بادية بالمكياج و تبين تعرفين أي لون يمشي مع عيونج أو يبرزها أو أي ألوان الشدو اهي الي تتناسق مع بعض , تبين تعرفين خبراء المكياج العالميين اشلون يتعاملون مع الألوان عيل تابعي هالموضوع لأنه بيفيدج بس بنات ترى الموضوع مفصل و علمي فصبري شوي معانا عشان تستفيدين 
يقول خبير التجميل --- شوفي الطبيعه --- لأنه سبحان الله الألوان الي مع بعض بالطبيعه متناسقة و خلي الطبيعه اهي مصدر إلهامج
و طبعاً لازم تعرفين عجلة الألوان الي يستخدمها أغلب خبراء المكياج و الي أسمها Color Wheel و هالعجلة مو بس يستعملونها خبراء المكياج بل و الرسامين و مصممين الجرافيك و الفنانين , هاذي صورتها :
في العجلة راح تشوفين الثلاث ألوان الأساسية : الأصفر - الأحمر - الأزرق و اهي تسمى الألوان الأساسية لأنها تنوجد بدون خلط لونين مع بعض.
ننتقل للألوان الثانوية و الي تتنتج عن خلط لونين ببعض فلو خلطنا الأحمر بالأصفر بيطلع لنا البرتقالي, و إذا خلطتي الأصفر و الأزرق يطلعلج الأخضر, و إذا خلطتي الأزرق و الأحمر يطلعلج البنفسجي
إذا لاحظتي هاذي ألوان قوس قزح : الأصفر الأحمر الأزرق البرتقالي الأخضر و البنفسجي
ننتقل للألوان الثلاثية الي تتكون من مزج لون أساسي مع لون ثانوي
و بجذي تتكون كل الألون بعجلة الألوان
بعيد لكم صورة عجلة الألوان و أبيكم تثبتون معاي
بنات شوفوا اللون الأحمر و اتخيلوا أنه في سهم بالنص لو حطيتيه على اللون الأحمر شنو اللون المعاكس له تماماً؟؟؟
اللون الأخضر .... معناة هذا إذا عيونج خضر اللون الأحمر راح يبرزها , طبعا هالكلام ما يعني أنج تستخدمين شدو أحمر بس ممكن تستخدمين لون شدو فيه احمرار مثل البني المحمر أو المارونيات أو اي درجة من الأحمر
سبحان الله اشلون ما فكرنا بأن أجمل الورود اهي الورده الحمر الي لون بتلاتها حمر و لون ساقها أخضر
الحين إذا عيونج زرقة أو لابسة عدسات زرق شنو اللون الي بيناسبج؟؟
البرتقالي , بس مو بس البرتقالي الخالص بس مثل ما قلنا شي فيه درجة برتقالي أو الذهبيات و البيجيات الي فيهم شوية على برتقالي
إنزين إذا عيونج عسلية و لا بنية شنو بيناسبها؟؟؟؟؟
الأزرقات أو اي شي فيه درجة الأزرق (عشان جذي أغلب البنات طايحينله قلم بورجوا الأزرق )
ننتقل لألوان الشدو الي تناسب بعضها البعض
شوفي هالعجلة:
تخيلي إنج قاعده تحطين شدو ماروني أو محمر أو فيه درجة احمرار تهقين أي ألوان بتمشي معاه؟؟؟
راح تشوفين وين البوزين ملوت المثلث الطويل اللي بالنص الي فيه الخط بالنص (الزاويتين الي فيه قاعدته) قاعد يأشرون, و بحالة اللون الأحمر نلاقي إن القاعده قاعد تأشر على الأزرق المخضر Blue Green و الأصفر المخضر Yellow Green طبعا أكيد أكثر لون بيبرزه أهو الأخضر الي بالنص
تبين خيارات ثانية راح تبرز اللون بس مو بحدة هالألوان؟؟ رجعي للعجلة و شوفي المثلث العود الي لونه رمادي راح تلاحظين بأنه البوز يأشر على اللون الأصفر Yellowو الأزرق Blue معناته هالألوان بتمشي معاه بس ما راح تبرز اللون كثر الألوان الي ذكرناها قبل بس راح تمشي معاه.
ننتقل للمصطلحات الأخرى :
1- Tint وهاذي العملية الي فيها تزيدين لون أبيض للون فتسوينله Tinting لاحظي لو بتزيدين أبيض للأحمر شنو بيطلعلج؟؟ رجعي للعجلة و شوفي .... بيطلعلج لون وردي بتشوفيه تحت الأحمر على طول بالعجلة
2- Shading أهو لما تزيدين أسود للون , لما تزيدين لون أسود للون, تخيلي أنج قاعده تزدين أسود للون الأحمر شنو بيطلعلج؟؟ رجعي للعجلة وشوفي ........ بيطلعلج لون قرمزي تشوفينه بالعجلة كآخر لون في تدرجات الأحمر
3- Tone وهذا يطلع لما تزيدين رمادي للون و المثال بالعجلة أهو اللون الي بالنص بين الوردي و القرمزي (لون السالمون)
شوفي هالصورة اشلون البنت مرتبة شدوات ماك حسب الأزرقات مرورا بالفاتح لحد الغامج
ننتقل للون الأخضر و نشوف مصطلح جديد أسمه Monochromatic ومعناه أحادية اللون , شوفي اللون الأخضر بالعجلة و الثلاث تدرجات مالته و الي أهي مضاف لها الأبيض و الرمادي و الأسود وبعدين شوفي هالنبته
سبحان الله سر جمالها في احتوائها جميع تدرجات اللون الأخضر و جذي لما تبين تحطين مكياج أخضر تبرزين فيه عينج حطي فيه جميع تدرجات الأخضر عشان يطلعلج لون متناسق مثل هالصورة:
ننتقل الحين لزوايا الألون أو angles color و هالنظرية تقول بأن الألوان بالعجلة الي يم بعض تماما بتناسب بعض, سبحان الله ما لاحظتي ليش بالطبيعه في نباتات تجذب عينج أكثر من غيرها؟؟ شوفي هالنبته أسمها agave :
هالنبته تلفت النظر لأنها تحتوي على ثلاث ألوان الزوايا فيها أخضر و أصفر مخضر و أصفر (لاحظيهم يم بعض بالعجلة) عشان جذي سبحان الله ألونها جذابه و تلفت و لاحظي هالشي بهذا المكياج:
ننتقل لمصطلح ثاني أسمه Achromatic colors و ترجمته اللالوني و هو يختص بالألون السودة و البيضة بس و لو نرجع لعجلتنا
شوفي الأسود باليسار و المقابل له تماما و اهو الأبيض و هالنظرية تفيدج لو بتسوين سموكي أبدي بالأسود و انتهي بالأبيض مرورا بالتدرجات مالتها , شوفي هالعلبة من شانيل الي تحمل هالتدرجات :
بنات الحين لو بتبرزين اللون البنفسجي أي لون راح تستعملين؟؟ !! رجعي للعجلة و شوفي
طبعا اللون المقابل و اهو اللون الأصفر .. سبحان الله شوفي هالوردة و بتلاحظين سر جمالها أهو أنها صفرة مع بنفسجية:
شوفي هالمكياج روعه
بعد ما تخلصين قراية الموضوع و تفهمينه بتصريين خبيرة بالهنظرية مثل كل خبراء المكياج الي بالعالم
بنات هالموضوع مترجم من فيديو من جزئين على اليوتوب كاهم
http://www.youtube.com/watch?v=iYgJtKs8SP4&feature=channel
http://www.google.com.kw/search?rlz=1C1CHMR_enKW331KW331&sourceid=chrome&ie=UTF-8&q=channel
بنات ترى الموضوع ماكان سهل لأني ترجمته و قعدت أدور صور و أترجم مصطلحات و أضيف أمثله فبصراحة ما راح أحلل الي تنقله من غير أذن أو تنقله من غير ما تكتب منقول من منتدى كويتيات للعضوة (عوضية)
مشكورين و ما أبي غير دعائكم
يقول خبير التجميل --- شوفي الطبيعه --- لأنه سبحان الله الألوان الي مع بعض بالطبيعه متناسقة و خلي الطبيعه اهي مصدر إلهامج
و طبعاً لازم تعرفين عجلة الألوان الي يستخدمها أغلب خبراء المكياج و الي أسمها Color Wheel و هالعجلة مو بس يستعملونها خبراء المكياج بل و الرسامين و مصممين الجرافيك و الفنانين , هاذي صورتها :
في العجلة راح تشوفين الثلاث ألوان الأساسية : الأصفر - الأحمر - الأزرق و اهي تسمى الألوان الأساسية لأنها تنوجد بدون خلط لونين مع بعض.
ننتقل للألوان الثانوية و الي تتنتج عن خلط لونين ببعض فلو خلطنا الأحمر بالأصفر بيطلع لنا البرتقالي, و إذا خلطتي الأصفر و الأزرق يطلعلج الأخضر, و إذا خلطتي الأزرق و الأحمر يطلعلج البنفسجي
إذا لاحظتي هاذي ألوان قوس قزح : الأصفر الأحمر الأزرق البرتقالي الأخضر و البنفسجي
ننتقل للألوان الثلاثية الي تتكون من مزج لون أساسي مع لون ثانوي
و بجذي تتكون كل الألون بعجلة الألوان
بعيد لكم صورة عجلة الألوان و أبيكم تثبتون معاي
بنات شوفوا اللون الأحمر و اتخيلوا أنه في سهم بالنص لو حطيتيه على اللون الأحمر شنو اللون المعاكس له تماماً؟؟؟
اللون الأخضر .... معناة هذا إذا عيونج خضر اللون الأحمر راح يبرزها , طبعا هالكلام ما يعني أنج تستخدمين شدو أحمر بس ممكن تستخدمين لون شدو فيه احمرار مثل البني المحمر أو المارونيات أو اي درجة من الأحمر
سبحان الله اشلون ما فكرنا بأن أجمل الورود اهي الورده الحمر الي لون بتلاتها حمر و لون ساقها أخضر
الحين إذا عيونج زرقة أو لابسة عدسات زرق شنو اللون الي بيناسبج؟؟
البرتقالي , بس مو بس البرتقالي الخالص بس مثل ما قلنا شي فيه درجة برتقالي أو الذهبيات و البيجيات الي فيهم شوية على برتقالي
إنزين إذا عيونج عسلية و لا بنية شنو بيناسبها؟؟؟؟؟
الأزرقات أو اي شي فيه درجة الأزرق (عشان جذي أغلب البنات طايحينله قلم بورجوا الأزرق
)ننتقل لألوان الشدو الي تناسب بعضها البعض
شوفي هالعجلة:
تخيلي إنج قاعده تحطين شدو ماروني أو محمر أو فيه درجة احمرار تهقين أي ألوان بتمشي معاه؟؟؟
راح تشوفين وين البوزين ملوت المثلث الطويل اللي بالنص الي فيه الخط بالنص (الزاويتين الي فيه قاعدته) قاعد يأشرون, و بحالة اللون الأحمر نلاقي إن القاعده قاعد تأشر على الأزرق المخضر Blue Green و الأصفر المخضر Yellow Green طبعا أكيد أكثر لون بيبرزه أهو الأخضر الي بالنص
تبين خيارات ثانية راح تبرز اللون بس مو بحدة هالألوان؟؟ رجعي للعجلة و شوفي المثلث العود الي لونه رمادي راح تلاحظين بأنه البوز يأشر على اللون الأصفر Yellowو الأزرق Blue معناته هالألوان بتمشي معاه بس ما راح تبرز اللون كثر الألوان الي ذكرناها قبل بس راح تمشي معاه.
ننتقل للمصطلحات الأخرى :
1- Tint وهاذي العملية الي فيها تزيدين لون أبيض للون فتسوينله Tinting لاحظي لو بتزيدين أبيض للأحمر شنو بيطلعلج؟؟ رجعي للعجلة و شوفي .... بيطلعلج لون وردي بتشوفيه تحت الأحمر على طول بالعجلة
2- Shading أهو لما تزيدين أسود للون , لما تزيدين لون أسود للون, تخيلي أنج قاعده تزدين أسود للون الأحمر شنو بيطلعلج؟؟ رجعي للعجلة وشوفي ........ بيطلعلج لون قرمزي تشوفينه بالعجلة كآخر لون في تدرجات الأحمر
3- Tone وهذا يطلع لما تزيدين رمادي للون و المثال بالعجلة أهو اللون الي بالنص بين الوردي و القرمزي (لون السالمون)
شوفي هالصورة اشلون البنت مرتبة شدوات ماك حسب الأزرقات مرورا بالفاتح لحد الغامج
ننتقل للون الأخضر و نشوف مصطلح جديد أسمه Monochromatic ومعناه أحادية اللون , شوفي اللون الأخضر بالعجلة و الثلاث تدرجات مالته و الي أهي مضاف لها الأبيض و الرمادي و الأسود وبعدين شوفي هالنبته
سبحان الله سر جمالها في احتوائها جميع تدرجات اللون الأخضر و جذي لما تبين تحطين مكياج أخضر تبرزين فيه عينج حطي فيه جميع تدرجات الأخضر عشان يطلعلج لون متناسق مثل هالصورة:
ننتقل الحين لزوايا الألون أو angles color و هالنظرية تقول بأن الألوان بالعجلة الي يم بعض تماما بتناسب بعض, سبحان الله ما لاحظتي ليش بالطبيعه في نباتات تجذب عينج أكثر من غيرها؟؟ شوفي هالنبته أسمها agave :
هالنبته تلفت النظر لأنها تحتوي على ثلاث ألوان الزوايا فيها أخضر و أصفر مخضر و أصفر (لاحظيهم يم بعض بالعجلة) عشان جذي سبحان الله ألونها جذابه و تلفت و لاحظي هالشي بهذا المكياج:
ننتقل لمصطلح ثاني أسمه Achromatic colors و ترجمته اللالوني و هو يختص بالألون السودة و البيضة بس و لو نرجع لعجلتنا
شوفي الأسود باليسار و المقابل له تماما و اهو الأبيض و هالنظرية تفيدج لو بتسوين سموكي أبدي بالأسود و انتهي بالأبيض مرورا بالتدرجات مالتها , شوفي هالعلبة من شانيل الي تحمل هالتدرجات :
بنات الحين لو بتبرزين اللون البنفسجي أي لون راح تستعملين؟؟ !! رجعي للعجلة و شوفي
طبعا اللون المقابل و اهو اللون الأصفر .. سبحان الله شوفي هالوردة و بتلاحظين سر جمالها أهو أنها صفرة مع بنفسجية:
شوفي هالمكياج روعه
بعد ما تخلصين قراية الموضوع و تفهمينه بتصريين خبيرة بالهنظرية مثل كل خبراء المكياج الي بالعالم
بنات هالموضوع مترجم من فيديو من جزئين على اليوتوب كاهم
http://www.youtube.com/watch?v=iYgJtKs8SP4&feature=channel
http://www.google.com.kw/search?rlz=1C1CHMR_enKW331KW331&sourceid=chrome&ie=UTF-8&q=channel
بنات ترى الموضوع ماكان سهل لأني ترجمته و قعدت أدور صور و أترجم مصطلحات و أضيف أمثله فبصراحة ما راح أحلل الي تنقله من غير أذن أو تنقله من غير ما تكتب منقول من منتدى كويتيات للعضوة (عوضية)
مشكورين و ما أبي غير دعائكم
التعديل الأخير:
