نفاس ومااااااااكل !!!! ش الحل ؟

[* بنت المطر *]

قوه بنات

الحمدلله لي اسبوعين من ولدت _ اول نفاستي كنت اكل وكل شي اوك بس صارت مشكله

صغيره بالبيت وبجيت وقتها !! عقبها صارت الشهيه صفررررررررررر ماني قادره اااكل

ولااحس بجوع كلش واتغصب ع العيشه _ غيرت اكلي طلبت من برا ماكو فايده وانا اصلا

طبعي مواكوله حتى وانا حامل ماكنت اكل بسبة الحارج واللوعه بس الحين نفاس لازم اكل

الدكتور كاتبلي فيتامين ب ك فاتح شهيه ولااكو فايده !!

بنات منو تعرف شي بنفع بفتح الشهيه مجربته ؟؟؟؟ بليييييييييييز ردوااااااااااا علي ضرووووري​

 

[صديقت قوقل]

الله يعينج

ويفتح شهيتج احسن واحسن

..
انسي المشكله وتسلي بشي يشغلج علشان ترد شهيتج

اصلا ماينفع لاحبوب فاتحه للشهيه او اي شي غير اذا تعدلت النفسسسسسيه

لو انج بالسعودييه عطيتج رقم وحده عندها (لهوم)
يخليج تشتهين الاكل باسبوع مشا الله هالحرمه عجيبه

 

[كل دنيتي امي@]

حبيبتي انتبهي لازم تاكلين
لو تغصبين روحج

وروحي للصيدليه واصلبي فاتح شاهيه ثاني
واذا تبين حبوب ميساجور
او حبوب الخمير اللي كرتونها احمر وسفن سيز هذولا فيتامينات مامنها ضرر وعادي تاكلين ميساجور معها

 

[بيت التوت]

الحمدلله علي سلامتج

هالمشكله عندنا كلنا قلت الاكل يااااااااااااااااااااااربي منوين بنييب شهيه
اذكر اختي اتقول الكاكاو يفتح الشهيه حاولي تاكلين كاكاو
ورفيجتي اتقول امي كانت اتحط علبة ماكنتوش تحت راسي وتخليني آكل منه الصبح وبكل وقت
عشان تنفتح شهيتها
اشربي سوائل اكلي شغلات خفيفه جود تنفتح شهيتج
وحاولي تنسين المشكله ترا نفسيتج التعبانه اهي لمئثره علي أكلج
الله يفرج همج يااااااارب

 

[* بنت المطر *]

جزاكم الله خير حبيباتي اللي شاركوا

وال 113 اللي طلوا وانحاشوا همن مشكورين

 

[حلوه رزتها ملكه]

الله يفرج عليج ويفتح شهيتج انسي كل شي اهم شي صحتج

 

[شرقاويه*]

حاولي تشربين عصير برتقال فريش
واشربي حليب بالحلبه بعد يفتح الشهيه
والزبيب الاسود بعد

 

[Al-loly]

حبيبتي ،، الله يعينج ،،، والكاكو يفتح الشهيه والله يوفقج 

 

[● عـِـِـِزۈة آخ‘ـَـۈاْنـهـآ «-~]

نفسسس حالتي !

 

[MiSS B.K]

الله يسهل امورج

 

[أبكاني ذنبي]

الله يعينج يااارب


ماعندي علم والله


لاني انا كليت حبوب فاتح شهيه وفاددتني بس بوضعج مادري والله

 

[عنووشه]

اكلي حبوب فاتحه الشهيه


وخلي وقت اكلج احد ياكل وياج يفتح نفسج

والله يفتحها عليج يارب ويقومج بالسلامه

 

[رنا 2012]

لازم تغصبين نفسك على الاكل
عشان البيبي
شغلي التلفزيون على قنوات طبخ عشان تتشهين ههههه

 

[beauty rose]

انا باول نفاسي كانت شهيتي مفتوحة عالآخر كنت آكل و كل شوي اقولهم يالله وين الاكل !

و عقب 15 يوم انسدت مرة وحده صرت ماشتهي شي كللللللللللش
و اقعد طول اليوم على خبزة و جبنة و تلوع جبدي من الاكل
و صرت اتغصب على الاكل


حاولي تشربين شوربات و تحطين فيهم ادويتج
الشوربة خفيفة ما تقعد عالجبد

 

[بنتي شبيهتي]

انا مريت نفس مشكلتج هم كانت مشكله صايره وانسدت نفسي صج صج انسدت لدرجه اقعد يوم كامل ابي ايوع ماكو اخر شي والله قمت اكل وانا مويوعانه ما احس بيوع بس اغصب نفسي
وديري بالج ترا يصير هبوط اشكثر صار وياي وتعذبت لين قمت اغصب نفسي لو شوربة دياي اكلي ع الاقل لين اشوي اشوي تغصبين نفسج

 

[هدفي الفردوس]

اخاف قولون هذي اعراضه عدم الشهيه

 

[امـ خــزامـى]

ياقلبي انت ريحي بالك لاتفكرين واجد
انا نفس الطريقه شهيتي انسدت لدرجه نقصت باول اسبوعين نفاس 6 كيلو
بس انا وضعي يختلف كانت بنتي ماطلعت من الحضانه وولادتي بعز الحر بشهر اغسطس
كنت بس ابي اشرررررررررررررررررررب
واذا جابولي الاكل ودي اصيح لانه كله دافي وايدامات واكل صحي وانا ماحب هالاشياء
يووووووووه اكره شي عندي النفاس عشان الاكل
بس وش نسوي لازم نغصب انفسنا

ربي يكون بعوننا

 

[(( قمر ))]

امممم.. اول شي حمدلله عالسلامه و مبروك ماجبتي.. والله يعينج فتره النفاس غثيثه شوي..

حاولي تغصبين نفسج عشان البيبي حرام شلون ترضعينه.. <<< لا حد يضحك علي و يقول قديمه انا اشجع الرضاعه الطبيعيه

انا والله كنت نفسج بنفاسي الاول صرت دق العود بس كل ما تبجي بنتي تبي ترضع يعورني قلبي و اغصب نفسي عالاكل..

حاولي تغيرين دويات نفاسج.. يمكن تشتهين تاكلين.. و ديري بالج تقعدين لحالج.. على قولة امي.. النفاس ما تنتخلا لحالها..

لأن النفاس تتعب نفسيتها بسرعه .. على قولتهم اكتئاب مابعد الولاده..

و اكلي الصبح ٧ فذات تمر..

الله يعينج يالغاليه

 

[الجوهرا]

الله يعينج ياقلبي مشكله هالنفسيه اذا خربت خرب كل شي تعوذي من الشيطان واكلي اشياء بسيطه اشربي شوربه
عصير سلطات والله يفرح قلبج يارب