نعم لأكل البيت و لا لغراش الجمعية .. ابتداءاً من 6 شهور !!

[ghadeer212]

بنتي عمرها خمسة شهور ونص

بديت اكلها من الخامس صراحة
قمنا نعطيها الاتي:

للريوق : بسكوت مع ماي او في شي معلب مكتوب عليه افطار الارز والتفاح الكريمي ينخلط مع ماي كانت تحبه

الغذاء : خضار: قرع+يقطين

السناك العصر: اعطيها زبادي مال اليهال العلبة تكون صغيرة نتفة او فواكه معلبة

العشاء: سيريلاك القمح

طبعا كل اللي ذكرته اعطيها بكميات قليلة جدا لان اخاف وخصوصا انها ما كملت الستة شهور

 

[Um Tuki]

حبيبتي مب زين تعطينها زبادي من الحين توها صغيرة

انا بديت اعطي ولدي بنص الشهر التاسع

ستوووووب وقفي زبادي


جربي بستوق في رضاعة الحليب

مفيد لها مدامها توها تبتدي تاكل

انا قبل ما بديت اكل مع ولدي عطيته بسكوت بالحليب عشان اهيئ معدته موب سيطة اكل و المعده مو متعودة راح يسبب له الم ومغص و امساك

فديتها ربي يحفظها لج

 

[ريماا]

اذكر عيالي كنت اعطيهم الصبح ع الغدا عيش مفيوح مع بطاط او قرع وجزر وبعد مايستوي احطه بالخلاط
والعصاري بسكوت او فاربيز اذوبه بحليب والعشا هم نفس طريقعه العيش عشان يشبع لي نام
وكنت اشتري سريلاك بس ابعد عن القمح عشان حساسيه الطفل بالعمر هذا

 

[Um Tuki]

حاسبوا خواتي من العيش اول ما يبتدون ياكلون لا يغصووون

كل شي مهروس

بعد الـ 10 شهور لا خلاص عوديه ياااكل أكل عادي .. موب كل شي مهروس ..

 

[Lulu_Perla]

اب

اب


نبي افكار يديدة


انا راح ابدي اعطيها عصير تغيير عن الاكل.. و لانها مو دايما ترضى تاكل
بسويلها عصير تفاح

للريوق بعطيها كوكتيل فواكه ( تفاج - كوج - خوخ ) اخلطهم مع بعض بالخلاط

الغدا احاول يكون دايما مكس خضار

العشا مهلبية تمر او خضار ممكن من اللي يبقى من الغدا


حاليا اسوي الاكل للغدا و الريوق الصبح و احطه لها بالثلاجة
شريت من ايفنت الكوب اللي له غطا مثل التوبر وير وايد عملي اسوي الاكل و اغطيه و احطه بالثلاجة.. و ممكن تحطينه بسخان الممية يدفي الاكل للبيبي وايد حلو

و احسن من صحن البيبي شكبره و الاكل بقاعة الصحن لووووووووووووووووووووول

 

[Lulu_Perla]

هذا جدول تغذية الاطفال حسب العمر

قواعد اساسية يجب اتباعها لتجنب تعرض الطفل للامراض التي قد تكون التغذيه الغير صحيحه سببا فيها:

1- البدء باطعام الطفل من الشهر السادس

2- تجنب اضافة الملح والسكر

3-تجنب اعطاء (العسل-البروكلي-السبانخ-الطماطم-الفلفل الاخضر- التوت- الفراوله- الاناناس-الملفوف- الخضروات الخضراء بشكل عام-المغالي) قبل عمر السنه

4-عدم ادخال الكعك-البسكويت -الحلويات-الايسكريم الى طعام الطفل

5- تجريب كل نوع على حدا لمده اسبوع لمعرفة مدى تحسس الطفل منه

6- اذا تحسس الطفل من نوع من الاطعمه يجب التوقف عن اعطائه هذا النوع

7- البدء بالارز ثم الخضار ثم الفواكه

اطعمه قد تسبب اكزيما اذا تناولها الطفل قبل اتمام السنه:

القمح- الذره- المكسرات"الى 3 سنوات"-الطماطم-
البيض-البصل حليب البقر -الكرز-السمك-البهارات-الشوكولاته-العنب

جدول اطعام الطفل بالاشهر:

الشهر السادس:

ارز-بطاطس-بطاطا حلوه-جزر-قرع-كوسا-موز-تفاح

الشهر السابع:

خوخ-اطعمة الاطفال الجاهزه-عصير البرتقال المخفف بالماء
مشمش-كمثرى

الشهر الثامن:

الدجاج المفروم فرما ناعما بعد ازالة الجلد والعظم
فاصوليا- قرنبيط

الشهر التاسع:

لحم مفروم-روب

الشهر العاشر:

ادخال صفار البيض المطهو طهوا جيدا
التمر-العنب-البازلاء-العدس المهروس
ادخال الخبز بعد تطريته بالحليب
المعكرونه

الشهر الحادي عشر:

الجبن-االبيض المطهو طهوا جيدا-السمك



*


انا عطيت بنتي سيريلاك قمح و سببلها اكزيما

 

[منااووي]

الله يعطيكم العافيه على هالموضوع ..

بس بغيت اسأل بالنسبه للاخت اللي حطت وصفة المهلبيه بالتمر .. عندي استفسار


شلون نطبخ حليب البيبي عالنار؟ اخاف مايصير ؟ انا استعمل حليب سميلاك 2 ؟

 

[Lulu_Perla]

اهلين مناوي


لا ما نطبخه عالنار
اول شي ننقع التمر بماي حار و نذوبه فيه
عقب بالخلاط نحط التمر مع شوي من مايه مع الحليب و النشا و نخلط
راح يتكون عندج خليط سائل شوي
بعدين نحطهم عالنار عشان يثقل مثل المهلبية و بس

 

[ام الحوراء زينب]

بروقه لمن رحت المستوصف سالت الدكتورة شنو اوكل ولدي عمره 6 شهور
جان تقول عادي دياي ولحم وسمج بس لازم بالخلاط
بس الصراحه خفت اعطيه

 

[Um Tuki]

3-تجنب اعطاء (العسل-البروكلي-السبانخ-الطماطم-الفلفل الاخضر- التوت- الفراوله- الاناناس-الملفوف- الخضروات الخضراء بشكل عام-المغالي) قبل عمر السنه


حبيبتي انا الدكتورة قالت لي عن البروكلش ان وايد مفيد للأطفال ..
انا وسواسية وايد اخاف اعطي ولدي اي شي حتى امي و عمتي دايم يتهاوشون معاي ..


فديتج مشكوووووورة ع المشاركة أكيد بتفيد الكل

 

[Lulu_Perla]

هلا حبيباتي
المشاركة كانت منقولة من النت..
انا ام يديدة مو كل شي اعرف اسأل و لما اتأكد اجرب اعطي بنتي شوي




بس صج احس تو النااااس عاللحم و السمج
اما الخضار انا بس اعطيها جزر و بطاط و كوسا و قرع

 

[نوور]

مشكوووره خوش موضوع ولدي الله يحفظه لي عمره 7 شهور اول مابديت اوكله عطيته بسكوووت فيلرز ماعجبه عطيته سريلاك عيش هم ماعجبه جربت اعطيه عيش مع بطاط وجزر وهرسه له بنفس مكينتج والحمدلله حبه ( شكل ولدي يحب اكل البيت ) هههه. بعدها قمت اسويله هالخلطه مع بعض التغير مره احط شوفان واغير احط كوسا واضيفله روب بنات الروب عجيب هو الوحيد اللي فيه بكتيريا مفيده ويلين اللثه

العصاري اعطيه عصيدة تمر واشربه عصير برتقال. المغرب اعطيه تفاح مهروس مع موز وسلامتكم
ملاحظه مااضيف ملح للاكل واذا ماستساغ الاكل اضيف شويه سكر

ادعولي الله يحفظه لي

 

[نوور]

نسيت اقولكم دكتور ولدي قالي برمضان ابدي وكليه لحم ودجاج وسمج وصفار البيض
ولدي برمضان يتم ٨ شهور

 

[ميس:)]

عاشقة الككاو عطيه ولدج تمر نقيه بماي وخليشرب مايه يعووض الكالسيوم وغذاء مفيييد وكامل لحاله
بنات الي يعطون عيالهم العيش الاسمر شلون طريقته يقولون الابيض مامنه فايدة نفس الخبز الابيض ؟!

 

[أم دانـــة]

والله انا اشياء وايد اسويها حق اعيالي
وبقولكم شي منها
مثلا
-اهرس موز مع عصير برتقال
-مهلبيه ضروري كل يوم تزيد وزن البيبي
-اخلط برد فانيليا مع عصير منجا عجييييييب
-وبالخلاط انا احط توست بدون الزوائد مع جبن كيري وحليب روعه
ما شاء الله تبارك الرحمن انا كنت ما اقدر اشيل ولدي لما كان صغير
وفي شي بعد كنت احط عصير مانجا مع حليب كرنيشن
وعصير المانجا لازم يكون مازا او كي دي دي

 

[Um Tuki]

استفدنا من بعض وايد

الحمدلله ولدي تم السنة واعطيه كل شي

 

[نـعـومـه]

انا اعطي بنتي سيريلاك تحبه

واعطيها خضار انا اسويه ماحط ملح ماتحبه اطلعه تبي شي فيه ملح وبهارات جربت قفشه اعطيها يريش عجبها !! بجذي قلت تبي شي فيه ملح

جربتلها تفاح ماحبته عصير برتقال كنت اعطيها بس في دكتور قال حامض توالناس

جربتلها موز وحليب شوي عجبها استانست ان في شي عجبها

 

[نـعـومـه]

وماي التمر كنت كل يوم اعطيها فديتها تحبه بس بعدين ماعطيها كل يوم اعطيها يوم و١٠ ماعطيها انسى

وجربت عطيتها مهلبيه مرتين يقولون مفيد بس شرط من حليبها نسوي المهلبيه مو حليبنا

 

[طيب^الكويت]

أنا حق بنتي الصبح عصير برتقال مع فارليز واللي يزيد من العصير أحاطه بالرضاعة تشربه والغدا خضار وعيش ابيض او شربه او تشريبه مع بيض وقفه زيت زيتون ابي هل تمتن وايد ضعيفه والخضار كوسه قرع جزر بطاط حلوه أفيد حق آلي اهل من البطاطه العادييييه وبليييييل فواكه. مشكله تفاح وموز وافوكادوو وعرموووووطه وبين الأكل حليبها العادي بنتي عمرها ثمن شهور وما أعطيها اكل معلب أبدا

 

[ام ميدوتي]

عيش وروب لان الروب يقوي المناعة ويقتل البكتيرية داخل الجسم