نصيحه مني انا لحد يطاول على كتاب الله و يسوي مثل هالحركه بصراحه حدي ندمانه و خايفه

[coralia]

الله يشفيج حبيبتي ويعافيج ويحفظج يااارب ​

 

[هب العطر]

ابحثي عن رقيه الفاتحه في قوقل و طبقيها و عسى الله يشفيج ان شاء الله



استغفري ربج و ادعي ان الله يرحمني برحمته

 

[علقمه-المفلوعه]

الله يتوب عليج ويشفيييج صورة البقرة اهممممممممممممممم شي

 

[روانتي 12]

خلو الشيخ ييي يقرا بيتكم وشغلوو سسؤؤرة البقره ببيتكم اربع وعشرين ساعه

شكلج حضرتي ارواح ببيتكم . .

 

[ألماس من داماس]

ايام الثانويه كانوا يقولون اللي تبي تكفر تقرا الايه الفلانيه بالمقلوب والحمد الله ماقريتها تدرون مراهقه وكل شيء نجربه ....مالكم الا تيوبون شيخ يقراا عليكم وعلي البيت وشغلي سورة البقره اعتقد حضرتى اروااح اعوذ بالله منها

:rerrerek:

 

[HaAaDoOol]

يممه والله خفت

اعووذ بالله من كل شششر

الله يشفيج

 

[بنت الوفا]

لاحول ولاقوة الابالله ياربي انتي توسوين اولا

رفيجتي صارله مده قلة نوم واكل وسواس وخوف مدري شفيه بس قلت انه مخزنه سوره وتقول الظاهر انه فيه تحريف

تقول وقرت تري راح تتعبين تقول مومركزه تقول رحت لامها ترججف ماقامت تميزز اختها من امها

بس صراحه ماصدقتها

معقوله صج هي تصلي بس مره تتاخر عن الصلاه وتجمع صلاتها

 

[Vdieta]

الله يعينج

 

[هواجيس ضائعة]

يمه يمه خفت حدي
الله يعينج يارب بصراحة شئ يخرع عن جد
عجبني رد المرتاحة واييدها 100% والله يعينج وامااانة خلي امج تقرا قران بعد وبالتوفيق .

 

[Şhώasha . . ~]

اول خطوة شغلوا قرآن بالبيت
و دوروا على شيخ يقرآ بالبيت
وكل ماحسيتي بشي تمي اذكري استغفري وتحمدي وجذي يعني
و اقري المعوذات و كل يوم اقري قرآن وبصوت عالي ومسموع
وماعرف حق هالسوالف بس هاي الشي الوحيد اللي آقدر آفيدج فيه صراحةة
كسرتي خاطري
الله يرجع ايامج كلها نور وايمان بالله و يوفقج
و يصلح امور عايلتكم و تبقين على ذكر الله قولي امين

 

[جلكسيه اس 3]

بنات ابوي قرا علي و كلش ما حسيت باعراض مس. الظاهر هذا تاثير الحبوب والله اعلم
بس امساع ضعفت و بجيت بس الحين طول الوقت قاعده ادعي ربي انه يشافيني من الهلوسه
و ان شاء الله بنام متخيلين اني ما نمت من الخوف بس اليوم بكون شجاعه و بتوكل على الله و نام

 

[~ tOoOtA ~]

ششششششلون يعني انمسسح وجهج ؟

 

[جلكسيه اس 3]

مشكورين بنات على ردودك بنت الوفا حبيبتي ممكن اتعيدين القصه مافهمت شي للاسف
اسم الله عليكم من الخوف و الله لو ما ابي مصلحه و احبكم جان ما حذرت سالفهخطره و ممكن ابليس يقص على بنت من بنات هاليومين الي ما تصلي و يصير لها مثل ما صارلي. و الله بنات ديرو بالكم على روحكم و اهلكم و حصنو روحكم و اهلكم. وامانه ادعولي

 

[راتشيل]

حبيتي اهم شيء الصلاة ويبي شيخ خل يقراقران بيتكم

 

[جلكسيه اس 3]

توتا يا قلبي شفتي لمن تمسحين قلم رصاص بمساحه جذي صار لي و ربي وقتها مت من الخوف و الحمدلله الله ستر. و يارب انه يسامحني

 

[~خطر~]

يزاج الله خير
وادعي ربج واقري البقره كل يوم
وشغليها في بيتكم
الله يهديكم ويثبتكم ويرزقكم ويثبتكم ع سراطه المستقيم

 

[Mjnont '3lay]

حبيبتي الله يشفيج يااارب ويبعد عنج همزات الشياطين ولمزه
ويحرسج بحرسه يااارب انتي واهلج
في وحده قبل فتره مرت ابوها سوت لها عمل وهالوحده مسها جن قوي والعياذ بالله يعني صعب صعب يطلع منها وعااانت واجد وتعبت واااجد وتشوف الموت كل يوم بعيونها ولا ليلها ليل ولا نهارها نهااار واهلها يعانون مثلها لدرجة انه شكت انه لمسها < فهمتي
يعني من الاعراض اللي صارت لها واللي تشوفها واهيا نايمه شكت بهالشغله وامها ووحده من معارفهم ما خلو شيخ ما جابوه لها وماكووو فااايده تستنزل وتبجي وتطق وتكسر وتمد ايدها عالشيخ لين ما اهلها يأسو من حالتها بس اخوها المتزوج ما خلاها جاب لها شيخ معرووووووووووووووف بالمملكه واحسن شيخ بالمملكه والحمدالله طلع اللي فيها ويوم طلع اللي فيها قلب وجهها وجسمها لون ازرق من اللي فيها ومن الصراخ اللي صرخته لانه الشيخ ربطها وطقها طق الله لا يوريج لين طلع وظل يقرا بصوت عااالي ايات قرآنيه لين ما طلع الي فيها والحمدالله البنت تشاافت وهالسااالفه صجيه ترى مو خرافات يعني
فأنا قلت لج هالسالفه عشان تتحركين بسرعه وتشوفون شيخ زين ومعروووف يقرا عليكم واحد واحد ويقرا عالبيت وكل يوم بليل يرش البيت بماي مقري ويعطيكم زيت زيتون مقري عليه وحبيبتي ديري بالج للحرص يعني كل اسبوع امسحي المنطقه بمسك اسود اصلي من القرشي مقري عليه
وعادي سواء فيكم شي او مافيكم الايات القرآيه بالبيت ما تأثر بالعكس تطرد الشياطين عنكم ويهجرونكم
ونصيييييييييييييحه تحركي بسرعه قبل لا يزيد الشي وهالشي ترى حيل مخيف على نفس الانسان ويأثر على نفسيته وعقله لا تتهاونين او تستهينين فيه وانا يترااواالي لو قلتي حق الشيخ عن سالفة الايات المقلووبه < استغفرالله > يعني تقبلي زفه مني مناك او نصيحه طويله عريضه
لانه هذا شرك وانتي تعرفين شنو يعني ما يحتاج نقول بعد بس الله يغفر لج انتي ماكنتي قاصده وقص عليج الشيطان الله يسامحج انشاءالله ويكفر عنج ذنبج
وحتى لو ما كنتي تصلين وبعيده عن ربج يعني مستحيل ما سمعتي عن سالفة البنت اللي قطت القرآن بالارض واستهزأت بكلام ربي استغفرالله وقلبها شاذي حتى لو ما كانت صجيه السالفه على قولتهم بس حطوها للعضه والعبره مستحيل بعد ما سمعتي عنها
وانتي تدرين انه كلام الله حرام التحريف فيه او التغيير فيه او قرآته غلط حتى الكافر والمسيحي اللي ما يدري وين الله قاطه ولا يفهم بالاسلام والدين شي ما له شغل بكلام الله ما اقول غير الله يهديج ضريتي نفسج بنفسج بس انتي حاولي تجيبين الشيخ باقرب واسرع وقت وطول الوقت اقري البقره كل يوم وباي وقت وانتي قاعده بالبيت توضي مو بس عشان الصلاه والتزمي بصلواتج وصليهم بوقتهم واقضي دينج وفرضج وتصدقي بنية الشفاء العاجل من اللي انتي فيه وحرام اللي قاعد يصير بأمج جيبي انتي وابوج مره تقرا عليها وترقيها بالرقيه الشرعيه
عاد سبحان الله انا بليل قريت الرقيه الشرعيه مالت الجن والسحر والحسد بعطيج رابطه واقريه كل يوم مو تنسين ولا تتهاونين عنه
http://www.ruqya.net/forum/showthread.php?t=151

 

[شوق العتبان]

اعوذ بالله من الجن
انا سمعت بهالسالفه
انا بنات عمي قالولي قصة بنت قالت كلام والله ماني ذكرته بس مو مفهوم
المهم البنت صغيره وموصيتها رفايجها تقوله وتطفي الانوار تقعد بظلمه وتسوي حركه وهي قاعده والله ماني ذاكره
يقولون البنت اختفت واهلها قالو للشيخ ..فما ادري صج ولا سوالف جهال
انا عاد طبعي خوافه ..

اذا شفت فلم رعب مانام الليل
انا كبت غرفتي اول ماشتريته يطق بروحه معنه فاضي حاسه السالفه فيها ان
بس الحمدالله دايم قبل لا انام اقراء اية الكرسي مره والمعوذات ثلاث مرات ماتجيني احلام ولا كوابيس

شوفي الشيخ يقول تحطين ملح بزوايا الغرفه والصاله وتكتين شويه ماء وتقرين سورة الاخلاص والفلق والناس ثلاث مرات يقول يطرد الجن مع سماع سورة البقره بالبيت يوميا"

وماتشوفين شر ياقلبي

 

[رريوووم]

واااي يمه خرعتيني صرت اخاف اقره قران اهي ايه معينه قلتيها وااي عاد انا وسواسية

حطي صورة البقرة 24 ساعه وانشالله الله يشفيج

 

[أم خشم]

اي انا سمعت ,, مرة من زماااااااااان ان اذا قريتي اي الكرسي مقلوبة و العياذ بالله ,, يطلعون الينانوة
استغفر الله يارب ,, بس انا خوافة ,, وما اسويها
بس اذكر مرة كنا قاعدين انا بنات ييرننا و قامت وحدة منهم تسوي شغلات و تحاول تقرا و تلعب ,, وتسوي نفيها تقرا الفال
بس ثاني يوم حاشتني الام فضيعة و خوف ,,
ترى اللي تيحرش فيهم او يتحداهم بسرعة يحضرون اعوذ بالله من شروروهم,,
انتي الظاهر تحرشتي فيهم ,, و حضرتيهم و انا مسعت مرة ان لما يحضرون لازم تقولين او تسوين اشياء علشان ما يعصبون و يؤذونج
مالج الا الدعاء و القراءة و تشغيل القران في البيت
والله يشافيج و يعافيج انتي و اهل بيتكم
امين يا رب