نفسيتي تعبانه تكفون ردو علي

[الشهد الحلو]

وينكم ياكويتيات ليش ماتردون

 

[هـآيـدي]

روحي للدكتوره نداء بو خضور برويال حياه استشاريه وشاطره تفصفص لج البيبي بالتفصيل بالسونار

حتى العمود الفقري والشفايف والقلب والاصابع والفخذين وكل شي روحي لا تنطرين

روحي لدكتوره وحده وبس وهذي 25 خبره ..

 

[الشهد الحلو]

مرحبا وينكم ياكويتيات

 

[anooma_86]

حبيبتي روحي حق الدكتور اشرف بمستشفي السلام قسم الاشعه و سوي سونار تفصيلي وااااايد شاطر

 

[ربي يفرج لي]

رد : نفسيتي تعبانه تكفون ردو علي

شوفي ااكثر من دكتووور وربي كريم

 

[أحلى^حياه]

الله يشافيج حبيبتي و يشافي وليدج

 

[الشهد الحلو]

مرحبا كويتيات شلونكم ---------بنات سويت سونار قبل يومين وقالو لي اني لي اسبوعين بالثامن وقالوالطفل احتمال متكون ببطنة على قولة الدكتورشغلة مبهمة مومعروف شنو

 

[الفواكة]

رد : نفسيتي تعبانه تكفون ردو علي

:wqedqw:انشالله مافيه الا الخير وتشوفينه بحضنج مالج شغل بكلامهم خلج مع ربج وادعي انشالله ياربي ايج بصحه وعافيه ومثل ما قتلج عليج بالدعاء وربج كريم

 

[كويتيه مذهله 87]

اي حبيبتي وايد يغلطون ياقلبي
يمكن يكون حصران

 

[{عسوله مطير]

ياقلبي كثرت سونار موزين

اللحين عليج تروحين دكتوره شاطره نفس فوزيه القطان أظمن لج أنها ممتازهـ وماتخليج جذي تايها


و تصدقي وأستغفري لانه الله يقدر يغير حال الانسان

 

[باربي لكويت]

الشهد الحلو رب العالمين امره بين الكاف والنون يقول له كن فيكون انا نصيحتي لج اخذي بكلام الدكاتره بس بالعقل والجئي لرب العالمين حتى لو فيه تشوه ربي قادر انه يشافيه لج ويخليه صحيح معافا تام الخلقه ربي يحيي العظام وهي رميم الجئي له تصدقي ادعي اقري سوره البقره وسوره مريم بنيه ن ربي يشافيه لج ويتمه ابجي بالليل وصلي وادعي بسجودج ربي كرييييم يانااااس ربي كريم ربي ارحم بعباده من الام بأبنها ربي رحمه لنا ربي هو الطبيب الجئي له ولاراح تندمين بحياتج حتى لو ربي ماعطاج اياه بس صدقيني راح يرزقج اخير منه ربي ترى عند ظن عبده به اذا ظنيتي بربي خير فبيعطيج الخير مثل ظنج واذا ظنيتي به الشر بيعطيج الشر مثل ظنج ربي قريب ربي يقول من اتاني يمشي اتيته هروله شنو تبين اكثر من جذي ربي يناديج يقولج تعاليلي وانتي تمشين انا بهرول لج سبحااانه جل علاه تعالى عما يصفون ..


الله يشافي وليدج ويخليه لج ويرزقج الذريه الصالحه يارب ويتمم عليج بخير وتقر عينج بشوفت ولدج معافا كامل الخلقه يارب ياكريم ..

 

[أأأميرة الورد]

رد : نفسيتي تعبانه تكفون ردو علي

الله يهون عليج ويقر عيونج بشوفة البيبي تام الخلقة ومتعافي يارب
:yaaaaaarb:​

 

[حرمه المصون]

حبيبتي ربج كريم والله مايمتحن الا المومن الله يرزقج الذرية الصالحة

 

[مسك وطيب]

رد : نفسيتي تعبانه تكفون ردو علي

يالغاليه خلي إيمانج بالله قوي وصدقيني مهما تطور علم الإنسان يبقى علمه فوق كل علم ,,, فرشي سجادتج باخر الليل واطلبي ربنا سبحانه يعافي اللي في بطنج ويكفيه كل شر ,,, وامسحي على بطنج بماي زمزم واقري عليه ,,, واشربي من ماي زمزم يزيد الماي حول البيبي اذا كان ناقص اختي مجربته ,,,,

وراجعي اكثر من دكتور بس اطلبي سونار رباعي ادق وان شاء الله يطلع كلامهم غلط يارب

 

[زوجة الفنان]

رد : نفسيتي تعبانه تكفون ردو علي

ياعمري ربي يطمن قلبج عالبيبي وتفرحين بشوفته بحضنج سليم معافى يااااااااارب​

:yaaaaaarb:

 

[Petite]

رد : نفسيتي تعبانه تكفون ردو علي

الله يحفظه من كل شر

 

[(أم نونو)]

رد : نفسيتي تعبانه تكفون ردو علي

الله يسهل عليج

 

[الشهد الحلو]

رد : نفسيتي تعبانه تكفون ردو علي

حبايبي بقولكم اخر الاحداث رحت مراجعتي في المستشفى وسوت لي سونار وقالت سونارهم مو واضح بس وزن البيبي صغير وزنه كيلو و400 وعمره 33 اسبوع

 

[أأأميرة الورد]

رد : نفسيتي تعبانه تكفون ردو علي

الله يسهل عليج

 

[الاوثق]

اختي الغاليه استعيني بالله وعليك بقيام الليل والدعاء الله واكثري الاستغفار وقراءة البقرة فوالله الذي لا اله الا هو قادر على كل شئ فيقول للشئ كن فيكون ولاعليك بكلامهم المتناقض لاتنسي ان الله قال في كتابه الحكيم ادعوني استجب لكم فصدقنيني ان الله يحب ان يسمع صوت عبده في جوف الليل وبكائه فوالله قادر على اي شئ وانتظري موعد ولادتك ولكن عليك بقيام الليل وبسورة البقرة من الان الى موعدك بإذن الله وسترين العجب والله واكثري من قول اللهم اني اسألك تذللا فأعطني تفضلا والله يفرج عنك وعنا ربي يحفظك ويعطيك خيرا
دمتي بود
ادعي لي ان الله يعوضني خيرا