرام الدكتوره ريم تقول نفس كلامج بس انا حيل نازل الحديد عندي معدله 4

بس معلوماتج حللووه وباذن الله بطبقها..

 

[#الخشف#]

شربات لوز ..

النفسيه لازم تكون صفر والا ماتكونين عروس


ودي اخلص وافتك من الهم ..

 

[لوزين]

قصدج طيبه كلينك؟؟

وشنو نوع التقشير واشكثر ياخذ وقت على مايبين واذا حطت لج الماده يتقشر جسمج جم يوم على مايرجع طبيعي؟