نظام الديتوكس .... تنظيف الجسم من السموم

[حيادر]

ام سعود اهوا اول 3 ايام تتبعين فيهم الريجيم بحذافيره علشان يتنقى جسمج

بعدين تقدرين تحطين النظام اللي يناسبج



اليوم انا كليت حلو لان حيل حيل اشتهيته بس ماكثرت قطعتين بس



وباجي اليوم اكلت سلطة يونانية وبعد شوي باكل بيض مفيوح وبشرب عصير برتقال



وبس

 

[فررررح]

بلش معاكم من يوم السبت وعقبه ببلش برجيم التمر واللبن عادى مايضر حيادر ؟؟

 

[y7lok_7loho]

مشكوررررررررررررررررررررررررة ما قصرررررتى

 

[ABEER FLOWER]

السلاااااااام عليكم
شخبارج يا عسل ؟؟

موفقه حبيبتي و ربي يعطيج ألف عااافيه

حيااااااادر قلت لأبوي عن هذا النظام و قلتله بتبعه معااااااك
قالي بتختفين لووووووول
خليني أنا أجربه أول و أشوووووووف
ههههههههه
طبعته له بس لسه ما بدا فيه

 

[كتوته توب]

يسلمووووووووووووووو

 

[shams2008]

مشكووووووووووووووووووووووره

 

[ديمــا]

شكلي ببدي فيه من باجر حيل عجبني
مشكورة حيادر

 

[روح بحرينية]

هلا فديتج حيادر

انا كنت قبل اتبع هل الرجيم مع المستشفى ونزلت منه 25 كيلو بس للاسف صادتني ظروف و ادمنت البيبسي بشكل فضيع صرت مااستغني عنه يمكن باليوم 9 او 10 قواطي

شكلي والله ببلش معاج لاني احسجسمي متعبني خصوصا اني هل الايام وايد اتعب والله يخلي ضغطي المرتفع فقلت بغير معاج

اتمنى تقبليني معاكم وتحطين علي محتاجه شده شوي عشان التزم

وشكرا

 

[ضعيفه وعصله]

ما عجبني وايد
تسلمين حبيبتي

 

[حيادر]

حياكم الله بنات

اللي تبي تسجل وياي وتجربه حياها الله وتدخل تكتب يومياتها شنو كلت وشنو شربت وشنو سوت
***


اليوم كان اول يوم لي بالنادي ( نادي فليكس )

طبعا انا سجلت حق 6 شهور وحاطة ببالي ان النتايج النهائية ابيها بعد 3 شهور على اقل حد

يعني لو كل اسبوع كيلو تماااااام التما

يعني ب3 شهور انزل 12 كيلو ويتم جسمي مشدود

لو نزلت اكثر وانشد جسمي اكثر عال العال




اليوم قعدت الصبح اكلت بيض مفيوح بدون خبز او توست وشربت عصير برتقال واكلت كرواسان وحدة وكليت موزة


والظهر اكلت مشويات بدون خبز وشربت عصير فريش

والحين كليت موزة



والعشا باكل سلطة بس

طبعا اليوم بديت الريجيم الفعلي بدون خربطة نهائيا لان بديت رياضة فقلت ماني مخربطة ابي التزم وبشوف شكثر انزل بالاسبوع بدون اي تعب او ارهاق

 

[حيادر]

امبيه انا دخت ونمت على الساعة 9وشوي وتوني فازعة مثل الينية لووووووووول
مافيني نوم شسوي وميتة من اليوع

عاد كليتلي شوية فواكه وشربت حليب خالي الدسم ماني ماكلة شي فيه نشويات تالي الليل

برد انام بس على ال5 لان بقوم على ال10 الصبح ابي اتريق ريوق سنع وعلى ال12 بروح النادي

 

[حيادر]

اليوم قعدت الساعة 12 لان دخت الصبح
عاد قعدت وكليت بيضة مفيوحة وكرواسان بالجبن وحدة وشربت عصير برتقال وموزة

لعبنا لعب اليوم بالنادي هلكت والله

رديت البيت كليت 5 قفاش عيش ومرق ( ماقدرت اقاوم لاريحة بطت راسي لووووول )

بس عقبها شربت جاي اخضر مع نعناع وماني متعشية
يمكن اكل تفاحة بس او اشرب حليب خالي الدسم
عقاب لاني كليت عيش

وبشوف ليوم السبت الياي بوزن وبشوف شكثر نزلت مع الرياضة والريجيم

 

[حتاتي]

مشكورة حبوبه تسلمين

 

[رُوحْ آلـعـطَـر]

حلووووووووووو

 

[حيادر]

حياكم حياكم بنات


توني شربت جاي اخضر ترسته نعناع فريش وحطيت فيه مرمية وحبة حلوة وكليت موزة

وبس ماني حاطة شي بحلجي لباجر الصبح اتريق ريوق سنع مثل كليوم علشان اشبع طول اليوم

 

[انصاريه قمره]

يلاااااااا حيادر معاااااااااااج خوو انا الحمدالله والشكر اسوي رجيم والتزم وحالتي حاله ومن يقولولي ضعفانه ارد اكل جني خبله بس هالمره قطعت الرجيم لانه صار فيني انيميا وفقر دم بس شكلي برد معااج
رجيم
وعنايه
بالشعر
والبشره والرموش
مشالله عليج انتي برنااامج شااامل فديتج

 

[حيادر]

اهلين حبيبتي

يالله معاي معاي والله حاسة فيه تقدم لان بطني خاف بس ماسكة نفسي ماني وازنة الا يوم السبت بشوف شكثر نزلت

اليوم قعدت 9.30 الصبح وتريقت بيضة مفيوحة وعصير برتقال وكرواسان بالجبن وحدة

رحت اخذت اختي من الجامعة ورحنا النادي على الساعة 11 وشي لعبنا لعب
لعبنا لعب اليوم انهريت

ركضتني المدربة ولعبنا تمارين معدة ولعبت على الاجهزة اليوم
20 دقيقة بالدراجة الثابتة و15 دقيقة مشي سريع على الجهاز و10 دقايق مشي سريع على المضمار دار مادار القاعة

يعني انهلكت اليوم عدل


رديت البيت على الساعة 3 وشي وشربت جاي اخضر بس

وتوني الحين طالبة مشويات وصلت بروح اكل المشويات بدون خبز طبعا وبدون حمص ولا شي

وعقهبا بشرب جاي اخضر مرة ثانية

 

[حيادر]

اليوم تريقت نفس ريوق كليوم بيضة وعصير برتقال وكرواسان بالجبن

ورحت لعبت بالنادي وايد وايد انهلكت اليوم

نص ساعة مشي سريع وثلث ساعة على القاري ( الدراجة الثابتة )

وركضت وايد بعد

وعقب التمرين بساعة شربت عصير كيوي بس هالحجي الساعة 5 العصر

والحين الساعة 11.5 احس اني بديت ايوع لان وناسة معدتي تعودت على اكل خفيف

الحين بروح اكل شي خفيف لان باجر وراي تحليل دم ميتة خوف

 

[AL-N7EESAA]

قوه حبوبه @@ ماشالله عليج الله يتمم عليج انا الله يسلمج امس بديت تخفيف وقاعده العب رياضه بس جنج شجعتيني عالنادي :> جم اشتراكهم ؟ والمدربه تجابلج ولا انتي بروحج تحوسين؟؟ ويصير تاكلين كرواسونه الصبح عادي من ضمن الرجيم؟؟ ببلش معاج من اليوم ان شالله :>

 

[مهموومه]

مشكووووووووووووورة