نفاس ولا عندك احد ينفسك يهتم باكلج تعالى انا اضبطك بافكار من تجربه

[ملح الدنيا فيني]

السلام عليكم

شلونكم بنات شخباركم


ما احلل اى وحده تنقل موضوعى لمنتدى ثانى الا تذكر اسمى لانه الافكار افكاري حبيت افيدكم فيها


بنات وايد يعانون من مشكله انها نفاس ولا عندها احد يخدمها بفتره نفاسها ويسوى اكلها

الموضوع وايد وايد بسيط صج انا بجر بس نفست اختى مرتين

اخذوا الامر بسهاله وصدقونى بيتسهل

شحقه تكلفين على عمرك وتطلبين من حريم بمبالغ خياليه والامر اسهل ما يكون حتى انت بنفسك تقدرين تسوينه

والحركه زينه


المطلوب :


1- تروحين المكتبه تشترين ملف اللى جنه البوم سعره 500 فلس وفيه اوراق شفافه تحطين داخلها الاوراق عشان ما تتوصخ من الطبخ وتنمسح مثل هالصور انت قوليله ابى ملف البوم الاوراق ويطلع لج

​

راح تطبعين كل الوصفات اللى انا كاتبتها عشان تكون لك مرجع بولادتك والولادات اليايه حتى لما بتودين لوحده والده عشاء ولا غدا الا عندك افكار


3 - عندك الخدامه حلو احمدى الله على هالنعمه يالله وانت من الشهر السادس استلميها كل اسبوع علميها طبخه لما تضبطها واذا كانت ذكيه راح تتعلم بيوم كل يوم طبخه
واهمها العصيده للصبح + كوب حليب بزنجبيل + اومليت بيض بفلفل اسود
وبعدها علميها على القبوط المثلج + المرقوق وراح اعلمج طريقه تهبل وسهله + شوربه الماش + ديايه بالجيس او لحم او سمك اسهل منه ماكو
اذا تعلمت هذيلى اعتبري نفسك تنفستى عدل مدل


4 - اكل تجهزينه من الشهر الثامن شنو ؟؟ قبوط مثلج ممكن تشترينه جاهز من مطاعم تجهيز البوفيهات او من حريم لانه رخيص المثلج رخيص وفيه حريم يسونه لج بالحشوة اللى تحبينها
مثلا لحم مفروم وحشو او حشو بروحه بدون زبيب انت وشنو تشتهين تسوين طلبك ( عندكم ام انور بالعارضيه شغلها نظيف والعضوة اللى كانت معانا نواره اللى تطبخ بوفيهات ممتازه ) واطلبى القبوط ب طحين اسمر افيد للنفاس وقسميه على وجبات صغيره وحطيه باكياس وبالفريزر


5 - تحمسين طحين اسمر انت حمسيه عدل وشقريه لا تخلين الخدامه حمسى كيلو جذى بيكفيك للنفاس كله وحطيه وبالفريزر زجاج ( طبعا هذا حق العصيده ) , واذا عندك احد بالسعوديه او تقدرين تيبين من السعوديه وصى على طحين بر - اسمه طحين بر - هذا وايد مفيد للنفاس ويحارب الامساك ( حمسيه بدال الطحين الاسمر )


6 - جهزى خلطة قشر القهوة نظفيها وعبيها بعلبه زجاج


7- ادويتك للنفاس ( اللهوم - الحسو - النقوعه .... الخ ) خليها جاهزة عندك من الشهر الثامن


8 - لما تدشين التاسع وصى ابو الشباب ريلج ييبلج ذبيحه صغنونه ترفه ( طبعا اذا هو طيوب ومتعاون شغليه اذا نفيسه وبخيل لا تعورين قلبك ) انت طلبى من شركة المواشى
ذبيحه تقطيع ثلاجه ( لما يليج اللحم قطعيه صغار على عدد وجبات تكفى شخص واحد وثلجيه , راح نستخدمه بالمرقوق والقبوط وصينيه لحم بالجيس مالت الفرن
طبعا الذبيحه لحم عربي لا تخذين استرالى



9 - سلطتك دايم ( خس - جرجير - بصل اخضر - بقدونس ) + الجرجير اكليه مع الريوق غسليه وبصحن اخذى منه بكل الوجبات ممتاز للمره يصك اللحم صك وينظم الهرمونات ويدر الحليب زينظف الرحم من الدم


10 - تمر النفاس جهزيه من اخر الشهر الثامن ( الطريقه راح اكتبها لكم )



11 - كتبى قائمه باغراض الجمعيه شنو راح تحتاجين فترة النفاس

( تمر - زنجبيل طازج اخضر - طماط - بطاط - بصل - ثوم - كوسا - جرجير -خيار - ماش - شوربه ماجى - فلفل اسود - خبز صاج - حليب كدى كاو سائل - بيض - توست اسمر - جبن سلايس )


12- عسل طبيعى اخذى من العويد او معجزة الشفاء من الجمعيه الا يكون عسل خالى بدون غذاء ملكات وايد مهم لصحتك حلى فيه حليبك الصبح والعصر



الحين ما تحضرنى كل القائمه بس انت لما تقرين الوصفات راح تعرفين شنو محتاجه

اول ما تولدين وانت بالمستشفى عطى ريلك الورقه قوليله يب لنا هالاغراض للثلاجه اذا كنتى بيت اهلج يوديهم بيت اهلج اذا انت بيتك يوديهم بيتك

عشان اول ما تطلعين من المستشفى الا شغلك زاهب


بكمل لحد ير بليز بنات :yaaaaaarb:

 

[ملح الدنيا فيني]

نصايح مهمه جدا جدا جدا


1- المرقوق ( طريقته سهله تسوين مرقتك مع خضرتها وقصى الخضرا كبار عشان تاكلينها وتستفيدين لما يقرب ينضج اللحم
تيبين الخبز الصاج مال الجمعيه وتقطعينه وخلينه يطبخ مع مرقتك ويا سلام اروع مرقوق واسهل واحلى ونفس الفايده )


2- يوم تعسرتى ولا مالج خلق عندك راعى النخى والباجلا بالجمعيه ( طلبى منه هريسه او جريشه مع شوربه عدس ) وعليج بالعافيه بس بليز بقوليات نخى وباجلا واش لا منوع لانه يسوى غازات


3- ريوقك ممكن ( عصيده تمر مع حليب زنجبيل - جرجير - توست اسمر مع جبن وجرجير وخس وبيضه مفيوحه مع قلاص حليب بزنجبيل - شوربه عدس او ماش )


4 - سناك الضحى والعصر ( تمرة نفاس مع قهوة النفاس - حليب بزنجيل مع كيكة التمر - صحن جرجير مع توست وشاى )


الغداء والعشاء

( مرقوق - قبوط - صينيه دياى بالفرن مع الخضار - او بداله سمك او لحم ) جريش - هريس - شوربه ماش - خبز ايرانى ) مع سلطة الجرجير


5 - اعتمدى الصوانى انك تسوينها بجيس الشوى ( سهله وايد سواء انت بتسوينها ولا اختك او الخدامه ولذيذه جدا ولا تحتاج حوسه حطيها بالفرن وانسيها واااااااااااااااااايد لذيذه وسهله وترفه )


بكمل

 

[ملح الدنيا فيني]

الوصفات

راح تطبعينها وتخلينها بملفك

===============

 

[ام حمد 85]

روووووووووووووووووووعه ماشاء الله عليج الله يحفظج ومشكوره وايد وايد

 

[ملح الدنيا فيني]

ماشاء الله تبارك الرحمن" ترى العين حق"

طبعا انا الوالده الله يخليها لي ويشفيها يارب جهزت لي كل شي قبل ولادتي بشهر واشترت كل اغراض نفاسي من دبي والبحرين​

قبل الولادة بشهر​

طبعا قبل ولادتك بشهر لازم تكونين مجهزة كل شي تحتاجينه عشان ماتطلعين وقت نفاسك تشترين​

أشتري دلة شاي صغيرة ووقت مايجيك الطلق حطيها بالمطبخ او وصي احد يسويها لك

وهي تغلين

قرفة - كمون - زنجبيل
وتحطينهم بالدلة وتشربينهم بعد الولادة على طول ما انتي بالمستشفى تنزل اوساخ الرحم وانتو بكرامة وتشيل نفاخ البطن..​

​

بعد ما تطلعين من المستشفى وتروحين البيت

الاسبوع الاول من النفاس​

لازم تلبسين بيجامة دافية داخلية ومعاه شراريب .. انا شريت شورتات ضاغطه ولبستها تحت الروب وشريت اروابي من بي اتش اس وماك اسينسر ومن دبنهامز

واذا جاووني ضيوف البس شيلة ملونة نفس لون الروب ​

​

حاولي تشترين ستيانات رضاعه كثيرة ومقاسات اكبر من مقاسك بمرتين ​

الفطور 7الصباح​

بيضتين مسلوقتين + كأس حليب بحلبة محلى بالعسل أو سكر

وهذي شكل الحلبة​

​

​

اطحنيها وحطيها بعلبة وحطي ملعقة كبيرة بالحليب

الساعة 9 الصبح​

تآكلين اللهوم وهو اهم شي في برنامج نفاسي ينظف الرحم ويطرد الاوساخ ويرجع الرحم لوضعه الطبيعي وبنفس الوقت يدر الحليب​

مكوناته​

( رشاد + ربع كوب حلبة مطحونه + ربع كوب حبة سودا مطحونه)​

هذا شكل الرشاد​

​

خذي ملعقة كبيرة مع كأس برتقال فرش

لازم ضروري

لان عصير البرتقال ، يمشي بطنك ويعطيك نضارة في الوجه لان وقت ماتولد الوحده يجيها امساك

والامساك مو زين للي والدين طبيعي يسوي بواسير​

​

الساعة 10 صباحا​

آكل عصيدة تمر + شوربة رشاد احنا نسميها (حسو)​

طبعا حبيت انوه انو تنامون بين فترات الاكل لان النوم مهم جدا جدا لان السهر مع البيبي والرضاعة المتقطعه كل وقت تهلك الوحده
الله يكون بعونا جميعا​

الساعة 4 عصرا​

كانت ماما تسوي لي شاي بالقرفة + معجنات بيتزا وسميوسة لحم​

او

دلة قهوة فيها مسمار لان المسمار ينظف الرحم

مع تمر + القيمات بدبس​

هذا شكل المسمار يسمونه قرنقل​

​

اهم شي الاكل وقت النفاس لان الجوع يخرب الوحده​

الساعة 8 وقت العشى​

رز حساوي مع خضروات ولحم (اهل الخليج يسمونه مفلق) ونحط معاه حلبة مره لذيذة هالاكلة ومقوية للجسم

وتمشي البطن لان الرز الحساوي نخاله

وهذا شكله​

​

هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 512x384.

​

وراح اسأل ماما واكتب لكم طريفة طبخه

+ شوربة كويكر بالطماطم

وكذا يصير شكلها والكل يعرف طريقتها سهلة​

​

​

​

+ عصير موز وفراولة بالحليب

+ تبولة​

طبعا انا عندي ثلاجة صغيرة بغرفة نومي وامي وابوي الله يحفظهم معبينها لي حليب بالشوكولاته وحليب السعودية وحليب بالفراولة

وزبادي انواع واشكال​

عشان كل ما عطشت ولا جعت اشرب

لان الوحدة بعد الولادة تفقد سوائل كثيرة وحتى مع الرضاعة الطبيعية تحسين بعطش

ودايم خلي عند راسك جيك موية معتدل الحرارة عشان تشربين منه​

​

وبما انك نفاس لا تفكرين راح تنامين بعد العشى وماتصحين الا 7 على الفطور

لا يا عيني راح تاكلين غصب ولا بيجيك ضرب مثلي من امي

كنت افضل النوم على الاكل​

​

بما انا كانت ولادتي برمضان فا الساعة 12 بالليل

امي تسوي لي ثريد يمممي هالاكلة اموت فيها

وهي تتكون من خبز رقاق مع مرقة خضار باللحم
وهذا شكلها

​

​

+

كوب لبن

+ تمر بالسمسم​

​

وبعدها عاد الوالده الله يعطيها الف عافية تستأذن تروح تنام لان تكون دايخة رمضان ونفاس يا عيني..​

هذا النظام حبيبات قلبي تستمرون عليه اسبوع اوكي

وممكن تسوون تغيرات من ناحية الغدا والعشى اما الباقي خلوه زي ماهو

يعني تسوون كبسه لحم - كبسة دجاج- برياني روبيان
مضروبة روبيان
هذا شكل مضروب الروبيان

هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 550x450.

​

منقووووووووووووول​

 

[ملح الدنيا فيني]

قبوط

وهذا شكله يشبه المطازيز بس انه محشي لحم​

​

هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 704x528.

​

​

هريس






وهذا شكله​

جريش

وهذا شكله​

​

هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 640x480.

​

سليق

رز ابيض مع سمك مقلي​

ابتعدو عن الخرابيط اكل ايطالي ولا صيني ولا همبرجر وهوت دوق والله ان يخرب الوحده

ويخلي جسمها خاوي وعظامها هشه

وقلبها كله يدق من فقر الدم​

​

لأن انتي يبي لك قوة وكالسيوم عشان ترجعين بصحتك لبيتك وزوجك وتقومين في بنتك وعشان لا حملتي مره ثانية يكون عودك قوي​

وفي نقطة نسيتها

لا تنسين فيتاميناتك اهم شي

الحديد والكالسيوم تاكلينها لمدة شهرين​

​

طريقة عصيدة التمر بآخذها من الوالدة اليوم وبكتبها لكم وفوائدها تقوي الظهر من بعد الطلق وتسمن الجسم تعطيه قوة

وكذا شكلها​

​

​

طريقة الحسو تحطين موية تخلينها تغلي وتحطين المقدار اللي تبينه من الحسو امي تسوي قدر كبير مره يكفي ل 3 ايام وتحطه بالفريزر

وتحطين فلفل اسود وكمون و4 حيات ليمون اسود بس بدون ما تشقينهم عشان مايطلع الطعم مر

وع جنب تقلين بيضة
واذا استوى الحسو تحطين البيضة فوقه وتحركينه بالملعقة
وبالعافية ترى طعمه مره لذيذ وفؤائده كثيرة
يرجع الرحم لوضعه الطبيعي ويشد المنطفة وينطف الرحم من الاوساخ ويدفي البطن
وهذا شكل الحسو
بس انا معاه بيض ولومي اسود​

​

​

الساعة 12 مساءا

فواكه

تفاحه وموزة

او
كمثرى ويوسف افندى
او عنب و كيوي​

​

اهم شي تاكلين نوعين فواكه وبعد اشربي مويه كاس او كاسين​

الساعة 2 ظهرا​

الغداء

مطازيز (المرقوق)+ سلطة + شوربة الحلبة بالدجاج

كاس عصير فرش​

​

هذا شكل المطازيز "ترى الصور من قوقل" يعني ماسرقتها من منتديات​

هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 550x450.

​

وطريقة شوربة الحلبة بالدجاج

تحمسين البصل والثوم وتحطين قطع الدجاج تكون مربعات او تحطين دجاج بعظم يعني صدر فخذ وجناح

وتحمسينهم عدل وتحطين مويه كثير وتحطين فلفل اسود وكمون وكزبرة وبهارات الدجاج شوي مره

وليمون اسود
و5 ملاعق كبار حلبة
و5 ملاعق كبار ماش​

​

وهذا شكل الماش طعمه زي العدس

​

​

وتحطين كل الخضار اللي تبين

بس انا ما احب الا 3 انواع الجزر والبطاطس والكوسى احسها كذا اخف والذ

والله ان هالشوربة فوائدها كثيرة مره
تورد الخدود وتروي الجسم وتدر الحليب وتقوي الظهر وجراحتك تطيب بسرعه
وحتى شعرك يقل التساقط​

وكذا يصير شكلها​

هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 608x380.

​

 

[ملح الدنيا فيني]

قهوة النفاس

اليوم جبت لكم طريقة القشر حقي في النفاس

هذي صورة القشر الطريقه

1-تاخذين كاس قشرمن غير طحن
2-تحطين خمسة اعواد قرفه
3-وملعقه صغيره زنجبيل مطحون
4-لترماء مغلي
5-وتحطينها في بريق على النار لمدة نص ساعه
التحليه حسب الرغبه انا احط شوي سكر-
****************************

من فوائد القشر انه منظف للرحم ويدرالحليب للمرضع
ومضيق ممتاز للمهبل بعد الولاده
ومنحف ويزيل الشحوم من الكرش ويشد الجسم

(من الحين كل وحده تروح للعطار تشتري قشر)


وبالهنا والعافيه

​

 

[ملح الدنيا فيني]

المطازيز


هو نفس المرقوق بس فيه اختلاف بسيط


​

* كميه من العجينه وتتكون العجينه من:طحين بر +ماء+شوي ملح وفلفل اسود..وتعجن وتكون اقسى من عجينة المرقوق .
* كيلو ونصف لحم حاشي أو غنم حسب الرغبة مقطع قطع صغيرة .
* فصين بصل متوسط مقطع قطع صغيرة .
* نصف علبة معجون طماطم(صلصه).
* قرع – كوسه – بيدجان (وهناك من يفضل بدل الكوسة الجباء واللوباء .. وفلفل حسب الرغبة)حبحر احمر أو اخضر).
* ملعقة بهارات + أربع حبات ليمون أسود +قليل من الملح مع ملاحظة أن المطازيز يجي مملوح بالعادة (يعني لا تكثر الملح).
قليل من الزيت .

​

نقوم بحمس البصل مع الزيت حتى يصبح لون البصل ذهبي ​

ثم نسكب عليه الملح والبهارات ​

​

بعد ذلك نقوم بوضع اللحمة على البصل ​

ونقلبها حتى يتغير لونها .​

​

بعد ذلك نسكب الماء على اللحمة بمقدار ثلاث أربع القدر ​

ونضع الفلفل(الحبحر ) ومعجون الطماطم (الصلصة)​

والليمون الأسود ونتركه يغلي حتى تستوي اللحمة​

​

​

بعد أن تستوي اللحمة ​

نضع الخضار عليها لمدة خمس دقائق ​

​

بعد ذلك نقوم بوضع المطازيز (نجدعه) أي نضعه برفق ​

وعلى واحد واحد حتى ما يلتصقن ببعضهن ويصير جلوف(عجين)​

ثم نقصر النار ونخليه حتى يحكك أي بما يعادل ثلاثين​

إلى أربعين دقيقة .​

​

​

يقدم بعد ذلك بحصن كبير (تبسي)​

وبالهناء والعافية ​

ويفضل أن يقدم معه (اللبن ) .​

​

​

 

[ملح الدنيا فيني]

شر القهوه للنفاس ,قشر القهوه لتنظيف الارحام ,قشر القهوه للتنحيف
قشر القهوه للنفاس ,قشر القهوه لتنظيف الارحام ,قشر القهوه للتنحيف قشر القهوه للنفاس ,قشر القهوه لتنظيف الارحام ,قشر القهوه للتنحيف قشر القهوه للنفاس ,قشر القهوه لتنظيف الارحام ,قشر القهوه للتنحيف


السلام عليكم ورحمة الله وبركاته

قهوة القشر رررررررررررررررررررررروعه وتحفة بصراحة طلعت من الاربعين مالي بطن وانا اشربها بعد الغداء كل يوم بعدين الدكتور جابر القحطاني دائما يمدحها للمره النفاس وطعمها رررروعه
قشر القهوه والله احنا الجنوبيات لااااازم منهاا في كل وقت وحين وطريقتنا خذي مقدرا 3او4 ملاعق قشر وشويةزنجبيل اخضر مو ناشف مبشور او مقطع وعودين قرفه وحبتين او 3 مسمار اللي هو عويدي واطبخيهم عشر دقايق وحطيه بترمس بجنبك واشربي منه طول يومك وحليه بسكر او عسل لما تصبيه في الكوب اذا تحبي

من كثر الاستخدام اعتمدت طريقة نهائية لها وطعمها حلو جدا
المقادير :/
أولا : كمية بسيطة بيدك قشر القهوة غير مطحون ..ثم تحمس بطاوه على النار وبتطلع له ريحه ونكهة حلوة حمس على خفيف وسريع

ثانيا : 2 عيدان قرفة وسط يفضل غسلها
ثالثا ملعقة صغيرة لكل من (( زنجبيل مطحون +حبة سوداء ولا تكثرين اقل بعد + يانسون ))

رابعا : 4 أو 5 تمرات وإذا ما تبين سكر نهائي ضعي صحن صغير تمر
خامسا : 2 فنجان قهوة سكر مو مليانه ..وإذا ما تبين حلى اكتفى بحلى التمر .

سادسا : 6 كاسات ونصف ماء حار وإذا تبينه ثقيل خففي مقدار الماء .

الطريقة ​

تضع المقادير على النار لمدة ربع ساعة تصفى في ثلاجة ​

ويااااااااااااارب هناء وعااااااااافية ​

ملاحظة ممكن تستغنين عن الحبة السوداء والقرفة لازم نكهة أكثر من الصورة لا وكل ما كثرت كلما كان اللون أغمق ​

ممكن تسويها بيانسون وزنجبيل وقشر و برضوا طعمه جنان وفاتح ​

هذا المشروب عند أهل اليمن ..والجنوب


وكلن له طريقته بعض الناس تحبه مر وبعضهم حالي وبعضهم ثقيل وبعضهم خفيف


وأنا بأعطيكم مقادير الخفيف والحالي بالضبط




المقادير

غرفتين يد قشر القهوة غير المطحون ( انخليه أولا )



3 عيدان قرفة بحجم وسط ( أغسليها أولا )



3 حبات تمر خلاص او تمر تنك ( فكي النوى )



1 ملعقة صغيرة سنوت أخضر

1 ملعقة صغيرة حبة سوداء



2 فنجان ( زي فنجال القهوة ) سكر والسكر حسب الرغبة وكثري إذا تبينه

7 ونصف كاسةمتوسطة مـــــــــــــــــــــــــاء



تبينه ثقيل خففي مقدار الماء

الطريقة
تضع المقادير على النار لمدة ربع ساعة تصفى في ثلاجة



ويااااااااااااارب هناء وعااااااااافية




في ناس تسوي القشر بالزنجبيل المطحون ملعقة صغيرة بس

اغسليه جففيه حمصيه اطحنيه او بدون طحن كله حلو


وسويه مثل ماتسويين القهوه والخلطات

ناس يحطوون معه زنجبيل

واخرين يحطوون شوي يانسون لاتكثري


وناس يشربوونه مثل ماهو بدوون اضافات


و اي خلطه تحطيها مع القهووه ممكن تنحط مع القشر


شوفي حبيبتي أول شي حطي مويه في إبريق القهوه وحطي معها ملعقة طعام قشر قهوه إذا تحبيه خفيف أو ملعقه ونص إذا ثقيل...
وحطي معاه كمان ملعقه زنجبيل مبشور طبعا طازج وإذا مافيه حطي بودره...
وملعقه صغيره سنوت أو شمر مطحون وخليها تغلي 10 دقايق ع نار هاديه ...
وحطي في أسفل دلة القهوه ملعقة صغيرة قرفه وملعقه صغيرة هيل وصبي عليه القشر...
وترى القشر روووووووعه للتنحيف وكمان طعمه وااااو>>> مدمنة قشر.


المقادير
-ملعقتين قشر البن محمص ومطحون

-ملعقه قرفه مطحونه
نصف ملعقه كمون مطحون

-ربع ملعقه صغيره قرنفل مطحون


ماء مغلي
-ترمسه متوسطه


وضع جميع المقادير في الترمسه مع الماء المغلي بدون طبخ المقادير وتركها لمدة نصف ساعه حلو
خصوصا للمتزوجات
وللدوره والنفاس
فائدتها تنظف الأرحام للبنت والمتزوجة تنشرب وقت الدورة وغير الدورة مو شرط

بس نحنا نسويه قشر + مويه + زنجبيل


انا اسوي زنجبيل اخضر طازج وقرفه وقشر وسكر والله رهيبه وتنزل الدوره وتريح من المغص بس فكرتك حلوه اضيف عليها يانسون​

 

[ملح الدنيا فيني]

تنويه:


هذا جدول الخاص للناااافس

اني اطمع بدعواتكم الطيبه ..

واطمع اني اكون قدمت فائده وتيسير لأخواتي المسلمات


والله ولي التوفيق والله وحده اسأل ان يجعله في موازين اعمالي الصالحه

يوم لاينفع مال ولابنون...❤

***
((جدول النفاس))
المواد المطلوبه:
مطحونه____ كامله
1- المطحونه:
حلب -- ماش -- قشر رمان --فلفل اسود
2- الكامله:
رشاد -- قرفه -- كمون -- ورق زعتر -- حبه سوداء--
3- عسل -- تمر -- زنجبيل مبشور

(الرشاد لايغسل.. فقط ينقى)

***
بعض التفاصيل المهمه للإعداد:

1- المواد المطحونه

يجب الحرص على شرائها جديده وكامله ثم تنقى وتغسل وتجفف ثم تطحن بعد تجفيفها ثم تحفظ في علب بلاستك محكمة الاغلاق وتكتب عليها اسماء
محتوياتها..

ماعدا الحلبة لاتغسل

نعم بتتعبين لكن ثمرة هالتعب تستاهل وبتعجبكم بإذن الله..
***
2-المواد الكامله
نحرص على تنقيتها وغسلها وتعريضها للهواء لتجف.
***
3-العسل
لاتشتري الغالي على اعتبار انه الاصلي وفي الغالب للأسف يغشون بغذاء النحله لتنتج لهم بوفره بغض النظر عن جودة الانتاج..
وانا اشتري من مده العسل الالماني langnese
لانه ثبت بشهادة مربي نحل خبير انه الاصلي..

4- التمر
ممكن استخدامه معجون او عدل كله مفيد بس لقيت المعجون
اطعم واشهىللأكل بس اذا كنتي بتلقين شي نظيف ومن ثقه..

5-الحبه السوداء
تخلط سبع حبات مع العسل وتؤكل كل يوم ملعقه
على الريق من يوم الولاده الى 30 يوم..

6-المره
تجهزين علبة مويه صغيره فيها محلول مره تشربين منه وانتي
في طريقك للمستشفى للولاده..واذا ولدتي تشربين منه علشان ريحة
العطور ممكن تسكر الرجم وتتعسر الولاده لاسمح الله والسبب هو الشمم..
وخلي معاك كسره صغيره حلتيته شميها اذا وصلتي المستشفى وادهني خشمك منها
لأنها تساعد بإذن الله في فتح الرحم بسرعه ويسر..
والله الموفق.

***
المشروبات اليوميه في فترة النفاس:
1- الصباح حليب مغلي محلى بعسل ومعاه فلفل اسود < مع الفطور
2-شاي زنجبيل + قرفه < بعد الغداء او بين الوجبتين
3- شاي الزعتر في الليل قبل النوم
4- الرمان المطحون المضاف للعصير او المعمول كشاي تستخدمينه
بعد ماتنشفين من الدم لحد ماتطلعين..
5-قهوه وقت المغرب معها مره كل ثلاث ايام تستخدمين المره واذا كنتي تاخذين
مضاد حيوي ماتستخدمين المره ابدا لأنها تبطل مفعول المضاد..

الوجبات:

1- الفطور: عندي خيارين بالنسبه لي هما:
* سندويشة بيض مقلي مرشوش عليها ملعقه كبيره حلبه مطحونه +فلفل اسود
**خبزه بالمقلاة عباره عن(بر+حلبه+حليب بودره+ملح+سكر+بصله)
تعجن بماء وتدهن بعد ماتجهز بعسل وتؤكل بالعافيه.
***تمر + حليب اللي سبق شرحه.

مهم
آخر عشر ايام من النفاس راح يكون الفطور تمرمقلب بزبده على نار خفيفه
معاه رشاد..
تشربين معاه قهوه او حليب اللي يعجبك..

2- الغداء:
*مرقة لحم مع خضار
**مطازيز
***شوربة كويكر مع قطع لحمه
لما تغرفي الغدا لأكله ضعي عليه ملعقتين ماش مطحون انثريه فوقه
وكليه بالعافيه مع الحرص على اضافة الفلفل الاسود كذلك..

3- العشاء:
1-تمر+حليب
2-اي فاكهه تشتهينها
3-سلطه خضراء او تبوله
4-ممكن وجبة اسماك من اي نوع
تحبينه ..

النظافه الشخصيه:

*الهدوء في الحركه اول اسبوع مهم جدا والحرص على عدم رش
منطقة الخياط بالرشاش..بل رشها باليد من بعيد حتى تسقط الخيوط..
**عدم استخدام المره بتاتا كغسول حتى تسقط الخيوط لأنه يشدها ..
بل تمسح بمحلوله الفوطه كل ماحسيتي بحكه..
***التشطف بماء وملح يوميا بدون المبالغه بكمية الملح .
هذا ماعندي باختصار وبدون تعقيد وعند الالتزام به سترون فائده عظيمه
بإذن الله تعالى..


الله ينفعني واياكم بما علمنا..
ويسهل علينا ويسخر لنا ازواجنا
ويهدينا ويثبتنا على الحق الى يوم نلقاه
انه ولي ذلك والقادر عليه..

​

 

[ملح الدنيا فيني]

عصيدة التمر ..
الطريقة مع الصور

اول شي جبت تمر خلاص كيلو وطبخته بماء حار حتى ذاب

وصفيته بصافيه حتى نزل الماء والتمر وصار الماء شوي ثقيل

ثم حطيته في قدر ولعت عليه النار هادئه













وبعد ذلك نبدء بوضع الدقيق برخالص منخول اضع ملئ ملعقة الشوربه

واحرك بسرعه علشان مايتكتل الدقيق واضيف الباقي بالتدريج

واحرك جيدآ شوفي الدقيق كيف احركه












الحين خلصنا الدقيق وصار بالشكل هذا الصورة هذي توه مابعد استوى وشويه ثقيل اخلطه واقلبه كثير لمدة ربع ساعه
ثم اضع نص اصبع زبده واغطي القدر والنار هاديه لمدة ساعه 1ونص
لاتقولون كثيرساعه 1ونص والله الطعم خيال شوفن الصور النهائيه












وبعد فتره اجي احرك المحلا مع الزبده حتى تستوي

وبذا الوقت اروح اسوي قهوتي المهيله






















ونجي الان صووووور المحلا يم يم يم احرك المحلا شوي
واحطه في طبق التقديم واضع عليه سمنه بريه
وارش فلفل على الوجه على حسب رغبتكم































​

 

[ملح الدنيا فيني]

السلام عليكم ورحمة الله وبركاته

القشر مشروب صحي ومعروف و القشر هو عبارة عن قشر القهوة وله أنواع ومن أفضلها اليمني

الطريقة:

فنجانين قشر يمني



ملعقة كبيرة سنوت

ملعقة صغيرة زنجبيل مطحون

نصف ملعقة صغيرة كمون ويمكنك الإستغناء عنه إن لم تكوني تفضلينه

ملعقة صغيرة قرفة مطحونة

سكر أو تمر مشوح على النار أو يمكن صنعه مر حسب الرغبة


الطريقة

تخلط مكونات القشر وتطحن في الطاحونة المنزلية والأفضل أن لايصير الطحن مسحوق بالمرة يفضل أن يكون مجروش قليلا ويوضع في علبة زجاج ونأخذ منها مقدار فنجان قهوة أو


ثم نضعها في إبريق متوسط الحجم به ماء ساخن

ثم يحلى بفنجان قهوة سكر أو بست حبات تمر منزوع النوى ويشوح في طاوة على النار أو يمكن الاستغناء عن السكر وصنعه مر الطعم ويشرب مع التمر كالقهوة وهذه الطريقة أكثر فائدة لأنها تساعد على إنقاص الوزن وينفع للنساء في تنظيف الرحم خصوصا في وقت الحيض والنفاس

ثم يترك على نار هادئة لمدة نصف ساعة أو نار متوسطة لمدة ربع ساعة كالقهوة

ثم يقدم في فناجين شاي أو كما يحبه كبار السن بأن يوضع في فناجين القهوة الكبيرة الحجم ويؤكل معه التمر إن كان مر الطعم وله فوائد صحية عظيمة فهو منظف جيد للبطن ويساعد على إزالة المغص عموما ويهدئ المعدة وغيره من الفوائد الأخرى


أتمنى يفيدكم

​

 

[ملح الدنيا فيني]

حليب للنفاس للصباح الباكر
اول شي اغلي الزنجبيل بعد تقشيره حسب كمية الحليب
نص لتر حليب
يعني قطعه صغيره من الزنجبيل

خليه يغلي لين تطلع عصارة الزنجبيل وما يكون الماء كثير علشان مايطلع الحليب خفيف كانه ماء

اغلي على الفرن الحليب اي نوع تحبين


نص ملعقة زعفر ان خيوط

4حبات هيل...سكر حسب الرغبه
ضيفي عليهم ماء الزنجبيل
وخليه يغلي على مهل

وجهز احلى حليب بالزنجبيل
ممممممممم

​

 

[ملح الدنيا فيني]

أولا هذي القهوة احنا باليمن نخصصها للنفاس لانها
منظفه للرحم وتزيل الكرشه وتخفف من الام الانقباضات حتى الام الدوره تخففها بصراحه ياما رغمونا نشربها بالذات ايام الدوره
ولو كنتي والدة باليمن بتشربيها بتشربيها غصبا عنك
لانها اههههههههههم شي عندنا وفي لهااا عدة طرق
ووصفات وعلى فكره مره لذيييييييييييييييييييذه ويشربوا
منها الكل حتى زوجي والبابا يحبوها بس اهم سر فيها
القشر
وانتبهوااااااااا القشر اليمني الاصلي اللي له ريحه
غير كذا ما يطلع لها طعم حلو ابدا
وهذا شكل القشر للي ما يعرفوه

بابتدي لكم بطريقتي انا في صنعها لاني بالغربه فاسويها
بمكونات اقل ونجيب المكونات طبعا من اليمن وهذي اسهل
طريقه بس نتايجها روووووعه

المكونات :
قشر يماني
زنجبيل طازج
قرفه تدقيها
سكر نبات ولو مو موجود عادي انا استخدم سكر عادي
عناب

الطريقه :

تحطيهم كلهم سوى عالنار لين ما يغلوا​

وبعدين توطي النار عالمزيج وتخليهم يغلو​

سوى لما تترسب القهوه وتصير كثيفه​

انا اخليها لين نص ساعه وهي تغلي ​

وتغلي على نار هااااااااااااااااااااااااااااااديه​

وطبعا تنقص كميتها بس تصير ثقيييييله​

ومركككككككككزه وهذا اهم شي فالقهوه​

عندنا تكون مركزه وثقيله وطعمها قوي .​

​

وهذي طريقة ثانيه للقهوه اليمانيه اموووووووووت فيها
واسمها:
القهوه البيضانيه
وهذي من جد لذييييييييييييييييييذه ونفسي فيها والله
شربت منها في نفاس الماما وما عاد شربت مسكينه انا
متوحمه فيها من بدااااااااااااية الحمل

المكونااااات:

2كوب حليب.. وممكن استبدال الحليب بالماء للذين لا يحبون الحليب . ولذيذه بالحليب والذ بالماء ما تفرق​

سكر حسب الرغبه​

خلطه مكونه من : ( بن يمني + قشر يمني طبعا + هيل + زنجبيل + قرفه والكل مطحوووووووووووون فالخلاط )​

وهذا شكله بعد الطحن :​

​

​

نصف كوب جلجل ( جلجلان - سمسم ) محمص ومطحون خفيف بس​

كوب زبيب مغسول ومنشف​

كوب لوز وجوز مدقوق خفيف طبعا عندنا اللوز البلدي اليمني هو اللي نستخدمه​

وهو مرررررررررره غااااااااااالي وحباته صغيره بس يستخدموه علاج وكذه عشان كذه مرررررررررره مفيد للنفاس وممكن نستبدله باللوز العادي​

نصف كوب حبوب الذره الصفرا وهو عباره عن حبوب تستخرج من الشجره وهي لسه طريه مااستوت حبوب لسه صغااااااااار مثل الحليب .. .. ​

ونسميها ..الكهوب .. تغلي حتي الاستوا وتحط علي جنب .​

​

نيجي للطريقه قلتلكم مكوناتها كثيييييره خخ :

يصب الما او الحليب للبراد او الكتلي ^^ ​

ويضاف اليه المقادير كاااامله وتغلى مع بعض لمده قليله​

مو كثير دقيقه او اقل ​

وهذا شكل القهوه جاهزه للاكل واقول للاكل لانها كلها زبيب ولوز وسمسم وكهوب وحليب . يعني تتاكل بالملعقه مش تشرب .​

بس الصراحه مغذيه ولذيذه​

يا سلاااااااااااااام عطعمها يمممممممممم​

​

وذا شكلها بدون حليب بالمويه بس وانا افضلها بالمويه عشان طعم القشر مرررررررررررره واااااااااضح فيها

​

 

[ملح الدنيا فيني]

شراب الماش

(ماش+فلفلأبيض+زنجبيل)طبعا كلها مطحونة وبنسب متساوية
ثم تأخذين قد ملعقة صغيرةمن الخلطة مع حليب حار وتخلطينهم مع بعض +سبع تمراتوبسسسسسس
التمر+الحليب حق الإمساك راح يكنس معدتك كنس ويشيلالإلتصاقات اللي فيها
والماش معروفة فوائدة للظهروجبر الكسور
والفلفل الأبيض ممتاز للخوا (صوت يخرج من الفرج)وهوبشكل عام مفيد للمرأه
ولازم تأخذونه على طول لإنهمفيد مفيد مفيد بكل ماتعنيه الكلمة من معنى
وراح تشوفون فوائده واضحةعليكم
إدعولي الله يتمم حملي وحملكم علىخير
ويهون علينا الطلق ويسهل ولادتنا ونشوف أطفالنا سليمين اللهمآميييييين


​

 

[ملح الدنيا فيني]

ماهو القشد؟

من الاكلات السعوديه ومرغوب

اكثر في فصل الشتاء

لانه يحتوي غالبا على السمن او الزبده

مع التمر والطحين ولكن البعض اضاف عليه

اضافات اخرى مثل هذي الطريقه



الصورة الاصلية 600x450.

المقادير
تمر سكري
2 بسكويت شاي مطحون
2 اصبع زبده
علبة قشطه
(سمسم + كاجو + لوز مبشور ) كلها على بعض بمقدار ثلاث أرباع كأس

هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 600x506.

الطريقه
تذوب الزبده
يضاف لها البسكويت المطحون ويحرك على نار هادئه
لمده 2 دقيقتين تقريباً مع التحريك حتى لايحترق

أضيفي التمر والمكسرات مع التحريك
ثم اضيفي القشطه وحركي حتى تختفي
وتقدم سااااااخنه

هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 600x450.

وبالهناء والعافيه

(2)
بنات هذا القشد الملكي أكله نجديه قمة في الروعة وهي ماتنفع الا بالشتااء القارس
والعام الماضي كتبت أختنا ألماس طريقة للقشد روعة لكني بديت أجرب بعدة طرق واستقريت على هذي الطريقة و حبيت انكم تجربونها
المقادير
نصف كيلو تمر خلاص معبس ( منزوع النوى )
أصبع زبدة ( أفضل شي عندي زبدة أبو قوس مقاربة للورباك الله لايردها)
10 ملاعق حليب بودرة ملياااااانة يعني زي الجبل الملعقة

5 ملاعق سميد مليااانه
1 قشطة ( أفضل شي لونا بديله لقشطة بوك)
مكسرات محمصة ( سمسم _ كاجو _ لوز مقشر)
الطـــــريقة
ملاحظة بسيطه السميد لايمكن يحمس مع الحليب سوا والسبب
إن السميد يبي شوي وقت على النار بينما الحليب ماياخذ وقت ..........
لو يحمس السميد لحال والحليب نفس الشي ثم تخلط مع بعض
تذوب الزبدة في قدر كبير ثم يوضع عليها الحليب والسميد وتقلب
كمية الزبدة ستشعرين أنها قليلة استمري في التحريك 3 دقائق ثم اضيفي التمر وقلبيه 3 دقائق
ثم أضيفي القشطه وابدأي في التحريك والدق قليلا حتى يتجانس التمر مع الخليط جيدا ثم
ضعي المكسرات عليها
وقلبيها وبصحة وعافية على قلبك







مراحب على الجميع..


كما نعلم التمر أساسي تقديمه مع القهوة وحاليآ الكل

يتفنن بطرق رائعه لتقديمه ولكنى عُدت لتقديمه بطريقه

قديمه وبسطتها بقدر المستطاع..الـــقـــشــــدهـ..

المقادير:


تمر "الكميه حسب الضيوف"

كأس ماء

صبع زبدة

دقيق بر كأس واحد

علبة قشطة أي نوع

ملعقة ملح صغيره




الطريقة :


تسيح الزبده في قدر على نار هادئه حتى لا تحترق ثم

يضاف إليها الدقيق ويحمس لمدة 5 دقائق على الأقل..

بعد ذلك يضاف إاليه التمر ويقلب جيدآ حتى ينتشر الدقيق

ويلتصق بالتمر بعدها بدقيقتين يضاف كأس الماء والملح

ويحرك جيدآ على النار..بعد دقائق عندما يغلظ قوام الدقيق

يوضع عليه علبة القشطة ويحرك جيدآ لمدة 5 دقائق أخرى.

يقدم ساخنآ و يوضع بحافظة طعام حتى يحتفظ بحرارته.

ولا تنسون القهوة ..وبالعافيه على قلوبكم..

​

 

[ملح الدنيا فيني]

ملف لجميع طرق تمرة النفاس بالصور

المقااادير :2


كاس تمر منزوع النوى
نص بيالة ماي
ملعقتين سمن أو زبده ( مو لازم ) للي مسوين رجيم
2 ملعقة رشاد

الطريقه :



نحط التمر والزبده والموويه في قدر على نار هاديه والافضل نحط الحديده بين الجدر والنار عشان ما تحترق التمره




ونقلبهم عدل مدل الين ينعجن ويصير لـــيــــــــن
ويكوون ذاايب في بعض ..
الافضل انكم ماتحطون ماي بس سمن او زبدة لان الماي راح تغير طعم التمر







نطفي النااار
ونحط الرشااد عليه ونقلبهم شووى .. ووبس ( هذي طريقة التمره العااديه )




في تمرتي للنفاس والدوره احط فلفل اسود مطحون ورشاد حب غير مطحون وكمون مطحون وسمن وحبة البركة حب غير مطحون وووووبس ونفس طريقة التمر هذي
الحين نجي للاظاافات اللي جربتها معها :

1/ ملعقة كموون حب + حبه حلووه "
مخلوطين مع بعض ونطحنهم طحنه خفيفه .. رربع طحنه يعني
المهم يصيروون مجروشين اهم شي .. مو نااعمين !

2/ ملعقة حبه سوداء

3/ نص ملعقة فلفل اسود مطحون .. حطي اول ربع ملعقه وجربيه وبعدين ( زيدي على حسب درجة تحملك )

4/ نص ملعقة زنجبيل مطحون

نحط هالمقادير عليها ونخلطهم مع بعض







شاايفين عاليمين الفلفل والزنجبيل - وبالوسط الرشاد والكمون وحبة الحلوه - واليسار الحبه السوداء
عشان تكون واضحه لكم ..

نحفظهم بعلبه او حافظــه طعام ونستخدمها اخر ثلاث اياام .. من الدوره المفروض االتمرة تؤكل طول ال40 والدورة عشان تنظف من الدم هذا من تجربتي في الدورة والنفاس تاكلين منها طوول اليووم مع القهوه او بدون ( او مع حليب كر دي دي الازرق للي يحبونه )الافضل مع القهوة عشانها حارة راح تنظفج من الدم (( نصيحة لكم ))

هذا شكلها النهاائي :






الطريقه الثانيه
زي مانتو شايفين المقادير بالصوره
وانتي بكيفك يمكن تزيدين ولكن الرشاد يكون ملعقه صغيره لهذي الكميه لان الرشاد ماتكثرين منه


نذوب الزبده


يطحن الرشاد ويرش على التمر





يعجن بالزبده ويكور


​

 

[ملح الدنيا فيني]

التمر بالدخن اللى اعرفه...


تاخذين حبات تمر في قدر وعليها ملعقة سمن على النار لين تلين ويذوب السمن وقبل ترفعينها عن النار ترشين عليها شوية دخن وثواني على النار مع التقليب المستمر وترفعينها .. سهله وماتاخذ وقت وفيه ناس بدال الدخن تحط طحين محموس ....... وبس مادري عاد هاذي الطريقه اللى انتي تبينها او غيرها ...

قهوة النفاس مادري وش تقصدين .. يمكن تقصدين اللى يبيعونها الحريم مخلطه وجاهزة


انا اشوف ان افضل قهوة للنفاس قهوة قشر ... ماله داعي نشرب شي مخلط ماندري وش مكوناته

التمريه على طريقه اهل اليمن وبالصوررر
المقادير
2 صفار بيض
2/1 كاس سكر
علبه قشطه ( وممكن استبدلها بكاس من الحليب بس خليها تقيل زي القشطه يطلع الطعم حلو كمان لاني جربت الطريقتان)
ملعقه كبيره نشاء( هنا السر لانه راح يخليها مقرمشه وطريه)
ملعقه بيكنج بودره
2/1 كاس سمن
شويه فانيليا
2 ونصف كاس من الدقيق
وللحشوه
تمر منزوع النواه
زيت
ماء
ضيفهم مع بعض وخليهم على النار حتى يكون التمر سائل متماسك
وهذه صوره المقادير...

واليكم الطريقةةةةةةةةةةةةةة
نضيف السمن والسكر في وعاء

تم نضيف الحليب والفانيليا والبيض

وبعد ان يمتزجوا هيكون شكلهم زي الصوره

عندما يختلط المزيج نبدا باضافه ملعقه النشاء والبيكنج بورده والملح والدقيق طبعا لاتضيف الدقيق مره وحده لا ضيفه على مراحل

وبعد العجن المستمر راح تصير العجينه بهذا الشكل

خليها ترتاح لمده عشر دقائق ومن ثم اقسميها قسمان بحيث يكون قسم اكبر من الاخر القسم الاكبر افرديها واجعلي عليه معجون التمر والقسم الاخر لديك خياران ( 1- ابشري العجينه فوق التمر بعد ادخالها في الفريزا لمده 10 دقائق حتى تريحك في البشر 2- قطعيها مربعات كبار ورصيها فوق العجينه..
والصور تحكي

​

وراح يزيد معاكي من العجينه لو القالب صغير​

افردي الباقي وقطعيها مربعات صغار واحشي كل مربع بالتمر ولفيه على شكل دائره واجعليها في القوالب الصغيره بحيت في كل جنب تكون 3 دوائر حتى تصير معاكي شكل حلو زي الصوره​

وهذا شكلها النهائي اخيرااااااااااااااااااااااااااا​

وهذه الدوائر الصغيره منها 3 ولكن في كل دائره توجد 3 دوائررررررررر ركزوا مع الشكللللللللللللل​

وهذا شكلها النهائي ...​

ملاحظةةةةةةةةةةةة​

قبل لاتدخليها الفرن خليها يسخن شويه​

 

[ملح الدنيا فيني]

طريقة شوربة الماش للنفاس طريقة شوربة الماش للنفاس طريقة شوربة الماش للنفاس


شوربة ماش
طريقة شوربة الماش للنفاس



اول شي هاذى صورة الماش للي مايعرفونه

الطريقه الاولى
شوربة الماش
المقادير
====
2 كوب ماش
2 بصلة
ربع كوب سمن
8 كوب ماء
ملح وفلفل اسود
2 قطعة ماجي
العمل
====
ينظف الماش ويوضع في الماء البارد على النارمع بصلة واحدة
مقطعة ناعم ويترك الى الى ان ينضج الماش وينهرس مع البصل
نهرسه بالخلاط ونصفيه ونزيد له ماء اذا كان ثخين القوام
نرجعه على النار مع الخلط المستمر كي لايلتصق بالقدر نضيف
له الماجي ونتركه الى ان يغلي يتبل بالملح والفلفل الى ان نحصل
على لثخن المرغوب نقطع البصلة الثانية ونحمصها بالسمن ونزين
فيها الشوربة بعد ان نسكبها في الصحن

الطريقه الثانيه
كوب ماش
1 بصلة مفرومة ناعم
3 ملعقة زيت
1\2 كوب
شعرية
رشة ملح
ليمونة
ماء

نغسل الماش ثم نضيف له الماء حتى يغطيه ثم نضعه على النار بعدها نتركه حتى ينضج ثم نفرمه بالخلاط وناتي بالزيت نضعه على النار ثم نضع البصل ونحمسه ثم نضع الماش وبعدها نضع الشعريةثم نضع الملح ثم نتركه مدة ربع ساعة على النار ثم نسكبه في صحن التقديم ونضع عليه عصير اليمون ( اذا احببتي )

وصحتين وعافية

الطريقه الثالثه
المقادير

لأربعة أشخاص

ربع كاس ماش
جزرتين
ملح وكمون
كزبرة خضراء
ثوم وبصل مشوح على الزيت
لحم مقطع صغير( ممكن شربة ماجي))
عدس أصفر
طماطم
-- الطريقة --
يقلى اللحم في البصل ثم يضاف الماء والطماطم و لومي اسود وقرفه اعواد

بعد ان ينضج... يصفى ثم يضاف الجزر والماش

يسلق الجزر+ الماش ثم يخلط في الخلاط
يرحع مره ثانيه للقدر ويوضع اللحم بعد ان ينظف من البصل

يضاف له ملعقة عدس أصفر ويترك 10 دقائق يغلي(( يضاف الشعيريه حسب الرغبة))
يرش بالكزبرة والكمون ويقدم ساااخن وبالعافيه
​

 

[ملح الدنيا فيني]

وهذي طريقة قشر القهوه يشرب مع التمر

المقادير:
غرفتين يد قشر القهوة غير المطحون ( انخليه أولا )
3 عيدان قرفة بحجم وسط ( أغسليها أولا )
3 حبات تمر خلاص او تمر تنك ( فكي النوى )


1 ملعقة صغيرة سنوت أخضر
1 ملعقة صغيرة حبة سوداء
2 فنجان ( زي فنجال القهوة ) سكر والسكر حسب الرغبة وكثري إذا تبينه
7 ونصف كاسةمتوسطة مــاء
تبينه ثقيل خففي مقدار الماء

الطريقة:
تضع المقادير على النار لمدة ربع ساعة تصفى في ثلاجة{تيرموس} القهوه​