نقلت خارجي و اتوهقت

[Winter Q8]

السلام عليكم .. شلونكم أبلات ؟

باختصار أنا قدمت نقل خارجي بسبب ظروف السكن
و طلع قراري و باشرت بمدرستي اليديدة
و حالياً صارت لي ظروف و سكنت عند اهلي بمنطقتي القديمة
و ما استفدت خير شي من النقل .. غير ان المدرسة اليديدة :eh_s(2):

المهم راجعت الوزارة قسم التنسيق و حولوني حق وكيل مساعد وزارة التربية
و كتبت كتاب بمشكلتي و ردوني لقسم التنسيق مرة ثانية . و عطوني أسبوع للرد على موضوعي ..

سؤالي حالياً هل صارلكم مثل هالموقف أو تعرفون أحد صار في نفس الشي
و قدر يلغي النقل و يرجع مدرسته القديمة..
مع العلم ما عندي واسطة و واسطتي ربي
طمنوني تراني مكتئبة و ضايقة فيني الوسيعة ..

​

 

[* أوفى الخلق *]

الله يوفقج

 

[* أوفى الخلق *]

حبيبتي انا رفيجتي كانت طالبه نقل و بعدين اندمت وطلع نقلها وقومت الدنيا وقعدتها عشان تلغيه بس ماننفعتها لا واسطه ولا بطيخ
تالي سبحان الله رضت وداومت بالمدرسه اليديده تصدقين ارتاحت فيها اكثر من القديمه <<< في النهايه الخيره فيما اختاره الله
الي ابي اوصله...... حبيبتي لا تتضايقي ولاشي بس كثري استغفار
وادعي دايما ربج اذا كان النقل خيره لج يسهله وييسره لج <<< حاسه فيج مريت بهاللموقف
والله يوفقج ويفك ضيقتج ان شالله

 

[Winter Q8]

اوفى الخلق تسلمين حبيبتي على ردج ..
الله كريم و الله يكتب اللي فيه خير ..
ادعولي بنات = (

 

[ساندريلا]

والله ماادري بس اعتقد الحين ان الكمبيوترات مبطله الله يوفقج ويكتب الي فيه الخير لج

 

[مزيـانه]

انا اعرف وحده الله يذكرها بالخير

انتقلت مدرسة ما عجبتها .. و قعدت فيها شهرين

عقب هالشهرين قدمت الغاء نقل ,, و ردت مدرستها عاااادي

بس لا تسئليني اشلوووون!! مادري

بس ما تدرين يمكن المدرسة اليديده خيرة لج

 

[:: Diva ::]

صارت فيني و لا ردوني حق القديمه

 

[أوركيد]

الله يعينج وييسر أمورج ان شاالله

عندنا روتين ممل بالتربية ..

وحده تسولف لي ..تعرف وحده دوامها بالجهراء وتزوجت راحت المنقف ..

تخيلي....

حاولت فيهم عند الوزارة ما صاار ...عقب حركت واسطتها ..

عاد ما ادري شصار عليها عقب...

لازم يكون فيه استثناءات للبنات اللي بيوتهم بعيده عن دواماتهم ...يمكن تتزوج..تتطلق...ريلها يسافر وتروح بيت اهلها ..

ليش العذاب ..والشحططه للبنات ..

 

[أوركيد]

انا اعرف وحده الله يذكرها بالخير

انتقلت مدرسة ما عجبتها .. و قعدت فيها شهرين

عقب هالشهرين قدمت الغاء نقل ,, و ردت مدرستها عاااادي

بس لا تسئليني اشلوووون!! مادري

بس ما تدرين يمكن المدرسة اليديده خيرة لج

يمكن كانت ندب مو نقل ..

 

[عمار يا كويت]

استخيري قبل اي شي وشوفي الله سبحانه شيكتب لج

 

[مزيـانه]

يمكن كانت ندب مو نقل ..

أمتنع عن التصويت

 

[عنووشه]

الله يوفقج

وماتدرين يمكن خيره واذا ما عجبتج اطلبي ندب سهل ترى ويكون من التوجيهه

 

[منال القلب]

الله يهون عليج ويفج كربتج

 

[درة أهل الطولات]

رد : نقلت خارجي و اتوهقت

الله يعييينح

 

[شـ ShOoNa ـونـا]

راح يــدقون عليج ويقلون انرفض القراااار ..
صــارت مــعاي هالسـالفه , بعد مــاسكر بـاب التــنقــلات
عطيــتهم ورقـة ان بيــتي بالعــدان و ابي نقـل خــارجي قـالوا اوكي ننظر بالموضوع
دقـوا علي بـعديـن بعد 16 يـوم و قـالوا ان القرااار انـــرفض
وان وكيــلة التــعليم والي اهي مـنى اللوغــاني ارفضت القرااار << تــفضـل

بس ان شـاء الله يــاربي حــظج يـصير احسن من حــظي

الله يــوفقج و ايــيــسر دربج حـــبـــيـــبــتي

 

[عذوق]

كلمي المراقب يندبج لمدرستج القديمه اذا يقدر اشرحي ظروفج
وان شاء الله ربي يسخره لج
الله يوفقج وييسر أمرج يارب

 

[gogona]

والله مادري بس فيه امل ان شالله وانتي شغليلج واسطه وان شالله خير وكلمي ناظرة مدرستج القديمه تطلبج بالاسم واذا ما صار تاكدي ان خيره ولا تزعلين ولا شي

 

[Dallosh]

رد : نقلت خارجي و اتوهقت

الله يعينج
بس اعتقد ان اللي مستحيل يصير بالتربية بالواسطة يصير ونص

 

[Winter Q8]

أبشركم لغيت النقل و ان شاءالله هاليومين ارجع مدرستي القديمة بإذن الله ..
اللي صار كتبت كتاب لمنى اللوغاني شرحت فيه ظروفي حولوه لقسم التنسيق و بعدين تباحثوا و وقعوا عليه كذا شخص ..بس اللي طول الموضوع انهم ضيعوا كتابي .. و الحمدلله لقوه ..
و الحمدلله ما اضطريت استأذن و لا شي الله يخلي الوالد اللي راكض لي ..
و اليوم استلمت الموافقة وديتها المنطقة التعليمية و ان شاالله بس ينزل اسمي بالكومبيوتر راح اسوي اخلاء طرف و أقب من هالمدرسة :23_asmilies-com:و احذف وراها سبع صخرات P= ..

كل شي بالدعاء ينحل ..
و شاكرة لكم وقفتكم معاي .. تسلمون ياارب ..
​

 

[يا ليل مطولك]

ونتر يا حياااااااتي مبروووووووووووووووووووووك

وفعلا كل شي بالدعاء ينحل خاصه اذا كان مع الدعاء يقين بالاستجااابه

عسى الله يووفقج وين ما تروووووحين يااااارب ويسخرلج عباده ..