نظره الناس للاحتياجات الخاصه

[HearT ChocolaTe]

حبيبتي يا الدلوعه .... عسى الله ياجرج ويصخرلج عيال الحلال
عسى الله يزرقج بالزوج الصالح اللي تجيبين منه أحلى ذريه
ولا يهمونج الناس خليج أنتي الأقوى ... وأنتي دايم الدوم عند ربج الأحسن
وربج ما ينسى عبيده .. وإذا بتروحين مكان دايما تحصني بالأذكار
من تدخلين المكان لما تطلعين منه .. وبسخرلج ربي
أنه على كل شيء قدير .. أدعيه بأسمائه الحسنى
يا ربي يا فتاح أفتح علي .. يا مسخر القلوب سخر عبادك لي
ومن هذا وذاك وان شاء الله بعينج ربي

 

[الدلوعه2008]

مشكوره يا قلبي om-3zozy علي الدعاء الحلو منج يا بعد قلبي فاديتج
بس والله شسوي قاعده اتغلب علي عاقتي عشان قدر امسك مسئوليتي بروحي بس كل ما روح مكان لازم امج او اخوج او ابوج ليه انا ما فيني شيء بس فقدت سمع وانا كلي سليمه ميه ميه افهم شللي يقولونه وفهم كل شيء مو خبله عشان روح جيب هلي معي يسوون لي اوراقي وتعبهم معي صج انا اخذ اخوي الكبير وحييل تعبه معي بس الله يخليه لي يخلاص اوراقي ما يخلوني لازم هلي يجون شهل الموضفين ما لهم عقوول
===

صدقييني حتي شفت واحد كسر خاطري يوم بالمراجعه جني شوفه يكتب ولا سال امه شفيه تقول ما يتكلم ولدي قلت لها من شنو قالت مسوي حادث وخلاص ما يتكلم بس يسمع زيين ولا يعرف لغه الاشاره ولا شيء كان في ثانويه بس قطع دراسته مسكيين قلت لها تروح لنادي كيفان الاصم ولابكم يعلمونه بس اهو ما يبي يتعلم يحاول يتغلب علي عاقته يحاول يتكلم شوي شوي بس الله يشافيه ويخلي لهله

 

[الصابرة المحتسبة]

حبيباتي قريت كل موضوعكم بس صج انا بجي حييل بجي الله يشافي لكم عيالكم يا ربي والله ما ادري شقولكم
بس انتو سمعوني انا
===
انا للي ابجي علي نفسي فقطت سمع وستحملت هذا من ربي وقلت الحمد الله كلش ما اسمع بس اتكلم مشكل يا بنات
اذا بروح البنك يعني بتصرف بروحي ما ابي احد يساعدني مثل خواتي وهلي اقول حق الموظف انا ما اسمع وابي اسوي بطاقتي بجددها يقولي انتي معاقين جني ما عرف تكلم معه قلت له كتب لي ما فهم شتقول بس تفشلت جدام الناس كلها تطلع فيني يقول هتي بطاقتج المدينه واعطيته يقول وين والالي امرج بذمتكم دشيت سنه القانونه وعمري 22 وكل هذا يقول انتي صغيره وربي متتت من القهر هل البنك كرهت ورحت نادي اختي تتفهم معه يعني المعاقين ما لهم حقوق لنفسهم كل انسان ما له حق لنفسه
===
وصرت لي مواقف بالمطار يوم ريحه مع امي عشان نسافر امي تعبانه بالكرسي وانا معي الجواز سفاره ويوم وصلت سالني وين مسافره قلت له ما سمعك جن يقول وين للي بتروح معج قوله امي يقول بس بس كلام بذمتكم شهل كلام يوم سحبت الجواز ومشيت ولا يناديني ادام عرف اني ما سمع ما يعرف يربط لسانه يقولي انتي ما تسمعين ولا شنو بذمتكم مو قلت له ما سمع يقولي اني صمخه وستحملت هل الشيء
====
بنات والله صارت فيني مواقف بكل مكان بس شسوي قولولي احس الناس ما تحبني ولا شيء وهلي مستحمليني وانا عاديه وللي يشوفني يحسوني نفسهم مو معاقين بس غيرهم يقولون معاقين من شنو وشفيها ليه ما تعلجونها سافروها شحق تعالج ما فيني لا العافيه بس فقدت سمعي خلاص هذا عقاب من ربي وانا ستحملته وحمدت ربي علي للي اعطاني ايها

===

وللي يشوفوني يحبوني يبون يخطبوني لم عرفو اني ما سمع يرفضوني شللي فيني ما فيني شيء كلي سليمه ميه ميه بس ما اسمع يرفضوني خايفين جيب عيال مثلي ما اقول لا ستغفر الله من الناس ما لهم حساس في الاحتياجات الخاص

أختي العزيزة: المعاق معاق الأخلاق
وربي سبحانه بعوضج انشالله ويرزقج من خيرة ووفقج دنيا وآخرة

 

[Dloool_q8]

هلا دلول يالغاليه حياج الله بينا والصراحة الأم مسؤلة عن رعيتها
وعفية عليج يوم زخيتي ولد خالج وركبتيه اللي يبي بس شوي شوي عليه لا تعورينه
وناطرين مشاركتج القادمة

حياتي والله لا ما عورته

والله اانا عندي صور عن ابداعاتهم والله لو اعرف جان وريت الناس شنو المعاق سبحان الله ربج ياخذ ويعطي
يمكن ربج ماخذ منهم نعمة البصر والا السمع بس والله لو تشوفين الصور تستغربين ان هالشي يطلع من معاق الناس عبالها المعاق شخص توقف حياته عند نقطه معينة بسبة اعاقته <<<< اااسفه طولت

:hjy5jewf::hjy5jewf::hjy5jewf::hjy5jewf:

 

[الصابرة المحتسبة]

بالعكس لاطولتي ولاشي
انا معاج ابداعاتهم عجيبة ولا تخطر على البال وسبحان الله اللي ياخذ ويعطي كل شي فيه حكمه.

 

[HearT ChocolaTe]

حياتي والله لا ما عورته

والله اانا عندي صور عن ابداعاتهم والله لو اعرف جان وريت الناس شنو المعاق سبحان الله ربج ياخذ ويعطي
يمكن ربج ماخذ منهم نعمة البصر والا السمع بس والله لو تشوفين الصور تستغربين ان هالشي يطلع من معاق الناس عبالها المعاق شخص توقف حياته عند نقطه معينة بسبة اعاقته <<<< اااسفه طولت

:hjy5jewf::hjy5jewf::hjy5jewf::hjy5jewf:

إرادتهم ما مرت على إنسان طبيعي أبد .. ويكفي أن هم اللي يعلمونه الصبر أعظم أجر عند الله
تحياتنا لج يا دلول:eh_s(7)::eh_s(7)::eh_s(7):

 

[HearT ChocolaTe]

من صبر ظفر يا الدلوعه .. وما عليه الله ما ينسى عبيده
ما تضيق إلا تفرج ان شاء الله .. وشوفي فديتج إذا أخوج دايما يسوي أوراقج
خلي ابوج يسوي له توكيل وانتي بعد دايما تشكري لأخيج
وعطيه هديه بسيطه بين فترة والثانيه (( تهادوا تحابوا ))
وعسى الله ياجرج ان شاء الله

 

[الصابرة المحتسبة]

رفع

 

[as.as]

الله يجزاكم خير على كلامكم الطيب

واعذروني على كلامي ..

للاسف .. أقولها وانا حزينه على اطفالنا..

حصل لي موقف مع الخطوط الكويتيه

تخيلوا يابنات ...

مافي تعاون بالمره او يقدرون وضع حالة الطفل المعاق او شخص من ذو الاحتيجات الخاصه

واحنا راجعين من امريكا للكويت ..

كان المفروض طفلي بدرجة رجال الاعمال لكن قدر الله ماشاء فعل

يقلون الكراسي فل ومافي مجال .. يبون واسطه مثل ماغيرنا أرفعوهم من سياحيه لرجال اعمال

ماقدرت اتحمل وبكي من الظلم الي وقع على ولدي كيف مايقدرون حالته واعاقه الشديده

كيف مافي بقلوبهم رحمه

للاسف حطوني في درجه السياحه وفي نص بعد رغم عندي وقتها طفله رضيعه

حطوني انا وبنتي قدام ولدي المعاق وزوجي وطفلي الثاني بنص

هني انهرت وماقدرت اتحمل وابكي ... زوجي ماعرف يهديني ولا يهدي الرضيعه

ولا يهدي طفلي المعاق

لين الله رزقنا بعيال الحلال فضوا كراسيهم الي يمي وخلوني اجيب ولدي لقدام

وفرش لولدي بالارض ونومه لان صعب يتحمل القعده بسبب الاورام الي بعظامه والانحناء بالعمود الفقري

هذا جزء بسيط من الي يحصل مع ذو الاحتيجات الخاصه

والي يحصل مع طفلي

اختي جوري ......الله يقول في كتابه الكريم (وبشر الصابرين الذين اذا اصابتهم مصيبه قالوا انا لله وانا اليه
راجعون) وقال الرسول الكريم صلى الله عليه واله وسلم (اصحاب البلاء لا ينشر لهم كتاب يوم القيامه)
فوكلي امرج لله سبحانه.:eh_s(21):

 

[as.as]

خل اقولكم موقف صار مع بنتي ,بنتي كان عمرها 18 سنه وعندها صفات توحد
كنا رايحين العايله كلها السينما فيلم رسوم متحركه ومستانسين ... المهم بعد ما خلص الفيلم
ما اشوف اله الي قاعده جدام بنتي ت قوم وتجابل بنتي وتقول لها : اعتقد من قله الادب انه تظلين ترفسين
الكرسي طول الفيلم ....! طبعا البنت ما درت عنها ..... وانا بسرعه وقفت بينها وبين بنتي واعتذرت بالنيابه
عن البنت وقلت لها البنت توحد وياليتج قايلتلي من قبل جان منعتها ..... ما اشوف صاحبتي الا فجاه اختفت
بصراحه ......... كسرت خاطري المره :eh_s(8):

 

[@شمس الضحى@]

خل اقولكم موقف صار مع بنتي ,بنتي كان عمرها 18 سنه وعندها صفات توحد
كنا رايحين العايله كلها السينما فيلم رسوم متحركه ومستانسين :d ... المهم بعد ما خلص الفيلم
ما اشوف اله الي قاعده جدام بنتي ت قوم وتجابل بنتي وتقول لها : اعتقد من قله الادب انه تظلين ترفسين
الكرسي طول الفيلم ....! طبعا البنت ما درت عنها ..... وانا بسرعه وقفت بينها وبين بنتي واعتذرت بالنيابه
عن البنت وقلت لها البنت توحد وياليتج قايلتلي من قبل جان منعتها ..... ما اشوف صاحبتي الا فجاه اختفت
بصراحه ......... كسرت خاطري المره :eh_s(8):

خل تولي هذي عقلهاا صغييييييييير
الناس الحين واعين ومتفتحين ويعرفون شنو يعني توحد وذوي احتياجات خاصه

 

[منـــار]

انا ام لطفل اصم بس الحمدالله سويت له عملية زراعة القوقعه من ثمان شهور لو تسمعون كلام اقرب النا س لي الي يقولون سويتوا العمليه ولا فيه فايده واللي للحين قاعد يأشرله واغلبيه الاطفال ما يحبون يلعبون معه واللي يجر سماعته ويقطها واللي يقول سبحان الله دايما الطرمان شياطين عدال عيالهم ملائكه وانا اقولهم ان شاءالله بتشوفونه يتكلم احسن من عيالكم بس انطروا عليه لانه اللحين في بداية التأهيل بس ناس ما تفهم الله يعين انشاءالله...................

 

[مشاعل الشمري]

انا ام لطفل اصم بس الحمدالله سويت له عملية زراعة القوقعه من ثمان شهور لو تسمعون كلام اقرب النا س لي الي يقولون سويتوا العمليه ولا فيه فايده واللي للحين قاعد يأشرله واغلبيه الاطفال ما يحبون يلعبون معه واللي يجر سماعته ويقطها واللي يقول سبحان الله دايما الطرمان شياطين عدال عيالهم ملائكه وانا اقولهم ان شاءالله بتشوفونه يتكلم احسن من عيالكم بس انطروا عليه لانه اللحين في بداية التأهيل بس ناس ما تفهم الله يعين انشاءالله...................

حسبي الله ونعم الوكيل بالله ماتقولين لي من الياهل الحين اللي مو اسم الله عليه مو حرش
يا معوده ولا تردين عليهم طناش والله لا يبلي اصلا ليش تقعدين معاهم
ولا رديتي عليهم ردي بقوه لان انتي اقوه منهم حاسه بنفجر:eh_s(14):

 

[Emanova]

انا ام لطفل اصم بس الحمدالله سويت له عملية زراعة القوقعه من ثمان شهور لو تسمعون كلام اقرب النا س لي الي يقولون سويتوا العمليه ولا فيه فايده واللي للحين قاعد يأشرله واغلبيه الاطفال ما يحبون يلعبون معه واللي يجر سماعته ويقطها واللي يقول سبحان الله دايما الطرمان شياطين عدال عيالهم ملائكه وانا اقولهم ان شاءالله بتشوفونه يتكلم احسن من عيالكم بس انطروا عليه لانه اللحين في بداية التأهيل بس ناس ما تفهم الله يعين انشاءالله...................

مالج شغل فيها وحده من اهلي امسويتها لما اول ما اطلعت العمليه و البنت عمرها 16 سنه ما شاء الله طول و جمال و كاهي تتكلم و ما فيها شيء

و حتى تزفني علشان انا حامل و ما اقعد عدل

و بالعروس يخطبونها ما يدرون انها صغيره

و الناس بس شطار يتكلمون و ما يشوفون عيالهم ....وحده من اهلي ولدها شاق القاع و قايل امباع ...لما ولدي مسك شعره الملون بجى ولدها و قالت اخترع ولدي ؟!؟!؟!؟!؟!


ليش ولدي شنو سوى و سبحان الله دوره السنه اهي مستانسه بولدها و مدخلته مدرسه خاصه .....تخيلي المدرسه قالوا لها ما نبيه ...من كثر ما اهو شيطان

قولي الحمدالله ....و لا تسمعين حق هالناس التافهين و الله يبلغج فيه و تشوفينه احسن من ما تتمنين

 

[Emanova]

خل اقولكم موقف صار مع بنتي ,بنتي كان عمرها 18 سنه وعندها صفات توحد
كنا رايحين العايله كلها السينما فيلم رسوم متحركه ومستانسين ... المهم بعد ما خلص الفيلم
ما اشوف اله الي قاعده جدام بنتي ت قوم وتجابل بنتي وتقول لها : اعتقد من قله الادب انه تظلين ترفسين
الكرسي طول الفيلم ....! طبعا البنت ما درت عنها ..... وانا بسرعه وقفت بينها وبين بنتي واعتذرت بالنيابه
عن البنت وقلت لها البنت توحد وياليتج قايلتلي من قبل جان منعتها ..... ما اشوف صاحبتي الا فجاه اختفت
بصراحه ......... كسرت خاطري المره :eh_s(8):

اتصدقين مع ان الكويت نسبه التوحد فيها عاليه بس لاحظت ان الشعب الكويتي اكثر ناس متخلف من هالناحيه و لا يعرف لا معلومات و لا يعرف يتعامل

انا زوجي يدرس بمصر فلما اسافر له ويا ولدي بروحنا ماله داعي خدامه كلها جم يوم ...

بمطار الكويت يصرخون هديه هديه و خل يوقف مني و انتي تعالي مني و هالكلام اللي ماله داعي و اقولهم توحد ما يفهمون


و تخيلوا بمطار مصر بس قلت لها ما اقدر اهده ولدي فيه توحد ......جان تقولي آسفه و لا توقفين بالدور و لا بالتفتيش

و مطار لندن لما قلت لهم توحد تتوقعن شنو قالوا you are very special boy

و قاموا يلعبون معاه ....للاسف احنا مجتمعنا يعرف التحضر باللبس و المسخره ...بس اخلاقيات دينا ما يعرفونها

 

[الصابرة المحتسبة]

أختي منار : من تابع الناس مات هما والصراحة هالناس أجناس وموحلوة ولا من الدين إن نقول على عيالنا شياطين بسم الله عليهم ملائكة

 

[الصابرة المحتسبة]

امونة بالنسبة للمطار هههه كنت رادة من العلاج مع وليدي ونبي ننزل وين حطونا كلنا داخل جبرة وحر على انها تنزل المعاقين وتعالي شوفي هالأوادم من سبق لبق ووليدي أصغر واحد ومبين حالته بس شتقولين مافي تفهم ولا ذوق والله المستعان.

 

[منـــار]

جزاكم الله خير بنات ما قصرتوا بس صج الناس اجناس والله يعييييييييييييييييينا ان شاءالله..................

 

[الصابرة المحتسبة]

رفع

 

[HearT ChocolaTe]

رفع