نظام الديتوكس .... تنظيف الجسم من السموم

[secret sauce]

حلو انظام ولي عوده

 

[secret sauce]

بغيت اسالج حيادر النظام مسموح فيه الكوروسان لاني اشوفج تاكلينه والحليب مسموح ام لا والتمر ولازم رياضه والجبن لايت او عادي اكل اي شي ام لاماعليه كثرت عليج بالاساله ولما سويتيه كان اول مره تسوين رجيم لانج اذا مثل حلاتي كل يوم رجيم والوزن صاعد نازل ماراح تنزلين بسهوله وكم طولج ووزنج لما سويتي الرجيم ونسيت اقولج اني سويت عنه سيرج بالنت الرجيم حده 5ايام شلون قعدتي شهرين لانه فيه اختلاف بين رجيمج وبين حمية ا لديتوكس "Detoxالي لقيتها بقوقل وهم كاتبين ان الرجيم يتسوى بالايام الدافيه اما البارده مايصير ارجو الرد سريعا ومشكوره مقدما

 

[حيادر]

قوه حبوبه @@ ماشالله عليج الله يتمم عليج انا الله يسلمج امس بديت تخفيف وقاعده العب رياضه بس جنج شجعتيني عالنادي :> جم اشتراكهم ؟ والمدربه تجابلج ولا انتي بروحج تحوسين؟؟ ويصير تاكلين كرواسونه الصبح عادي من ضمن الرجيم؟؟ ببلش معاج من اليوم ان شالله :>

بغيت اسالج حيادر النظام مسموح فيه الكوروسان لاني اشوفج تاكلينه والحليب مسموح ام لا والتمر ولازم رياضه والجبن لايت او عادي اكل اي شي ام لاماعليه كثرت عليج بالاساله ولما سويتيه كان اول مره تسوين رجيم لانج اذا مثل حلاتي كل يوم رجيم والوزن صاعد نازل ماراح تنزلين بسهوله وكم طولج ووزنج لما سويتي الرجيم ونسيت اقولج اني سويت عنه سيرج بالنت الرجيم حده 5ايام شلون قعدتي شهرين لانه فيه اختلاف بين رجيمج وبين حمية ا لديتوكس "detoxالي لقيتها بقوقل وهم كاتبين ان الرجيم يتسوى بالايام الدافيه اما البارده مايصير ارجو الرد سريعا ومشكوره مقدما

اهلين بنات

وااااااااااااي صارلي يومين مبدعة

يوم راس السنة النادجي معطل واليوم كان عندي ميكاب ومونايمة عدل امس مارحت النادي


بالنسبة للريجيم

شوفي انا خذيت الاساسيات اللي هي الممنوعات والمسموحات

هذول بس حق 3-5 ايام كحد اقصى لان الغرض منها تخليص الجسم من السموم

لكن انا سويته باللي يناسب نظام حياتي اليومين لمدة طويلة

لان مو معقولة بنحرم من كل هالاشياء لمدة شهرين او 3 عرفتي

فدخلت الكرواسان وهالاسبوع بسويلي جدول يديد فيه اكل صحي اكثر
لان الكرواسان فيه زبدة ودسم والمشكلة اني انتبهت حق هالشغلة متاخر

هالاسبوع الياي حاطة فيه شوربات وسلطات اكثر واكل صحي اكثر لان الحين احس اني موقاعدة اكل عدل ولاحاسة ان فيه نتيجة لان اكلي خربوطة وموماشية على جدول معين تشووفني باليوميات اللي اكتبها اكلي خربوطة احس
بس بشوف باجر شكثر نزلت علشان اقارن


اول يوم سويت الريجيم نزلت وايد والله لاني اتزلمت ومشيت على البرنامج بحذافيره وكنت قبلها يوم ريجيم و10 ايام اخربط
بس لما سويته كنت ملتزمة وماكو خبرطة


شوفي حبيبتي كل شي طبيعي مسموح
الحليب ومشتقاته والتمر ( بدون هردة )




بس انا ماحس ان يفرق بصيف ولا شتا اهوا على الارادة بس يمكن بالشتا صعب لانج راح تحسين بالبرد وايد لان اكلج قليل عرفتي



وبالنسبة للنادي وايد وايد مريح ترى

بس العرض خلص

والمدربة حدها حدها مومخليتني على كيفي احوس
تركضني غصب وتدخلني كلاسات غصب وتخليني العب على الاجهة الين اهيا تقولي قومي

يعني باختصار حاسة نفسي بالرابح الاكبر لوووووول

 

[حيادر]

الريوق يوميا لمدة اسبوع بيضا مفيوحة مع قلاص عصير برتقال طااازج ( يعني الخدامة تعصرلج برتقال من الصبح )
وتاكلين البيض بشوكة .
تقدرين تاكلين جبن ابيض وخيار وطماط بس لازم عصير برتقال او ليمون معاه


الضحى لازم تخلصين بطل ماي بو نص لتر
وتقدرين تاكلين اي نوع فاكهة تحبين واذا تبين تشربين قهوة سادة او جاي عادي بس بدون سكر ( انا عن نفسي الصراحة كنت اضيف سكر نبات
كنت طاحنته ومخليته مثل البودرة واحط بلجاي قفشة وسط بس حق كوب كبير )


الغدا صحن سلطة كالتالي :
خيار-طماط-بقدونس-جزر مبشور -فلفل اخضر بارد-ليمون وملح شوية
+ تونة مع ليمون ( التونة الوحيدة اللي كنت اكلها معلبة لان احب التونة وايد وزيتها يضعف )
كنت الف التونة بخس بدل الخبز .


العصر اخذ حبة فاكهة او ماكنت اكل شي وبس ادردع بهالماي :dddds:


العشا طبعا مايتعدى الساعة 8 بالليل :
جبن ابيض مع خيار وطماط وخس وجزر

يعني كنت اقصص الخيار حلقات والطماط شرايح والجزر شرايح واخذ الخس واحط داخلة جبن وخيار وطماط والفه واكله
والجزر اكله بروحها اعصر عليه ليمون .

وباجي الليل كله ماي او شاي اعشاب
وهاااااات ياحمام:dddds:


( انا ترى من عشاق الماااااااااي والليمون بجنون علشان جذي تلاحظين الليمون رفيق الدرب بكل وجبة )
بانزيني ماي وليمون :dddds:


طبعا هالشي يصير يوميا بس تقدرين تبدلين الغدا بالعشا
وتقدرين بدل التونة تاكلين نخي او باجلا اوسمج مشوي او ربيان مشوي
او تضيفين للسلطة بيض او بقول مثل الفاصوليا الحمرا او تضيفين سالاري امريكي

يعني انتي نوعي
ومسموحلج شوربات بس تكون من صنعج انتي

يعني مثل شوربة السالاري

انا ماكنت استغني عنها

انا هذا كان نظامي

يعني انوع بالمسموحات بس طبعا ما ازيد عن صنفين حق كل وجبة

يعني الغدا تونة وسلطة
او سلطة وسمج مشوي

هذا اهوا الجدول الصح بس الحين قاعدة امشي على البركة يوم انتظم ويوم اخربط مادري شفيني




سويتلي الحين شوربة سالري وبدخل الدياي والسج والتونة مرة ثانية

الحين ماعندي وقت اجابل الخدم والله علشان افهمهم

 

[secret sauce]

انا :hjy5jewf:
معاج انشالله حيادر عجبني النظام احس انه صحي انشالله انا وياج نشجع بعض ولاني خليت عمري ليما زاد وزني انصدمت قبل شوي وازنه صكيت 70 وانا اصلا قصيره لازم اقط 20 كيلو بس سالفة اعصر عصير كل صبح ماعندي وقت دوامي مبجر ايي استخدم العصير المعلب الي يجي بجركل مال المراعي تعرفينه يصير حيادر ولا لا مكتوب عليهل طبيعي ميه بالميه وانشالله ابي امشي ساعه كل يوم وابي عشاي قبل ال7بس ما قلتي لي حيادر الله يتمم عليج انتي يمكن ماتسوين رجيم دايما علشان جذيه نزلتي تهقين ينفع معاي انا الحين من كثرت الرجيمات ماينزل وزني

 

[مدرسة طفشانة]

مشكورة يا قلبي عالنظام وايد عجبني وان شاء الله راح اطبقه قريب
بس بغيت أسألج انا توني مسوية عملية صار لي اسبوعين
اقدر اطبق هالنظام الحين والا انطر شويه؟

 

[حيادر]

اهلين بنات ياهلا فيكم

اول شي بقولكم ان نزلت عن الاسبوع اللي طاف كيلو وربع

مع اني مخربطة وحالتي حالة بس الحمدلله الريجيم يايب نتيجة



secret sauce
مدرسة طفشانة


والله حياكم الله معاي سووه انا بنزل جدول اسبوعي بهالموضوع علشان انا بعد ما اخربط والتزم
انا والله كل اسبوع اقول بسوي ريجيم واسوي يومين واخربط بس هالمرة انشالله مصرة اكمل حتى لو اخربط ماني موقفة



بالنسبة لنظامي هذا
اول اسبوعين يكونون ديتوكس صافي المفروض يعني بس خضار وفواكه واي شي طبيعي بس لاخبز ولا معجنات ولا شي

بس انا خربطت هالاسبوعين

من يوم السبت الياي راح ابدي بجدول يديد مرتب فيه من كل العناصر الغذائية السبعة

 

[ma mo me]

مشكوووووووووووووووووووووووووووووورة عاد أن الحمدلله ما أبي أضعف بس أبي شوي الكرش و الزغاديد الي عندها حل تقولياه بلييز انزين أنا حدي ودي اجربه بس يصير اكل ثوم و بصل و الفول و البازاليا و الذرة يصير معلبين و اذا هديتا ارد مثل قبل و يصير كل شهر اسويه لمدة 3 أيام ؟ لوووووووووووووووول ذبحتج بالأسئلة

 

[مدرسة طفشانة]

هلا حبيبتي حيادر
الصراحة انا بديت فيه من اليوم عشان ما اضيع وقت
تريقت بيضة مفيوحة مع عصير برتقال فريش
والحين بشرب شاي اخضر مع زهورات
والله يقوي ارادتنا يا رب

 

[AL-N7EESAA]

يعطيج العافيه وعفيه عليج كملي انا بديت فيه وعقب قمت ادخل الدياي والخبز الاسمر شوي لان اكثر شي اكون برا البيت والحين صارلي اسبوع ماكل الا وجبة وحده باليوم مع عصير فرش واظل لي ثااني والعب ساعتين رياضه يوم لحد الان نزلت 4 كيلوات وانا وزني صعب ينزل فالحمدالله وايد مستانسه ودي انضبط فيه وياج لي نزلتي الجدول راح ابلش عدل ويياج

 

[حيادر]

اهلين اهلين بنات

انا عدلت فيه وايد باللي يعطيني كل العناصر الغذائية المطلوبة يوميا

لان فيني وايد نقس بالكالسيوم وخايفة انزل اكثر من جذي بالاسبوع لاواحد مابي جسمي يترهل نفس قبل

للحين نازلة 3 كيلو ونص وبعد شوي بنزل الريجيم اليديد وهذا الصراحة خذيته من وحدة ماخذته من دكتور بمصر ينزل بالاسبوع اقل شي كيلويين-3 مع رياضة

وللحين انا نازلة بالاجمال 3.500 كيلو وشادة حيلي بالرياضة علشان مايترهل جسمي .


مدرسة طفشانة حبيبتي الله يثبتج على الريجيم ويثبت الارادة عندنا كلنا
بس مادي الصراحة لازم تسئلين دكتورج لان اهيا ادرى حياتي خوفج يتعبج الريجيم القاسي

**

ما مو مي ممنووووع اي شي معلب غير التونة بس لان كله مواد حافظة

**

النحيسة
حبيبتي بعد شوي بنزل الجدول اليديد مع التعديل

 

[AL-N7EESAA]

هلا حيادر انا ناطره ببلش معاج عدل لي بلشتي السبت وامشي وايد وركضي المشي والركض يشدون الجسم عدل اكثر من الرياضه ووانتي تسوين الرياضه وتمشين شدي بطنج وفردي ظهرج

 

[مدرسة طفشانة]

اهلين حيادر
صاجه حبيبتي انا هاليومين كنت تعبانه ودايخه والدكتوره قالت وقفي الريجيم عشان بعده جسمج محتاج يتقوى
وقالت لي آكل قفشة عسل طبيعي كل يوم الصبح عشان ترد عافيتي وان شاء الله خير
يعني يبيلي اسبوعين وبحيل الله راح ابتدي بالريجيم عدل والله يثبت الجميع يا رب

 

[bestchoise]

مشكوووورة حيادر

آنى الحين صار اكثر من شهرين ما اقرب صوب الحلويات ومكثرة من الخضروات

صج ان وزني ما نقص بس احس ان معدتي مرتاحة وبشرتي صافية

 

[om MaRyooM]

مشكووورة ياقلبي
والممنوعات اللي كتبتيها هذا اكلنا كل يوم المشكلة اخ بس

ومشكورة مرة ثانية

 

[الهاوية]

ثااانكس ...

 

[cuteq8ya]

مشكوووووووووووورة

 

[cuteq8ya]

مشكوووووووووووورة

 

[f@rsaq8]

حلوووو

 

[كيكه توفي]

مشكوره