نوادي صيفيه للأولاد...خلاص الوضع لاااااااا يطاق

[سبائك]

السلام عليكم

بنات ضروري أبيكم تقولون لي عن النوادي القريبه من بيان

تكون ترفيهيه ودينيه وياريت بعد لو يتكفلون بالتوصيل؟؟

 

[هوى الدار]

سبوج ودي افيدج بس للاسف ماعرف

بس عندج القاعده الحلبيه بصباح السالم
وانا سجلت عيالي بنادي اليرموك بمشرف سباحه

وان شاءالله البنات يفيدونج

 

[* LOVE STORY *]

جنوب السرة مليانه نوادي مادري اذا يناسبج المكان ولا لا

 

[سبائك]

اهلين هوى حبيبتي

انا اخاف من حمامات السباحه ابي انشطه ثانيه

لف ستوري مشكوره بس ممكن تعطيني معلومات عن نادي انتي مجربته من قبل وارتحتي منه؟؟

 

[AFRoDiT]

النادي العلمي الكويتيوايد حلوو

وفي باصات توصيل حق الصبيان


في وااايد دورات حسب ميول عيالج
ويودونهم رحلات بعد ..

هذا غير المعارض والأنشطه اذا سويتيلهم عضويه هناك


وأي معلومات تبين عن النادي العلمي انا حاضره

 

[ضحـاوي]

والله صاجه سبوج

الوضع عندي انا بعد الوضع لا يطااااااااااااااااااااااااق

عيالي اسم الله عليهم نشاطهم زاااااااااااااااااااااايد

افروديت مشكوروووه انا من زمان كنت حابه احط عيالي بالنادي العلمي

ممكن اعرف شلون يقسمونهم حسب المراحل العمريه ؟؟؟

 

[* LOVE STORY *]

لاوالله سبوج ماجربته بس كلمتهم عندهم برامج وايد حلوة
المكان ماناسبني لأنه بحطين وآنا ابي بالمناطق الداخليه يمي أخاف على ولدي من الطريج
لأنه يروح مع السايق والتوصيل
بس داخل جنوب السرة

 

[نووووونا]

والله صاجه سبوج

الوضع عندي انا بعد الوضع لا يطااااااااااااااااااااااااق

عيالي اسم الله عليهم نشاطهم زاااااااااااااااااااااايد

افروديت مشكوروووه انا من زمان كنت حابه احط عيالي بالنادي العلمي

ممكن اعرف شلون يقسمونهم حسب المراحل العمريه ؟؟؟

حتى انا والله !!!!!!!!!!!

اخخخخخخخخخخ طق ومطاقق وللحين ما بدات العطله !!!!

ينوناااااااااااا بسم الله عليهم كل طاقتهم على بعضهم !!!!!!!

مشكوره سبائك موضوع مهم للغاااااااااايه@@

 

[سبائك]

افروديت عاد تصدقين ابوهم الله يسلمه كان من أهم أعضاء النادي بالثمانينات والتسعينات وعيزت اقوله دخلهم دايما يأجل!!!!!

شكلي بحن عليه هالمره لما يقتنع ان شاءالله:eh_s(1):

ضحاوي اهو بس لا يطاق اذا هذي بدايتها ينعاف تاليها استغفر الله قمت ادش داري واصك على عمري الباب من الصجه واللجهولا عندي حوش ينطلقون فيه خو شقه أجار الحمدلله على كل حال

لف ستوري مشكوره حياتي ما قصرتي

نجد اهلين وسهلين حياج الله وان شاءالله نلقى حل حق عيالنا يارب

 

[@Miss Dio@]

خو نومه الظهر صارت من الامنيات احنا قبل 24 ساعه بالحوش موالحين محكر بهالشقه على ما يطلع البيت الا الولد بيتخرج من الجامعه
جني شطيت عن الموضوع
صبري يومين على الجريده وبتشوفينها متروسه نوادي

 

[وافية*]

واللة صاجة الوضع كللللللش متأزم طق مطاقق وسهر للفجر يعني اللة يهديهم مانرتاح كلش
انا اليوم رحت لمدرسة الرؤية وبسجلهم بالنادي مالهم بس العصر انا بعد ودي اشغلهم الصبح عشان تتعدل نومتهم
اللة يصلحهم ويهديهم ويخليهم لنا انشاللة

 

[الام المحبه]

ا يوالله
انا بعدخوات
وايد تعبت وراسي بينفجر من الصيحة والصراخ والحنة والرنة ( خاصة وانا راعية دوام وارجع هلكانة )
ابي نادي قريب بالديرة واسعارة معقولة لان عندي ولدين فيهم طاقة وطول الوقت كرة ومكافخ ومصارعه

 

[dl3_wl3]

بس يا ريت اللي تحط نادي مجربته لان النوادي اللي بالجرايد بس تجاره

 

[بتبوتااا]

وانا بعد ابي نادي تعليمي حق ولدي عمره خمس سنين وهم ابي اسعاره مقبوله ؟

 

[AFRoDiT]

النادي العلمي ماله داعي بعد اقوللكم على مستواه التعليمي
ولا من ناحية رعايتهم حق اليهال


عندنا 3 إدارات للدورات الصيفيه

إدارة علماء المستقبل
واهي حق الاطفال
بنات من 4 الى 9 سنوات
صبيان من 4 الى 7 سنوات

إدارة الفتيات
حق البنات من عمر 10 الى 18 سنه

والإدارة الرئيسيه للأولاد
من عمر 8 سنوات الى 19 اعتقد ..

وطبعاً العضو في النادي يظل لي الـ 30 سنه عادي
وفي شباب كانو طلبه والحين مدرسين عندنا ماشالله عليهم


ويحطون الاعمار المتقاربه كلهم في كلاس واحد عشان يعطونهم منهج مناسب لأعمارهم


بقوللج بعض الدورات الي اذكرها .. بس مااقدر اتذكر الكل ماشالله وايد

كومبيوتر وانترنت , تصوير فوتوغرافي , ألعاب كيميائيه و علوم مرحه , الكترونيات , طيران , فلك , الصحفي الصغير ..


و وايد شغلات مااذكرها ..

انا دخلت اخوي الصغير دورة الكترونيات
ماشالله عليه عمره 8 سنين كل شي يصلح بالبي .. ثلاجه , أوتي , غساله .. اسم الله عليه كل شي بيده



وأي استفسار انا حاضره


و ترى مكانهم وايد هااادي
والمنطقه ماتخرع ..

والنادي العلمي يم القوات الخاصه وجمعية الشرطه ..
يعني ماكو شي يخوف الحمدلله

 

[ma7aya]

AFRoDiT أصغرشي 4سنوات؟ يعني ماياخذون 3سنوات
وبالنسبة حق عمر5سنوات شنو أنشطتهم بعد؟ لأن بنتي بمدرستها سوو دورة علوم مرحة ووايد استانست عليهم فلو تعطينا معلومات أكثر مـــشـــكوورة:tek:

 

[سفيرة العشق]

وي نفس مشكلتي محاية

انا عندي ولدين بسم الله عليهم واحد 6 سنين والثاني 3
المشكلة بأبو 3 سنين وين القاله نادي حلو ومناسب عاد هو ذكي ماشالله عليه وحركي

ابي مكان يفرغون طاقتهم فيه يردون البيت ينامووون على طول مالي خلق والله

 

[^^DADDIES GIRL^^]

امبيه الله بعينه عاللويه انا عطوني حل اكبر عيالي 4سنين والثاني سنتبن وين اوديهم تعبت بتفرغ خق بنتي 4شهور وحق روحي

 

[AFRoDiT]

بو 3 سنين .. يمكن ياخذونه على مسئوليتج , يعني تكونين انتي عارفه ان ولدج ولدج ذكي و يقعد عاجل بالصف و يتجاوب معاهم ..


محايه ..

تقدرين تدخلين بنتج .. العلوم المرحه هناك ونااااااااااااااااااااااااسه
أذكر أشوف الأبله مع اليهال بالحديقه يشرحون أخطبوط .. وتخليهم يصنعون الأخطبوط بنفسهم من الورق أو العجينه ويسوونه مثل بروش يعلقونه على ملابسهم .. ومره حضرت معاهم درس عن البراكين , وشفتهم يسوون بركان يحطون داخله ماده تفووور مثل البراكين .. وحددددددددده وناسه

 

[سبائك]

الله يعطيج الف عافيه افروديت خلاص بعزم ان شاءالله على النادي العلمي وبتوكل على الله