نفسيتي تعبانه وايد وانا توني متزوجه 3 شهور

[الهام 2009]

الله يعينك

 

[منال $]

عااااااااااااادي حبيبي انتي شكل حساسة والحمل زادك حساسية
هدي فترة وتعدي على ماتاخدو عالوضع وتتعودو انكم صرتوا ببيت واحد
واختلاف الراي لايقسد للود قضية

 

[دلوعة صلوح]

الله يعينج والبنات اقصرووو.

 

[pusy cat]

عادي حبيبيتي انا نفسج بالضبط

بداية الزواج لازم تصير هالسوالف من تعدي السنه كل شي بيتغير انشالله والانتقادات راح تخف تدريجيا لين يصير كل شي عادي

الرجاجيل جذي يشدون حيلهم بالفتره الاولى من الزواج ويدققون عالمره عقب من تجيبين البيبي راح تلاحظين التغيير

لازم تجيبين خدامه لاتضغطين على جسمج ونفسيتج وانشالله احوالكم بتتصلح

والله يهون عليج حملج

 

[نونا حلوه]

حبيبتي هذا شي طبيعي كلنا مرينا بهالمواقف واكثر الزوج بداية الزواج يحاول يسيطر بشخصيته عليج ويبين انه الافضل بس لان الرياييل مفهمين بعض اساليب من هالنمونه مثلنا احنا قبل الزواج مافي وحده ماتسوي روحنا فوزيه الدريع عادي ترا بس اول الزواج طنشي احتمال سنه سنتين والاغلبيه حدهم ثلاث سنين ويمل بس همن اول يهاهل احتمال يغثج بتربيته واهتمامج فيه وبعدين يطنش مع العشره والعيال شي طبيعي وباجر راح تذكرين كلامي والله يوفقج معاه ويسخره لج يسهل عليج حملج اميييين

 

[يارب يطيب عبود]

حبيبتي انتي فالشهور الاولى من الحمل وبالعاده الشهور هذي تكون متعبه والنفسيه فيها تعبانه ان شا الله تعدينها على خير
وبالنسبه لزوجك اجلسي معه جلسه اهم شي تكون هاديه ورايقه وبيني له الشي اللي يزعجك بس بدون ما تنتقدينه كثير
يعني قولي ما احب تقارني باي احد ثاني ولو كان فيني شي مو عاجبك قول لي عنه بدون ما تعصب وبوقت اكون انا فيه رايقه وهاديه يعني جلسة مصارحة كانكم تسولفون مع بعض مو كل واحد يصرخ ويعصب بدون فايده

اتمنى كلامي يفيدك

 

[أم حورية]

البنات ماشالله ماقصرو

بس احس ان ريلج كان متوقع انج تكونين توووب او كاملة بالاصح ومافي احد كامل وكان متوقع الحياة تكون كلها حب وحجي حاو وغيره وانتي بعد بس شفتو الواقع غير صار نوع من الاحباط

حطي ابالج كلللنا حطينا ابالنا ان نعيش حياة وردية ورسايل وهدايا وحجي حلو على طول بس انصدمنا بالواقع بس الحياة الزوجية مو كلها حلوة ولابد يكون فيها مشاكل وهذا مثل ما يقولون ملح الحياة

وفي صفة موجودة باغلب الرياييل انهم يحبون تكون صفات المرا نفس صفات الام او صفات اي شخص قريبة منه او قدوته مثل خالته وعمته ولما شاف العكيس بدا يتضايق بس مع الوقت راخ يعرف انتي شي وامه شي ثاني

بس لاااتردين عليه حاولي تنطشينه وتكلمينه لنا يهدا

والتفاهم بين الزوجين ماايي بيوم وليلة ،، وفي ناي ما يتفقون الا عقب 4 او 5 ينين لان رعح يعرفون بعضهم عدل وراح يعرف كل واحد شنو يضايق الثاني ويتجنبه

وفهمي ريلج ان مستحيييييل تكونين مثل الرسمة اللي راسمها اباله عن شخصيتج بالضبط والتنازل امر وااايد مهم عشان تمشي الحياة بسلاام*

 

[البرنسيسة غلا]

،


شوفي حبيبتي يقارن باحد مو حلو قولي له كل واحد وشخصيته اعدل من شخصيتي اي لكن اتغمس شخصية غيري لا
وسالفة يدقق على كل شي عادي اول الزواج جذي انا زوجي كان يجيك على القلاص والقفاش لما اجيبهم له متخيله؟؟ كنت احس روحي خدامه توني مشتغله عندهم وبيتأكد من نظافتي وكنت حيل حيل اتضايق وقالت لي وحده عادي اول الايام لازم التدقيق والحين ماصار دقيييييييييييق كلش ولا يجيك على شي ولا يطالع بالشي اذا جبته

بس سالفة كل شي يقوله لامه قوليله ان زوجي ستري وغطاي لازم تستر على عيوبي وتعدلهم بيني وبينك ودشي له من باب الدين فيه حديث بعد ماتفهمينه ان هالشي مضايقج وجذي دزي له هالمسج (( قال رسول الله صلى الله عليه وسلم: «إن من أشد
الناس عند الله منزلة يوم القيامة الرجل يفضي إلى امرأته وتفضي إليه ثم ينشر سرها ))

وسالفة ينتقدج وانتي حامل الدكتور او الدكتوره الي تراجعينها اخذي رقمها ودقي عليها وقوليلها مشكلتج قولي نفسيتي تعبانه واذا جيت المراجعه الثانيه نبهي على زوجي ان نفسية الحامل جذي والخمول والكسل شي طبيعي خليها تفهمه بدون لايحس انج ورا الموضوع

الله يعينج حبيبتي مافيه رجال كامل وعيوب زوجج بأذن الله تتعدل مع الوقت بس يبيلها شوي تصبرين

:rerrerek:
:rerrerek:

:rerrerek:

قالت اللي كنت بـ قوله و زياده
جزاها الله خير


و تحملي ياقلبي توج في البدايه و مع الايام يتغير كل شي
و الله يوفقج و يرزقج :eh_s(17): | :eh_s(22):​

 

[جمانه الكندري]

انا إسمي جمانه الكندري من الكويت عمري 15 سنه واااااااااااااااااااااااااااااااااااااايد تعبانه عندي مشكله وما عندي أحد
يساعدني ولا يوجهني ممكن وحده فيكم تساعدني

 

[جمانه الكندري]

الي بتساعدني خل تعطيني إميلها عشان أتواصل معها و أقولها كل شي إلي ودها إهي تاخذ إميلي تقولي عشان أعطيها الي بتساعدني ويا رب يكون بموازين حسناتكم

 

[رقـة الاحسـآس]

الله يسخركم لبعض

 

[الاحساس]

يبيله صبر

 

[PuPa^^SWeeT]

اول الزواج عادي


اتصير هوشات


واغلبها اطباع و عدم تفاهم و فرض الشخصية