هااام لمغتربات امريكا

[درر 86]

السلام عليكم خواتي
ابي مساعدتكم
انا راح اروح بعثه لدراسة الماستر بأمريكا وزوجي بعد راح يروح بعثه للدراسه بامريكا
وكلنا عن طريق جامعة الكويت يصير نختار جامعه وحده لانه كلنا نفس الكليه وتخصصنا متقارب
وبغيت اسال راح نقدر نوفق بين دراستنا وعيالنا واذا بخلي عيالي يدرسون هناك هل راح يكون دوامنا بنفس وقت دوام عيالنا لانه صعبه يطلعون من المدرسه ويقعدون بالبيت بروحهم لانهم صغار
منو مجرب هالوضع يفييدني​

 

[درر 86]

للرفع

 

[Japanese]

ماجربت بس رفيجاتي بآميركا اغلبهم متزوجات والحياه حلوه وبعضهم بعد بروحهم بآميركا مب مع رياييلهم يعني

وعادي يعني

لاتحاتين كلش والله يوفقلج ان شاء الله

 

[درر 86]

تسلميين يااحيااتي عالرد
بس انا اقصد اذا انا وزوجي ندرس
شلون راح يكون الوضع ودراسة العيال
ما ادري شلون بيكون

 

[بولندية]

ماعندي بس حبيت ادعي لكم بالتوفيق

 

[fnantq8]

اثنينكم تدرسون هاذي مشكله منو بيقعد عند العيال؟

اذا اعيالكم اصغار اتحطونهم بالحضانه و عادي بس اذا كبار شوي لازم في احد معاكم يقعد مع اليهال

 

[Japanese]

بالضبط مثل ماقالت الآخت مافي الا الحضانه day care الين مايدشون مدارس ،، الدي كير تقدرين تسجلينهم دوام كامل مثلا

من 8 الصبح لين 6 المغرب او نص دوام اظن 4 ساعات باليوم او شي جي وعلى حسب المنطقه والحضانات اللي فيها اشلون

من احين دوري بالنت

وعاد انتي وريلج بعدين تقدرون ترتبون سالفه الكلاسات ماتكون بوقت طلعت اليهال وجذي

 

[loolat^mady]

عادي حبيبتي لاتحاتين انا كنت نفسج انا وريلي وخلصنا ماستر الحمدلله.. كلشي اوله صعب بعدين تتعودين.. الحضانات من الصبح لي الساعه 5 يعني طول اليوم اهمه هناك.. اول شي بيعورج قلبج بعدين بيعورج قلبج اذا طلعوا منها وردوا الكويت الحضانه تريحج لان اتتعب اليهال يردون البيت تسوينلهم عشا وينامون.. والغربه راح تفرض على ريلج يساعدج وبتشوفين بيحن عليج بروحه وبتتساعدون وانشالله تمر الايام بغمضة عين.. انا بالماستر كان عندي كلاسات بليل ف دورت حق اليهال nanny ولقيت من نفس الحضانه ..سألي بحضانتهم لان اغلب اللي بالحضانات يدورون معاش ثاني فيقدرون اييونج بليل اذا احتجتي.. وهم بقوقل تقدرين تدورين ناني بس دوري من شركة عشان يكوون اضمن من وحده بروحها تشتغل.. الحضانة والناني صج بيمصون فلوسكم بس التعب وراه راحه ..وهم انا طالعه من جامعة الكويت ف معاشي الامريكي كله كنت اقطه عالحضانه والبيبي سترات.. واي سؤالا انا حاضر واذا تبين ايميلي راسليني عالخاص وموفقه ياربي

 

[gamerboba]

السلام عليكم

ما تخافي اختي في امريكا لو بتدرسي من حقك تدخلي اولادك المدارس Early Head Start

وعلى حسب معاشك بيساعدوكي يعني ممكن ما تدفعيش اي شئ كمان لمدارس الاولاد

وبياخدوهم من 6 صباحا الى 6 مساءا بس دا يتوقف على الولايية اللي هتدرسي فيها

واي شئ راسليني انا لي 12 سنة في امريكا​

 

[الحياه الفاخره]

موفقققه حبيبتي

 

[بنت عررب]

الله يوفقك