نفسيتي تعبانه ي بنااااااات ساعدوني طلبتكم

[white soul]

يا بنات البيات في فترة الخطوبة امر عاادي عندنا في بلدنا لان العقد يتم ويا الخطوبة وتصير زوجته خلاص
وهالشي مااهو مستهجن اذا كانوا الاثنين متفقين اهم شي مايخالفون الشرع

 

[Patcholli]

حبيبتي انتي اكيد كنتي تعرفين شخصيته قبل الزواج يعني 6 سنين حدها مده كافيه عشان تعرفين اقل تفاصيله واتوقع كنتي شايفه كل عيوبه بس الحب كان عامي عيونج ..!!

حبيبتي اولا دراستج ووظيفتج لازم تحاولين باي طريقه ماتتنازلين عنهم هاذا مستقبلج وطالما وضعج مو مستقر مع زوجج لازم يكون لج شي يسندج بحياتج ..

ثاني شب بخصوص اسلوبه معاج انا اتوقع ان زوجج كان ظامن انج تحبينه وظامن انج صاينته وميته عليه ومستعده تخدمينه وتعطينه ماي عينج من جذي ارتبط فيج ترى الشباب مو بس يدرون الحب بعضهم يدور المره اللي تكونله ربة بيت وتخدمه واهو يعيش حياته ووناسته اهم شي ظامن اللمسكينه اللي قاعده بالبيت ..!!

حبيبتي بطلي عيونج لاتظيعين حياتج هالظعف ماراح يفيدج واجهي زوجج ولاتتنازلين عن حقوقج من حقج تشتغلين ومن حقج تدرسين طالما انه مقصر معاج بالطلعه والصرف ..!!

 

[كليـ دلعـ]

الزواج عن حب

فااااااااااااااااااااااااااااااااااااااااااااااااااااااااااااااااشل

فاااااااااااااااااااااااااااااااااااااااااااااشل


الا من رحم ربي !

وايد قصص قريتها عن حب ونهايتهم جذي!

استهلك كل طاقته

مافي شي يديد خلاص وصل للي يبيه وظمنج

صدقيني مافي ازواج

حبهم 24ساعه وغزلهم24 وسعادتهم 100٪

لاتنصدمين الحب والرومنسيه شي

والواقع شي ثاني!!

الفاس طاح بالراس

خلاص شبيفيد الحين

اهممم شي


الحمل لاتفكرين فيه دامج موراسيه لج ع بر

دام مومرتاحه الحمل اجليه

لاتفكرين فيه حاليا

لاتبتلشين

دراستج كمليهااا

ديري بالج يدفنج بالحيااا

دراستج كمليها ولي خلصتي

شوتيه هناك وتوظفي

منو اهو عشان يستعبدج نظفي وغسلي!

ليش وين انسانيتج

!؟

حقج وينه!؟

لاتصيرين خبله

درسي وليخلصتي

جان تعدل وارتحتي

كان بها

واذا ماتعدل خ يولي

الاهم ماربطتي نفسج بعيال يذلونج له

والاهم منه كملني دراستج وتسلحتي!!

لاتوقف حياتج ع اناني لعين

فكري بنفسج

ولاتجهدينها

 

[القطه توتو]

حبيبتي فيه فرق بين الخطوبه والزواج انتي متزوجه ولا مخطوبه يعني مملكه عقد زواج صحيح بس ماسويتي حفلة عرس بس ابي افهم علشان ارد الله يوفقك

 

[Fmzg]

حبيبتي لاترخصين بنفسج واهم شي دراستج اهو ماراح افيدج وصدقيني السنه اليايه واللي بعدها تفكيرج راح ينظج اكثر وراح اتعيشين حياتج اذا اخترتي صح حطي شروطج واولها دراستج رضى فيهم اهلا وسهلا مارضى فيهم مرده لج لانه احبج وشاريج ولو باعج بيعيه والباب يوسع جمل ديري بالج تحملين صبري شوي الين ما تستقرون واشتغلي على نفسج وشخصيتج

 

[غلآ نوآف]

اختي مايصير تعيشين عنده بدون عرس
اكبر غلط بحق نفسج
الله يهداج بس
صحيح الي صاير بينكم حلال لان بينكم عقد قران
بس مو حلوة والله بحقج

تهاونج بنفسج خلاه يتهاون فيج
ومايهتم فيج
لانج من البداية ماسويتي حق روحج قيمة عنده
ركضتي وراه ترضينه
ومافكرتي بنفسج
وكيف راح تاثر افعالج بمستقبلكم مع بعض

بالاول لازم تروحين بيت اهلج دام ماتم العرس للحين
لحفظ كرامتج وقدرج بين الناس وبنظر زوجج

ثانيا خصوصياتج واي شي يصير بينك وبين ريلج
يقبى بينكم ابدا لاتفكرين تطلعين اسرار بيتج لحد
بالذات من هم حوالينج واقاربج

اكبر غلط سويتيه

الناس ماتنسى حتى لو انحلت مشاكلكم مع بعض
ويمكن هو عنده علم لو ماقال لج شي
وماخذ بخاطره منج
ومعتبر انج ماعندج شخصية وماتحفظين اسرار داره
وتشاركين الناس فيها
والرجال يكره جدا اسراره يطلع عليها الغير

الله يصلحج بس

تعاملي بعقل معاه

وحاولي تشجعي زوجج يكمل دراسته
وكملوا دراستكم انتوا الاثنين
يمكن سبب معارضته خوف انه يكون مستواه اقل منج
وتصيرين انتي ام الشهادة وهو ابو الثانوية العامة
يخاف تطورين عليه
او تعلين وتتكبرين وتشوفين حالج

خليج سياسية
اكسبي موافقته بدون الضغط عليه
وحاولي تشجعينه يكمل هو بعد

والله يوفقكم ويصلح حالكم

 

[ام الحلوااات]

؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟

 

[_zahra]

البنات ماشالله كفو و فوا بالنصايح ومالي الا ادعيلج بالتوفيق وان شالله تتيسر امورج والله يسخره لج ويرجع احسن من قبل

 

[حلا الخليج]

القصة كلمات متقاطعه،،، لكن بعد استخدام نظرية فيتاغورس يمكن افهمها!!!!!
أختي أنتي عمرك 20 وانتي تحبينه من قبل ست سنوات يعني عمرك 14 وهو 15 !!!! وتبين زواجك ينجح
هذا ما كان حب هذا مراهقة وبعد الزواج اتضح انه مراهقة!!!
الان ما لك إلا الصبر وحاولي معاه ودخلي واحد من أهله أو أهلك من الي تثقين فيه ويقدر يثر عليه والله يوفقك

 

[سكوتي بذوقي]

دايم الزواج اللي فيه حب قبل

تكون نهايته سريعه

لأنكم عارفين بعض كل واحد يعرف طبع الثاني

يتسلل الملل لحياتكم الرجال دايم تجذبه اللي ماتعطيه وجه

اللي مايعرف عنها شي

ليش الإسلام حرم العلاقات قبل الزواج سبحان الله لحكمه

حتى لو صرتي حلاله بعد كم سنه من سنين الحب اللي بنظركم صحيح وهو محرم شرعاً

وغلطتك بعد الملكه تروحين تنامين عنده وتخلين بيت أهلك

انتي زوجته شرعاً صح بس الزواح إشهار

فرضاً انتهى منك وقال لك مابيكِ بطلقك شنو يكون موقفك

فكري بعقلك مو بعاطفتك لاتنامين عنده إلا بعد إشهار زواجكم

الله يوفقك اختي

 

[العمه جميله]

شكلج خاااقه معااااه للاخر دام انج تنامي معاه قبل الزفه لكن الله يعينج ولازم تسوي حالج انج ماتهتمين فيه جاء او راح وشوفي النتيجه

 

[العمه جميله]

شكلج خاااقه معااااه للاخر دام انج تنامي معاه قبل الزفه لكن الله يعينج ولازم تسوي حالج انج ماتهتمين فيه جاء او راح وشوفي النتيجه

 

[دندون ام عبود]

الضعف مب زين خلك قوية عشان يهابك زوجك وحاولي تكملين دراستك وتفرضين شخصيتك
بعدين ابحثي عن الاسباب الي خلت زوجك يغازل ممكناسلوبك مب حلو ماتدلعين عليه وتدلعينه لبسك مكياجك
طريقتك بالكلام ثقافتك هذي يهتم فيها الزوج
كثري استغفار واوتري بالليل انه يسخره لك

 

[عيون حسون]

مشكورين يبنات ع مروركم ،، الله يفرجها علي و ع الجميع يارب

 

[شمعة البحرين]

اختي انه بحرينية وفهمت قصدج
اكيد اغلب الخليجيات مب فاهمين عاداتنا وتقاليدنا والحين بدمونج
بس انه فهمتج لانه من نفس البيئة
حبيت اوضح لكم بنات ان احنا من ينملج علينا انطبق سنة الله ورسوله ومافي داعي البنية ماتسلم روحها لريلها ومن هلكلام عندنا
هذا الي اجوفه
حبيبتي انتي قدي وريلج بعد قد ريلي
ووله حاسة فيج كلهم هلووون
شاقولج اول الايام انتي فوق السحاب وبعدين تنصدمين
حنج قاعده تشكين حالتي بالضبط
اذا انتي استانستي في البداية انه من اول سبوعين متغير علاي ولله احلف لج !!!!
ولا ادري ليش
منبطه جبدي وبالعه موس وساكته