نفسيتي من الخدم

[العنكبوت]

مرحبا للجميع .....يمكن من فتره كتبت عن مشكلتي مع الخدم وانهم يهربون ولاني عارفه من شنو بس ودي اتشاركوني بمشكلتي وتظهرولي الاخطاء ....وتريحون نفسيتي من كثر التفكير وياريت تفهمون وضعي وشكثر انا تعبت وتريحوني بنصائحكم الكبيره ....انا من فتره مااقعدت عندي خدامه للعلم انه قبل 5سنوات كانوا الخدامات يخلصون السنتين عندي وكنت قبل عصبيه معاهم واسلوبي استفزازي وكنت اعاملها بكل جفاء انا اقول الحقيقه وادقق بكل شي ومااطوف لها الخطاء وحتي فتره راحه مافيه شغل بشغل وكانت الخدامه تخلص عندي السنتين ..بعدين صارت لي مشاكل وهربت لي اندونسيه بعد 5شهور وكان يقول لي زوجي من معاملتج واسلوبج وفعلا معاه حق بعدها اخذت هنديه عن طريق الجرايد وهذي غلطه مني اقعدت 3 شهور وهربت وكانت امخلصه اسنتين بللكويت ومادرينا عنها وتدبسنا فيها ومسكين زوجي كنت انا دايما الي اجبره عليهم ...بعدها طلبت طلب نيباليه واقعدت عندي سنه بس اخر اشهر انا كنت اتهاوش معاها لانه كانت تقط احجابها لما اطلع واتعاند وانا اتنرفز بسرعه المهم ماقصر واخذت علي كفاله المكتب هنديه ومن يوم ماجتني واهي موعاجبه الوضع بحكم انها متعلمه بعمان ودايمن كانت اتقارن ومن هذي اخدامه وانا تغيرت معاملتي لانه صارت مشاكل والله كنت اكلمها بكل احترام واجيبلها من كل شي لالولادها واعطيها راحه بعد الظهر بس هي بلااساس من جتنا مو عاجبها وضعنا يمكن لانهاكانت تطبخ وتدير بيت وانا بشقه عند حموله ...قالتلي اول ماجت انا ماابي بس انا من خوفي من زوجي قلتلها انتي زينه وانا ابيج وكنت سبحانه الله احس انه فيه شي علي انه معاملتي معاه احلي من العسل تغيرت صرت اكلمها وانا جني خايفه منها وبنفس الوقت كنت احس انها كارهتني ماادري من حكم اختلاطها بخدم البيت فكنت احس انها مو مرتاحه واتصيد علي اي شي تبليني فيه وفجاه قالتلي راسي ايعورني قللتلها اخذي بندول بس هذا الي صار افتحت الباب وانحاشت عقب 7 شهور واتهمتني اني طاقتها مع راسهاًبللطوفه ...انصدمت من هروبها لاني عاهدت زوجي بحسن المعامله وفعلا كنت متغيره حيل وهو كان يقول اناي تغيرتي بس ليش هذي انحاشت ...بعدها جبت اثيوبيه وكانت مو متزوجه بس عندها بوي افرند .... !ومن اول ماجتني وهي تقول انها جت تشتغل بللكويت واهلها مو راضين واحس من صار لها شهر وهي اتفكر بللسفر المهم جريتها بللكلام وحسيت انه متحسفه علي الشغل طبعا انا من يوم ماجبت هذي وانا اصبحت اقفل الباب الرئيسي لشغتي الصبح عقب ماتدخل واخذ المفتاح وانام فكنت احس انه مو عاجبها قفلتي للباب لانه شقتي في غرفه تجلس فيها وعندها حمام والمطبخ ...وبعد جم يوم لقيتها كاتبه علي منبه الساعه الي عندها بلانجليزي اهيت كويتين انصدمت مع اني اعاملها احسن من الهنديه لدرجة اني اسولف معاها عن ديرتها واخليها اتشوف التلفزيون بس كانت كله اتخلي الشغل لما اكون نايمين وتنام وياما تحط عليها فحست من اسلوبي اني تنرفزت من نومها وديتها المكتب بصراحه ماقصروا من زف وضربها علي الخفيف بسب الي كاتبته وردها لنا وراها اخذت معاشها وهربت..شافتوا الحظ الحين عندي اثيوبيه اول مره متزوجه وعندها اطفال وكله تبجي عليهم ولما سالتها قالت انه ماديتهم حيل ضعيفه وانها جايه للشغل علشان اتوكلهم بصراحه اهي مالها عندي الي اسبوعين الواضح انها فقيره بس انا مو عارفه اشلون اتصرف معاها وكله افكر واحاتي انها تهرب للعلم اني ماقمت اغفل الباب تعبت وخليتها متي ماقاممت قامت اهم شي وقت المدارس تقوم الساعه 6 وعقب ماتخلص من المطبخ الظهر تاخذ راحة ساعه مادري صح والا غلط للعلم انها تنام الساعه9 والحين اشتنصحوني شلون احافظ عليها واغفل الباب والا لا الله يخليكم تعبت والله

 

[Beautiful soul]

للامانه انا اشوف بنات كانهم بنات فقر مو مصدقين عندهم خدامه الا يحللون الراتب
يختي الرحمه زينه والظلم ظلمات يوم القيامه اذا انتي فيج خير اتحدادج تكرفين الكرف اللي تكرفه الخدامه
في وحده كانت تعامل الخدم اخس معامله وتظلمهم لدرجه حلفت خدامه ان ماراح تقعد خدامه في البيت عقبها ومن يومها هالمره مو مترقعه كل ماجابت خدامه انحاشت وحتى زوجها تعقد

الحين انتي عندج وحده فقيره عطيها جدول محدد واذا بيتكم فيه ضغط حاولي تخففين الضغط عليها شوي
واهم شي المعامله والاخلاق وبعدين ترا حتى احنا الخدامتين ال2 اللي عندنا من عقب المغرب او العشاء بالكثير مانشوفهم ويرقدون بدري لان نظامنا العشا خفيف او من برا مايسهرون الا اذا في عزيمه من فتره لفتره


ودايما ادعي في صلاتج عسى الله يسخرها لج ولعيالج

 

[الشامخة بوطنها]

الله يعينج قصص عن الخدم عندج بس تدرين الحين الخدم مو نفس قبل صارو يتشرطون وبعد مو عاجبهممم الله يعينا عليهم انتي صبري ع الي عندج وقولي لها اذا انتي تصيرين زينة معاي ازيد معاشج ومدحيهاا شوي وحاولي انج ماتزفينها لو حتي غلطت ترا اطباعهم غير عناا وحاولي انها ماتختلط مع الخدم عشاان مايخربونها عليججج والله يعطيج خيرها ويكفيج شرهااا