نفسيني تعبانه بعد تثقيب المبايض

[صدفه!]

السلام عليكم ورحمه الله وبركاته
بنات انا نفسيتي تعبااانه حييل وزوجي حيل كاسر خاطري وبديت اخاف يتزوج
انا سويت تثقيب المبايض شهر 7 وجتني الدوره شهر 8 وشهر 9 ماجت ولا انتظمت ومافي حمل
بنات تعبت نفسيا جربت الابر سنين وسويت منظار وما قول غير الحمدلله رب العالمين
انا اصبر وانشالله ربي بيرزقني بس زوجي واهله خلاص احس ملوو من هالسالفه
يعني هو اكبر اخوانه ويشوف الصغار تزوجو وصار عندهم بدال الجاهل 3 مايحز بخاطره :ssssso:
ياااارب يرزقني ويرزقكم قريب والله يابنات اكتب ودموعي تنزل لان جد نفسيتي تعبانه ودي افضفض لكم
وبغيت اسال منو سوت عمليه المنظار تثقيب المبايض ؟؟؟
وهل انتظمت الدوره؟؟
وهل حصل حمل ومتى؟؟
تكفووووون طمنوني

 

[مربى و قيمر]

رد : نفسيني تعبانه بعد تثقيب المبايض

الحمدلله على كل حال
والله حاسه فيج نفس الشعورالله يرزقج ويرزقنى
اكثرى من الاستغفار وحاولى تغييرين جوى
ليش ماتسوين طل انبوب
الله يرزقج

 

[صدفه!]

شدعوه بنات ماكو ردود علا الاقل دعوه في ظهر الغيب
وماقصرتي اختي مربي وقيمر ربي يجبر بخاطرج وفعلا انا افكر بهالخطوه بس علا الصيف الجاي لاني مدرسه

 

[eng-khadkhad]

اختي هددي بالج وقوليلي , انتي عندج تكيس والا شي ثاني وعند منو سويتي هالعملية وايد يهموني هالسؤالين وان شاءالله ربي يرزقج يارب عاجلا غير اجل بالذرية السليمة الي تقر عينج وراح اقولج كل الي اعرفه عن هالعملية بس بعد ما اعرف اجابتج

 

[ديرتى الكويت0]

رد : نفسيني تعبانه بعد تثقيب المبايض

اللة يرزقج ان شاءاللة ويعوض صبرج كل خير يارررب

 

[صدفه!]

ماقصرتو على الردود
اي حبيبتي سويتها في مستشفا العرف منظار لعلاج التكيسات

 

[عــود كمــبودي]

الله يرزقج يااااااااااااااااااااااارب

 

[نجاة44]

حبوبه العمليه مايطلع تاثيرها الا بعد 6 شهور وهذا كلام دكاترة
يعني احتمال تنتظم بعد 6 شهور

وفيه واجد سووها وحملو بعد 5 او 6 شهور
وترى بعدها احتمال تحتاجين منشطات مو شرط انه خلاص

 

[صدفه!]

جزاكم الله خير علا الردود
الواحد صج احيان يضعف بس مايياس من رحمه الله والشيطان شاطر يدخل الياس في قلوبنا بس رحمه الله واسعه

 

[منونتي]

الله يرزقج و يرزقني معاج

و لا بأس طهور ان شالله


رفع رفع رفع لعيونج

 

[روبينا78]

رد : نفسيني تعبانه بعد تثقيب المبايض

ياحبيبتي اكثري من الاستغفار وسورة البقره وسورة مريم والرقيه الشرعيه مهههههمه وسوي حجامه انا حملت وفيني تكيس وانصدمت لاني كنت موقفه الابر والمنشطات بس اتوقع ان السر بالرقيه الشرعيه كنت ارقي نفسي واتسبح بماي وسدر لان احلامي كانت كلها حشرات وثعابين وسبحان الله رزقني بولد.
والحين صارلي خمس شهور ماجتني الدوره من التكيسات بس اقول الحمدالله على كل حال بابدا بالرقيه الشرعيه والله كريم
الله يرزقج بهالشهر بالحمل والذريه الصالحه

 

[eng-khadkhad]

ماقصرتو على الردود
اي حبيبتي سويتها في مستشفا العرف منظار لعلاج التكيسات

اختي كتبتلج وايد بس مادري وين اختفى كلامي بس راح ارجع اقوله ..
انا عندي تكيس شديد ورحت عند دكتورة ماجدة اليتامى وقالتلي بتسويلي عملية تثقيب وانها راح تنفع معاي لانه نسبة نجاحها باذن الله سبحانه 70% وبعدها خفت رحت ورحت حق ناهدة العلي مانصحتني فيها قالت لان الكي اخر الحلول ولان فيها اضرار جانبية ولكن نسبتها قليلة وهي التصاق المبايض وقالتلي التزم بالجلوكفاج والرجيم
اختي بس انا صج تمنيت لو اني سويتها مع اني ما احب كلمة لو وهذي كتبة رب العالمين لان نسبة نجاحها اكبر من نسبة اضرارها الجانبية وان شاءالله تكون عمليتج ناجحه ونشوفج بقسم الحوامل الشهر الياي وسئلي بعد دكتورتج عن الاعراض وان شاءالله خير

 

[يالله طلبتك]

رد : نفسيني تعبانه بعد تثقيب المبايض

اصبري واتحسبي الاجر والله كريم ورحيم بعباده ... والله يرزقج الشفاء العاجل وجميع مرضى المسلمين .. امين

 

[مشغول وشاغلنى]

اختي الغاليه ارجووووووووووووووووج ارقي نفسج او دوري شيخ معروف واقري عنده والله لها تاثير كبير ان شالله

والله يجعل تالي صبرج خير ويرزقج الذريه الصالحه المعافاة

انه قريب مجيب الدعاء

 

[@ دهن العود @]

اللة يرزقج ان شاءاللة ويعوض صبرج كل خير يارررب

 

[الزمردهA]

الله يرزقج يارب ويفرح قلبج وقلب زوجج

 

[ملح الدنيا فيني]

رد : نفسيني تعبانه بعد تثقيب المبايض

حبيبتى انصحك بدكتوره هدى الزكري بمجمع سنام بحولى

ممتازه لعلاج تاخر الانجاب عن تجربه بالعايله

وشوفى خير يا طير انت ابله

راجعيها وتوكلى على الله وسوى العمليه مره واثنين وثلاث

وخل تشيك عالرحم بالمنظار

ليش ما يصير حمل والانابيب مفتوحه ولا لا

نصيحه من اخت

الدوام يعطونج اجازه اسبوعين لما ترجعينالاجنه

وسهالات حبيبتى

انا بنات خالى كلهم عندها وسوا العمليه الحمد لله

وهم مدرسات

لا تنطرين العطله


وفيه د ماجده اليتامى

عندها احسن دكتور اجنه

انت استخيري يا هدى يا ماجده

والله يوفقك

ولا تنسين الرقيا اهم شى

 

[متفائلة2010]

ياااااااحياتي والله


الله يرزقج يالغالية


حبيت ارفع موضوعج وان شاءالله البنات بيفيدونج...

 

[جنان ام عزوز]

رد : نفسيني تعبانه بعد تثقيب المبايض

والله حاسه فيح

بس الشكوه لله مابيدنا شي غير ندعي الله ونبذل الاسباب

وربي يرزقنا بالذريه اللي تملي حياتنا بالسعاده والخيــر يارب

 

[احلى سماء]

روحي اكشفي عند الطبيب على عنق الرحم

سوي كشف عن الالتهابات

ترا تمنع الحمل

وترا يمكن زوجج فيه التهاب او شي
مو لازم انتي السبب

هالعمليه تاثيرها 6 شهور وترجع التكيسات