نوف ومشعل>> عادت بعد 4 سنوات

[آنين الؤرؤد]

تكفيييييييييييييييييييييييين كمليها ليشششش وقفتي ورينا ابداعك يا مبدعه واذا ماتقدرين علمينا متى بتنزلين البارت عشان محد يتعبك بالردوود ومالك دخل باللي يتسهزءون على الروايه او انك ما كملتيها تكفيين كمليها الى الامام يا مبدعهه

 

[AYUMIQ8]

كانت صدمتي كبيره لما شفت مسلسل عطر الجنه... شلون؟ وليش؟... ومنو؟...
كانت تساؤلات كثيره براسي حسيت اني اشوف نسخه مشوهه من روايتي نوف ومشعل...
للاسف الكاتب اللي اخذ الشخصيات الرئيسيه بحذافيرها من دور وحوار وغير الالشخصيات الثانويه عشان تنسب له القصه من غير ما اعارض ولا اقول انها قصتي ...
انا مصدومه من اللي صار شلون قصه من 5 سنين تداولت بالمنتديات على اسم غسق الكاتبه.... القاها محرفه بطريقه ممله وبشخصيات تافهه لكنها حافظت على الحبكه الاساسيه من حوار وادوار... تحت اسم (عطر الجنه) وكان رد الكاتب لهذا الموضوع انه توارد افكار!!
لكل من قرى القصه... انتوا حسيتوا ان مقطع هيا عبد السلام وحمود بوشهري كان ممكن يكون توارد افكار ولا كان نسخ ولصق؟!
انا اصرح واقول لكل من تابع عطر الجنه... ان القصه قد سربت من المنتديات الى اوراق الكاتب من دون وجه حق... فلم يستاذن مني او حتى يشاورني باقتباس شخصياتي... فانا ما احلله ولا ابيحه لانه قد اخذ موهبتي وانتسبها لنفسه...
وانا اتحدى الكل اذا ما نجح المسلسل بسبب شخصياتي اللي كتبتها لان الشخصيات الباقي كانت تعبر عن كتابته هو وليس انا
حسبي الله ونعم الوكيل بكل من ضلمني واخذ حقي... اتمنى من الكل انه يسوي حمله ضد المسلسل لان القصه ما اشتهرت الا بسببكم لانكم حبيتوها وعشتوا احداثها... فساعدوني ارجوكم عشان احافظ على حقوقي الفكريه ...​

 

[سلطانة الاحساس]

وهيااا اخيراً

 

[samo0o0ra]

حسبي الله عليهم
الله لا يوفقه من سنين هذي الروايه
و أنا نتابعه الروايه من أول شيء
لحد ألحين حسبي الله عليهم
المسلسل نفس الروابه
تكفيين احنا ناطرينج من زماان وما صدقنا
انج نزلتي البارت الثالث عشر
تكفين كملي و احنا وياج نزلي
البارت الرابع عشر من زمان و احنا ناطرينه
تكفين كمليها

 

[samo0o0ra]

يا أختي لقيت الكاتب عنده تويتر اسمه حمد بدر
يقول : حكت لي صاحبة القصة و طلبت أن أتناولها في احد مسلسلاتي وهذا ما حصل
نقلت اللي كاتب
ويقول قصة عطر الجنة حقيقية

ويقول أيضاً الكاتب

عطر الجنة خط هند و بدر قصة حقيقية كتبتها بناءً على طلب أصحابها دون ذكر أسماء و العائلة
و جميع الشخصيات أخذتها من الواقع و الكل يقول عن أي خط قصتنا

 

[علمني كيف احبك]

ما قريت رواية بس سمعت ان اهي وايد حلوة عقب رمضان ان شاء الله بقراها بس المسلسل هم حلوو

 

[maitha1995]

أنا شفت المسلسل وحسيت أنه نفس الروايه ولما قلت لوحده قالت أي أنه يقولون أنها رواية نوف ومشعل وهذا دليل على إن الناس عارفين أنها روايتك إلحمدالله وانا اشوف انك تكملينها الحين ولا عليك من أحد

 

[غاليه الاثمان]

السلام عليكم
ليش ماتكملين الروايه؟
انا حبيت روايتج واعتب عليج انج ماكملتيها
ورديتي بعد انقطاع اربع سنوات ولقيتي اغلبنا ذاكرين احداثها وعلى امل انها تكتمل ولا اكتملت للاسف
ورجعتي مره اخرى لما اثير الجدل حولها ومسلسل عطر الجنه
كلنا عندنا امل انج تكملينها واتفق مع الكل انه روايه نوف ومشعل هي الاصل وليس عطر الجنه
هذا طلب اللي تابعو روايتج انا اشوف انج متابعه الموضوع لهذه اللحظه وفكري بمحبين الروايه

انتي وعدتي ووعد الحر دين:eh_s(7):

 

[maitha1995]

افف يلاا متتى تككمللينهاا :''''(

 

[نظرتي فيها غموض]

انزين بما انه ماخذ القصه منج ليش ماتكملينها وتعطينا النهايه ..
اكيد انها ماراح تكون مثل قصتج اللي انتي كاتبتها لاننا معاج من اربع سنين او خمسه ..
وبعدين فيه فرق صحيح اتوقع ان المحتوى مثله بالضبط بس النهايه اكيد تختلف لان كل واحد منكم له افكاره ..
واعتقادي ان نهاية قصتج افضل بتكون :$
بس بليييييز كمليها والله تعبنا وحنا ننتظر '$​

 

[سعوديه 1]

والله تحمست اني اقراها ممكن البارتات كلها تنزلينها من الاول

او حطي لي الرابط اللى القي فيه الاجزاء السابقه ومشكوره ,,

 

[فـــخـــر]

ما أنصحج تكملينها بتكون النهاية مختلفة بين الرواية والمسلسل

وحتى لو تبين تاخذين حقوقج منه ماراح تقدرين .


* حسسافة عليه والله كاتب وكل هالتاريخ آخرتها غلطة خربت عليه .

 

[أحلى الحور]

حبيبتي انتي شوفي جم سنه وانتي ما كملتي الروايه
وفي بنات اليما الحين ينطرون التكملة وانا وحدة منهم هذا دليل على ان رواتج ناجحه
ولو انها مو حلوة جان ما اخذ روايتج وظاف عليها احداث وسواها مسلسل بس هني التحدي
انتي راح تكملين الروايه وتحطين لابطالها اللي هم نوف ومشعل نهاية واهو بحط نهاية مختلفة
تماماً لابطال المسلسل هند وبدر على ما اعتقد وبنشوف تكملتة لروايتج شلون بتكون
بس بصراحة دام الرواية فيها تكملة انا ما عندي استعداد اشوف المسلسل اليما اخلص قراءة الرواية
واتمنى لج التوفيق والنجاح

 

[Maryam_]

صح كﻻم البنات

حبيبتي ما يصير معلقتنا 4 مادري 5 سنين بدون نهاية
دامج رجعتي سويلج نهاية
اكيد الكاتب شاف 5 سنين صاحبه الرواية ماتدري عن روايتها

 

[Dallall]

تكفيين كملي الروايه
انا سجلت بالمنتدى علشان روايتك
بلييييييز كمليها والله متحمسه للتكمله
بانتظارك

 

[No.promises]

السلام عليكم ورحمة الله وبركاته

عزيزتي الكاتبه :

شتان ما بين الروايه والمسلسل كما الفرق بين الثرى والثريا
روايتك عزيزتي محبكه فيها روح المغامره والتحدي احداثها مشوقه جداً ؛ مما يجعل القارىء متحمسا لقراءتها
ولأجلك قاطعت المسلسل احتراماً لحقوقك


ولا تهتمي عزيزتي لمن سرق روايتك لانه لايمكنه الوصول الى حبكة وتشويق روايتك.

بأنتظارك