هارديسك خارجي

[براءة طفوله]

السلامـ عليكمـ

ندخل بالموضوع على طول >>> ما عندها وقت :tomato2:

بسوي فورمات لجهازي .. بس ما ابي ملفاتي ومجلداتي و شغلي يطير :eh_s(16): >>> سيدة أعمال هههههه

و ما شاء الله شغلي وايد >>> مهمه الاخت ههههههه

المهمـ أنصحوني البعض بهارديسك خارجي و البعض بفلاش ميموري

فقلت أشاوركمـ ؟

فاللي مجربات و سيدات أعمال مثلي :eh_s(3): شرايكمـ أي احسن فلاش ولا هارديسك ؟

و كمـ سعر الهارديسك و سعر الفلاش ؟


انتظركمـ قبل يطير شغلي :eh_s(1):


:eh_s(7):

​

 

[بدوية اصيلة]

اختى طبعا الفرق كبير وايد بين الفلاش والهارد الفلاش ما يشيل شى واجد لان مساحته للن تتعدى 8 جيجا وسعره
حسب حجمه بس ما يزيد عن 10 دنانير لكن الهارديسك الخارجى تقدرين تحطين عليه مساحة كمبيوتر كامل لان مساحته تبدا من 40 جيجا ل 200 جيجا ويتراوح السعر من 15 دينار الى 30 دينار حسب المساحة وانصحج بالهارد الساتا لانه اسرع وانا انصحج بالهارد ديسك الخارجى لان عملى اكثر من الفلاش وتقدرين تنقلين كل جهازج والملفات اللى تابيها

 

[منطلقة بطموحي]

وعليكم السلام ورحمة الله وبركاته ..

اختي انصحج بالـ هارد ديسك ..

الفلاش ميموري حق شغل سريع و بسيط و ملفات قليلة ..

الهارد ديسك احسن لج ..

تلاقين احسن النوعيات في الكترونيات الغانم ..

شركة Buffalo ممتازة ..

 

[MiSs_ViSTa]

hared desk a7ssn

 

[عالي مستواها]

الهارديسك الخارجي أكبر مساحة لكنه مو عملي .. يعني يوصل حجمه بالــ 100 جيجا أو أكثر " ينفع للبروقرامز " يكون وزنه ثقيل مقارنه بالفلاش وحطي ببالج انه حساس يعني اي طيحه ممكن تتلف البيانات اللي فيه وطبعــًا أغلى من الفلاش

الفلاش ممكن تحصلين 10 جيجا كحد أقصى عملي ومحمول يتحمل الصدمات ورخيص وأسعاره ما تتعدى الــ 20 دينار على حسب الشركة والحجم

حطيت لج مميزات وعيوب كل واحد فيهم والإختيار لج

 

[lina229]

الهارديسك الخارجي أكبر مساحة لكنه مو عملي .. يعني يوصل حجمه بالــ 100 جيجا أو أكثر " ينفع للبروقرامز " يكون وزنه ثقيل مقارنه بالفلاش وحطي ببالج انه حساس يعني اي طيحه ممكن تتلف البيانات اللي فيه وطبعــًا أغلى من الفلاش

الفلاش ممكن تحصلين 10 جيجا كحد أقصى عملي ومحمول يتحمل الصدمات ورخيص وأسعاره ما تتعدى الــ 20 دينار على حسب الشركة والحجم

حطيت لج مميزات وعيوب كل واحد فيهم والإختيار لج

انا رايي من راي الاخت عالي مستواها .. روحي CAREFOUR تلاقين فلاش 5GB ب 5 دنانير يمكن او اقل بعدين الهارد ديسك ما تقدرين تشيلينة وياج مثل ال فلاش اللي تقدرين تدلقينة كميدالية بسويتج السيارة

Good Luck

 

[NoWay2know]

نصيحه اخذي اثنيهم
واحد تخزنين فيه كل شي
والثاني فلاش ميموري تخزنين الاشياء البسيطة شغلج اليومي واذا ينفع بعد خزني فيه كل شي

لو اخترب واحد ، على الاقل الثاني يشتغل ومايروح شغلج

 

[##أم رابعة##]

جزاج الله خير والحلاوة آنتين 000بصراحة كنت بسأل نفس السؤال عن الهارد الخاجي والحمدلله بروح اشتريه بعد الردود السابقة ودمتن

 

[7alawa]

انا عندي هارديسك 160 ج ب شاريته من سلطان سنتر ب 25 دك
مساحته كبيره و سعره ارخيص
انصحج فيه

 

[براءة طفوله]

جزااااااكمـ ربي خييييير

ما قصرتوا

:33_1185028183:


​

 

[صاحبة السمو الملكي]

براءة طفولة نفس الشي بالنسبة لي
محتااااارة بين الهارد ديسك والفلاش
بس أنا عندي معاناه من الفلاش لانة كل يخترب

 

[براءة طفوله]

هلا صاحبة السمو >>> خطييير الاسم هههههه

يمكن أنتِ تحطين الفلاش جنب الموبايل سمعت انه يخترب و الله أعلمـ

انا مشكلتي احمل برامج حجمها كبير مثل الفوتو و الفلاش والسويش ..إلخ ... فيصير ع الجهاز ضغط ... فأحسن هارديسك خارجي

أما الملفات بحفظها بالفلاش و اسوي للجهاز فورمات بس يرجع برجع كل ملفاتي فيه ... و البرامج بخليها ع الهارديسك الخارجي

 

[صاحبة المعالي]

كان عندي فلاش ميموري هدية عيد ميلادي .. 512 و ضيعت مغطتها وكرهتها

توني اول امس خذيت هارد ديسك .. 320 قيقا بــ 45 دينار ( من جرير .. بس حق البرامج و الدوام)

و قبله عندي هارد ديسك 160 قيقا كنت ماخذتها بــ 23 دينار من حولي ( حق الافلام)

و عندي فلاش ميموري اول ماهبينا فيهم 1 قيقا 27 دينار <--- مقلب

و بعدين خذيت فلاش ميموري صغيره بالحجم ,, 4 قيقا بــ 8 دينار

و توني خذيت فلاش ميموري نتفه و غطاها مايطيح حجمها 16 قيقا بــ 18 دينار


وسلامتج وتعيشين ..


بس الاحسن يكون عندج هارد ديسك و فلا ش ميموري

و انتي حسب شغلج .. تحتاجين سايز كبير او لأ

اذا كل سوالفج دوكيومنت اخذي فلاش ام 4 قيقا .. هم تقدرين تشيلين فيها صور و اغاني

و الهارد ديسك .. اخذي سايز كبير .. لانج ماخذ ماخذه .. و تقدرين تخلينه باك اب حقج او تشيلين

فيه اغراضج وقت الفورمات


انا عندي وايد فلاشات و هارد ديسكس .. لاني مبرمجه ..

وعندي كمبيوتر بي سي .. مخليته باك اب سيرفر ..