نظامكم برمضان

[فـــخـــر]

* اللهم بارك لنا فى شعبان وبلغنا رمضان

 

[شرقاويه*]

الله يعوده علينا وعلي جميع المسلمين لافاقدين ولا مفقودين ويرحم موتانا يارب

 

[PuPa^^SWeeT]

اميييين يارب


مس شيري ساكنة ويا حمولتج

 

[بنوتة طموحة]

وي يا حلات سواااااالف رمضان

اللهم بلغنا صيام وقيام رمضان وتقبله منا

أنا وحدة عزووووبية يعني مالي بالمطبخ

بس السنة واعدة أمي أدش وأسوبلهم جم طبق <<< اي خيييييييير

 

[PuPa^^SWeeT]

ياحياااااتي بنوتة طمووحة

حلوة مشاركتج


يسلمووووووو :*

 

[يركدون]

برنامجي

انام بعد صلاه الفجر بساعتين او اكثر بس دايم س7 انام

واقووم الساعه 3 او 4 العصر اروح المطبخ اشوف الوضع

واساعدهم وبعدين نتفطر ونصلي المغرب ونتجمع نشرب جاي وقهوه وجلي وكراميل وعصير وكيك

يعني نحلي بعدها ومرات اروح المسيد اصلي التراويح ومرات لا

وقعده ع التي في ..

بس اول يوم نطلع لبيت خوالي وعماني نبارك لهم


الله يبلغنا وإياكم رمضان

 

[sondos]

بالنسبه لي ....خصوصا عشان اعمار عيال مختلفه بس بنتي تصوم البقي صغار ..

فالفطور اجهزه مث وقت الغدا يعني س 2ونص كل شي خالص .....بس حزه الفطور نقلي الكبب او السمبوسه

الصغار يتغدون خفيف وفطورهم معانا يكون عشاهم ......وطبعا السلطه والشوربه شي اساسي والاطباق الرئيسيه الخفيف منها

 

[Al7ub me]

اكل ونوم وقلت صنعه وتاديه الواجبات الربانيه
اهم شي الاجواااااااااااااااااء
باقي ثلاث اسابيع للهم اسالك ان تبلغني انا واحبابي رمضان وتنثر السعادة في طريقي
احلى شي رمضان السهر تلاحظون سبحان الله الاجواء صايره حلوة تمهيدا لشهر 8
خاصه قعدات البحر

 

[Miss Cherry]

اميييين يارب


مس شيري ساكنة ويا حمولتج

لا انا بشقة بروح بس شقتي قريبه حيل من اهل زوجي فدايما عندهم

 

[PuPa^^SWeeT]

اهااا حلوة اليمعة


انا حاليا اقضي ديني فا كل يوم اتدق خالتي اتقولي صايمة

تعالي فطري عيل ويا حماتج لووول

والله ماصدق سييدة طايرتلهم

بس اليووم تعبانة كنت مريضة فا فطرت مارحتلهم
عقب باجر اذا صرت زينة افطر عندهم


بس اودي معاي طبق بيتزا ولا شي خفييف

 

[sweet-kamelia]

يااكثر ما انا مشتااقه لرمضاان حيل ..
اجواء غير النفوس تهدا وتصافى سبحان الله ..

اهم شي عندي قراءة القرآن من اول يوم ابدا .. قبل كل وصلاة وبعدهاا لازم اقرى اللي اقدر عليه من القرآن .. واحط منبه قبل صلاة مثلن صلاة الظهر والعصر بالغالب اكون نايمه بس احط منبه اقوم اقرى قرآن واصلي وارد انام ..
قبل صلاة المغرب .. بما اني بنت .. اقوم اشوف ترتيبات الفطور مع امي وحريم اخواني اطلع صحون الشوربه والمعكرونه واسوي التشريب واسوي العصير ..

واهواا كله شهر .. واحلى شهر بالسنه ..

 

[PuPa^^SWeeT]

الله يبلغج رمضان حبيبتي

اي والله النفوس تهدا انشالله برمضان

 

[*سكر*سكاكير*]

يـاي يونسس الموضوع
طبعا كل سنه انام 7 او 8 الصبح
واقعد قبل صلاة العصر عشان الحق اصلي الظهر
بس هالسنه ان شالله بتعود اقعد 12 او 1 بالكثير
واول مااقعد اروح تحت المطبخ على طول لوول
واسوي حلاو او كيك على ما يأذن
ونتفطـر وعقبهــا ناكل حلو وقهوه
ونروح صلاه التراويح --> مو دايما اروح
وباليل ع الساعه 11 جذي اقرا بس ولا مره ختمت
ان شالله بختم هالرمضان
وبس =)

 

[om_dodo]

اللهم تقبل من الجميع صيامهم وقيامهم وحسن عبادتهم
اللهم اشرررح لي صدرى ويسر لي امرى

 

[رشا القصيم]

من قالكم انا عندنا خدم الله يخليلي ايديني انا واوخيتي.....
المهم اول ايام رمضان اكيد متحمسين للشغل وبعدين يبدا يطفي النشاط.....
طبعا ماعندنا شي اسمه فطورين (يعني فطور قبل الاقامه وفطور بعد مايرجعون)كله فطور وااااحد الا اللهم
اني اجدد السفره....وبعدها الحق على المواااعين اغسلهم قبل لاتجي صحون الشوربه>>هذي سيدة السفره...
وعلى كل حال الله يبلغنا رمضااااااااان على خير وكل عام وانتم الى الله اقرب....

 

[شهرزاد الحكاية]

يااكثر ما انا مشتااقه لرمضاان حيل ..
اجواء غير النفوس تهدا وتصافى سبحان الله ..
واهواا كله شهر .. واحلى شهر بالسنه ..

اي والله صدقتي ياحلو رمضان وياحلو اياااامه ... احلى شهر بالسنة....

الله يبارك لنا بشعبان ويبلغنا رمضان وياكم بالصحة والعافية ويقدرنا على صيامه وقيامه امييين يارب العالمين ....

انا نظامي شوي متعب برمضان لاني اداوم للاسف ماعندي اصيد اجازات واصلا مايخلوني اطلع اجازة بس الحمدلله الله يسهلها من عنده ..

اقعد لي صلاة الفير بما اننا يأذن مبجر ...ناويه اصلي قبلها بنص ساعة قيام ليل ان شاء الله وعقبها اصلي الفير والسنة ...واقول اذكار الصباح ..وانام لي موعد الدوام ...اداوم واصلي الظهر والسنة هنااااك ...وعقب ارد البيت ادش المطبخ اعاون امي ...بجم طبق ... وعقب اتسبح واصلي العصر و انام لي قبل المغرب بنص ساعة اقوم ...ارتب السفرة ونتفطر مع بعض ..عقب جاي وحلو وتالي اقوم حق المسيد صلاة العشا والتراويح اول الايام ابارك بالشهر لخالاتي وعمامي وعماتي باجي الشهر ماحب اطلع من البيت واحاول ما اشوف التلفزيون وايد اخصص وقت للاذكار والقراءن ... وان شاء الله ان شاء الله ناوية على ختمتين السنة اذا مو اكثر باذن اللله ان شاء الله

والله يبلغنا وياكم رمضان ...​

 

[PuPa^^SWeeT]

شهرزاد صاجة و الحين شهر 8 حررر مووت


الله يتقبل منج يارب