نظم معلومات((جامعة الكويت))

[Om.Zayed]

السلاااام عليكم
شلوونكم بناااااااات شخباااااااركم

بغيت اسأل منو متخصص نظم معلومات بجامعة الكويت ؟؟؟
وشلون التخصص سهل ولا صعب؟؟

 

[cuta.19]

هلا والله حبيبتي .. انا بعد ودي اعرف عن هالتخصص واذا عرفت بقولج ..
أب أب

 

[Om.Zayed]

هلا والله حبيبتي .. انا بعد ودي اعرف عن هالتخصص واذا عرفت بقولج ..
أب أب

مشكووووره حبيبتي اذا عرفتي قوليلي وانا اذا عرفت شي بقولج:eh_s(6):

 

[cuta.19]

اوكي حاظرين :d

 

[عـشـــ كويت ــقـــي]

اممم
انا بتكلم عن كليتي ..
انا بكليه البنات الجامعيه .. وهالتخصص موجود عندنا ..
وفي مشابه له بكليه العلوم .. وكليه العلوم الاداريه ..

واتمني اني ساعدتج ..

 

[cuta.19]

اي احنا نبي نعرف عنه لوووول يعني مانبي نعرف وين موجود

و ترا جنه اللي بالعلوم الادارية غير .. انا علوم ادارية ومحتارة بين نظم معلومات و محاسبة

 

[funky]

حتا انا ودي اخذ مساند معلومات ... ياريت البنات يفيدونا ...

 

[Gap Junior]

انا سألت عن التخصص لانه كان ودي اتخصصه

سألت اختي لانها بعلوم ادارية و رفيجاتها

و اللي استنتجته انه اذا انتي تحبين الكمبيوتر وسوالف البرامج و جذي راح تمشين فيه

اما اذا مو من ميولج ما انصحج فيه

 

[الروح المتوهجة]

قوة بنوتات
ماحبيت أطلع بدون ما أساعدكم

أنا خريجة علوم الإدارية - تخصص إدارة نظم معلومات

بالنسبة للتخصص،
صعوبته أو سهولته يعتمد عليكم ..
يعني يبيله مجابل ودراسة وتركيز .. أكثر شي يعتمد على جهدكم الذاتي مو بس على حفظ
وعلى فكرة الدراسة بانجليزي مو عربي
وكل مواد التخصص لازم تسوون بريزنتيش
في جم مادة يمكن راح يطلبون منكم تسوون مشاريع

راح تدرسون برمجة لغة visual basic.net ( مادتين مستوى 1 ومستوى 2 )
شبكات
قواعد بيانات
تجارة إلكترونية
تحليل وتصميم نظم
إدارة دعم النظم
وفي مادة مشروع تخرج نظم معلومات .. هالمادة راح تسوون مشروع وراح يشمل كل شي درستوه برمجة ، وقواعد بيانات و شبكات .. ألخ

دشوا على هالسايت .. عشان تعرفون شنو المواد راح تأخذونه لو دشيتوا هالتخصص ( Major Sheet )
http://www.cba.edu.kw/newcba/QMIS_Core.aspx

وهالسايت فيه معلومات مختصرة عن كل مادة
http://www.cba.edu.kw/newcba/QMIS_Courses.aspx
http://is.cba.edu.kw/is/courses.htm

وهذا سايت لدكاترة قسم نظم معلومات
http://www.cba.edu.kw/newcba/QMIS_Faculty.aspx





اتمنى قدرت اساعدكم .. واي استفسار او سؤال انا حاضرة


رأي الشخصي عن التخصص: تخصص حلو ووايد استفدت، وتخصص مرغوب بكل القطاعات الحكومية والخاصة


بالتوفيق يالغاليات