نـــــــــــــــــادي فلــــــــــــــــكس ... ؟؟؟؟

[zqertya]

السلاااااااااااام عليكم \

بناااااااااااااات حبايبي مو جربت نادي فلكس الي بالشعب البحري وابي اعرف اسعارهم جم؟؟

شلون نظامهم وطريقتهم؟:eh_s(6):

 

[مســـــك]

انا شفتهم اثنينهم

شامبينز الجابريه وفلكس الشعب

شكلي بدش شامبينز

لأسبااااب

اشرح

اكبر

مواقف اكثر

زحمه اقل

مضمار مشي

اجهزه اكثر

مسبح راااااهي

اما الأسعار مافرقت وايد

شامبيز ال 3 اشهر ب 350

فلكس ال3 اشهر ب 360

بس نصيحه روحي شوفيهم وقرري

وياليت تصيرين زميلتي بالنادي

لوووووووول ماعرف احد كلش وبدش اخر هالشهر انشاءالله

وربي يوفقج ويوفقنا

 

[~باقة ورد~]

ترى فلكس عندهم عرض بينتهي بإنتهاء شهرنا الحالي 9 الجاري

يعني عندكم اليوم وباجر وعقبه بس

الشهر ب 150 و تاخذين عليه شهر مجاني

والسنه تطلع عليج ب 402

والله يشهد علي من اليوم ويا رفيجتي بالتلفون أحن عليها خل تشترك معاي بس ما تقدر

هالفتره الميزانية ما تسمح عاد إنتي وراحتج مو يقصون عليج يقولولج خلص العرض

ترى آنا أمس رايحتلهم الأحد 27 /9 وقالولي عرض ثاني يوم سألتهم سووا روحهم

يسألون طبعا فرع النساء اللي إهو ال woman

بس بالنسبه لي العائلي أحلى وايد أول شي ماكو أحد بس شوية يهال وتحسين إن

النادي ملكج وحمام السباحه اللي فيه خيال روعه حده وايد أحلى من حمام فرع النساء بس الحلو

بفرع النساء إنه عندهم مدربات أكثر للرقص الشرقي وجميع أنواع الرقص وعندهم

مدربه عيوزه تضحك شاده حيلها حيل إدرب عالقاري سرعات متعدده تشجعج تلعبين

وتلتزمين ، والله ودي أشترك بس مالي خلق أطق درب كل يوم لأنهم بعيدين حيل علي

عموما الله يقويج وتشتركين باللي ترتاحين له وتلتزيمن بالإستمرار عليه هذا أهم شي...​

 

[ام بنتها]

فلكس الشعب حددددددده أينن انا شايفته بس كأشتراك مادري عن تعاملهم و كان في تجمع حق بنات النادي عيزت ادوره مو لاقيته ما دري وين راح لأأني افكر اشترك و بشوف حجي البنات عنه ياليت الي تدري وين التجمع تحط رابطه

 

[zqertya]

مشكورين على مروركم وصح كلامج مسك المواقف مو شي بس انا ابي فلكس لان خط سريع وعلى طول ادشه مافي زحمه مثل الجابريه ويع اكرها

انا بدش فلكس وانشالله بروح اشوف العرض واقولكم

 

[Ambeeh]

ناااااااااااااااااااطرينج ياااازقرتيه

 

[queen pink]

تشامبز ولا اروع

 

[مســـــك]

بنات فلكس اليوم اخر يوووووووووووووووووووم عرض

الشهرين ب 150

والسنه ب 412 + 6 شهور مجانا

او السنه ب 399

بس اتصدقون حيرتوني بينهم

 

[بوسيcat]

آآآآب آآآب
ابي راي عضوات فليكس لاني بشترك

 

[Angel_store]

فلكس زحمه

 

[reem-reem]

بالعكس فلكس مو زحمه وايد
واحيانا يكون شبه فاضي

انا مشتركة من سنه

النادي حلو
حوضيين سباحة
اجهزة جديدة
وصالة سكواتش
ورقص شؤقي وهيب هوب
وناسه والناس ضربه ولبسها ضرب
بس مشكلتي ابي صديقة بنادي

 

[yummy]

فلكس كان حلو
الحين زحمه ولويه وبطلعة الروح تحصلين مصفط

 

[بوسيcat]

انا اشتركت امس 3 شهور ب 275 مادري والوضع عادي بس امس رحت الصبح كان زين مافي احد بصاله المشي بس حتى لو يصير زحمه الاجهزه طبي وتخيري عددها كبييييييييييير وحمام السباحه في بس مووايد زين لان حمامات السباحه عندهم كبار بس مواقفهم اذا زحمه بتصير مشكله
لكن النادي عموما نظييييف ومرتب وتحسين بخصوصيه كل شي موجود ومتوفر وبراحتج

وانا بعد احس بروحي هناك مافي احد اعرفه اول يوم حسيت شوووووووي اني ظايعه