نفسيتي تعبانه تكفون ردو علي

[الشهد الحلو]

مرحبا يابنات.........
بقولكم مشكلتي لاني محتاجة اشكي لاحد انا حامل ل29اسبوع 3ايام ومن الاسبوع17اكتشفوان الماي ناقص يكاد لا يذكربالمرة وانا ما ينزل معاي ماي طبعا مادخلوني المستشفى
ولما اكتشفواالمشكلة سويت سونار رباعي وقالو الكلى ماتفرزوالطفل ماراح يعيش وسويت بعد شهر قالو مافية كلى بالمرة
والطفل مابيكمل معاج او بتولدين ولادة مبكرة وبيموت مع العلم ان بطني يكبر والطفل يتحرك حركة طبيعية
والصدمة اليوم سويت سوناروقالي الكلى فيها تضخم وبطن الطفل متكونة فية اشياء مو معروف شنو

 

[زينانه]

شلون يقولون ماعنده كلي
وعقب يقولون فيها تضخم؟؟؟؟
انتي متاكده من دكتورج؟؟ وهل هو فاهم؟؟
جربتي تروحين لغيره؟؟

 

[L I N D T]

كلامهم متناقض ..

روحي حق دكتورة شاطرة .. وخليها تشرح لج حالتج ..

انصح بالدكتورة نداء بو خضور ..

وان شالله ماكو الا العافية ..

عسى ربي يتمم عليج وتفرحين بشوفة ولدج او بنتج وهو بكاامل صحته وعافيته ..

 

[أغلى حبيبه]

رد : نفسيتي تعبانه تكفون ردو علي

ليش ماتغيرين دكتورتج


وان شاءالله مافيه الا العافيه دامه يتحرك

 

[الشهد الحلو]

حبايبي انا رحت لكذا دكتوراول واحدماجد الشمري في الجهراء وقال فية كلى بس ماتفرزوبعدين رحت للدكتورة صبرية اللنقاوي وقالت مافية وكلهم عطوني تحويل على مستشفى الجهراء عشان انزلة بس رفضت لان فيةروح وقلبة ينبض ورحت لمستشفى الجهراء وسوو لجنة وقالو مافية كلى واليوم رحت مستوصف الضامر بسوي سوناربتطمن وقال الكلى فيها تضخم وفية اشياء متكونة مو معروف شنو

 

[سارووه الاموره]

والله هالدكاتره مامنهم امان مايندرى شلون اخذو هالشهاده ... وصارو دكاترا احس احنا الي مانعرف بالطب نعرف اكثر منهم ..

الله يعينج ويشاافيج ويعافي البيبي ..

 

[انا حبه للابد]

رد : نفسيتي تعبانه تكفون ردو علي

الله ياجرج ويهون عليج
للرفع

 

[غــلآ]

رد : نفسيتي تعبانه تكفون ردو علي

راعي اكثر من دكتور واستشيريه

واذا كلهم اجمعوا على نفس الكلام قولي الحمدلله رب العالمين

الله له حكمه بكل شي

 

[$حبيبة عبودي$]

رد : نفسيتي تعبانه تكفون ردو علي

الله يستر عليج وعل الجنين

 

[مدرسه فنيه]

دكتور منصور الصليلي حيل يمدحونه ومن اشطر الدكاتره

بمستشفى العرف اللي بالجهرا

روحي له وخليه يشوف حالتج

وهدي اعصابج وتذكري ان كل شي قاعد يصير الحين مقدر ومكتوب من زمان

وكثري من الاستغفار والله يرزقج بالطفل المعافى

 

[ام رتاج العنزي]

:nbvppw: اول شي احتسبي الاجر وكثري الدعاء وتصدقي لقول الرسول صلى الله عليه وسلم داو مرضاكم بالصدقه ثاني شي خليج مع الدكتور ماجد الشمري بعد الله لانه دكتور شاطر جدا وعلى حسب ماسمعت انه يسوي جراحات للجنين وهو في بطن امه اذا الحاله تحتاج واذا ماتبين تنزلينه قوليله وخليج متابعه معاه وبخصوص الاجهاض اسالي شيخ اذا يجوز او لا واستخيري ويكتب الي فيه خير لج وللجنين واسمعي قران لان الجاهل يسمع معاج بمعجزه من الله تعالى واسال الله العظيم رب العرش العظيم ان يشفيه ولا تقنطي من رحمه الله لان انا عندي بنت معاقه واعاني مثلج استخيري وربي راح يدلج عالطريق الصحيح ولاتنسونا بالدعاء :nbvppw:

 

[chaclaita]

رد : نفسيتي تعبانه تكفون ردو علي

حبيبتي روحي جيكي عند دكتور ثاني شاطر

وعسى الله يعافي اللي ببطنج ويقر عيونج فيه يارب ويرزقج بره

 

[الشهد الحلو]

والله يابنات ارتاح اذا شكيت لكم وبعدين دكتور ماجد كذا مرة يخطا في التشخيص لبعض الحوامل وانا الحين في نص السابع وهذا اول حمل لي وودي اولد لانهم يقولون مراح يخلوني اشوفة

 

[كااامل الزين]

رد : نفسيتي تعبانه تكفون ردو علي

شهد روحي حبيبتي لدكتورة بالسلام هندية تخصصها سووونار تفصفصلج البيبي من راسة لرجولة اختي راجعت عندها او روحي لناهدة العلي انا مجربتها شاطرة والله يكتبلج الخيرة

 

[cheese cake]

اسأل الله رب العرش العظيم ان يكتبلج هذا المولود بخير وعافيه يارب

 

[الشهد الحلو]

والله يابنات خايفة من الولادة لانهم يقولون ماراح نخليج تشوفينة

 

[noo7a]

ياااااارب تكون كلها شكوك
ومافيه الا العااافيه ياااارب
وانشالله تولدين و تشوفيه واهو يكبر جدام عينج و يفرح قلبج فيه ياااارب

 

[a7la MUM]

رد : نفسيتي تعبانه تكفون ردو علي

بعد عمري انتي
هذيل من صجهم!!
كل شي بيد ربج
روحي دكتور ثاني وطمنيني عفيه حتى لو بالخاص

 

[ام كوشه منكووشه]

رد : نفسيتي تعبانه تكفون ردو علي

ان شاءالله مايكون فيه الا العافيه وتوالدينه واهوا باتم صحته ياارب

حبيبتي روحي لا كثر من دكتور وشوفي

 

[الشهد الحلو]

بنات ماعمركم سمعتو ان وحدة حامل قالو لها الجنين فية تشوه في الكلى واذا ولدت يطلع كلامهم غلط