نظام غذائي مدى الحياة وليس رجيم

[nanoia]

مساء الخير بنات طبعا أنا ما احب اكتب الا تجاربي أنا وابيكم تستفيدون لا اكثر ولا اقل يالله نبدا قبل وجبة الريوق نشرب قلاص ماي وبعدها نيي حق وجبة الريوق (8 ونص الصبح) اكلي اللي تبينه واللي بخاطرج لكن نص المعدة يعني بدال توستتين وجبن ناكل توسته وحده وجبن والخبز اللبناني ربع خبزة والصمون نص صمونه وبدال بيضتين ناكل بيضة وحدة وكوب حليب او اي شي حابة تشربينة بعد الريوق بساعة نشرب قلاص ماي ثاني الضحى (11 الظهر) ويكون بعد الريوق بساعتين ونص ناكل اي نوع نحبه من الفاكهة ونشرب ثالث قلاص ماي والحين وجبة الغدا (2-3 ونص العصر) ناكل اللي موجود عالسفرة او اللي إحنا طابخينه لكن نص المعدة نبدا بنص طاسة شوربة ان وجد او طاسة سلطة ان وجد والعيش يكون 5 قفاش مع المرقة والايدام وما نكثر ايدام على قد الخمس قفاش عيش واذا كان الغدا حميسة ناكل 4 قفاش مع نص خبزة ونشرب اللي نبيه بس ما يكون مشروب غازي بعد الغدا بساعة نشرب رابع قلاص ماي والحين السناك (5 ونص- 6ونص) وهو وجبة خفيفة نحلي فيها ناكل ككاو النوع الصغير او اي نوع حلو لكن بمقدار قليل مثال اذا بتاكلين كنافة ناكل نص مربع واذا بسبوسة ناكل قطعة وحدة والغريبة وحلو القهوة ناكل حبتين مع ربع قلاص مشروب غازي او استكانت جاي وحدة او فنجان قهوة واحد وبعدها بساعة نشرب خامس قلاص ماي والحين المشكلة الكبرى العشا (قبل النوم بساعتين يعني من 8 ونص- 10) طبعا اللي تتعشا 10 راح تنام 11 ونص او 12 عموما وجبة العشا تكون خفيفة جداً اما نص طاسة سلطة او علبة تونة او فاكهة او ربع خبزة مع جبن او بيضة مفيوحة وقبل النوم بنص ساعة نشرب سادس قلاص ماي وبهالطريقة ما تحسين باليوع الا حزة النوم لكن استحملي وبعدين راح يصير الوضع عادي وبنات ترى أنا اكل كل شي طبيعي وخبز ابيض وحليب كامل الدسم يعني مو اكل رجيم بس وايد الاكل خفيف وصحي وأما بالنسبة حق العروس وعشا المطاعم وجبة الغدا تكون نص طاسة سلطة او اي نوع فاكهة عشان أتعشا على راحتي ويكون العشا بكميات قليلة مثال اذا طلبت صدر دياي مقلي اكل نص مع شوية شيبس واذا كان وجبات سريعة اكل هابي ميل مع نص كمية الشيبس وبالعروس أحاول اشبع نفسي بسلطة وأخذ من كل نوع شوية وبس وبهالنظام راح نخسر وزن وراح نشرب ماي وايد وتقلل من المشروبات الغازية وانتو عارفين فوايد الماي للبشرة والجسم وأي استفسار أنا حاضر وحبيت اقولكم انه بشهر ونص خسرت 12 كيلو وطبعا كل وحدة وطبيعة جسمها *

 

[حياة زوجي]

يعطيج العافيه موضوعج ممتاز
وازيد على كلامج الجاى الاخضر ممتاز
وانا عن نفسى تعودت على الجاى الاخضر وخاصه فيه فوايد وايد عن الجاى الاحمر
والسلطات وايد ممتازه فى اوقات الجوع مثل الجزر والخيار

 

[nanoia]

مشكورة على مرورج حياة زوجي وكلامج عدل *

 

[nanoia]

ونسيت انوه عن شغلة اليوم اللي تخربطين فيه وتأكلين وايد حاولي اليوم اللي وراه تعوضين مو تقولين خربت وتياسين بالعكس استمري أنا اذا خربطت يوم اليوم اللي عقبه أصوم وافطر على وجبة خفيفة واكمل باجي النظام عادي وانشالله هالنظام بخليه طول العمر

 

[كيكه توفي]

مشكوره

 

[فجر_الكويت]

مشكوووووره

 

[وحيدة امى]

موضوع مميز

 

[قطوووة]

يعطيج العافية ،،