نعرف ريلج أكثر منج !!!!

[أبله كويتيه]

مرا بالغه معاج حياتي

بس مو كل بالغ يكون فاهم ولا يكون عارف

مرات الانسان اطووف عليه امور وما اتيي على بالها هالبالغه

حياتي يمكن لانج مو متزوجه مو فاهمه الي نقصده بظبط

بس الله يرزقج بالريل الصالح اللهم امين .. بتفهمين

وحتى السوالف الحساسه حيييييييييل على قولتج ... خل يكتبونها اكو بنات وحريم اخبر بهسوالف ويعطونا حلوول

مافيها شي هذا منتدى وهذا قسم المتزوجين .. والي يدش لازم يتحمل الي يقراه

والي مايعجبه الحجي لايرد على هالمواضيع

 

[أم قـمبر]

كلامج فيه صحه
بس ما تدرين يمكن الوحده تلقه الحل الصح من الردود
وبعض البنات عندهم تجاربهم ومارين يمكن بنفس طروفها واهمه يقتروحون اقتراحات
بس المشكله لمن تشش وتتفلسف بس جذي
الصراحه ساعات اقره ردود انصدممم اقول عسى ما تصدق
وهمن ساعات تكون مهمومه ومقثووثه فتلقه راحتها بردود البعض

 

[mi corazon]

ابله كويتية مشكوره عالدعوه حبيبتي

 

[mi corazon]

ام قمبر .. صح اكثر من وحده قالت " الموضوع يكون احيانا فشة خلق وضايق خلقها وحابه تسمع كلمه تطيب خاطرها"

وصج البنات اللي يدشون يخربون هذيل اللي الله يهديهم بس .. هاذا قصدي .. اللي يخربوووووون

يابنات لا تعلقون على كلمة وتخلون الثانيه .. فاهمتني ام قمبر

مو شرط كلامي كله صح ولا حتى نصه .. بس اللي صح ان اكو بنات تحب تخرب فالازم مو كل اتصدقه المتزوجه

واحيانا واعليه تكون بحاله الله العالم فيها تبي اي حل اي كلمه وتسويها .. وهاذا اللي ينخاف منه

الله يهدي النفوس

 

[النوري نور عيني]

ما فيها شي الواحد اذا يفضفض وبعض المرات الوحده ما تبي تعلم امها بشي علشان تراعي نفسيتها والا ان كانت مريضه ...المشكله في الردود الي تودي بداهيه ...وحده جابت لها خالتها صوغه ما عجبتها والبنت تفضفض وحده الله يهداها تقول لبسي خدامتج هديه الخاله وخليها تشوفهاا @@ ............بذمتكم هاذا كلام يا اختي قولي خير والا اسكتي ,,,,,,,,,,,

 

[مذهــلــه]

أنا معاج بنص الكلام

يعني مو مع اللي تقعد تحط قصة حساسة بينها وبين ريلها ...

بس مع اللي ممكن تعرض مشكلة او موقف مرت فيه ... تستشير البنات والمتزوجات بحلول للمشكلة

وماخاب من استشار حبيبتي

 

[mi corazon]

النوري هاذا قصدي

مذهله .. اي نعم هاذا قصدي شكثر قاعده اعيد للبنات .. عااااااادي المشاكل البسيطه تستشير .. بس الحساسه !!!

مشكورين عالمشاركه بنات

 

[عجمية ماتهاب]

اممم عادي مافيها شي لو تبي تسال عن شغلة انا عن نفسي استفدت وايد
ومشكورة ع الطرح

 

[كويتية بروما]

والله موضوعج وايد حلو وكلامج صح في بنات سوالفهم نفس ويهم نفس وحده من جم يوم منزله موضوع عن حركه جنسيه تسويها مع ريلها ويطلع منها هوا ؟؟؟؟؟؟؟؟؟؟؟؟؟؟؟؟؟؟؟؟؟؟ احنا شكو وتسال جم مره تسوون الحركه مع رياييلكم وانتو تطلبون ولا رياييلكم سامحيني فتحت الموضوع الصراحه لوعه جبد ولا في احترام للشهر ولا للحياه الزوجيه عزكم الله حتا لبهايم تستحي سامحوني بس الموضوع غثني
بنات لازم تعرفون مو كل شي ينقال ولا كل وحده تحب للناس الخير وفي بنات والله والنعم فيهم وهدا رايي ومشكورين

 

[MISS BAD00RAH]

مس بدوره لا واحيانا تزيد بهارات للسالفه علشان تستعطف البنات وتاخذ أكثر مؤيدين لها .. الله الهادي

شغب ياحياتي اعيد وازيد .. مو كل المشاكل .. اكو مثلا مشكله بينها وبين حماتها .. مثلا مشكله إن ريلها يبيها تسوي هالشغله واهيا موحابه .. ممكن

لكن لمن تقول ريلي فيه عيب خلقي لحقوني شسوي .. ولا تقول طحت على ريلي بتلفونه ارقام بنات ومسجات غرام

عليج الله شبيكون رد أكثر البنات؟ واللي بعضهم مو متزوجات ومايعرفون معناة الصبر والحكمه بهالمواقف بعدهم مادشوا هالعالم .. الاكثرية بتقول واجهيه وحطيه وشيليه .. والمسيجينه تطبق وتروح فيها .. يعني اقليه اللي اهي الناس الحكيمه اللي ممكن تقول لها لا تحسسينه انج عرفتي لا يقول اي خلاص خربانه خربانه ويقلب السالفه عليها علابو ليش تتعبثين بتلفوني .. يعني من هالسوالف اللي قريتها تشرح الصدر

بس لي هالحزه لي ربج بلاها بوحده ترنعها بذيج النصيحه اللي تهدم بيتها .. شيكون موقفها؟ ماقالت شي الام .. ولو مو الام الخاله ترى النار ما تطفي النار

وياشغب منو قالج كل المتزوجين بينصحونها نصيحه زينه؟ ممكن وحده متزوجه متهنيه مع ريلها ماتدري شنو نوعيه ريل اللي قاعده تشتكي تعطيها نصيحه بقصد خير تقلب المسألة شر وبدون قصد

ياحبيباتي آنا قصدي انا كبار وماخذاج إلا وانتي واعيه مو مطيورة .. وكل ما الوحده حاولت تحل مشاكلها بعيد عن الغير ومو كل مشكله ومشكله ركضت عالمنتدى .. كلما صارت عندها خبرة وحكمه ... لأن هاذا عالمها .. محد يشاركها او يتشابه معاها فيه ولو تشابو بأشياء بسيطه

ياربي شكلي ماني عارفه اوصل الفكره[/QU

ههههههههه اما سالفة البهارات شفتها بعيني وحدة كاتبة انها بعمر الاربعين وتبي تشبب نفس البنات الصغار عشان رجالها واليوم الثاني كاتبة انها عروس وتشبة زينب العسكري ورجالها ما حبها عشانها ما تشبها حيل مصخرة ,,
بس صج صصصصصصصصصصصصصصح لسانج

 

[اشتياق]

مشكوره

 

[MISS BAD00RAH]

رد: رد : نعرف ريلج أكثر منج !!!!

مس يما يما الله يهديج بس
شفيج حبيبتي مضايقج احد؟؟ عيب شنو قرقت حريم وتتطنزين تقوللين ذوي الخبرات؟؟
اي حبيبتي ذوي الخبرات شحارج كيفنا يبا نقول اللي عاجبنا والكلمة اللي نبيها
انتي قولي رايج واللي تبينه بس
عن الطنازه والتنقز عيب ماما
الله يهديج بس منو اللي الحين قرقت حريم؟؟ اكيد اللي تتكلم عن اي شي لو مايخصها.. خوووو كيفي رايي بعد هه

عنب مادري كرز اول شي شمضيعة كل شوي يما وماما دوري امج بعيد عنا ,,,ماراح ارد عليج ,,,mi corazon كفت ووفت,,,, :bye22:

 

[DKNY]

الله يهدي الجميع ياارب

 

[BiiShOoO]

انا معااج انه مو كل شي ينقال بس بنفس الوقت تقدر تستفيد من مواضيع البنات و مشاكلهم عشان تعرف تتصرف اذا واجهتها نفس المشكلة

 

[Lolaaa]

رد : نعرف ريلج أكثر منج !!!!

حبيبتي كل وحدة تمر بموقف خيانة أو شي تكون عارفة شنو تسوي بس حابة تفضفض تسمع تجارب البنات وشنو صار معاهم وشنو الحل الأنسب تكون مرتبكة ومتوترة مو عارفة شنو تسوي
وإذا المرأة أمها ميتة لا سمح الله أو أمها مو متفهمة وماعندها غير الله يهديه تفضفض لمنو ؟؟؟
أنا الصراحة إذا تزوجت (إن شاء الله)
وصارلي موقف مع ريلي خاني أو شي لا سمح الله جرحني مراح اتردد راح اطرح مشكلتي أستفيد من غيري من المتزوجات بس طبعاً مو كل شي أطبقه أشوف ريلي شنو التصرف الي راح ينفع معاه وأطبقه

مثل ماقلتي أسرار بس صدقيني كل وحدة طرحت مشكلتها متأكدة 100% أن مافي أحد يعرفها من المنتدى

انا لو واجهتني مشكلة بحياتي أو عقبة الحمدالله راح اكون قادرة اني احلها بس مايمنع اني استشير اسمع آراء الناس​