نفاق

[فنجان من الحب]

السلام عليكم ورحمة الله وبركاته

انا باختصار مصدومه من ناس عديتهم في حسبت خواتي واول من يحش فيني هم ويطعن فيني
اذا ما كنت دايم فاضيه لسخافاتهم فانا مو خوش رفيجه
اذا ما اطلع معاهم يعني مو خوش رفيجه
ولم اشيل همومكم واحاتي وابجي معاكم
ماكنت خوش رفيجه
وانا لم تعبت وين كنتوا اول من عطاني ظهره انتوا
انا ابي اعرف منو اللي له حق الصداقه عند الثاني
تعبت وانا اعطي الناس من قلبي وما القي منهم الا الجحود​

 

[سوسو حبيبتى]

ينطبق عليكي مثل

ف الهم مدعيه

وفى الفرح منسيه

حبيبتي حاولي تختاري الى يوقف جانبك وقت الضيق

الصديق وقت الضيق

والى مايعرفك الا عشان مصلحته ما فى منه فايدة

اجنووور وقلت معرفتهم احسن

 

[wd_q8]

ما عليه عرفتيهم على حقيقتهم لا تتضايقين على نااس من هالنوعيه
تعلمي من غلطج,,, واللي ما تذكرج الا بضيقتها وبضيقتج جاحدتج موو رفيجه عندج حل بسيط اسحبي عليهم ولا تعورين راااسج وتحاولين اتغيرين فيييهم و حاولي انج تلاقين رفيجااات صج يحسوون فيج,,
وماتدرين يمكن رفيجااتج يحسوون بغلطهم ويجوونج يتعذروون منج ,,

​

 

[هيللو كيتي]

الصديق ووقت الضيق ينطبق عليج وانتي تعاملتي معاهم من طيبج ..

بس اقوولج
واللي ماايعدك ربح لاتعدة خسارة>> دام ماا حشموج ولا قدرو اللي بينكم ولا شي، لاتبجين عليهم ولا تتعبين اعصابج عشانهم لان ماهتموو لج فلاا تهتمين لهم ياااختي..

وبهالزمن سطح علااااقااتك مع النااااس تسللللللم..*

 

[طموح لايتوقف]

حبيبتي لاتتحسفين على الوقت االلي قضيته معهم تدرين ليش لأن كل دقه بتعليمه ولاتتتوقعين فها الزمن بتلقين صداقه حقيقيه
واللي مايبانا مانباه وأن شاء الله يعوضك بأحسن منهم

 

[كراميلا مرة]

والله الحال من بعضه
اذا احتاجوا لج جاوا يركضون
وان احتجتيهم ماتشوفينهم

 

[حبي بيرين]

اولا هذا الناس طبعهم تغير حتى اللي اقرب الناس لك راح يتغير لا تنصدمين بس الافضل انه تكونين حريصه يعني الاشياء الخاصه فيك لاتطلعينها لهم وبعد اختاري اللي تحسين فعلا انها اخت الحين الناس صارو كلام وبس طبعا مو الكل وانتِ بدورك تميز منهم اهل الكلام ومن هم اللي كلام وفعل

 

[منو انت]

ماعندي زياده على كلام البنات

وصج عندنا وعندج خير

 

[ديمــــــــــه]

سبحان الله كلامتس جاء عالجرح بالنسبه لي لاني اعيش شعورك هاليومين مع اقرب الناس لرووحي
لاتحسفين على شي عطيتيه من قلبك هذا من طيب اصلك
كوني حذرره في تعاملك المره الجايه وكل دقه بتعلومه
الله يشرح لتس صدرك
موفقه

 

[عادت ذكرياتي]

ربنا كريم

 

[PuPa^^SWeeT]

صااجة والله


انا نفس الشي انصدمت


بموقف من المواقف


الله يهدييهم



انشالله



ما بايدي اني امنع نفاقهم


بس بايدي اني اسكر اذني عنهم



خلهم يقولون اللي يقولونه


ويحشون كثر مايقدرون


مالي خلقهم ولا لي خلق اتناقش وياهم

 

[أبلة فاتن]

لا تزعلين واحب اقولج مبروك عليج الحسنات اللي اخذتيها منهم

خليهم ياكلون بلحمج صدقيني انتي الرابح الأكبر

ومن اسباب كثرة النساء بالنار بسبب الغيبه تخيلي شيء بسيط

تلقينها تصوم وتصلي وتزكي وما تحف حاجبها وتسوي كل شيء

بس لسانها ما تقدر تمسكه

هذي وهذي تدرين هذي وهذي ؟؟

بس هذي سواتهم وترى يوم القيامه كل وحده تكلمت عنج

بتقابلينها عاد انتي وطيبتج تحللينهم ولا لا؟؟

حتى الفنانات اللي نذم فيهم على بونه اهما سيئات السمعه والخ

همن الحش فيهم يعتبر من الغيبه


ف ديروا ظهروكم لكلام الناس واحلى طاف للكل

انا اعرف وحده تأدي كل الفروض بس لسانها للحين ما مسكته

حسناتها كلها راااااااااايحه عالناس

وهذا الحديث تمعني فيه


أَتَدْرُونَ مَا الْمُفْلِسُ"

عَنْ أَبِي هُرَيْرَةَ رَضِيَ الله عَنْهُ، أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ: "أَتَدْرُونَ مَا الْمُفْلِسُ" قَالُوا الْمُفْلِسُ فِينَا مَنْ لَا دِرْهَمَ لَهُ وَلَا مَتَاعَ، فَقَالَ: "إِنَّ الْمُفْلِسَ مِنْ أُمَّتِي يَأْتِي يَوْمَ الْقِيَامَةِ بِصَلَاةٍ وَصِيَامٍ وَزَكَاةٍ وَيَأْتِي قَدْ شَتَمَ هَذَا وَقَذَفَ هَذَا وَأَكَلَ مَالَ هَذَا وَسَفَكَ دَمَ هَذَا وَضَرَبَ هَذَا فَيُعْطَى هَذَا مِنْ حَسَنَاتِهِ وَهَذَا مِنْ حَسَنَاتِهِ فَإِنْ فَنِيَتْ حَسَنَاتُهُ قَبْلَ أَنْ يُقْضَى مَا عَلَيْهِ أُخِذَ مِنْ خَطَايَاهُمْ فَطُرِحَتْ عَلَيْهِ ثُمَّ طُرِحَ فِي النَّارِ". أخرجه أحمد (2/334 ، رقم 8395) ، ومسلم (4/1997 ، رقم 2581) ، والترمذي (4/613 ، رقم 2418) ، وقال : حسن صحيح . وأخرجه أيضًا : الطبراني فى الأوسط (3/156 ، رقم 2778) ، والديلمي (2/60 ، رقم 2338). قال الإمام النووي في "شرح صحيح مسلم": مَعْنَاهُ أَنَّ هَذَا حَقِيقَة الْمُفْلِس, وَأَمَّا مَنْ لَيْسَ لَهُ مَال, وَمَنْ قَلَّ مَاله, فَالنَّاس يُسَمُّونَهُ مُفْلِسًا, وَلَيْسَ هُوَ حَقِيقَة الْمُفْلِس; لِأَنَّ هَذَا أَمْر يَزُول , وَيَنْقَطِع بِمَوْتِهِ.. وَإِنَّمَا حَقِيقَة الْمُفْلِس هَذَا الْمَذْكُور فِي الْحَدِيث فَهُوَ الْهَالِك الْهَلَاك التَّامّ, وَالْمَعْدُوم الْإِعْدَام الْمُقَطَّع, فَتُؤْخَذ حَسَنَاته لِغُرَمَائِهِ, فَإِذَا فَرَغَتْ حَسَنَاته أُخِذَ مِنْ سَيِّئَاتهمْ, فَوُضِعَ عَلَيْهِ, ثُمَّ أُلْقِيَ فِي النَّار فَتَمَّتْ خَسَارَته وَهَلَاكه وَإِفْلَاسه​

 

[فنجان من الحب]

ياحياتي
فديتكم والله كتبت الموضوع من ضيقتي وما توقعت احد يرد ولا يعبر ضيقتي
والله كل كلامكم صح
الله كريم .....
في هالدنيا لازم تعرف الانسانه اللي قدامك عدل قبل لا تحبها وادخلهااا قلبك
الحمدالله على كل حال

 

[manoooram]

حبيبتي الغاليه ليش تحرين نفسج ولا تهتمين
عادي جدا عادي


الحمدالله ان كشفتي شنو اهم وعرفتيهم على حقيقتهم وبين معدنهم الردي
وبو طبيع مايوز عن طبعه .. شتعلمين ولا تفهمين فيهم !!
قلتيها منافقين بتتعدل مثلا أخلاقياتهم

للأسف أقولها ان بالوقت الحالي النفاق الاجتماعي للبعض أمر مطلوب
على شان يقدر يكمل مساره مع الغير
وصار لبس للبعض ان النفاق والمجامله وجهان لعمله واحده وهذا الشي غير صحيح
فالنفاق شي والمجاملة شي ثاني

حبيبتي سوي نفسج ما تشوفينهم ولا تسمعينهم
وبهواهم ما رده بيملون ويشوفون نفسهم
تافهين وراعين العيبه بنظر الغير قبل لا تنظرين لهم هالنظره

اللي يابهم ياب غيرهم ولا انزل نفسي لهم هذي قناعتي
ما يشوفون شر ولا تلتفتين لهم حبي

 

[عـيّــآره]

هذا هم وقت المصالح والمصايب بس ​

منافقين ويلوعون الجبد ​

على قولتهم وقت المصالح تجي الكلاب مشتاقه ​

هالنوعيه تعاملينهم بالمثل اذا ماتقدرين تتركينهم ​

ولاتزعلين انتي انظف منهم الله يرزقج بصديقات على القلب ​

 

[فنجان من الحب]

هذا هم وقت المصالح والمصايب بس ​

منافقين ويلوعون الجبد ​

على قولتهم وقت المصالح تجي الكلاب مشتاقه ​

هالنوعيه تعاملينهم بالمثل اذا ماتقدرين تتركينهم ​

ولاتزعلين انتي انظف منهم الله يرزقج بصديقات على القلب ​

حبيبتي فديتج
تسلمين ماعليج زود​

 

[فنجان من الحب]

هذا هم وقت المصالح والمصايب بس ​

منافقين ويلوعون الجبد ​

على قولتهم وقت المصالح تجي الكلاب مشتاقه ​

هالنوعيه تعاملينهم بالمثل اذا ماتقدرين تتركينهم ​

ولاتزعلين انتي انظف منهم الله يرزقج بصديقات على القلب ​

حبيبتي الغاليه ليش تحرين نفسج ولا تهتمين
عادي جدا عادي


الحمدالله ان كشفتي شنو اهم وعرفتيهم على حقيقتهم وبين معدنهم الردي
وبو طبيع مايوز عن طبعه .. شتعلمين ولا تفهمين فيهم !!
قلتيها منافقين بتتعدل مثلا أخلاقياتهم

للأسف أقولها ان بالوقت الحالي النفاق الاجتماعي للبعض أمر مطلوب
على شان يقدر يكمل مساره مع الغير
وصار لبس للبعض ان النفاق والمجامله وجهان لعمله واحده وهذا الشي غير صحيح
فالنفاق شي والمجاملة شي ثاني

حبيبتي سوي نفسج ما تشوفينهم ولا تسمعينهم
وبهواهم ما رده بيملون ويشوفون نفسهم
تافهين وراعين العيبه بنظر الغير قبل لا تنظرين لهم هالنظره

اللي يابهم ياب غيرهم ولا انزل نفسي لهم هذي قناعتي
ما يشوفون شر ولا تلتفتين لهم حبي

اي والله صاجه فديت قلبج ​

 

[كيكه توفي]

عادي الحياة تعلم لا يضيق خلقج انا الحين من كثر ما انصدمت بالناس قمت افكر بنفسي وبراحتي وبوناستي وبس سوي نفس الشي ولا يهمج احد ولا تعطين احد فوق حجمه

 

[فنجان من الحب]

عادي الحياة تعلم لا يضيق خلقج انا الحين من كثر ما انصدمت بالناس قمت افكر بنفسي وبراحتي وبوناستي وبس سوي نفس الشي ولا يهمج احد ولا تعطين احد فوق حجمه

اكيد هذا اللي اسويه اللحين محد يهمني ..... تعبت وانا افكر بناس ولا اهمهم :eh_s(10):
صرت طنش تعش تنتعش :eh_s(9):​

 

[قمر بيت أبوها]

ياما عشنا ويما شفنا ربعهم كثار وخلي اخر همك الصديقه راحت الله يستر عليها جت الله يحيها
غيره مااحد اصدق من الاخوات انا ماهمني غيرهم جعلي ماافقدهم اما صديقاتي روحي ويجي غيرك لا ناقصني فراقها ولا زايدني شي وجودها
والاهم من هذا كله الاحترام وبس