نكفون ابي حل ساعدوني وربي ببجي. جنيني في خطر

[عالمي المجنون]

والله ما عندي فكرة

بجر مثلج

الله يعوضج يارب

 

[استبرق الكندري]

يارب تسمعين النبض ياعمري .. وثبت حملج يارب ​

 

[yasmeen_q8]

بصراحه نصيحتي غيري الدكتور وانا ما بين نبض الجنين عندي الا باخر الثالث

 

[توتــه]

حبيبتي انا رحت بأخر الثاني وقالتلي مافي نبض وعطتني موعد بعد اسبوعين وعطتني مثبتات عشان الدم قالت لاتاكلينهم

لما اتأكد من النبض لما جيتها بعد اسبوعين الحمدلله قالتلي لا كل شئ تمام

بس غلطت غلطة اني ما اكلت المثبتات والحين بالسادس مشيمتي نازله الله يعين بس

 

[توتــه]

وترى دكتورج شكله خرطي شنو تحليل هرموني وخرابيط انا دكتورتي قالتلي شي طبيعي مايبين النبض لان الجنين صغير والتلقيح صار متأخر باخر الشهر يعني

 

[يا عيون سمي]

عسى الله يعوضج ياااااااااارب

 

[ام عبدالله زوزو]

الله يثبتو ان شاء الله

 

[فاقده ابوهاااا]

ادعي ربج

 

[kitty eyes]

ادعي ربج

وانا بين معاي بالاسبوع السابع بس بالسونار الداخلي بس

لاني علاج واول سونار لازم داخلي يتاكد من وضع الجنين

والحمد الله

اللي الله كاتبة بيصير غصب عن الكل

الله يريح بالج

 

[Kawaii GiяL]

حبيبتي صبري العيله موزينه انتي مستعيله حدج تحاتين الاجهاض و ما نزل منج دم !! و مادري ليش متمسكه بهالدكتوووور الفااشل .. مو شرط انتي بالسابع يمكن اقل مو ضروري و كذا بنت قالت لج هالحجي
لا يضيق خلقج بالاول روحي لاكثر من دكتور
روحي حيان الاحمد مواساة
و لا مصطفى تومسو و لا حسام كمال بدار الشفاء
او اي دكتور يمدحونه البنات


​

 

[روحي82]

اييه والله كلام البناات عدل غيري الدكتوور ترا اعرف شكثر قالوا مايبين

ولا مافي نبض انتي استغفري طول هالفتره ورحي دكتور ثاني سوي تحليل حمل

وانشالله مايصير الا الخير

وتردين تبشريناا انج حاامل

ياارب يثبت حمااالج

اللهم امين

 

[afaf]

الله يثبت حملك يارب

 

[عــابــرهـ]

بنآت

انا فكرت بكلامكم قلت بسوي مثل ما قلتوا
بروح لدكتور ثاني وحده من البنات تمدح دكتور اشرف بمستشفى السلام

كلمت زوجي قلت بروح مستشفى السلام لدكتور هناك

قال اوكي ميخالف بس نطري يومين
ونشوف شصير وعقبها اوديج لدكتور الي تبينه
قلت له ماشي

عاد انا اوسوس دقيت على دكتوري قلت انا ما احس بشي لحد الحين بس كاني احس بنض في بطني قعد يضحك علي قال اي نبض الجنين صغير اوي وتحت مستحيل تحسين فيه لو فيه نبض
انتي القنين الي فيكي مش حي
لو حي بين بتحليل الدم هرمون الحمل
ده قال اوي اكتر من أربع الاف ولا فيش اي نبض قلت طيب
قال بوصي يا فلانه قلت هلا قال انتي دلوئتي تركتي المثبات يوم الاتنين صح قلت صح قال اقل بوصي اليوم الخميس او يوم القمعه انا متاكد حينزل القنين لان مش حييي اذا ما نزل بهاليومين تعالي راقعيني يوم السبت وحعملك سونار وتحليل عشان نتاكد اكتر
قلت طيب

سكرت منه التلفون

قعدت شوي قعدت احس باللام دوره قويه حيل
من قوو العوار اصرخ واضحك حيل يلويني
حسيت كانه شيء بينزل
رحت ركضت الحمام عزكم الله
ولا ينزل مني كتل دم شويه ولا ينزل
كتلت لحمه كبيره
عرض الثلاث اصابع وطول اصبعي
وكانه عليه نقط وكانه عليه نفس العروق
واطرافها لونها مو احمر لونه ثاني مايل على الاحمر بس مو احمر

قلت الظاهر الجنين نزل

خف العوار شيء بسيط

رديت احس شويت عوار ولا احس شيء يبي ينزل بين الاولى والثانيه ساعه تقريبا

رديت مره ثانيه ولا ينزل مني نفس الشكل بس عرضه اصبعين واطول من اصابعي شوي ونفس الشكل
كانه عليه نفس العروق ولون غريب معاه
وشكلها شكل ربيانه

ومن عقبها راح كل العوار

وقام ينزل مني مثل دم الدوره العادي



بس آلحمد آلله على كل حال
وعسى ربي يعوضني خير

 

[Kawaii GiяL]

بهالحاله .. حبيبتي روحي خليسونلج تنظيفات
عورتي قلبي ربي يجعله شفيع لج بالجنه اللهم اميين
يعوضج بالحمل الثابت السليم
و عرفي شنو سبب الاجهااض عشان تتجنبينه بلحمل الياي
​

 

[عــابــرهـ]

جزاج الله خير

هذآ آلي بصير

 

[بتبوتااا]

حياتي الله يعوضج ياقلبي

 

[غرقانه]

الله يريح بالك يارب

 

[om Firas]

الله يعوضج حبيبتي

 

[غرقانه]

ياعمري عليك يالله الحمدلله نزل بدون عملية تنضيف

منجد انا صارلي نفسك ياختي وكنت متزوجه لي سنتين

وماحملت يوم حملت توقف نموه وقعدت ٩ ساعات اتالم وبعدها سويت العملية

وبعد ٦ شهور الله رزقني وحملت واللحين انا خايفة يصير معي نفس

المره الاولى بس الله كريم

والله يرزقك يارب

 

[عــابــرهـ]

جزاكم الله خير


انا نصحني الدكتور ومو بس الدكتور
اغلبيت الي زاروني قالو لي نفس الكلام

اول شي هذا ربي كاتبه ولازم يصير
وثاني شي اول ثلاث شهور خليج مريحه
منسدحه بظهرج ما تحركين واجد
وثالثا العصبيه مو زينه للحامل
لانها تحرق الدم والمفيد للجنين
ورابعا الاكل الصحي

وانا اعتقد سبب اجهاضي
اني كلش ما ريحت نفسي
وثانيا العصبيه كانت بيني وبين زوجي مشاكل وكنت اعصب حيل وقعدت فتره بيت اهلي
وثالثا انا لا كنت متضايقه تنسد نفسيتي عن الاكل ما كنت اكل اكل صحي ولا شي يعني اكلي شويه مجرد سيد الجوع فقط
و رابعا اكيد هذا ربي كاتبه وصار الي صار

عسى ربي يعوضني خير
الحمد الله على كل حال