نظافه الشخصيه .. مهم لكل طالبه

[ms_kakawa]

السلام عليكم ،
موضوعنا اليوم يتكلم عن النظافه الشخصيه بالمدرسه
اول شي نتكلم عن نظافه الاسنان:
طبعا الاسنان مهمه ونظافتهم اهم ، بعض البنات مايستعملون معاجين عدله
انا لمن رحت طبيب الاسنان سألت الدكتور قلت اي معجون تنصحون فيه
قالي معجون كلوس اب ينظف الاسنان ومايخليلها ريحه حلج ، وقال
من صحه الاسنان ما تستخدمين اكثر من معجونين ، يعني المعجون
اللي متعوده عليه اسنانج لا تروحين وتغيرينها لان تكسر الاسنان
وتسببلها صفار ، ونصيحه فرشي اسنانج باليوم 3 مرات و جيبي
لج غسول حق ريحه الحلج ، واكلي علج اكسترا النعناع ينصحون فيه

..
نظافه منطقه الابط:
طبعا كل واحد يعاني من مشكله الابط ونزول العرق منها بشكل مو طبيعي
اولا من اسباب نزول العرق منها بشكل مو طبيعي اهو ديودرنت البخاخ !
انا جربته البخاخ مايفيد كلش خصوصا بالمدرسه بس بالحصه الثالثه ولا
ريحه منطقه الابط مجاري مشرف (سوري بس هذا الصج) وطبعا انا حليت
هالمشكله ، اولا الديودرنت خليه عادي مو بخاخ الديودرنت مال دوڤ احلى
شي اول شي جيبي معاج كلينكس معطر مال جونسون الوردي اتوقع عرفتوه
و امسحيه بمنطقه الابط وحطي ديودرنت دوڤ صدقيني ما راح ينزل عرق
(بس لازم تحفون منطقه الابط لان هالمنطقه اهي سبب الروائح الكريهه)

..
نظافه الجسم:
نظافه الجسم يبيلها استحمام يومي طبعا تحتاجون عطر للجسم و كريم للجسم
وبس

اتمنى اني افدتكم ، وادعولي بالنجاح والتوفيق❤​

 

[b2door2]

مشكورة ع النصايح والله يوفقج وينجحج ​

❤❤❤

 

[الحلوه وبس]

مشكوووره وفعلا في بنات مايهتمون بنظافه الجسم
بالنسبه لي استعمل ديورنت بايوت طبي وتلقينه بالصيدليات

 

[ليمونه:)]

نصيحه بنات لا اتخلوا رشتين عطططر ادخلكم النار اتنظفي بسس بدون عططر

 

[حلفت عℳري*ｼ]

أي والاه مهم في وايد ما يهتمون :/

 

[(عسل وقشطة)]

مشكورة على النصايح يا حلوة