نظام ومنهج فاشل مع احترامي لكل الابلات

[walah]

يعطيكم الف عافيه عالردود ماقصرتوا حبيباتي
والله يسامحها نورية الصبيح اهي اللي اقرت هذا المنهج للاسف وصح الابلات كلهم مو نفس الشي في ابلات يوصلون الشي برغم صعوبته للطفل بس يكون انهد حيلها عشان توصل الفكره
وصاجه اختي رياض الاطفال الحكومية ياريت يغيرون نظامهم كامل وتصير الروضه تاسيس جيد للطفل
اشكر كل من رد على موضوعي حسيت اني موبروحي في خواتي حاسين نفس احساسي ومشكورين على كل نصيحه وتوضيح وانا عندي ولدي الحين بالروضه سنه ثانيه ماراح اخليه يعاني اللي اخته عانته راح احطهم اثنينهم وااسسهم صح وشكلي بدخله روضه خاصه بطلعه من رياض الاطفال الحكومي والله كريم ويعين كل الامهات والابلات

 

[Happy Hair]

السلام عليكم أنا أبلة لغة عربية صراحه أنا و المدرسات نعاني مع اولى ابتدائي المنهج حلو بس حرام ما يراعي الفروق الفردية منهج للفائقات ولازم تكون الطالبة تعرف كل الحروف عشان تمشي بالنهج اول ما طبقو المنهج على مدرستنا كان تجريبي قلنا حق الموجهة اللغة العربية العمري شنو السلبيات قالت كل كلامك صح بس ما راح ناخذ فيه والحكايات جميعها تحاكي البنات وليس الأولاد الله المستعان *

 

[أميرة 22]

المنهج فاشل حتى المعلمات اللي ادرى بمستوى الطالب
هي كلامه الصحيح مو اللي مسوي هالمنهج الخربوطي ويعتمده

ولا ياخذ بآراء معلم المادة اللي هو ادرى وافهم منه

للأسف ...... التعليم من اسوأ لـ أسوأ
استغرب للي يدرسووووووووون تخصص لغه عربية
شنو اللي حابينه بـ هالتخصص الفاشل

 

[MisS *-* BMW]

معاااااااااااااااااج حق اختيييييييييييي

المنااااااااااااااااااهج اوووفر وااايد !!!

قولي هذيلا مواااد الاساااسيه عربي وانجليزي !!

فما باااالج احنا مادتنا الرسم !!

والله والله انه منهج رابعه وخامسه اهوا نفسه اللي علمونا فيه بالكليه !!!!

اسس تصميم وعناصير تصميم وسوالف ودوخه يبااااا اقصااااااااااه رسم !!!!!!!

والله اذكر اياااام لمن كنت بالابتدااائي وحتى المتوسطه الابله كانت تقولي بس رسمي بحر او حديقه من غير لا شرح درس ولاهم يحزنون !!!!

بس شنقوول غير الله يعيينااا ويعيينكم ويعيين الطلبه المساااكين :\

 

[alruby-store]

الله يسهل عليكم

 

[walah]

لاحول ولاقوة الا بالله الله المستعان ومشكورين عالردور ياقلبي

 

[المـــــها]

شوفي حبيبتي مو بس منهج العربي و الانجليزي فاشل
أنا أدرس رياضيات و بنظري المنهج افشل من الفاشل
لكن لا تلومين الابلة لأنها مجبرة تمشي عليه و على طريقة الشرح اللي يبونها
أنا لو بايدي كان وصلت المعلومه بكل بساطه بدون لف و دوران مع المناهج البايخة اللي يبون كل شي استكشاف×استكشاف و وقت الحصة مايسمح !!



المفروض يعطون الابلة حرية في اختيار طريقة تدريسها خصوصا ان المنهج غبي بسميه منهج وين اذنك ياحمار يكرم السامع !

 

[catt]

المنهج مو مسئولية المعلم

 

[نونا 3000]

انا مدرسة عربي وربي كله من التوجيه ذبحنا بقراراته الخايسه
واذا تكلمنا وقلنا المنهج صعب قالوا لنا ماتعرفون شي وقاموا يتكلمون بمثاليه وربي انا يعورني قلبي عليهم بس شسوي شنو بيدي
لازم يحفظون الكلمات وينسخون لان الموجه اذا دشت بتحاسبني علي كل شي وهم الاملاء ادري صعب بس ماكو مجال لازم يحفظون
بصراحه انا احاول اراجعهم بكلمات الاملاء قبل لا امليهم اعرضها لهم ونكتبها بالهواء وعلي لوحتهم بصراحه اضيع حصه كامله على الاملاء
لاني ادري انه صعب
بصراحه الله يعينكم يا اولياء الامور وماجورين ان شاء الله المشكله التوجيه مايسمع من المدرسين ليش انتم ماتكلمونهم

 

[PuPa^^SWeeT]

اولياء الامور


معلمات

هذي المناهج تعتمد للاسف اتعماد كلي على الطالب نفسه مو على المعلم


يعني ابلة رياضيات طريقة شرحي للدرس المفرووض اتكوون سطحية والطالب يستكشف المسائل الدقيقة


بس مو مطبقين هالطريقة طبعا

بالتالي الدرس فيه 50 فكرة

انا مجبرة اوصل هال 50 فكرة بظرف 35 دقيقة ( لأن لازم البنت اتطبق 10 دقايق اتحل المسائل )

تخيلوو شيصير بالله 50 قسموها على 35 دقيقة


المنهج مو صعب كثر ما اهوو يبي طالبات و طلبة مبطلين مخوخهم و اذكيا


مايميز الفروق الفردية مثل ماقالت وحدة فوقي


الله يعيينه و يعيينكم

مايبون يغيرون المناهج بالرغم من الاخطاء الاملائية و الحسابية وحتى الرسمات

 

[حلوى عمانيه]

المناهج حطوها عن عمد ويعرفون انها ما تنفع .. بس يبون يلعوزون عيالنا وعشان الحين الخريجين مالهم مكان ما يدرون وين يودونهم صاروا يصعبون المنهج ووتخبط في توزيع الدرجات ويحطون المعلم في الواجهه مع اولياء الامور

 

[walah]

الصراحه شي يقهر والله يواليها العافيه المعلمه اللي شاده حيلها مع طالباتها صج موذنب المعلم مشكورة كل وحده ردت على الموضوع ووضحتلي وموضوعي ماله حل الا ان اللي عيالها للحين برياض الاطفال تنقله على طول روضه خاصه وتشتري راسها او تاسسه بنفسها والله يعينا جميعا

 

[Whisper ~]

أنا مدرسة انجلش وأقولج الذنب مو على المعلمه
الذنب على المناهج الفاشله والزام المعلمه فيه وبطريقه معينه بالتدريس
والذنب على التربيه اللي تشوف النصاب الطبيعي للمعلمه هو 15 حصه في الاسبوع
لما يمسكون المعلمه اللي مفروض تكون مسؤوله عن صفوف وطالبات : مناوبه واذاعه وورشه ودرس نموذجي وحفلات ومربية فصل غير الاختبارات والمذكرات والحصص المسانده .. بليز لاتحطون اللوم عليها لأن مو مخلين لها مجال تبدع وتوصل المعلومه صح
ونظام التعليم عندنا نظام قمع للطالب : كرسي وطاوله و ولا كلمه ولا صوت ولا حركه ، مايقدرون انهم أطفال مايتعلمون الا بـ الحركه والمتعه والتفاعل خلال الصف
سوري بس وزارة التربيه متخلفه .. وزاره مو مهتمه لا بالمعلم ولا بالطالب اهتمامها كله يقع في الشكليات احنا سوينا واحنا حطينا
الله يعين .. وادعولي أطلع منها قريب صج قلبي متروسه

 

[Princess@@]

صراحه اختي موضوعج و كلامج عالجرح ...
انا كطالبه رابع سنه ترببه و اخر سنه خريجه اتمنى من كل قلبي اني لو بديت ان شالله بالتدريس امشي على طرق للتدريس الفعاله اللي تعلمتها بدراستي بالكليه بالانجليزي تخصصي و اللي تعلمته بتخصصي طوال الاربع سنين ان تعلم اللغه الاجنبيه لازم يكون بطرق فعاله و بنفس الوقت سهله مو صعبه على اطفالنا بالعكس الحمدلله اطفالنا اذكياء و بنفس الوقت طرق تحببهم بالدراسه و المدرسه لكن للأسف احنا بمدارسنا مافيه هالفكره ما يصير المعلمه تبدع و تنتج افكار بطريقة تدريسها و توصيلها للمعلومه للأسف عندنا اختي المشكله باختصااار و بصراحه بدون زعل:

مناهج فاشله و ادارات تملكها ناس غبيه و انانيه

رئيسات الاقسام و المديرات كل وحده بس تبي تفرض شخصيتها و تفرد جنحانها على خلق الله و غصب عليج لازم تمشين على طريقتهم الفاشله بالتدريس اللي تعلموها من دور يدي ... الا من رحم الله ... شلون تبين تكون المخرجات عيل ؟؟
الله يعين انا قلبي من الحين يحتر على حال تعليمنا و اطفالنا و الله ودي اسوي شي و اغير بس شلون لو دخلت الميدان و توظفت مادري شبيصير فيني الله يستر...

 

[walah]

الله يكون في العون انا الصراحه صرت مااهتم للنظام اللي ماشيين عليه وقاعده ااسس عيالي بروحي الحمدلله انا متفرغه لهم لا دوام ولا شي بقعد وبحط على نفسي حرام يضيع من عمرهم هالسنين واهم محلك سر موفاهمين شي والله يوفق الجميع ويكون فعون كل ولية امر وابله على هالنظام انا صج ضايق صدري من هالسالفه ولا حياة لمن تنادي

 

[@سوسن@]

منهج فااااااااااااااااااااااااااشل بالمره ماااااايترقع

بكره امتحان ولدي وربي مو عارفه اي شي عليه امتحان عربي املاء والله اني عرفه اي درس بالخطه الاسبوعيه كاتبين صفحه108 "عام دراسي جديد"

واهو يقول لا درس "وجبة طعام لاتنسى "

والله ما ادري منو اصدق؟؟
زين يا ابلات يوم كتبتو جدول الامتحان حاطين اسم الدرس بالمره بلا هالعباله

 

[walah]

صاجه اختي سوسن يقولون للطفال شي وبالجدول الاسبوعي شي ثاني واحنا ضايعين قولي الاملا سهل تعالي شوفي بنتي صف اولى وبيعطونها تعبير واهي ماتعرف الحروف للحين شلون بتعبر ما ادري . ما اقول الا حسبي الله ونعم الوكيل

 

[@سيدة نفسي@]

والله ان منهج أولى ابتدائي كاااااااااااااااااااااارثة

بعدين يعني شنوووووو أسس بنتي قبل الدراسة و لييييييييييييش؟؟

انا مابيها عالمة فلك ؟!!!!!!!!

ولامخترعة ؟!!!

أبيها تقرا وتكتب وتعتمد على نفسهااااا

وبعدين اذا وحدة تقدر تجابل عيالها 24 ساعة بالبيت تدرسهم

ملايين غيرها مايقدرون ,, لاعندهم طاقة ولا وقت حق هالشي !!!

الله يرحم أيامنا اللي أهالينا مايدرون عن هوا دارنا ومع ذلك

طووووووووووول عمرنا ناجحين ومتفوقين بعد

 

[هيبة ملك]

معاج حق المنهج فاشلة وكتبنا هالشئ وطرشناه للوزارة لكن عمك أطرش

 

[Turquoiseya]

الغلط غلطكم يا اولياء الامور
تحاسبون الابلات ليش؟

احنا تكلمنا وماقصرنا بس ماشالله الشريحة الاكبر اولياء الامور مايشتكون على المناهج ولا على التواجيه
بس يجون يشرشحون بالاابلة

منو اللي حاط المناهج؟ الوزارة وموقعها تعرفونه 00 روحوا تكلموا هناك واحتجوا عالكتب والمناهج
انا ادرس ثانية ابتدائي وبشق هدومي من المنهج 00 الطلبة صغار والمنهج اكبر من مستواهم ومع هذا محد يشتكي

خامس ابتدائي العام معطينهم امتحان اكبر من مستواهم بدبلات 00 ومع هذا محد من اولياء الامور جا واشتكى على الوزارة
احنا المدرسات صايرة وجيهنا منجب 00 كل من هب ودب زفنا
مع ان الصراح ماعمري تعرضت لاهانة بس اشوف غيري وزميلاتي يتعرضون لزفات محترمة ولايرضيني هالشيء

اعطيكم مثال: توجيه المجانين اللي عندنا طلع قرار ان محد ياخذ فل مارك بالانجليزي لو شنو
وكانت عندي طالبة تستاهل دبل فل مارك
بسبة التوجيه نقصتها بالشفوي غصبن عني 00 جت امها مقفلة 00 فهمتها 00 شرحت لها 00 قامت تهددني بالناظرة تشتكي علي00 قلت لها روحي اشتكي واذا عندج شجاعه اشتكي عالتوجيه وعلى اللي حط القرار 00 وياحسافه ان ضيعت وقتي افهمج ان بنتج تستاهل اكثر بس انها نقصت بسبب قرار من توجيهنا

عقبها بكم سنة توجيهنا الشجاع 00 طلع قرار ان ماندز الاهالي يشتكون عالتوجيه وان الابلات لازم تتحمل الزفات
من مصلحة العمل 00 الابلة عادي تنهان ومافي مشكلة 00 اهم شي لايجي توجيه الغبرة طشار