نوادي في حولي و الجابرية و السالمية

[CUTIE-THUG]

السلام عليكم و رحمة الله و بركاته​

بنات بغيت مساعدتكم الي تعرف اي نادي بالسالمية او حولي او الجابرية
تجاوب عل كم سؤال بس لو سمحتم مابي شامبينز او فلكس او كيرفز
و انا ميزانيتي هل فترة محدودة فياريت مايكون غالي

يلا الي تعرف نادي بهل مناطق تجاوب

1- شنو اسم النادي ؟



2- باي منطقة ؟



3-هل جربتي ولا سمعتي عنه؟



4-اذا جربتي كم تعطينه من 10 ؟



6-عندك رقمه ؟




اذا تعرفين بكم الاشتراك ؟



الي تفيدني يدعيلها فصلاتي و بقول حق امي تدعيلها :eh_s(17):

بليز بنات الي تعرف بلييييز لا تبخل علي

واللي ما تعرف ترفع الموضوع بدعوة حلوة

 

[CUTIE-THUG]

بناات شفييكم

 

[CUTIE-THUG]

اااب بناات ساعدونيي

 

[CUTIE-THUG]

ااااااااب

 

[بنوته مصرية]

البنات هنا بيمدحو في شاتو فب اللي على البحر وفيزيك اللي في السره(انا ما شفتهمش)

أنا رحت بس نادي جمعية المهندسين (بنيد القار) ..الصراحه راااااااائع بمعنى الكلمه مشكلته انه للنساء بس 3 ايام بالإسبوع واشتراكه 35 د بالشهر .. لكن فيه مسبح كبير وصالة جيم كبييييييييييره واسكواش وتنس وقاعة ايروبيك بصرحه رااااائع
لكن ما اشتركت فيه عشان موضوع انهم محددين 3 ايام بس للنساء وكمان دوامهم من 9 الصبح ل 8 باليل
وليه حبيبتي مش عاوزه تشتركي في تشامبينز القديم ؟؟؟

 

[kuwait_queen82]

1- شنو اسم النادي ؟
بيلاتس اند مور

2- باي منطقه ؟
له فرع بالسالميه و فرع بالمهبوله(الفنطاس)

3- هل جربتي او سمعتي عنه ؟
سمعت عنه من الموقع و صارلي تقريبا اسبوع مشتركه فيه و جربت حصه اليوغا و باجر عندي فحص عندهم

4-اذا جربتي جم تعطينه من عشره؟
انا في فرع المهبوله و اعطيه 7من عشره

5- اذا جربتي ممكن رقمه ؟
هذا موقعهم و موجود ارقامهم فيه http://www.pilatesandmoreq8.com/

بكم الاشتراك؟
حسب الاشترك شنو انتي تبينه شامل مع المساج حصص اعاده تشكيل الجسم انا شامل عطتنياه 60 و العضويه الاساسيه 40 و تامين 132(و تقدرين تعطينه حق عضوه و يردولج المبلغ ) يعني طلع على مع اشتراك 3 شهور 223تقريبا
وحاولي اتروحين امبجر و اخذي وحده حابه تشترك معاج يعطونج خصم حلو

 

[A L L U R E]

صارلي فترة موشابكه
بس شفت موضوعج قلت لازم ارد عليج





1- شنو اسم النادي ؟
معهد سيدتي الصحي


2- باي منطقة ؟
السالمية - شارع البلاجات (صوب مجمع شيخه وعالم المانجو ،، قبل دوار البدع)


3-هل جربتي ولا سمعتي عنه؟
سمعت عنه ورحت شفته من جم يوم وناوية اشترك فيه ان شاالله


4-اذا جربتي كم تعطينه من 10 ؟
ماشفته الا مرة ما اقدر احكم من النظر


6-عندك رقمه ؟
25719938
25719939


اذا تعرفين بكم الاشتراك ؟
الشهر 50 دينار
والـ 3 شهور 135 دينار




ادعيلي بالذرية الصالحه حبيبتي
وانه الله يسهل علي اجراءات توظيفي الي تعبتني

 

[LuLiTa]

​

​

1- شنو اسم النادي ؟
شيري لين


2- باي منطقة ؟
الجابرية عند لفه صالون البيادر ادشين هـ اللفة و اتكملين يمين لـ اخر الشارع تلقين اهو بـ اخر عمارة عـ اليسار ,, و يبين من الشارع الرئيسي عند مطعم دجاج نايف ,,,

3-هل جربتي ولا سمعتي عنه؟
جربته حليو و مجكنم ,,, مكانه بـ سرداب فيه اجهزة و حمام سباحه مجكنم و حمامات و لوكرات و عندهم كلاسات رقص شرقي بس ما اعرف اسامي المدربات ,,, ادشين االصالة مربعه و يكون على اطرافها كل الاجهزة الرياضية و بالنص في مكان فاضي اتكون فيه الكلاسات ,,,
4-اذا جربتي كم تعطينه من 10 ؟
7-8 من 10 بس ما جربت الكلاسات ,,,
6-عندك رقمه ؟
لا
اذا تعرفين بكم الاشتراك ؟
اهو ثلاث طرق للاشتراك ,,, 35 دينار بـ الشهر اذا اتحضرين 3 مرات بالاسبوع ,,,,,و جنه 45 دينار اذا بـ اتروحين بشكل يومي ,,,, و اذا ما تبين تشتركين بس اتمرين متى ما طرا على بالج تدفعين 4 دنانير بـ اليوم,,,

هذي تجربتي معاهم على سنه 2007 فـ ما ادري شنو صار عـ النادي الحين ,,,

 

[CUTIE-THUG]

مشكورين حبايبي كل الي ردو علي ماقصرتو :eh_s(17):

شكلي باخذلي لفة عل كل النوادي :eh_s(9):