نوف ومشعل>> عادت بعد 4 سنوات

[AYUMIQ8]

السلام عليكم ورحمة الله وبركاته
الى كل من قرا قصه نوف ومشعل اشكر لكم اهتمامكم ومتابعتكم , انتم لاتعلمون بمدى سعادتي عندما قرات ردودكم وكم فرحت بان هناك من ينتظر تكملتها رغم هذه االمده الطووويله لقد تاثرت بكلامكم واحببت قراءة ردودكم مرارا وتكرارا لقد احزنتني بعض الردود واغضبتني جعلتني اصب جام غضبي على كل من يقرا قصتي وكانت هذة غلطه اقسم بانني لن اكررها ابدا , واضحكني رد قارئة لم تستطع ان تمنع تخيلاتها واكملت القصه بدلا مني بالحقيقه كتاباتها لم تغضبني بل على العكس اسعدتني كثيرااا
انتم بالكاد تعرفون من انا واعتقد بان اكثركم لن يصدق بانني انا من كتبت قصة نوف ومشعل بل سيقول بانني اكذب ولست غسق

لن اطلب منكم ان تصدقوني فانا لا الومكم الملام الوحيد هنا هو انا ولكني اريدكم ان تعطوني فرصه اعوضكم عما فعلته وسانزل اخر فصل كتبته وساكتب الباقي وكل ما اريده منكم هو تنشروا القصه كامله هذا كل ما اترجاه منكم سوف انتظر ردودكم وارى اذا ما زلتم تريدون باقي القصه او انكم نسيتموها ان هذه القصه تعني اللي الكثير
سانتضر ردودكم على هذه الصفحه وكما وعدت برشولنيه بانني سوف اكملها لها وسافي بوعدي وسانزل القصه هنا
ويسعدني تواصلكم :eh_s(8):
ودمتم سالمين

 

[Prίηςësş ツ]

اللله واخيرا في تكمله
هياااااااااااااااااااااااااااااااا
يب كمليها بليييز
وبلييز لا تتأخرين بالتنزيل
ويسعدني اكون اول من يرد ع الموضوع

 

[مريوم]

ونااااااسه ناطرينج حبيبتي ولاتطولين علينا

 

[ماريه كامبل]

قوه. اشلونكم شخباوكم. شنو في جزء. اول؟ولا شنو السالفه؟اللي فيها تكمله. بليز قولولي عشان أتابع معاكم

 

[~لولؤ الدميلآا~]

مشعل اللي اخوانو راشد وطلال :080402ask_prv::080402ask_prv:



نستنااااكي :ggdw:

 

[MiSs^^3OoBa]

نااااطررينج
حياتي
ماصدقت اللصرااحه
لاتطولين علينا ^__*
نورتي ..المنتدى،،:*

 

[ي ملححححي :$]

نااااااااطرررينج لو عششر سنين <<< قويه هع
يسلم تقبلي مرووري

 

[AlZayn]

Wow!!!!!
Finaallyyyyyy
Hathe awal ruwaya agraha!!!!
W 9ej wayd 7elwa!!
Please pleaseeee nazleha b'asra3 wakt
Na6reench!

 

[Ruwaishdawya]

ونااااااااااااسسسهه :eh_s(9)::eh_s(9)::eh_s(9)::eh_s(9):
ليلحيين موو نااسيهه الاحداث
ناطريينج :ggdw:

 

[ي ملححححي :$]

اب اب اب اب ننتظرج يالغلا

 

[ماريه كامبل]

اممممم .شنو اسم الروايه اللي قبل؟ عشان اقرأها .واكمل هالروايه

 

[ي ملححححي :$]

نوف ومشعل اسمها لا طوووفج والله ماراح تندميين لو قريتها لانها صج تستاااهل

 

[AYUMIQ8]

اشكر لكم تواصلكم وانا ودي انزل القصة للبارت لاخر بارت كتبته بس ما اعرف اسوي ملف مضغوط
عشان جذي بنزل اخر بارت كتبته واذا في وحده تعرف تخليه ملف مضغوط اكون لها من الشاكرين
وما را اطول عليكم وهذا البارت الثالث عشر بحطه بمندى كويتيات حصريااااااا :eh_s(7):
ومثل ما اقول دايما
يســــــــــــــــــــعدني تــــــــــــــــــــواصلكم :eh_s(7):

 

[AYUMIQ8]

[font=&quot]دخلت شوق البيت واهي تركض على البنات والفرحه مو سايعتها وحضنت عبير لانها الوحيده اللي طلعت بوجهها ...[/font]​

[font=&quot]شوق: مبرووووك مبرووووك على صدور الحكم...[/font]​

[font=&quot]عبير: الله يبارك فيج يا قلبي وين كنتي؟..[/font]​

[font=&quot]شوق: كنت مسيره على اهلي... اشوف امي اذا نقصها شي وبعدها مريت الجامعه... وتهاوشت مع العميد...[/font]​

[font=&quot]عبير: اوه لا تقولين عشان ما في مواد؟...[/font]​

[font=&quot]شوق: لا وانتي الصاجه عشان نوف؟... الا هذي وينها انا متحلفه عليه...[/font]​

[font=&quot]عبير: خير عسى ما شر؟...[/font]​

[font=&quot]شوق: بعدين بتعرفين وين نوف؟...[/font]​

[font=&quot]عبير: بالمطبخ...[/font]​

[font=&quot]راحت شوق للمطبخ واهي معصبه واول مادخلت صارخت بعصبيه من غير ما تنتبه لوجود مشعل...[/font]​

[font=&quot]شوق: نوف ووجع...[/font]​

[font=&quot]نطت نوف من الخرعه ولفت وجهه الا تشوف شوق واقفه وراها ومسكت نفسها لما شافت مشعل قاعد...[/font]​

[font=&quot]نوف: شوق؟.. اشفيج الله يهداج وقفتي قلبي...[/font]​

[font=&quot]شوق: وقفت قلبج؟... زين شتقولين عني انا؟... انا خليت العميد يكرهني وخليته يحلف علي ويتوعد فيني بسبتج ؟...[/font]​

[font=&quot]نوف: اوف بسبتي ليش؟...[/font]​

[font=&quot]حذفت شوق الاوراق على الطاولة لما شافتهم نوف انتبهت لهم وبسرعه حاولت انها تخفيهم عن مشعل لكن مشعل انتبه لردة فعل نوف وعرف انها ماتبيه يشوفهم فأخذ لمحه سريعه على الاوراق وقرى المكتوب وقال بدهشه...[/font]​

[font=&quot]مشعل: وقف قيد؟....[/font]​

[font=&quot]غمضت نوف عينها من قوة صراخ مشعل... مسك مشعل ايد نوف وسحب الاوراق من ايدها وتفحصهم وعرف ان نوف موقفه قيدها لهذا الكورس عصب عليها مشعل ولف وجهه وشافها منزله راسه وكأنها مستعده لكلامه...[/font]​

[font=&quot]مشعل: انتي من صجج؟... توقفين قيدج؟... ليش؟...[/font]​

[font=&quot]نوف بتوتر: أ...أ...ا انا ما ابي... أقصد ما اقدر ادرس هالكورس؟..[/font]​

[font=&quot]مشعل: ليش بالله؟...[/font]​

[font=&quot]رفعت نوف راسها وقالت له بتحدي...[/font]​

[font=&quot]نوف: لاني ما اقدر اتعامل مع نفسيتي بالوقت الحالي...[/font]​

[font=&quot]مشعل مستغرب: هاه؟... [/font]​

[font=&quot]نوف: اي انت سمعتني... حاليا انا امر بضروف ما راح تساعدني بالدراسه... ما اقدر اتعامل مع كل هالضغط ...[/font]​

[font=&quot]مشعل: اي ضغط اللي تتكلمين عنه؟...[/font]​

[font=&quot]لفت نوف وجهها وكأنها تتحاشى رده ونظراته...[/font]​

[font=&quot]نوف: وفاة ابوي...[/font]​

[font=&quot]مشعل: انتي مو اخر وحده ولا اول وحده ابوها يموت وبعدين الحياة تستمر تكمل دورتها ما توقف بعد وفاة ابوج... ولا انتي تبين تقعدين لي كورس كامل حاطة ايدج على خدج وتبجبجين وتتذكرين ايام ابوج وتقفلين على عمرج الباب؟... اقول نوف انا ما يمشي معاي هالكلام هذا.... انتي فاهمه؟...[/font]​

[font=&quot]نوف: مشعل انت لازم تراعيني انا ما اقدر اركز على دراستي وانا تحت كل هالضغط...[/font]​

[font=&quot]مشعل: شكلج فاشله وماخذه وفاة ابوج عذر لفشلج... [/font]​

[font=&quot]شوق: جان زين... بس نوف من المتفوقات ودايما تاخذ اعلى المعدلات نوف شاطره حيل بالدراسه حرام تضيع عليها كورس...[/font]​

[font=&quot]نوف: شوق توقعتج بتراعين ظروفي....[/font]​

[font=&quot]شوق: انا اكثر وحده من تراعي ضروفج... لكن عمي ناصر وصاني عليج وكان يدري انج بتسوين جذي لانج وقفتي قيدج من قبل على وفاة بدر...[/font]​

[font=&quot]نوف بضيق: اشفيكم ليش محد فاهمني... انا قلت لكم ما اقدر اكمل دراستي بهالوقت انا احس بضغط ....[/font]​

[font=&quot]طق مشعل بأيده بقوه على الطاوله وصارخ على نوف بعصبيه...[/font]​

[font=&quot]مشعل: وشنو هالضغط اللي تتكلمين عنه...[/font]​

[font=&quot]سمعوا البنات صوت مشعل العالي وراحوا للمطبخ...[/font]​

[font=&quot]عبير: خير؟... عسى ما شر؟... [/font]​

[font=&quot]ابتسام: شصاير؟..[/font]​

[font=&quot]كان واضح من شكل مشعل انه معصب على نوف وان الشرار يتطاير من عينه.. لف مشعل وجهه وشاف ابتسام وقالها بعصبيه..[/font]​

[font=&quot]مشعل: ابتسام اخذي الكل واطلعوا بره...[/font]​

[font=&quot]من غير اي مناقشات ولا اي حرف زياده اخذت ابتسام خواتها وشوق وحتى روزا وطلعوا من المطبخ... كانت نوف خايفه انها تكون لحالها معاه لانها تعرف من نظراة مشعل انه ناوي على الشر... صارت نوف تكلم نفسها من كثر الخوف...[/font]​

[font=&quot]نوف لنفسها: لا لا تروحون... لاتخلوني لحالي معاه... تكفون لا تروحون... شوق لا تروحين مو انتي اللي فتحتي الموضوع الحين تخربينها وتطلعين.. لأ لأ روزا حتى انتي ... ابي ابوووووي....[/font]​

[font=&quot]كانت نوف بنظراتها تترجى خواتها انهم يقعدون او حتى ياخذونها معاهم لفت نوف وجهها عشان تشوف مشعل ولما شافته خافت اكثر وحست ان قلبها طاح ببطنها... كان مشعل قريب منها لدرجه انه كان منزل راسه عشان يشوفها... كانت نظراتة مليانه غضب وتعب بنفس الوقت... قدرة نوف تشوف هالات التعب اللي انرسمت على وجهه... حاولت نوف انها تتكلم لكن الحروف ضاعت منها... [/font]​

[font=&quot]تكلم مشعل بهدوء لكن واضح التهكم من صوته وعاد نفس السؤال...[/font]​

[font=&quot]مشعل: وشنو الضغط اللي تتكلمين عنه...[/font]​

[font=&quot]حاولت نوف انها تبتعد عنه وردت عليه بخوف والحروف تضيع منها...[/font]​

[font=&quot]نوف:...أ...أ... مشعل... تكفى حس فيني انا ...مضغوط...[/font]​

[font=&quot]مشعل مقاطع: لا تقولين لي هالكلمه مرة ثاني... تراني ساكت عنها لو تبين تتكلمين عن الضغط خليني انا اعلمج اهو شنو....[/font]​

[font=&quot]سمع ناصر الصراخ ودخل للبيت وشاف البنات لازقين عند باب المطبخ يتسمعون فشاف ابتسام وسألها...[/font]​

[font=&quot]ناصر: شصاير؟..[/font]​

[font=&quot]ابتسام: مو صاير الا كل خير...[/font]​

[font=&quot]ناصر: شهالصراخ هذا؟...[/font]​

[font=&quot]ابتسام: مشعل قاعد يزف نوف...[/font]​

[font=&quot]ناصر: شنو؟.. انتي من صجج؟...[/font]​

[font=&quot]بغى ناصر يدخل المطبخ بس ابتسام وقفته ووقفوا البنات جدام ناصر يمنعونه...[/font]​

[font=&quot]ابتسام: ناصر لا تدخل ترى نوف تستاهل اللي يصير لها...[/font]​

[font=&quot]غدير: تصدق انها راحت الجامعه ووقفت قيدها من ورانا...[/font]​

[font=&quot]سمعوا كلهم صوت مشعل واهو يزف نوف...[/font]​

[font=&quot]مشعل: شتقولين عني انا اللي شايل مسؤوليتكم وشغل عمي ناصر وقضايا عمي مبارك وفوق كل هذا شغلي... شتقولين عني انا اللي ما ذقت طعم النوم من 3 ايام وعقلي يفكر 24 ساعه في 24 ساعه... وكل تفكير عنكم ولكم...[/font]​

[font=&quot]نوف بعصبيه: وانا ليش كل ما قلت شي عني قلبته عليك... ما الومك لانك مو حاس باللي انا حاسته... لان ابوي اللي مات مو ابوك ولا انت شدراك بألم فقدان الاب....[/font]​

[font=&quot]خبطت نوف بالطوفه اللي وراها اهي كانت تتكلم وترد لورى تحاول انها تبتعد عن مشعل...عصب مشعل على تعليق نوف حاول انه ما يمد ايده عليها لكن للاسف ماقدر بكل قوه وبقبظة ايده طق مشعل الطوفه... عند راس نوف بالضبط... غمضت نوف عينها من الخوف وفتحتها واهي منصدمه توقعت ان الطقه لها لفت نوف وجهها ببطئ وشافت ذراعه مشدوده وشافت الطوفه اللي تصدعت من طق مشعل رفعت نوف عينها وشافت مشعل وقالها بكل عصبيه وصك على اسنانه...[/font]​

[font=&quot]مشعل: عمي ناصر كان ابوي والوحيد اللي ادين له بحياتي هذي كلها...اذا انتي تبجين لانج خسرتي ابوج فانا خسرت الشخص اللي ساعدني ومسك بايدي وصار لي اكثر من ابو.... خسرت الانسان الوحيد اللي اقدر احط راسي على كتفه الانسان الوحيد اللي كان يفهمني الانسان الوحيد اللي كان ممكن يوقف على قبري والانسان الوحيد اللي ممكن يتألم لالمي عمي ناصر بالنسبه لي اكثر من مجرد ابو....[/font]​

[font=&quot]ترقرقت عين نوف وحست ان دموعها بتنزل منها لكلماته... ابتعد مشعل عنها وعطاها ظهره وقال لها بصوت هادي...[/font]​

[font=&quot]مشعل: انتي دايما تفكرين بنفسج ونسيتي اللي حوالينج... انتي الحين ما فكرتي بأمج التعبانه ما فكرتي بخواتج شلون بيتزوجون.... منو اللي بيوديهم لازواجهم, منو اللي بيزوجج وبيزوج ساره ما فكرتي شلون بتوقفين على رجولج وتتصدين لعمي مبارك لحالج... ما فكرتي انها مسألة وقت وبطلع من حياتكم... [/font]​

[font=&quot]نوف بصدمه: شنو؟..[/font]​

[font=&quot]مشعل: اي... انا بس اتطمن على مستقبلكم وازوج خواتج كلهم وتتخرجين من الجامعه واتطمن انج استلمتي شهادتج وبسافر مرة ثانيه للندن... [/font]​

[font=&quot]تضايقة نوف من كلام مشعل... اهي ما تضايقت من رده واسلوبه اللي ضايقها معرفتها انه بيروح عنهم... فعلا اهي كانت تبي مشعل يطلع من حياتهم نهائيا وماتبيه يتدخل بحياتها... لكن في شي داخلها حس بنوع من خيبة الامل والخوف...[/font]​

[font=&quot]حاولت نوف انها ترد او تقول اي كلمه تعارض فيها مشعل لكنها اكتفت بالصمت...[/font]​

[font=&quot]مشعل بحزم: راح تروحين باجر وتلغين وقف القيد وراح تدرسين هالكورس و بتجيبين اعلى المعدلات وجدولج ما يقل عن 15 وحده...[/font]​

[font=&quot]سكت مشعل يبي يسمع رد نوف لكنها ما ردت لف وجهه وشافها... انتبهت نوف لحركة مشعل و وهزت راسها موافقه على كلامه...[/font]​

[font=&quot]مشعل: ابي اسمعها...[/font]​

[font=&quot]ردت نوف بصوت متوتر لكن حاولت انها ما تبين لمشعل انه كسرها او ينتصر عليها اهي تشوف كل مجادله بينها وبين مشعل مثل الحرب والحرب اللي بينهم ما تنحل بالتعادل اما غالب او مغلوب....[/font]​

[font=&quot]نوف: انا راح ادرس بس عشان اتخلص منك باقرب وقت واذا قدرت اخذ 20 وحده هالكورس راح اخذ وباخذ صيفي وبتخرج بسرعه عشان اتخلص منك...[/font]​

[font=&quot]بصراحه تفاجأت نوف لردها كل هذا الكلام طلع غصبن عنها اهي ما كنت بتقول ولا حرف من هالكلام ما تدري شلون طلع... حتى مشعل انصدم من ردها اهو توقع ان نوف كانت تكن له بعض من المشاعر لكن هذا كله ضاع وتبخر من كلماتها له...[/font]​

[font=&quot]بلع مشعل ريقه بقوه ورفع راسه وقالها بصوت قوي...[/font]​

[font=&quot]مشعل: يعني اتفقنا...[/font]​

[font=&quot]مشت نوف بخطوات سريعه وبغت تطلع من المطبخ الا يوقفها مشعل... مسكها مع ذراعها بقوه وقالها بصوت خفيف قريب من الهمس واهو يقرب من اذنها...[/font]​

[font=&quot]مشعل: والهدنه اللي بيني وبينج بتكون جدام خالتي... انتي فاهمه..[/font]​

[font=&quot]بعدت نوف ايدها عنه بقوه وقالت له ...[/font]​

[font=&quot]نوف: بس جدام امي...[/font]​

[font=&quot]طلعت نوف من المطبخ وانتبهت لوجود خواتها وكان ناصر معاهم... كان واضح على ملامح وجه الضيق فراح لها وسألها...[/font]​

[font=&quot]ناصر: شسوى... عسى مد ايده عليج ترى والله اكسرها...[/font]​

[font=&quot]نوف: ما سوى شي...[/font]​

[font=&quot]ما كان لها خلق انها ترد على احد شافت ناصر واعتذرت له وصعدت دارها... دخلت ابتسام على مشعل وشفته متضايق من الكلام اللي قالته نوف...[/font]​

[font=&quot]ابتسام: مشعل ما عليك منها تراهي صغيره وكل شي تاخذه بالعناد...[/font]​

[font=&quot]شاف مشعل ابتسام وواضح على عينه التعب وقالها[/font]​

[font=&quot]مشعل: ابتسام انا تعبان بنام... ما اقدر انام بالدوانيه.. الرياجيل قاعدين فيها[/font]​

[font=&quot]ابتسمت له ابتسام وقالت له..[/font]​

[font=&quot]ابتسام: الحين يجي دور الغرفه اللي سوينها لك... قوم خليني اوديك...[/font]​

[font=&quot]طلعت ابتسام من المطبخ ومشعل وراها وشاف بطريجه ناصر واهو يشوفه بعصبيه من ردة فعل مشعل العشوائيه ابتسم له وكمل طريجه... فتحت ابتسام الباب ودخلت فتحت التكييف ومن غير ما ينتظر مشعل ابتسام عشان تطلع بره حذف نفسه على السرير من كثر التعب تنهد... وقبل لا تطلع ابتسام من الغرفه تعدل مشعل وكلمها..[/font]​

[font=&quot]مشعل: ابتسام...[/font]​

[font=&quot]كانت ابتسام عند الباب بتطلع والتفتت عشان ترد عليه..[/font]​

[font=&quot]ابتسام: هلا..[/font]​

[font=&quot]مشعل: انتي تراضيتي مع رجلج..[/font]​

[font=&quot]ابتسمت ابتسام لمشعل اللي مو قادر يفتح عينه من التعب...[/font]​

[font=&quot]ابتسام: اي تراضينا وبروح معاه اليوم للبيت...[/font]​

[font=&quot]مشعل: الحمد لله... بس لا تروحين معاه الحين...[/font]​

[font=&quot]ابتسام مستغربه: ليش؟...[/font]​

[font=&quot]مشعل: ابي اعلم نوف درس...[/font]​

[font=&quot]ابتسمت ابتسام ودخلت وصكت الباب وقالت لمشعل بابتسامه خبيثه...[/font]​

[font=&quot]ابتسام: وشنو الدرس؟...[/font]​

[font=&quot]بعد مده اطلعت ابتسام من الغرفه وتمنت لمشعل نوم عميق وطلعت اما مشعل من اول ما قلت ابتسام احلام سعيده واهو غاط بالنوم...[/font]​

[font=&quot]طلعت ابتسام تكلم رجلها...[/font]​

[font=&quot][/font]

 

[AYUMIQ8]

[font=&quot] طلع يوسف من الديوان وسلم على خالد ورد لبيته واهو بالطريج رن تلفونه وكان المتصل حمد..[/font]​

[font=&quot]حمد: هاي جوزيف...[/font]​

[font=&quot]يوسف:ههههه هلا والله بولد سويسرا... الا انت متى بترد...[/font]​

[font=&quot]حمد: انا بالمطار... وماعندي اللي ياخذني...[/font]​

[font=&quot]يوسف: افا تجي الكويت وما تعطيني خبر بالله انا بغيت شي من سويسرا ما تجيبه لي؟.. [/font]​

[font=&quot]حمد: والله ما اجيبه... يكفي شغل مشعلوو...[/font]​

[font=&quot]يوسف: اوف شكلك معصب عليه... [/font]​

[font=&quot]حمد: انا بس اشوفه والله ما اخليه... الولد مطرشني عشان اجيب شغله خلاني ولا دق علي ولا حتى عبرني...[/font]​

[font=&quot]يوسف: على الاقل انت شغل انا مطنشني وما عبر بالقضيه والله لولا ولد خال البنات كنت راح اضيع..[/font]​

[font=&quot]حمد: الا شصار على القضيه؟....[/font]​

[font=&quot]يوسف: ربحناهااااااااااااااااا....[/font]​

[font=&quot]حمد: مبرووووك مبروووووك... امانه شنو شعورك وانت ربحان اول قضيه...[/font]​

[font=&quot]يوسف: تتطنز انت وشكلك... زين شوف منو اللي بيجيبك من المطار...[/font]​

[font=&quot]حمد: لا يبا تكفى انا محتاجك لاني بغيت اعطيك امانه مشعل....[/font]​

[font=&quot]يوسف: وليش تعطيني اياها... مو مشعل مأمنك عليها؟...[/font]​

[font=&quot]حمد: انت تعال وراح تشوفها بنفسك...[/font]​

[font=&quot]صك يوسف التلفون مع رفيجه وراح المطار... واول ما وصل لقى حمد ياشر له من بعيد وبسرعه فتح الباب الخلفي لسيارة يوسف وحط الاغراض داخل وشوي الا يطلع ولد صغير من ورى حمد دخل السياره وصك حمد عليه الباب...[/font]​

[font=&quot]كان يوسف مستغرب لف وجهه وشاف الولد الصغير كان تقريبا عمره 5 او 6 سنوات... دخل حمد السياره وقال ليوسف...[/font]​

[font=&quot]حمد: توكل على الله.. [/font]​

[font=&quot]يوسف: منو هذا...[/font]​

[font=&quot]لف حمد على يوسف ومسك وجه يوسف وعدله ...[/font]​

[font=&quot]حمد: لا تخز الولد جذي... تراك بتصرعه.... انت حرك وانا اقولك السالفه...[/font]​

[font=&quot]ساق يوسف السياره وناطر حمد يتكلم...[/font]​

[font=&quot]حمد: الله يسلمك هذا امانة مشعل...[/font]​

[font=&quot]نسى يوسف نفسه ولف على الولد بصدمه ونسى انه كان يتحكم بالسياره ولف فيها ومسك حمد المقود بقوه وعدله وصارخ على يوسف...[/font]​

[font=&quot]حمد: انت اشفيك؟... [/font]​

[font=&quot]وقف يوسف السياره ورد على حمد بعصبيه وقاله ... [/font]​

[font=&quot]يوسف: عسى هذا ولد مشعل؟... [/font]​

[font=&quot]الولد خاف من صراخ يوسف وبدى يبجي فلف حمد وجهه وكلم الولد عشان يهديه... وبعد ما سكت الولد رد حمد على يوسف بعصبيه...[/font]​

[font=&quot]حمد: انا قلت لك لا تخوف الولد والحين انت تصرخ بوجهه... اشفيك انت؟..[/font]​

[font=&quot]يوسف بنفاذه صبر: حمد تكفى رد علي قولي هذا ولد منو؟..[/font]​

[font=&quot]تنهد حمد وعدل قعدته وقال ليوسف بهدوء...[/font]​

[font=&quot]حمد: ما أدري...[/font]​

[font=&quot]يوسف: شتقصد بمادري؟.... حمد انت مو رايح تجيبه يعني تبي تفهمني انك خاطفه...[/font]​

[font=&quot]حمد: يوسف اشفيك علي انا ترى مثلك ما اعرف هذا ولد منو سويت اللي قاله مشعل وبس...[/font]​

[font=&quot]يوسف: انا اسف بس... كنت... خايف انه يكون ولد مشعل...[/font]​

[font=&quot]ابتسم حمد ليوسف وقاله مطمئن...[/font]​

[font=&quot]حمد: لا تخاف مشعل عمره ما يسويها وبعدين الولد عمره 5 سنوات يعني لو تتذكر احنا وين كنا قبل خمس سنين راح تتأكد انه مو ولده...[/font]​

[font=&quot]يوسف: ولله انت تبيني اتذكر انا وين كنت قبل 5 سنين؟...[/font]​

[font=&quot]طق حمد يوسف على راسه وقاله بعصبيه وقاله...[/font]​

[font=&quot]حمد: اشلون تنسى اهم سنه بحياتنا؟.... هذي السنه اللي بدينا فيها مشروعنا... احنا الاربعه انا وانت ومشعل وسالم... تذكر...[/font]​

[font=&quot]يوسف: اوه بلى تذكرت حزتها كنا ما نتحرك من الشركه وكنا ننام فيها بعد... اي صح اذكر...[/font]​

[font=&quot]حمد: وكان مشعل اهو الوحيد اللي يشتغل اكثر منا... شلون نسيت؟؟..[/font]​

[font=&quot]يوسف: ايه بلى اذكر اننا ما كنا نطلع من الشركه ابد... كنا جاديين بشغلنا... يووووه منو كان ممكن يصدق اننا انجح رجال الاعمال في اوروبا؟...[/font]​

[font=&quot]حمد: اي والله ترى حتى اهلي بالبيت مو مصدقين اني رجل اعمال ناجح كل ما تكلمت لهم عن الشغل قالولي متى تحدر البر...[/font]​

[font=&quot]ضحك يوسف وقاله..[/font]​

[font=&quot]يوسف: يوه تصدق حتى انا... يمكن مو مبين علينا اننا رجال اعمال... اشكالنا توحي بالقنص والحداق[/font]​

[font=&quot]حمد: ههههههههه.... صاج والله.... اقول يوسف.... انا جوعان ابي اكل....[/font]​

[font=&quot]يوسف: على هالخشم ما طلبت شي.... في مطعم ايطالي جديد اشرايـ....[/font]​

[font=&quot]حمد مقاطع: لا تكفى انا ما ابي اكل اجنبي ابي اكل مجبوس لحم, برياني, سمج مقلي, ابي احس اني اكل...[/font]​

[font=&quot]شاف يوسف حمد بنظره خوف وقاله...[/font]​

[font=&quot]يوسف: ليش انت شكنت تاكل هناك؟...[/font]​

[font=&quot]حمد: والله مدري على كثر ما اكل ما اشبع... على العموم انا بروح معاك للمطعم عشان نتفق منو اللي بيحتفظ بالولد...[/font]​

[font=&quot]يوسف: انت من صجك بتخليه عندي؟..[/font]​

[font=&quot]حمد: شوف يا يوسف ترى مشعل ما يدري اني رديت بس انا اضطريت ارد عشان صار شي بالشغل خلاني اضطر اني ارد وما ابي اضغط على مشعل... اهو توه مخلص من قضية البنات وشغل عمه وفوق كل هذا تبيني اودي له الولد بهالوقت مهما كان اراعي ضروفه...[/font]​

[font=&quot]يوسف بعصبيه: لكن ما تراعي ضروفي انا.... [/font]​

[font=&quot]حمد: يوسف الله يخليك ساعدني شوي انا وين بخليه عندي... بيتي فاضي وما فيه احد اهلي مسافرين واذا كنت متزوج كنت حذفته على مرتي...[/font]​

[font=&quot]يوسف: ههههههه والله بتحذفك وياه...[/font]​

[font=&quot]حمد: هههههههه صاج والله انا احس اني تدبست بالولد تكفى يا يوسف اخذه... ترى تكفى تهز رجال...[/font]​

[font=&quot]يوسف: تراني رجال غصبن عنك... بس براعي ضروفك وبخليه عندي وبنشوف اخرتها معاك...[/font]​

[font=&quot]رحوا يوسف و حمد للمطعم ولما اقعدوا وطلبوا فتح حمد موضوع ليوسف وكان واضح عليه خوفه وقلقه من ناحيه هالموضوع...[/font]​

[font=&quot]حمد: يوسف بقولك شي؟... انا من اول ما رديت كان ودي اقوله لك...[/font]​

[font=&quot]يوسف: قول شصار؟... شكلك ما يبشر بالخير...[/font]​

[font=&quot]حمد: اي والله السالفه ما تبشر بالخير ابد... جد مشعل بدأ حملته من جديد للبحث عن حفيده...[/font]​

[font=&quot]يوسف بصدمه: شنو؟... من متى هالكلام؟...[/font]​

[font=&quot]حمد: انا لما رحت سويسرا كلمت واحد من الربع هناك وقالي عن اخر الاحداث اللي صارت واستغربت من كلامه و ما صدقته الى ان شفت بنفسي ان الحمله اللي مسويها جد مشعل منتشره بأروبا وشكله ناوي يطلع مشعل من تحت الارض... [/font]​

[font=&quot]يوسف: واحنا شنو نقدر نسوي؟.... اذا جده لقاه ممكن يصير شي اكبر مني ومنك... [/font]​

[font=&quot]حمد: انا بعرف مشعل ليش خايف ان جده يلقاه اهو شنو فيه؟...[/font]​

[font=&quot]يوسف: ما ادري لكن ام مشعل الله يرحمها وصة العم ناصر الله يرحمه انه ينحاش وما كانت تبي ابوها يعرف اي شي عن ولدها والعم ناصر الله يرحمه اخذ وصية ام مشعل الله يرحمها ونفذها وعطى مشعل لرفيجه امه عشان تنحاش فيه.. الله يرحمها...[/font]​

[font=&quot]تضايق حمد من كلام يوسف فرد عليه بعصبيه...[/font]​

[font=&quot]حمد: اووووف.... خلاص فضها سيره.... هذا مو وقت نتكلم عن الاموات فيه.... الله يرحمهم جميعا... المصيبه ان اي احد يساعد مشعل يموت.... الله يستر علينا هالولد مو طبيعي...[/font]​

[font=&quot]يوسف: هههههه الله يقطع ابليسك ...بس يلا خلينا ناكل وصل الطلب.... [/font]​

[font=&quot] [/font]​

[font=&quot].....................................[/font]​

[font=&quot]كانت نوف بدارها تبجي تضايقت من الكلام اللي قاله مشعل اهي ما زعلت لانه زفها ولا صارخ عليها على العكس... اللي زعلها انه بيروح ويخليهم, تخيلت نوف حياتهم من دونه شلون بتكون صعبه وبسرعه غمضت عينها حاولت تطرد الفكره من راسها وحاولت انها تنام....[/font]​

[font=&quot]قامت نوف وشافت ساعتها كانت تأشر على 5 ونص الصبح بسرعه قامت توضت وصلت الفجر ولبست ملابسها وركبت سيارتها وحركتها... كانت نوف تتحرك بشكل الي.. مثل ما تكون مخططه شنو راح تسوي اول ما تقوم من النوم... واهي بالطريج استوعبت انها نست تلفونها بالبيت... اهي ما اهتمت وكان كل اللي براسها انها تروح وتسحب وقف القيد... تسالت نوف بينها وبين نفسها وصارت تكلم نفسها بالسياره....[/font]​

[font=&quot]نوف لنفسها: انا شقاعده اسوي؟... ليش رايحه اسحب وقف القيد؟... ليش يهمني رضى مشعل؟... [/font]​

[font=&quot]ردت نوف على نفسها تجاوب اسألتها وكان صوتها عالي بالسياره تحاول انها تقنع نفسها بشي اهي اصلا عارفته لكن تتجاهله...[/font]​

[font=&quot]نوف لنفسها: اوف اصلا انا اسوي جذي لنفسي وبعدين منو مشعل هذا اللي يهمني رضاه باطقاق اللي يطقه انا بدرس لنفسي و ماراح احتاجه وراح اثبت للكل اني ما احتاجه ولا راح احتاج احد غيره....[/font]​

[font=&quot]رد الصوت الثاني لنوف صوت ضميرها والصوت اللي يكلمها براسها...[/font]​

[font=&quot]نوف لنفسها: صج انج غبيه.... ليش مصره انج تنكرين حاجتج له.... نسيتي البجي امس وشلون تضايقتي لما عرفتي انه بيروح واصلا هذا اهو السبب اللي بيخليج تروحين تسوين جدولج...صارخت نوف وتضايقت لانها عرفت حقيقة مشاعرها اهي لحد الحين مو راضيه تنطقها لكن اهي عرفت هالشي وهذا خلاها تعاند انتبهت نوف انها بالسياره وان بعض السائقين يشوفونها بأنتقاد ... وصلت نوف للجامعه ودخلت على مكتب العميد خلصت اوراق وقف القيد وراحت تسجل جدولها وعشان تعاند بنفسها وتبين لنفسها ان ما في شي بينها وبين مشعل سجلت 19 وحده ما حست نوف بالوقت ولما شافت ساعتها لقتها الساعه 2 الظهر... كان بودها ان تلفونها كان معاها على الاقل كانت دقت على اهلها وقالت لهم انها بترد متأخر ... ركبت نوف سيارتها وراحت للبيت ولما دخلت البيت لقت خواتها ناطرينها عند الباب ركضت عليها عبير وشافتها...[/font]​

[font=&quot]عبير: نوف انتي وينج؟...[/font]​

[font=&quot]نوف: شفيكم شصاير؟...[/font]​

[font=&quot]عبير: كنا نحاتيج اشلون تطلعين من البيت من غير ما تدقين علينا ولا تعلمينا ؟... [/font]​

[font=&quot]نوف: نسيت تلفوني... وبعدين ما صار شي انا ....[/font]​

[font=&quot]ابتسام مقاطعه: نوف؟.... وين كنتي؟... خوفتينا عليج... صرنا ندورج ولما عرفنا انج طلعتي بسيارتج وخليتي تلفونج استخفينا على بالنا انج نحشتي...[/font]​

[font=&quot]نوف بعصبيه: هذا اذا كنتوا جايبيني من مكتب خدم..... وبعدين وين بنحاش؟... وين بروح؟...[/font]​

[font=&quot]غدير: اسألي نفسج؟... في احد يطلع من بيته الساعه 6 ونص.... انا دخلت دارج هالحزه وما لقيتج موجوده فيها... ولما سألت روزا فقالت انج كنتي توج طالعه ولما كلمتج ما رديتي عليها.... [/font]​

[font=&quot]نوف: ما انتبهت لها....[/font]​

[font=&quot]عبير: حركتج هاذي خوفتنا عليج اكثر ....[/font]​

[font=&quot]ساره: ومشعل المسكين قام يدور عليج...[/font]​

[font=&quot]نوف بصدمه: شنو؟...[/font]​

[font=&quot]ما حست نوف الا واحد ساحبها من ذراعها من ورى خلاها تلف عليه.... شافت نوف مشعل وعرفت هالنظرات عرفت ان مشعل بقمة عصبيته وكان ممكن انه يذبحها... صك مشعل على اسنانه وقالها بعصبيه...[/font]​

[font=&quot]مشعل: وين كنتي؟...[/font]​

[font=&quot]عصبت نوف من حركة مشعل... وسحبت ايدها منه لكن قبضته كانت اقوى...[/font]​

[font=&quot]نوف: هدني... وخر عني...[/font]​

[font=&quot]مشعل: مو قبل ما تقوليلي وين كنتي؟...[/font]​

[font=&quot]سحبت نوف الورقه من جنطتها وبكل عصبيه حذفتها بوجهه... وفلتت نفسها منها بالقوه...[/font]​

[font=&quot]نوف: اقرى وانت تعرف...[/font]​

[font=&quot]اخذ مشعل الورقه من على الارض وشاف نوف بعصبيه وكأنه بيكسر رقبتها على هالحركه لكنه تمالك اعصابه بقوه عشان ما تفلت منه... قرى مشعل الورقه وعرف انه جدول نوف استرخت عضلات مشعل وحس بنوع من الراحه ...[/font]​

[font=&quot]نوف بعصبيه: كنت بالجامعه اسجل مواد وما انتبهت للوقت ومر بسرعه من غير ما احس....[/font]​

[font=&quot]رفع مشعل عينه وشاف نوف بأبتسامه غامضه... توترت نوف لابتسامته وردت عليه بخوف وعصبيه بنفس الوقت...[/font]​

[font=&quot]نوف: وشفيها يعني لو انسى تلفوني بالبيت...[/font]​

[font=&quot]كان مشعل ساكت ويشوف بالجدول ولما انتبه انها مسجله 19 وحده حس بنوع من خيبه الامل يعني اهي فعلا تبي تتخلص منه... رد مشعل بهدوء وقال لها ...[/font]​

[font=&quot]مشعل: ماتوقعت انج راح تنصاعين لاوامري بهالسرعه...[/font]​

[font=&quot]عصبت نوف من كلمة " تنصاعين" لان فيها من الذل والخضوع ردت عليها وكأنها ما اهتمت لكلامه...[/font]​

[font=&quot]نوف: انا قلت لك اني بتخلص منك بسرعه....[/font]​

[font=&quot]سحبت نوف الجدول وراحت للبيت... لما ادخلت لقت امها بوجهها توترت وحاولت انها تهدي امها لان امها اكيد كانت خايفه عليها...[/font]​

[font=&quot]الام: ها يا نوف رديتي؟... الله يهداكم تأخرتوا حيل ...[/font]​

[font=&quot]نوف مستغربه: ها؟.. شـ...شنو؟..[/font]​

[font=&quot]دخل مشعل ورى نوف بسرعه وقال لمرت عمه ...[/font]​

[font=&quot]مشعل: هلا مرت عمي ... ما عليه خذانا الوقت ومن غير ما نحس... انتوا خلصتوا الغدى لاني جوعان حيل....[/font]​

[font=&quot]الام: اي والله خلصناه روحوا غيروا ملابسكم على ما اغرف لكم...[/font]​

[font=&quot]ردت نوف بسرعه واهي صاعده لدارها....[/font]​

[font=&quot]نوف: انا ما ابي اكل...[/font]​

[font=&quot]شاف مشعل نوف بغضب لكنه تجاهلها وراح ورى مرت عمه... شافت ابتسام اسلوب نوف وحتى باقي خواتها وما عجبهم ردها... صعدت ابتسام لغرفه نوف وقبل ما تدخلها اسمعت نوف تبجي سمعتها تتمتم بكلمات بس اعرفت تفهم منها السبب اللي خلاها تبجي....[/font]​

[font=&quot]نوف: شسوي؟... ما اعرف اتصرف؟... انا ليش كلمته جذي؟... ليش اسلوبي حقير معاه؟... اشمعنى اهو؟...[/font]​

[font=&quot]بجت نوف بحرقه ووقفت ابتسام عاجزه انها تدخل وتكلمها... سمعت نوف تبجي بألم وحسره سحبت ابتسام نفسها بقوه ومدت ايدها عشان تفتح الباب بس سمعت نوف تقول...[/font]​

[font=&quot]نوف: يبه انا محتاجتك معاي ما اعرف منو عدوي ومنو صديقي...[/font]​

[font=&quot]انكسر خاطر ابتسام على اختها اللي قاعده تعاني من مخلفات عنادها.... مسكت ابتسام مقبض الباب عشان تدخل لكن جت ايد من وراها تمنعها التفتت وراها فشافت مشعل واقف وراها وكان واضح انه سمع كل شي لان ملامح وجهه تغيرت وكأنه تعاطف مع حالة نوف... مشت ابتسام وخلت مشعل واقف يسمع بجي نوف ....[/font]​

[font=&quot]رن تلفون مشعل وشاف المتصل وكان يوسف...[/font]​

[font=&quot]يوسف: صباح الخير...[/font]​

[font=&quot]مشعل: هلا...[/font]​

[font=&quot]يوسف: اوف ليش متضايق ...[/font]​

[font=&quot]شاف مشعل باب غرفه نوف بضيق ونزل لدور الاول وكلم يوسف..[/font]​

[font=&quot]مشعل: شبغيت ترى والله مو فاضيلك...[/font]​

[font=&quot]يوسف: اوكي انا اسف بس بغيت اقولك ان حمد اتصل وقال انه لازم يرد وانك انت معطله على شغله...[/font]​

[font=&quot]مشعل بضيق: اوووف قوله ينطر شوي انا تعبان حدي توني ما خلصت من مشكله القضيه ... قوله ينطر شوي..[/font]​

[font=&quot]يوسف: اوكي خلاص على راحتك انت اخذ الامور بهدوء ولا تشد على نفسك ...[/font]​

[font=&quot]مشعل: يصير خير...[/font]​

[font=&quot]صك مشعل التلفون الا يسمع ابتسام تناديه...[/font]​

[font=&quot]ابتسام: مشعل...[/font]​

[font=&quot]مشعل: هلا ابتسام بغيتي شي...[/font]​

[font=&quot]ابتسام: لا بس امي بغتك بغرفتها تقول روح لها الحين ضروري ...[/font]​

[font=&quot]راح مشعل لغرفة مرت عمه وطق على الباب ..[/font]​

[font=&quot]الام: ادخل يا مشعل ..[/font]​

[font=&quot]دخل مشعل الغرفه وكانت مرت عمه قاعده على السرير سحب له كرسي وقعد عندها.. امسكت ام ابتسام ايد مشعل وقالت له...[/font]​

[font=&quot]الام: شلونك يا ولدي, عسانا ما استنزفنا طاقتك كلها..[/font]​

[font=&quot]مشعل: لاوالله.. شدعوه يا مرت عمي انا كلي لكم ....[/font]​

[font=&quot]الام: بارك الله فيك يا ولدي... مشعل..[/font]​

[font=&quot]مشعل: هلا مرت عمي... امري بغيتي شي؟.[/font]​

[font=&quot]الام: وصايتي لك نوف يا مشعل..[/font]​

[font=&quot]تفاجأ مشعل من كلام مرت عمه وتضايق بنفس الوقت ...[/font]​

[font=&quot]مشعل: الله يهداج يا مرت عمي شقاعده تقولين؟..[/font]​

[font=&quot]الام: ادري ان نوف عنيده وما تتحمل احد يفرض عليها شي اهي ما تبيه, بس والله انها طيبه وعلى نياتها صدقني يا مشعل ان نوف احن وحده بخواتها لكن اهي دايما تعتمد على نفسها وتحاول انها ما تحمل احد مسؤليتها اهي بهالتفكير تعتقد انها تريحنا لكن هذا يضايقنا حيل احنا اهلها ونبيها تعتمد علينا في بعض الاحيان ... لكن اهي ترفض هالشي.... ما عليه يا ولدي تحملها شوي تراهي بحسبت اختك...[/font]​

[font=&quot]رفع مشعل عينه بسرعه لمرت عمه وكأنه انصدم من ردها وقالها بذهول..[/font]​

[font=&quot]مشعل: ليش تقولين جذي يا مرت عمي ؟... انا ما اقدر اشوف نوف كاخت لي ابدا ولا اقدر اعاملها مثل ما اعامل باقي البنات... نوف بالنسبه لي شي ثاني... شي بعيد عن الاخوه...[/font]​

[font=&quot]الام: يا ولدي انا مسامحتك فيها وانا واثقه انه عمك ناصر الله يرحمه كان راح يسوي مثل ما سويت... شوف يا مشعل ادري ان امنيه عمك ناصر انك تتزوج نوف لكن اللي اشوفه جدامي احس اني راح اظلمك واظلمها معاك ....[/font]​

[font=&quot]كانت كلمات ام بتسام مثل السيف لما يقطع اخر حبل للامل ما قدر مشعل يتقبل كلام مرت عمه ولا انه يرضى فيه عصب مشعل وقف بقوه وقال لمرت عمه...[/font]​

[font=&quot]مشعل: مرت عمي هذا مو وقت هالموضوع انتي ريحي نفسج الحين انا بطلع ...[/font]​

[font=&quot]مشى مشعل للباب بس صوت مرت عمه وقفه...[/font]​

[font=&quot]الام: مشعل, فكر بنفسك يا ولدي ... لا تنسى نفسك وتنشغل بأمورنا...[/font]​

[font=&quot]مسك مشعل مقبض الباب ولف وجهه لمرت عمه مع ابتسامه مصطنعه ...[/font]​

[font=&quot]مشعل: ما عليه يا مرت عمي انتي ارتاحي الحين ولا تفكرين بشي ثاني..[/font]​

[font=&quot]طلع مشعل من الغرفه وشاف عبير وشوق بوجهه وكان واضح انهم استمعوا للحديث اللي صار بينه وبين مرت عمه...[/font]​

[font=&quot]عبير: كنت داريه ان في شي بينك وبين نوف...[/font]​

[font=&quot]شوق: انت ليش ما قلتنا من البدايه ان العم ناصر كان يبيك لنوف؟..[/font]​

[font=&quot]عصب مشعل وقالهم بتحذير ..[/font]​

[font=&quot]مشعل: اذا الكلام هذا طلع لاحد ما تلومون الا نفسكم...[/font]​

[font=&quot]مشى مشعل وتجاهلهم البنتين الفضوليتين وخلاهم يسرحون بفضولهم...[/font]
[font=&quot][/font]
[font=&quot]كان هذا البارت الثالث عشر وان شاء الله عن قريب انزل البارت الرابع عشر [/font]
[font=&quot]مع تحياتي ودمتم بود[/font]
[font=&quot][/font]
[font=&quot]لا تنسون الردود ابي اعرف اذا القصه لحد الحين تذكروناها ولا خلاااااص نسيتوهاااا[/font]
[font=&quot][/font]
[font=&quot]يســــــعدني تواصـــــــــتلكم [/font]​

 

[ماريه كامبل]

ممكن من الكاتبه ادزلي رابط الروايه قبل .لأني دورت عليها ماالقيت. يااخي حمستووووووووني .بليز ممكن الرابط .ابي اكمل معاكم.وسارونا ماقصرت .حمستني اكثر و اكثر .لووووووول

 

[AlZayn]

Waaakheraan nazltaay partttt!!!
Matt9wren shkither wanstena!!
Thanks thaanks!!!

 

[مريوم]

ثنكس حبيبي على البارت حددددة عجيييب وانا كنت قاريه الروايه من زمان بس من كثر ماهي حلوة ليلحين ذاكرة الاحداث وناطرينج حبيبتي لاتطولين علينا

 

[Føzöø]

Waiting 7yatee

 

[خوخه تحب الدوخه]

ممكن من الكاتبه ادزلي رابط الروايه قبل .لأني دورت عليها ماالقيت. يااخي حمستووووووووني .بليز ممكن الرابط .ابي اكمل معاكم.وسارونا ماقصرت .حمستني اكثر و اكثر .لووووووول

http://www.q8yat.com/t417691.html

حبيبتي هذا رابط الروايه​